~ MoonLight~

قرار

السلام عليكم

اولًا كنت حابه اشكر كل شخص قرا روايتي ضوء القمر ، كل شخص علق عليها وفرح قلبي بتعليقه وكل شخص نقد فيها ووجه نظرتي لاخطاء كنت غافله عنها ، شكرًا جدًا من كل قلبي

ثانيًا في بعض الاشخاص اللي سألوني هل في رواية تانيه او لا وناس كتير تمنتلي الافضل في رواياتي القادمة ، بس للاسف واللي مكنتش حابه اعترف بيه اني فقدت رغبتي في الكتابة من شهر 12 سنة 2018 وتحديدًا مع اخر سطر اتكتب من روايتي ضوء القمر

ضوء القمر كانت بالنسبالي رحلة ممتعه ومغامره بقوم بيها ، كانت اول عمل ليا وكنت بدون خبرة ولا افقه اي شيء عن الكتابة ، كل اللي كنت بعمله اني اكتب وانشر وبس ، مجرد متعه وشيء بخرج فيه كل الطاقة اللي جوايا ، واكيد الكل ملاحظ كم الاخطاء الاملائية واللغوية اللي فيها بس رغم كدا انا بحبها جدًا وفخورة اني قدرت اقدم عمل زيها

بس للاسف من وقت ما نهتها وانا تقريبًا فقدت قدرتي على الكتابة من بعدها ، ورغم كدا مستسلمتش وحاولت اني اكتب تاني واتعلم واطور من نفسي لكن تطور الامر وبدل ما اتحسن الامر زاد سوء مع فقدي لرغبتي في القراءة ، بقيت مش حابه اقرأ اي شيء لا رواية ولا قصص قصيرة ولا حتى مقالات ، وده خلاني ابعد عن الامر كله اي شيء متعلق بالامر ده انا بقيت ببعد عنه

وطبعًا الامر ده ماثر فيا جدًا لاني زي ما قلت سابقًا ضوء القمر كانت بالنسبالي مغامره وانتهت

وعشان كدا انا قررت اني انهي الامر ومحاولش اني اكتب حاجه تاني واكتفي بالتجربه دي وبكدا انا مش هيبقى ليا اعمال تاني ودي اجابة السؤال هل هيكون ليا روايات تاني ؟  لا دي كانت اول تجربة والاخيرة

وزي ما قلت انا فخورة جدًا بيها مهما كانت كمية اخطائها انا بردو فخورة بيها وباللي حققته مع الرواية دي

وشكرًا جدًا ليكم مره تانيه ولكل حد دعمني بتعليق جميل ❤