"မနက်ဖြန်မနက်ကျရင် Hanna နဲ့လမ်းခွဲသတင်း ကြေညာပေးမယ် ဘတ်ဟျွန်း"
စားပွဲရဲ့ထိပ်ဆုံးမှာထိုင်နေသည့် CEO က စားပွဲရဲ့ဘေးတန်းထိပ်ဆုံးမှာထိုင်နေသည့် ဘတ်ဟျွန်းနားကပ်ကာပြောလိုက်ခြင်းပင်။ အငယ်တွေရဲ့ စားသောက်သံတွေနဲ့ စကားပြောသံတို့ကြောင့် CEO ရဲ့စကားကို ဘယ်သူမှကြားလိုက်ပုံမပေါ်။ ဘတ်ဟျွန်း အသားဖတ်တစ်ဖတ်ကိုကောက်ဝါးပြီး မက်ဂျူကိုပုလင်းလိုက်မော့ချပစ်လိုက်သည်။ ပူရှရှစီးဝင်သွားသည့်အရည်တွေက ဘတ်ဟျွန်းရင်ထဲက အပူကိုမကျော်လွှားနိုင်။ ဘေးနားရှိ အငယ်လေးလက်ကနာရီကိုစောင်းငဲ့ကြည့်လိုက်တော့ ည ၁၁နာရီစွန်းစွန်းပင်။ ဒီနေ့ညလည်း ဘတ်ဟျွန်းနောက်ကျခဲ့ပြန်ပြီ။ ချန်းယောလ်နဲ့တစ်ခါလာစားဖူးတဲ့ ရိုးရာဆိုင်ဖြစ်တာမို့ အလွမ်းထုထည်က နင့်နင့်တက်လာသည်။
"အသားထပ်လာပို့တယ်ဟေ့"
တစ်ယောက်ယောက်ထပြောလိုက်သည့်အသံနဲ့အတူ ဘတ်ဟျွန်းမျက်နှာချင်းဆိုင်က တံခါးပွင့်သွားသည်။ ဘေးတိုက်လျှောတံခါးများနဲ့ ဖွဲ့စည်းထားသည့် ရိုးရာအပြင်အဆင်မျိုးဖြစ်တာမို့ တံခါးဖွင့်လိုက်တာနဲ့ အခြားအခန်းကအသံတွေပါ အလုံးအရင်းနဲ့ဝင်လာတာဖြစ်သည်။ အကပ်အသပ်ဖြစ်နေသည့်မက်ဂျူပုလင်းကို လည်တိုင်ဖြောင့်တန်းသွားသည်အထိ မော့ချပစ်ရင်း အစားအသောက်သယ်လာသည့် အမျိုးသမီးတွေကို လှမ်းကြည့်မိသွားသည်။ ပြီးတော့ ရီဝေဝေအမြင်အာရုံထဲ ဝင်လာသည့်သူ။
လျှောက်လမ်းတစ်ခုခြားသည့် တစ်ဖက်ခန်းကနေ အံ့ဩရိပ်တွေနဲ့ ဘတ်ဟျွန်းကိုငေးကြည့်နေတဲ့ မျက်ဝန်းဝိုင်းတွေ။ ဘတ်ဟျွန်းလက်ထဲက မက်ဂျူပုလင်းကို တင်းတင်းဆုပ်ကိုင်ထားမိလျက်သားနဲ့ မလှုပ်မယှက်ရှိနေမိသည်။ အကြည့်ချင်းမလွှဲနိုင်အောင်ရှိနေရင်း ပြန်လည်ပိတ်ကျသွားသည့် တံခါးချပ်ကြောင့် ဘတ်ဟျွန်းအသက်ရှုဖို့ ပြန်လည် သတိဝင်လာသည်။ ရုတ်ချည်းတုန်ခါလာသည့် အင်္ကျီအိတ်ကပ်ထဲကဖုန်းကြောင့် ဘတ်ဟျွန်း လူမသိသူမသိ ခိုးပြုံးရသေးသည်။ စားပွဲထိပ်မှာထိုင်နေသည့် CEO က ဘေးနားက ဒါရိုက်တာအဖွဲ့ဝင်နဲ့ စကားလက်ဆုံကျနေပြီမို့ ဘတ်ဟျွန်းအတွက် အခါအခွင့်သင့်နေသည်။
YOU ARE READING
How about it
FanfictionThe love story between two human beings. Cover By: kin_tesu99
