لا مفر فأنت ملكي للأبد (قصة مغربية)

الجزء 14

بعدما بقات مدة وهي كتهضر مع شهيدة لي توحشاتها بزاف حيت دغيا دخلات لقلبها  وولات عزيزة عليها رغم انهم دوزو غير مدة قليلة ..وحتا ناصر شاف الإنسجام لي بيناتهم دوزو مدة طويلة وهوما كيهضرو و شهيدة علمات  شغف انها غادي تجي عندها السيمانة الجاية رغم انها كانت مقررة تجي حتا يقرب لعرس لكن خرجت ليها خدمة فالمغرب على قبل معرض غادي يعرضو لوحاتها ونيت توحشات أمين وشغف  وحتا بلادها رغم انها دوزات مدة طويلة فإسپانيا لأنه كانو عندها بزاف ديال الذكريات الزوينين لي خلاوها تتعلق بديك البلاصة لي هي إشبيلية (مدينة ف إسپانيا)

                              🌹🌹🌹🌹

بعدما سالات شغف هدرتها مشات للدريسينغ لبسات عليها وخرجات كتنشف فشعرها  وطالقة لموسيقى أجنبية على جهدها وكتحرك معاها حتا لقات راسها منغامسة معاها وكتحرك بدون شعور

خولة(كتهضر بالجهد باش تسمعها):شغغغف
شغف:مكنسمعش ...اجي
خولة(داخلة لابسة پيجامتها):(وبدات كتشطح هي وياها وكينقزو حتا سخفو طاحو بجوج متكيين فلفرشة كيشوفو فالسقف )مجاكش الجوع
شغف:قتلني الجوع ...
خولة(تمات نايضة):تسناي انا نعيط ليهم يجيبو لينا شي حاجة
شغف(حبساتها):لا غير خليك انا نمشي نجيب شي حاجة ناكلوها
خولة:واخا راه قتلني الجوع (ورجعات تكات كتهضر مع أمين لي صونا ليها)

بعدما هبطات شغف دخلات عليهم لكوزينة فحال العجاجة

شغف:وجدتو دكشي لي گلت ليكم
الخادمة:اه ا مادموزيل شغف كلشي واجد
شغف(فرحانة):صافي مزيان ..اااه وقاديتوه فالجردة
الخادمة:اه راه تكلفو الخدامين لخريين بيه
شغف(خرجات غادة كتشوف دكشي وصونات على امين):فينك واش قربتي
أمين:هاني وصلت للقصر
شغف(مبتاسمة):يالاه طلق راسك

بعدما قطعات معاه مشات كتجري للفوق دخلات على خولة حتا خلعتها

خولة(شادة فقلبها):ناريي ياربي سلامة مالكي على هاد الدخلة ....مالكي كتنهجي
شغف(قادات شعرها):(كتحاول تلتقط انفاسها)لا غير جريت من لتحت لفوق
خولة:اه ..وفين هي لماكلة راه قتلني الجوع..شفتك مجبتي والو
شغف:هاا لا عندي فكرة أخرى شبان ليك نخرجو نسهرو برا
خولة(خرجات عينيها فيها):شغف من ايمتا وحنا كنخرجو نسهرو برا(ناضت عندها كتقيس ليها فراسها)لا السخانة طالعة ليك
شغف(مدلية شفايفها):لمهم ليوم بغيت نخرجو نبدلو لجو (جراتها غادة بيها لبيتها)
خولة:شغف ا مالكي جاراني..اويلي
شغف(دخلات معاها للدريسينغ):هاكي لبسي هاد الحمرة غادي تجيك زوينة
خولة:حنا غادي نتعشاو ولا غادين نزهاو
شغف(خبطاتها لضهرها)
خولة:ايي صافي صافي انا نلبس
شغف:عندك 10دقايق دغية انا نلبس ونجي(ومشات كتجري لبيتها)
خولة(شدات فراسها):والله لبنت حماقت ...هادا ميكون غير ناصر من نهار دخل علينا وهي كتهترف ويلي لبنت مشات ...صافي حماقت(وبدات كتلبس دغيا)
          
                              🌹      🌹         🌹      🌹