#فرصة_ضايعة

الفصل السابع عشر

#فرصة_ضايعة

الفصل السابع عشر  ( الاختبار الصعب )

♡♡♡♡اللّهم لك الحمد كلّه، اللّهم لا قابض لما بسطت، ولا باسط لما قبضت، ولا هادي لمن أضللت ولا مضل لمن هديت، ولا مُعطي لما منعت ولا مانع لما أعطيت، ولا مُقرب لما باعدت، ولا مُباعد لما قربت.♡♡♡♡

♡♡♡♡روى الترمذي عن أبي هريرة، قال: قال رسول الله صلى الله عليه وسلم: ((مَنْ جَلَسَ في مجلِسٍ، فكثُر فيه لَغَطُه، فقال قبل أن يقوم من مجلسه ذلك: سُبْحانَكَ اللَّهُمَّ وبحمدِكَ، أشهدُ أن لا إله إلا أنت، أستغفرُكَ وأتوبُ إليكَ، إلَّا غَفَرَ له ما كان في مجلِسِه ذلك))♡♡♡♡

♡♡♡♡ اصعب اختبار ليس ذلك الاختبار الورقى. انما هو الاختبار النفسى اللذى تكون نتيجته ليست بالكتب التى ذاكرتها و لكن تكن بكم الصعوبات اللتى عشتها♡♡♡♡


مر اليوم بسلام و روحوا بيتهم و مر اليوم اللذى يليه فى شراء احتياجات الكوخ و صمم ان يشيده بنفسه. و اتت ايات بصينية الاكل لتأكل مع يونس و هو يجهز عِدة العمل
ايات: يونس
يونس: ايوة يا يويو
ايات: تعالى كل
فرشت ملاية على الارض و جلسوا سويا و بدأوا ياكلوا
ايات: انت تعبت
يونس غمزلها: لا
ابتسمت: انت مصمم انت اللى تبنيه
يونس: ايووووة مصمم و انا اللى هنفذ  البسين برضو بنفسى.  بس مممن ابعت عمال يحفروا و كدة
ايات بذعر: لا متبعتش
يونس: ليه يا ايات
ايات: يبقى يجوا و انت موجود
يونس شعر خوفها و غص بداخله فهى يجب ان تعتمد على نفسها:  ماشى يا قلبى
رجعوا للاكل تانى و بعدها همت لتساعده فى ترتيب الأخشاب و سعدت بقربه و هو سعد بقربها.
....................

فى الشركة

يحيى: اهلا بحضرتك
ساندى: اهلا يا يحيى بيه
يحيى بحسن نية: بلاش بيه دى
ساندى عضت على شفايفها و اتكلمت بدلع مبالغ: سورى يعنى اقول ايه
يحيى: احم احم هنا كلهم بيقولولى مستر يحيى
ساندى: اووك يا مسسسسستر يحيى  (بتتك على السين بنت ال.......)
يحيى: انتى متوصى عليكى جامد من يونس
ساندى بحب: يووونس
تجهم وجه يحيى و تعجب: هو انتو تعرفوا بعض منين
ساندى: عادى اتعرفنا من خلال الكلية
تعجب يحيى اكثر (دة اكبر منها بكتير يونس متخرج بقاله كام سنة)و تردد: اا ااا عملتى الميتينج مع مستر ماجد
ساندى: ايوه يا فندم
يحيى: تمام.  انتى هتبدأى معانا على طول و و كمان مرتبك على الرغم انه اول تلات شهور مش بيكون ثابت بس هنثبتك متقلقيش.
ساندى: هو يونس هنا مسؤل عن ايه
يحيى بتعجب: ليه
ساندى: هو مش حضرتك اخوه الكبير
يحيى: ايوة. و يونس هنا ماسك كل قسم الهندسة و التخطيط
ساندى باغراء: وانت
يحيى بص فى الورق: اداريات و ماليات
ساندى: وواااو انت كدة الاهم هنا
يحيى: كلنا بنكمل بعض
ساندى: انت متواضع اوى على فكرة
يحيى بفشخرة: شكرا لذوقك
ساندى: هو فين مكتب يونس. و بستأذنك لو اروح اشوفه
يحيى تاه من كلامها: انا مش رئيسك المباشر فمفيش داعى تستأذنى منى و مكتب يونس الناحية التانية من الشركة.
ساندى: بالعكس شكلك انت الكل فى الكل
يحيى بفخر: اه فعلا   ( دانت قفا)
ساندى: طب تسمحلى
يحيى:  اتفضلى اتفضلى

