لا مفر فأنت ملكي للأبد (قصة مغربية)

الجزء 12

بعدما دخلت شغف طالعة لبيروها وهي باقا ممصدقاش هادشي لي داير ناصر كانت دنيا مقلوبة سفاها على علاها لداخل أجهزة مراقبة كيتركبو من اول وجديد ولي گارد ....دخلات نيشان لبيرو ديالها تبعات خدمتها حيت عندها لخدمة بزاف من بعد ممشات لإسپانيا .... حيت عارفة راسها واخا تعيا متمتانع على هادشي لي كيدير ناصر مغادي تستافد والو ...

اما خولة عاد تمات داخلة هي وامين شاد ليها فيديها  بزز وحتا هي عاجبها لحال ودايرا راسها عزة نفسي ههه
خولة(مندهشة):خوك والله حتا تسطا ....مالو على هادشي كامل
أمين:عادي هاداك هو ناصر
خولة(حبسات)
أمين:مالك حبستي
خولة(هزات ليه يديه ):يديك
أمين(غمزها ):مالهم
خولة:حيدهم
أمين(عاد.زاد شدهم ودخل معاها):علاش عندك شي مشكل ايلا شافونا ...انا عندي عادي جدا احبيبة
خولة(دارت ليه ضحكة صفرة ودخلات معاه وخا لموضفين كلشي كيشوف وكيهضر)

الموضفة1:ياختي شوفي الناس لي عندهم الزهر ....خايف عليها وجايب جيش ديال الحراس ..او گاع هادا خوف عليها
الموضفة2:ايوا راه سي ناصر هاداك ....ياربي يجيب ليا شي واحد فحالو 
الموضفة 3:غير بقاي تحلمي ...وسكتونا راه يسمعنا شي واحد من هاد لي گارد مشينا فيها
الموضفة1:ناري قلبي ضرني..غير هاد الگارد وشوفي شحال تيتيز ومفورمي
الموضفة3:سكتو سكتو ...خولة جايا
الموضفة1(حالة فمها):واش هادو ناويين يفرقوهم بيناتهم...وهاد خولة مساهلاش كيف دارت ليها ...فقيه صحيح هاداك
الموضفة2(مزال حالة فمها)
الموضفة3:هييه سدي فمك ورجعي لخدمتك بلا ميصدق سامعنا شي حد راه دوك الناس ممعاهمش اللعب

إيلينا (دخلات ورمات ساكها معصبة)
سيف(كيقاد راسو باش يخرج):مالنا ياك لاباس
إيلينا:كتبان ليا نتا گالس هنا ومفراسك خبار
سيف (كيلعب بستيلو فيديه):دوي وباراكا متلعبي ليا على اعصابي
إيلينا (وقفات قدامو):ناصر سافر
سيف الدين(نصف ضحكة):ايوا خبار زوينة هادي
إيلينا(بضحكة شيطانية):مزال مكملتش ...راه سافر و دور شغف بجيش ديال لي گارد وشدد الحراسة فالشركة ديالها اي واحد كيدخل حتا كيتقلب كامل
سيف(ناض معصب):كيفاش ....
إيلينا (دارت يديها على خصرها):ايه كيفما سمعتي ...دابا شوف كيف تفكها حيت راه خططنا كاملين ضربو فزيرو
سيف(ناض خارج)
إيلينا:فين غادي تاني
سيف (شنق عليها من عنقها وكارز على سنانو):غادي نشوف هاد ز*** ديال ناصر لي خصر عليا خططي كاملة ....(رخف عليها وهي مخنوقة )ونبغي نجي منلقاكش كدوري ليا هنا ..فاش نبغيك غادي نعيط ليك ..يالاه قو***
أيلينا(خلاتو حتا مشا وگلسات كترجع نفس):حقيير ..هادشي كامل على قبلها ....غير تسنى نجيب حدايا ناصر  (شافت فصورة شغف لي معلقة فلحيط بكل حقد ) ونتي حسابك مزال ..غادي نتاقم منك (غوتات)كنكرهك 

سيف (غادي بلوطو ديالو حتا وقف قدام الشركة ديال شغف):(دور عينيه على ديك الكمية ديال لي گارد)حقير ومكيسواش ...قريب نهايتك على يدي ..غادي تشوف كيفاش غادي نلعب عليك مزيان ...لا نتا لا هاد لي گارد غادي تقدرو تمنعوني نقرب من شغف