لا مفر فأنت ملكي للأبد (قصة مغربية)

الجزء 26

🌹بعدما ودعات خولة .... داخلة كتمشى بشوية و بخطوات صغار كأنها كتمنى متوصلش لبيت ..وفعلا هكا كانت كتفكر فلداخل ديالها ...طلعات باش دخل لبيت ...حسات كأن رجليها فاشلين عليها ...كتحاول تجمع شجاعتها ،باش دخل عندو 🌹

ناصر(كينشف شعرو):على سلامة شفتك تعطلتي ...
شغف(اصلا مقادراش تجاوبو ..دخلات للدوش )
ناصر (بقا متبع ليها لعين منين خرجات من الدوش ): متنسايش الدوا ديالك
شغف(خلعها ..دارت قافزة عندو لقاتو متكي فوق الناموسية وشاد قدامو پيسي كيخدم )

🌹ناصر طلع عينيه فيها ...حتا بدا كيتعرق غير بحدو كيشوف قدامو كتلة من الجمال ...لابسة پينوار قصير فلبيض وشعرها كيقطر منو لما ....دغيا هزوه رجليه عندها ...هي غير كتشوفو كيقرب كتبعد لا إراديا ..حط يديه على لحيط ودارها وسطهم 🌹

ناصر(حيد ليها شعرها لفازك على وجهها ورجع فيكسا ليها راسها بيديه باش تشوف فيه ):ممم شكديري فيا نتيي
شغف(كتحاول تبعد عينيها)
ناصر(حط جبهتو مع جبهتها):كيف اخبرك انني أحبك بطريقة تؤلم قلبك ...كما تؤلمني
شغف(رجعات شافت ليه فعينيه ...كتفكر نهار كانو فلأسانسور وگاليها نفس هاد لهدرة..)
ناصر(لمح دمعة حارة هابطة على خدها ....مسحها ليها ):عقلتي باش رديتي عليا داك النهار
شغف(باقا مفيكسية عينيها فعينو وكتفكر اي حاجة دازت بيناتهم)
ناصر(تنهد تنهيدة طويلة ):فات لحال ....شربي الدوا باش تنعسي
🌹🌹🌹

مشات لبسات عليها ورجعات باش تشرب دوا عاطياه بالضهر و هو حاضيها من لمراية كتبكي بصمت ...تكات حداه بعدما طفات الضو.. عطاتو بالضهر ...وكتكتم شهقاتها كترجع كل ذكرى بيناتهم قبل ميوقع هادشي كامل ....
ناصر(جرها من خصرها دورها عندو وخشاها بين دراعو وخلاها على خاطرها بلاما ينطق )

فبلاصة بعيدة كل لبعد ....گالس مقابل مع شخص ...بيديه مشروب ..وجهو كامل مجروح ،ملاميحو مبقاتش باينة بقوة الضرب لي خداه على طول هاد الشهرين ف ديپو ديال ناصر ...ذاق التعذيب بأشكالو و أنواعو ...لا من عند ناصر لا من عند لي گارد ديالو ....كرهو وحقدو زاد تضاعف أضعاف .....

الشخص (مجهول الهوية ):عدونا دابا واحد ....متنساش إتفاقنا ...انا لي خرجتك من لبلاصة لي كان خاشيك فيها الزعيم ....
سيف (ضحك بخبت):منسيييتش ....كون مدخلناش إيلينا من الأول مكناش نوصلو لهادشي ...كون راه كيترحمو عليه ....
الشخص(ضحك بالجهد):نتا لي دارتها بيك ق** ......دابا نسا عليا هادشي ...غدا غادي يجي الطبيب مع الطاقم ديالو حتا لهنا .....مغاديش نزيدو نضيعو لوقت ..لي گارد ديال ناصر قالبين عليك الدنيا ،فأي لحظة يقدرو يدخلو عليك ...هادي احسن طريقة باش تخبى وميعرفوكش...
سيف:اللعب عاد غادي وكيزيان ....

الساعة 3:30 الصباح
حابسين لوطو حدا البحر متكيين عليها وخولة معنقاه ... منين خرجو من عند شغف خولة مقدرتش تمشي ،حيت هاد المدة كاملة وهي كتبقا بحدها ..
أمين(كيلعب ليها فخصلات شعرها):خولة
خولة(بصوت نعسان):ممم
أمين:مجاكش لبرد
خولة(تخشات فيه):لااا ...لجو زوييين..خلينا شوية
أمين:هههه خفتي تبقاي بحدك
خولة(خنزرات فيه):مكنخافش
أمين(بدا كيعيب فيها):لااا متقتلنيييش متقتلنييششش ....
خولة(ضرباتو لكتفو):وراه طبيعي نخاف مالك مكلخ....نتا تابعني بداك الموس وبغيتي منخافش
أمين(شابع ضحك):هههههه
خولة:ضحك باسل
أمين(طلع حاجب وهبط لاخر):اري نشوفو نتي كيف داير (باسها فوق شفايفها)ممم حلووو ....اري نعاود نجرب
خولة(دورات يديها على عنقو ونغامسااات معاه ناسيا راسها)
أمين:ممم مزال منسيتش ليك دكشي لي درتي
خولة(دارت يديها على خصرها):شنو درت تاني انا
أمين(كيحك نيفو مع عنقها):ممم مدرتي واللو ...تفكري
خولة(طالعة معاها تبوريشة ):سمحلي ..
أمين:ممم وعلاش
خولة:حيت وقعو بيناتنا مشاكل هاد الفترة كاملة ،وكنت كنحاول نتفاداك ...ولكن حتا نتا خصك تفهمني راه كنت ....
أمين:عارف بلا متحتاجي تشرحي ...قرب يصبح لحال ..نمشيو؟
خولة(خسرات سيفتها):لااا مبغيتش ...خلينا شوية مزال
أمين:لا مغاديش نخليك تمشي للقصر ....
خولة:فين غادي نمشيو
أمين: معايا