خرجت ساندى و نفخت بقرف و هى متجهة لمكتب يونس مشت باستعجال و خبطت فى الوالد بكر فالموظفين قاموا و ندوهوا عليه بخوف فتأكدت انه صاحب كل هذا
ساندى بدلع: اااه سورى انا متأسفة يا بكر بيه
بكر بحزم: ما تفتحى يا بنتى
ساندى: انا اسفة يا فندم
بكر: انتى جديدة هنا
ساندى: عرفت ازاى
بكر: اصل كل الجودام بيجلولى يا حااااج
ساندى بتمثيل: مع انك اصغر من حاج دى بكتير
بكر بحزم: احم احم انتى رايحة فين يا بنتى
ساندى بقرف ( بنتك): انا رايحة استلم شغلى مع الباشمهندس يونس
بكر: ربنا يوفجك
و سابها  مشى و هى هتطق من الغيظ ( يحرقم يا بنت الموكوسة)
..................................

عند سمر و ايات فى الجلسة.
ذهبت ايات مع عمتها فاطمة لجلستها مع الدكتورة سمر. و انتظرتها فاطمة بالخارج.  و قد تعتبر تلك اول مرة التى تخرج بها ايات بدون يونس و لكن ايضا ليس لوحدها و لكن مع عمتها.

سمر: اخبارك ايه يا ايات ؟
ايات: الحمد لله
سمر: شيفاكى متحمسة
ايات بسعادة: اوى
سمر: ها مفتش كتير على جلستنا اللى فاتت بس فيه تغيرات . دة واضح
ايات: انا قررت ارجع الدراسة السنة الجاية.
سمر بسعادة: كويس اوى و ايه تانى
ايات بتردد: هو هو اللى حصل مش هيأثر على يونس
سمر عقدت حاجبيها: وضحى اكتر
ايات: يعنى هيعتبرنى انه يعنى
سكتت عن الكلام
سمر: قولى يا ايات اللى جواكى انتى شجاعة
ايات: انه انا غير مكتملة. يعنى ناقصنى حاجة
سمر: بصى يا بنتى انتى عارفة ايه اللى ناقصك
ايات بصتلها: ايه
سمر: انك تثقى بنفسك. و بسسسسسس
ايات: ازاى
سمر: تثقى فى نفسك يا ايات ملهاش شرح ولا معنى الا انك تثقى فى نفسك
ايات: بس
سمر بحزم و جدية: بصى اللى مريتى بيه صعب لكن هقولك بصى للنص المليان من الكوباية. عارفة انه فى ظروف الاغتصاب بيلوموا الضحية؟ اللى حصلك انه ابوكى الله يرحموا ملامكيش. و يونس و عمك و عمتك. صح؟
ايات: صح. ب..
سمر: لسة مخلصتش. عارفة انه اهلك اتسرعوا فى جوازك و دة انا مبحبذوش لضاحيا الاغتصاب لانه مش حل بس تعالى نشوف الحلو فى الموضوع. الحلو انك بتقولى انه بيحبك و عمتك معاكى. قليل اوى اوى انى الاقى راجل جايب مراته او خطيبته و يحلوا مشاكلهم قدامى هنا. الرجالة فى مجتمعنا بيتكسفوا يروحوا لدكتور نفسى. فراجل زى جوزك يجيلى هنا و  يقولى عرفينى اتعامل معاها ازاى علشان مجرحهاش دى كبيرة اوى يا ايات.
ايات جت تدمع
سمر: متعيطيش. ربنا اختبرك و مش لوحدك و يونس كمان انا مش بلومك بس ادى نفسك فرصة ثقى فى نفسك
ايات: انا خايفة ليجى اليوم و يقولى انى مش كاملة
سمر: ممكن اسألك سؤال مهم
ايات: اتفضلى
سمر: هى حتة الجلدة اللى بتثبت انك بنت او لا هى دى اللى هتثبت انك كاملة ولا لا. شريفة و لا لا. عارفة فى مجتمعنا كام واحدة بتعمل علاقات بعد الجواز و فيه بيستنوا مخصوص يتجوزوا علشان يعملوا علاقات. هل كل اللى البنات اللى اتجوزوا كانوا فى وجهة نظرك كاملين؟ محدش فينا كامل بس كل واحد عيبه مختلف . انتى عارفة انا عاوزة اطلب منك ايه
ايات : ايه
سمر: ندعى كلنا لكل بناتنا ان ربنا يحفظهم من شر الغير و شرهم نفسهم.
ايات: امين
سمر بتشجيع: ايات انتى اللى هتساعدينى ممكن علاجك مياخدش شهر و ممكن سنة و ممكن نفضل فى وش بعض العمر كله علشان انتى مش هاوزة تساعدى نفسك. علشان انتى مش بتحبى يونس ولا بتحبى نفسك
ايات: لا يا دكتور
سمر: حبيبتى انتى لسة صغيرة حرام اللى بتعمليه فى نفسك و الراجل اللى معاكى بيحبك انا لو راجل و اتجوزت واحدة فى جمالك دة انا معرفش لسيطر على نفسى.  انتى مقدرة حالته
ايات: يعنى هو عاوز يعمل زى ما ....
سمر: حبيبتى افهمى العلاقة اما الاتنين بيحبوا بعض غير تماما اللى حصل فى الحادثة و لازم تفرقى بين دة و بين دة
ايات سكتت
سمر: بصى. الحب بيخلى فى مشاعر مختلفة. انتى و انتى مع يونس بتحسى انك متطمنة
ايات: اه
سمر: بيجبرك على اى حاجة
ايات: لا
سمر: بتحبى تكونى قريبة منه
ايات: اه
سمر: طب يا حبيبتى ادى نفسك فرصة و اديله فرصة
ايات اتنهدت: حاضر
سمر: و امشى على الادوية كويس و متزوديش جرعة المهدئ و هنبدا نقللها
ايات ابتسمت: حاضر
سمر: هشوفك المرة الجاية ان شاء الله
ايات: ان شاء الله
انهت جلستها و خرجت لعمتها
فاطمة: ها كويسة
ايات: الحمد لله
فاطمة: نروح
ايات: ماشى
وقفت و ابتسمت بمكر: ولا نروح ليونس
ايات: مش هيضايق علشان هو فى الشغل و كدة
فاطمة: ههههههه دة هيرقع زغرودة تسمع لاخر الشارع
ايات ابتسمت بخجل و وافقت.
.............................


