How about it

HAI(33)

"ကိုယ့်ကိုလက်ထပ်ခွင့်ပြုပါ ဘတ်ဟျွန်းနီး"

ဒူးတစ်ဖက်ထောက်ထားတဲ့ ချန်းယောလ်ရှေ့မှာ အပြုံးမျက်နှာနဲ့မတ်တပ်ရပ်နေသည့် ဘတ်ဟျွန်းနီးရှိသည်။ နဂိုရွှန်းလဲ့သည့်မျက်ဝန်းတွေက အရည်ကြည်အနည်းငယ် အုပ်သိုင်းပြီး ပိုမိုတောက်ပလာသည်။ မနက်ခင်း နေရောင်ခြည်ဖျော့ဖျော့ကြောင့် ဖြူဖြူဖွေးနေတဲ့လူကောင်လေးက ရွှေရောင်တွေပါထွက်နေသလိုပင်။ ဘယ်ဘက်လက်ဖဝါးနုနုကို လှမ်းဆွဲယူလိုက်ပြီး လက်ခုံလေးကို ဦးစွာအနမ်းပေးဖြစ်သည်။ ချန်းယောလ်လက်ထဲရှိနှင့်ပြီးသား လက်စွပ်ကိုမစွပ်ပေးမှီ ခွင့်တောင်းမှုကို လက်ခံခြင်းရှိမရှိ မျက်နှာနုနုကို ဦးစွာမော့ကြည့်ဖြစ်သည်။ ခေါင်းညိတ်ပြတာကြောင့် ဝဲခနဲဖြစ်သွားသည့် ဆံပင်ပန်းရောင်လေးတွေနဲ့ ဘတ်ဟျွန်းနီးကချန်းယောလ် အတိုင်းထက်အလွန်ချစ်ရသူပင်ဖြစ်သည်။

ဘတ်ဟျွန်းနီးလက်သူကြွယ်သွယ်သွယ်မှာ နေရာယူသွားသည့်လက်စွပ်ပေါ်ကနေ ချန်းယောလ်အနမ်းတစ်ပွင့်ကို ထပ်မံနေရာချသည်။ ဆက်ကာဆက်ကာပွင့်လန်းလာတဲ့အနမ်းတို့ကတော့ ဘတ်ဟျွန်းနီးနှုတ်ခမ်းပေါ်မှာနေရာကျသည်။ နေရောင်နွေးနွေးသည်လည်း ချန်းယောလ်နဲ့ဘတ်ဟျွန်းကိုလွှမ်းခြုံထားပြီးကောင်းချီးပေးသည်။ အနမ်းတွေရပ်နားတော့ နဖူးချင်းတေ့ဆိုင်လို့ နှာခေါင်းထိပ်ဖျားလေးတွေထိစပ်ပြီး ကြင်နာစွာပွေ့ဖက်ထားမှုတို့ကလည်း ခမ်းနားစွာဖြစ်တည်သည်။

"Ok Cut!"

ဒါရိုက်တာကြီးအသံနဲ့အတူ လက်ခုပ်လက်ဝါးသံတွေဆူညံသွားသည်။ ဒါ How about it ရဲ့နောက်ဆုံးဇာတ်ဝင်ခန်းဖြစ်သည်။ အမှတ်မထင်လျှောက်လှမ်းဖြစ်ခဲ့သည့် ခရီးရှည်တစ်ခုအဆုံးသတ်က ဘတ်ဟျွန်းဘဝအတွက်  အပြောင်းအလဲများစွာယူဆောင်ပေးခဲ့တာပဲ ဖြစ်သည်။ မျက်စိရှေ့က အပြုံးတွေနဲ့ဒီလူက စတွေ့တုန်းကလိုနွေးထွေးတဲ့မျက်ဝန်းတွေနဲ့ ဘတ်ဟျွန်းကိုစိုက်ကြည့်နေဆဲပင်။ ဝမ်းနည်းတာ၊ ရင်ခုန်တာ၊ သဝန်တိုတာ ဒီလူကြောင့်ပဲဖြစ်တည်ပြီး ဒီလူကပဲ စေခိုင်းနိုင်သည့် ဘတ်ဟျွန်းရင်ခုန်သံတို့လည်း ဒီလူထံမှာပဲ အဆုံးသတ်ပြန်သည်။ ဇာတ်လမ်းတိုင်းမှာအဆုံးသတ်ရှိရင် ဘတ်ဟျွန်းအတွက်တော့ ဒီလူနဲ့ပဲအခါခါအဆုံးသတ်လို့ အကြိမ်ကြိမ်ပြန်စတင်နိုင်မယ့် ထာဝရကို ပိုင်ဆိုင်ချင်မိသည်။ နယ်ကျွံအတွေးတို့ကို လက်စသပ်ပြီး ကပ်ထားသည့်မျက်နှာနှစ်ခုကိုခွာဖို့ ဘတ်ဟျွန်းပြင်သည်။ ခါးမှာနေရာယူထားသည့်လက်တို့ရဲ့ပြန်လည်ဆွဲယူခြင်းကိုခံလိုက်ရပြီး ဘတ်ဟျွန်းနားရွက်ဖျားလေး အနမ်းငွေ့တို့နဲ့နွေးထွေးသွားပြန်သည်။