صبح الصباح //الساعة 9:30⏰

شغف فايقة كتحك فعويناتها كتلقا راسها كعنقاه...وماشي حتا هو لي معنقها ..هي لي مخشية فيه ...ناضت دغيا تدخل للدوش ....وهي خارجة قفزات لقاتو قدامها
ناصر(دار ليهها بيديه باش تحيد من الباب)..عاد عاقت ...خلاتو دخل ومشات لبسات عليها.....
ناصر:فطرتي ؟
شغف(دارت ليه براسها لا )
ناصر:اوكي انا نعيط ليهم يجيبوه
شغف(حركات راسها بلا وجبدات ورقة كتبات فيها)
ناصر(بتاسم):واخا ...نهبطو لتحت ونفطرو

شغف سبقاتو بيما بدل حوايجو ...كتمنضر فلخضورية لي كاينة تما و لهوا لي كيدخل نقي...كيفتح النفس

ناصر(جاها من اللور وعنقها):قنطتي
شغف(ومأت ليه راسها بحزن)
ناصر(جرها من يديها):اجي فطري وشربي الدوا.....وغادي نخرجك
شغف(تحمسات )

گلسو فوق الطبلة بدا كيتحط دكشي ...ناصر تفكرها مكترتاحش فلمااكلة وهو معاها ..يالله بغا ينوض حتا لقاها بدات الماكلة ....رجع گلس ساهي فيها ...وفعلا فاش فكرها فشنو كان بيناتهم ...كانو الحوايج زوينين كتر من الخايبين ...على لأقل كيحس بيها كترجع ليه شوية بشوية

ناصر(قاطعاتو شغف ):صافي كملتي ...
شغف(حركات راسها بأه)

طلعو للبيت شغف شربات دواها و مشات كتشوف شنو تلبس ....لبسات كسيوة قصيرة حريرية فالأبيض و من جيهت لكتاف محلولة ...وناصر كيف ديما لكحل لي غالب على كلشي ....هبط وهو شاد ليها فيديها ..حتا وصلو للوطو وحل ليها لباب عاد كسيرا .....
بقات غادة كتشوف فالطريق معارفة حتا فين غادي بيها ...دارت عندو مستغربة
ناصر(فهمها):ياگ گلتي باغا تبدلي لجو ....(وغمزها)

🌹ماهي غير مدة صغيرة حتا وصل للمطار لقاو الطيارة كتسناهم ...طلعو وفحال ديما شغف كتبغي تگلس بحدها ....حتا هزها وجابها حداه بزز منها ....قلعات الطيارة ...وماهي غير مدة ..مطويلاش بزاف ...حطات الطيارة ديالهم .. فمطار ،فجزيرة من جزر إسپانيا ....شغف عينيها كيلمعو بقوة مفرحانة ...وناصر غير كيشوفها كيف فرحانة وعاجبو لحال ..
ركبو فلوطو ..تحركو للضفة لأخرى من الجزيرة لي كتخص ناصر بحدو .....هبطات وهي غير كتشوف فدوك المناضر ... وداك اللون الصافي ديال للبحر ،كينعاكس على عينيها كيعطيها رونق خاص ....دخلو لڤيلا صغيرة ولكن مجهزة مزيان ....لإطلالة كاملة جات على لبحر ....🌹

شغف(شافت فناصر و فحالا تفكرات شي حاجة)
ناصر(ضحك عليها):حوايجك كاينين ...كلشي جبتو ...
شغف(عاد رتاحت )

گلسو رتاحو عاد خرجو يتساراو وتغداو فمطعم جا فوسط الرملة ديال لبحر ....مكاينش الناس بزاف فديك الضفة ..عكس الضفة الأخرى ....
طلعو للڤيلا حيت كان وصل ليل ....ناصر دخل يدوش وهي بقات كتفكر ...وفبالها حاجةوحدة هي مغاديش تسمح ليه ....حتا قطعها عن أفكارها فاش خرج ...حاضيا تفاصيلو كاملين ..عاقت براسها وهو حاضيها وحابس الضحكة...

شغف(خدات نفس عميق وبدات كتكتب فورقة وعطاتهالو )
ناصر(دار عندها):ممم كتبتي شي حاجة (كيقرا ومزير على يديه )غادي ندير راسي مقريتش هادشي ...مكاينش شي حاجة سميتها كل واحد يگلس فبيت ....
دخل لدريسينغ لبس عليه شورط وخلا الفوق معري ...حتا لقاها واقفة عليه ...
شغف(بنفاذ صبر عاودات كتبات ليه )
ناصر(كيقرا و عروق وجهو بانو ):كتكرهي تگلسي معايا فبيت واحد (كيقرب جيهتها ،جرها حتا لصقت معاه وقرب لوذنيها ) فحضني وبين دراعي ،ففراشي غادي تنعسي كل ليلة حتا تعودي عليها ...شي حاجة من غير هدشي حيديها من بالك ....(زير عليها بجهد )ايلا كان كرهك ليا كتير ... فأنا عشقي تعدا لحدود....
شغف(حولات نظرها لبلاصة أخرى كأنها محاملاش تشوف فيه)
وهو خرج على برا وفيديه مشروب ....مبغاش ينفاعل عليها ...

⭐ Vote
💌Comment