عند يونس.
دخلت ساندى مكتبه : اللى نسينى
يونس رفع راسه من الاوراق: ها. ازيك يا ساندى؟
ساندى: تمام. استلمت الشغل اهو
يونس: مبروك
ساندى: الله يبارك فيك
يونس:  اااا اااا
ساندى ضيقت عينيها: مالك
يونس: لا مفيش
ساندى: انت كويس
يونس: تمام
ساندى بمكر: و مراتك؟
يونس : ها
ساندى: ها ايه مراتك عامل ايه معاها
غصب عن يونس ابتسم ابتسامة حب: الحمد لله
ساندى: هى جميلة
يونس بتوهان: قمر
رفعت حاجبيها بتعجب و قالت لنفسها (بقى كدة يا يونس) و لكن داخلها لم تتأثر: حبيتها بقى
استفاق يونس: نعم
ساندى بتمثيل: انت حبيتها يا يونس مش كدة
قام يونس من مكتبه و اقترب من الكرسى المقابل لها كى يفاتحها فى أمر انفصاله عنها: ااا بصراحة يا ساندى هى دلوقت مراتى و حابب انا و هى ناخد فرصة
ساندى: اييييه؟ يعنى انت نسيتنى
يونس ضيق عينه: ممكن اسألك سؤال
ساندى: ايه
يونس: هو انتى مش بتغيرى عليا؟ يعنى لو واحدة بتحب واحد مش هتقبل انه يتجوز غيرها
ساندى بتمثيل: دى جزاتى انى محبتش انه علاقتك مع ابوك تتوتر و تتحرم من الورث
يونس ضحك باستهتار: ورث؟
قام وقف: انا اسف يا ساندى عارف انه الموضوع هيكون صعب عليكى  بس برضو انتى رفضتينى كذا مرة
ساندى قامت: علشان كنت لسة بدرس
يونس فكر بصعوبة: بجد يا ساندى لو استمرينا سوا هيكون  صعب عليكى انتى
ساندى:  انت نش هتطلقها
يونس: مستحيل و مستحيل اتجوز غيرها
قامت ساندى: طب و انا
يونس: ساندى انتى الف واحد يتمناكى. بجد مش هقدر. بصى لو عوزانى اكلم اى شركة عاوزاها تشغلك من بكرة
سانى بخبث رفعت يديها على رقبته: لا خلينى قدامك على الاقل لو مكنتش مراتك تكون قصاد عنيا
و فجأة دخلت ايات و فاطمة دون استأذان فى نفس لحظة رفع يد يونس لازاحة ايدى ساندى
نظرت ايات له نظرة مؤلمة لم يفسرها. ساندى رفعت حاجبها بتعجب. يونس بص لايات بعد ما رمى ايد ساندى
فاطمة بقرف: مين دى
يونس: دى ساندى مهندسة جديدة هنا
فاطمة: والله
ايات خرجت من المكتب سريعا و لم تعلم اين تذهب فظلت تعدو سريعا الى ان خبطت فى شخص ما رفعت ناظريها اليه و ها هو انه ذلك الحقير
عمرو بقرف: ما تفتحى يا غبية
ايات برأت و جريت سريعا
يونس ساب ساندى و فاطمة و حاول يحصل ايات و لم يجدها و هنا سمع سكرتيرة يحيى
السكرتيرة: عمرو بيه المنصور
عمرو: ايوة
السكرتيرة:  يحيى بيه مستنيك
خبط بيده على رأسه و ظل يبحث عنها الى ان وجد عاملة النظافة
يونس: بقولك يا دادا شفتى واحدة لابسة نقاب ماشية هنا
العاملة: اه يا يونس بيه دخلت الحمام
يونس: طب فى بنات فى الحمام
العاملة: لا
يونس: طب محدش يخش انا هدخلها
العاملة: نعم
يونس و هو يعدو للحمام : دى مراتى يا دادا
العاملة ضحكت عليه . و وصل هو للحمام و سمع شهقاتها انها تلك الشهقات و الانات التى تصدرها عندما تتشنج فدخل و اغلق الحمام بالمفتاح
