لا مفر فأنت ملكي للأبد (قصة مغربية)

الجزء 24

🌹هزها  بعدما حس بيها ترخات بين إيديه حطها فوق ديك الناموسية الصغيرة لي كاينة تما وتكا حداها...جبدها من خصرها معنقها وموحشها كتر من لقياس
كيفكر فهاد الحالة لي كانت فيها دابا ...وكيفاش فضلات انها تخاطر براسها على انها تبقا معاه ...هضرتها لي حرقات ليه قلبو ...وأكتر حاجة حرقات ليه كيانو ..هي خوفها لي تولد من جيهتو ...خوف غير عادي ...كأنه ولا هو الكابوس ديال اليقظة ديالها.
جرها عنقها كيستنشق ريحتها لي محلات ليه حتا  حاجة من نهار بعدات  عليه ...🌹

ناصر(باسها فوق شفايفها):  حبيبي (عاود بوسة أخرى كأنه كياخد جرعة يتقوى بيها )غادي ندير اي حاجة باش ترجعي ليا ...وعد من عند الزعيم

أمين(غادي عند خولة لي مرمية فوق العشب ديال الجردة وباقا كتنهج):(حنا عندها)مالكي كتنهجي كنتي كتجري
خولة(خنزرات فيه):لهلا يورييك .....(ناضت گلسات )بغيت نفهم غير خوك كيف دار ليها حتا وصل لإيطاليا
أمين(حبس الضحكة):متنسايش راه ناصر فاش كيدير شي حاجة فراسو كيوصل ليها
خولة(تمات غادا):لا متخافش قاديت لأمور ...وشغف دابا طااااايرة لبلاد أخرى
أمين:بغيتي تگولي جايا للمغرب
خولة(دارت عندو بإستفهام)
أمين(داير يدو فجيوبو ):كيفما سمعتي ....ناصر راه جاي هو وياها  للمغرب  غير شي سويعات ويوصلو
خولة(وجهها تمص منو الدم):(بالغوات)كيفاااااااااااااش
أمين(سد ودنو ):بشوية صمكتيني
خولة(شنقات عليه):عنداك يمشي خوك يدير شي حاجة لشغف ....
أمين:واش تسطيتي ...ناصر ميقدرش يآدييها راه كيبغيها
خولة(گلسات فكرسي كاين فالجردة ):ولكن ...(طلقات حلوقها كتبكي)ولااا
أمين(حابس الضحكة ):علااش ..مالكي كتبكي دابا
خولة:ولااا راه شغف مغاديش تبغي تبقى معاه...
أمين(عنقها ):متخافيش ..لأمور بيناتهم غادي تقاد ...غير بلاما دخلي ....
خولة(علات فيه عينيها ):كيفاش....دابا انا كندخل بيناتهم
أمين(ضرب فراسو):راني عارفك كتحاولي تحمي شغف ...انا قصدت غير خليهم مدة بيناتهم وغادي يتصلح كلشي ويمكن يرجع حسن من الأول
خولة :هاا معرفتش ....
أمين(جرها حتا لصقات معاه ):نساي شغف دابا
خولة(خنزرت فيه):كيفاش نساها
أمين:ممم نسايها وأجي نكملو منين بدينا
خولة:راه دويت معاك صافي
أمين(هز ليها يديها):شفت خاتم زواج  لي عطيتك باقي فصبعك
خولة(ضربتها لقوا)
أمين(تم غادي للوطو):راه مزال منسيتش  ...مغاديش نزيد نساين ...وجدي راسك 

الساعة12:30 ديال الليل

شغف كتقلب فبلاصتها وكتصدر أنين خفيف على إتر ضربة خداتها فرجليها فاش طاحت وهي كتجري ...وكيف كل مرة نفس لحلم كيرجع ليها ...ناضت مخلوعة وعرقانة  كتشوف راسها فبيت غريب عليها
ناصر(دخل لبيت مخلوع ):(تمشا جيهتها باش يشوف مالها)شغف ...
شغف(ناضت كتبعد حتا لصقات مع لحيط وكتنفس بصعوبة):متقربش ليا....بعد مني ...
ناصر(مسح على وجهو بقوة ):مغاديش نآذييك كنواعدك ... (وبدا كيقرب ليها بشوية)
شغف(تنفسها تخربق وكتنهج بسرعة  ):لا ....لا متقربش ....مبغيتش نبقا معاك....خليني نمشي فحالي   ...مدرت والو ...خليني نمشي