يونس: ايات
ايات بصريخ : براااا براااا اطلع براااااااااااا
يونس: اللى شوفتيه دة مش اللى فى دما...
ايات بصريخ: سبنى سبنننننى و اطلع برا
بدأت تتشنج و تدبدب على الارض وجها من كثر البكاء و الغضب اصبح احمر قاتما و احست باختناق و فجأة  سقطت ارضا فازاح يونس نقابها و حاول ان يجعلها تستفيق و ضمها اليه
يونس: ايات حبيبتى
لم ترد
يونس: انا اسف ارجوكى
ارتفع بجسده قليلا و فتح صنبور المياة و اخذ يمسح وجهها و عندما يأس انزل نقابها على وجهها و حملها و خرج من الحمام و هنا وجد عدد من الموظفين يشاهدون ما يحدث و نزل سريعا دون ان يوجه اهتمام لاحد و حصلته فاطمة و ركبوا السيارة بعد ما انامها على قدم عمتها
فاطمة و هى تمسد على وجه ايات و تنظر ليونس بالمرآة: مين العقربة دى؟
بدأت ايات تستفيق و هى مغمضة العينين
يونس بضعف فعمته تعلم من هى ساندى: والله يا عمتو انا كنت بقولها مش هقدر و انى استقريت مع ايات و لقيتها
فاطمة بتأنيب: لقيتها متعلقة فى رقبتك
يونس: والله انا اتفاجأت و اول ما عملت كدة شيلت ايدها
فتحت ايات عيناها و ابتسمتلها فاطمة و طبطبت عليها و لم تتحدث و اغلقت عيناها مرة اخرى
فاطمة: يعنى يا يونس بتحب ايات
يونس بصوت غص بالدمع: والله بموت فيها
فاطمة:  يا يونس
يونس: يا عمتو انتى عارفانى و والله كنت بنهى موضوع ساندى
مسدت على ايات و كأنها تطمأنها لكن لم تعلم ان ايات رأت ذلك الوغد الحقير.
ذهبوا للمنزل و هم ليحملها ففتحت عيناها و رفضت و تحاملت على نفسها و مشت قليلا و ما ان تذكرت نظرة ذلك الوغد و كادت ان تسقط فاقترب كى يساعدها
ايات: ابعد عنى
يونس: هموت لو بعدت
غصت بالدمع و اسندها الى ان وصلت غرفتها
ايات: عن اذنك هغير هدومى
يونس دخل معاها و قفل الباب: غيرى
ايات: اطلع برا
يونس: لا مش قبل ما نتكلم
ايات: سمعتك فى العربية
يونس:  الموضوع دة مش المهم
ايات بدموع و كانت قد خلعت نقابها و حجابها: لا برضو موضوعنا
يونس: ايات افهمى انتى مش واثقة فيا
ايات: واثقة طبعا
يونس: طب ليه
ايات: بصراحة اتضايقت من قربها ليك
يونس ابتسم بحزن: ماشى و انا اسف و هحطلها حدود و اوعدك اخرمرة تقرب للدرجة دى. لو عاوزانى ارفدها هرفدها
ايات تذكرت انها يجب ان تثق بنفسها: لا لا متقطعتش عيشها
يونس: طب الحالة اللى حصلتلك فى الحمام رجعتيلها ليه
ايات اتوترت: كنت متضايقة من اللى عملته ساندى
هو يريد ان تعترف بما يؤلمها هو يعلم ز يريد ان يتأكد: انتى كدابة
بصتله جوة عنيه و اوشكت على البكاء: انا مش عاوزة اخرج تانى
يونس: ليه
ايات بتوتر: كدة
يونس بحزم: ايات
ايات بكت بحرقة: انت كمان متروحش هناك هناك وحش
يونس: ايات انتى ايه اللى حصل
ايات بحرقة:  شفته هناك يا يونس شفته او خايفة اكون رجعت اتخيل تانى
يونس بحذر: شفتى اللى عمل كدة
ايات سكتت
يونس: حبيبتى احكى
ايات بدموع: اه هو الزبالة شفته يا يونس
يونس استجمع قواه: عمرو المنصور
ايات ببكاء اومأت
اخذها فى حضنه: والله هاخدلك حقك يا ايات و الله هنتقم منه اشد انتقام
ظلت تبكى بحرقة و هو قلبه تقطع اربا اربا و ظل يمسد عليها
يونس: ايات
ايات بدموع: نعم
يونس: بحبك
عيطت ايات: و ساندى
ابتسم يونس بحزن و اراد ان يغير الموضوع الاساسى: انتى غيرتى
ايات ببكاء: لا
يونس: انتى بتكدبى
رفعت وجهها: يونس
يونس: قلبه
ايات: هو انت تعرفه
نظر للارض: معرفوش شخصيا يا ايات
ابتعدت عنه و نظرت له نظرة مؤلمة: كنت تعرف انه هو اللى عمل فيا كدة
نظر يونس ارضا و نظر لعينيها: انتى لسة قيلالى اهو و مش هسكت الا اما اجيبلك حقك
ايات بخوف: ابعد عنه انا مش مستعدة انى اخصرك
اقترب يونس: اهدى يا حبيبتى اهدى.
ايات: يونس
ابتسم يونس: روح يونس
ايات: بتحبنى؟ انت بجد بتحبنى انا؟
لمس خديها برقة: بموت فيكى. و بعشقك.
ايات قررت ان تتناسى: وانا كمان
يونس: عملتى ايه عند الدكتورة
ايات: الحمد لله
يونس: يعنى عملتى ايه طمنينى
ايات بخجل: الحمد لله
يونس: ماشى يا قلبى انتى
ايات: ممكن تخرج بقى
يونس: ليه بقى
ايات: هغير
يونس: ماهو تغيرى قدامى هنا
ايات: انت قليل الادب
يونس: انتى مراتى على فكرة
ايات: يونس بقى
هم ليقبلها: طب....
ايات: ابعد بقى
غضب و ابتعد عنها: ليه يا ايات
ايات بخوف: معرفش
يونس: كدة كتير والله
خرج و صفع الباب و غضب و هل المساء و لم تظهر ايات من غرفتها. قلق يونس و كلم سمر
يونس: اهلا يا دكتور
سمر: اهلا يا يونس
يونس: فى حاجة مهمة حصلت النهاردة
سمر: خير
حكى كل شئ بكامل حذافيره ( و مش هعيد علشان منرغيش و نحشى الرواية مش محشى هو)
سمر: اولا ايات النهاردة اظهرت تقدم مبشر يا يونس يعنى صدمتها برؤيتها للمغتصب دة شئ طبيعى و اللى طمنها انه انت وضحتلها سوء التفاهم اللى حصل بينك و بينها . مش هقولك انه انتكست بس صدمة و الصدمة اخف من الانتكاسة و دة لانه حاولت انها تكون طبيعية. بس برضو لازم نخاف علشان ميفضلش انها تتناسى.
يونس: طب انا اعملها ايه
سمر: كلكم مطلوب منكم تحسسوها بالامان و بس دة اللى محتجاه
يونس :تمام يا دكتور شكرا لازعاجك
سمر: لا شكرعلى واجب و ايات هتتحسن ان شاء الله
ابتسم يونس: ان شاء الله

انهى مكالمته و ذهب ليطمئن على ايات و اخذ العشاء معه و اصر ان يطعمها.

و ها هو مر شهر على تلك الواقعة ظل يونس يجمع جميع البيانات عن عمرو المنصور و عائلته اجمع. ابتعدت عنه ساندى من تلقاء نفسها فحمد الله فى داخله. ظل يهتم بايات كثيرا يذهبوا لجلساتها سويا و الى والده و يزورون العائلة . ترعاها فاطمة ليل نهار. و يونس يبنى الكوخ الخشبى الصغير. و كل يوم يتمنى يونس قربها اكثر فرغم اقترابهم لم يتجرأ معها بخطوة جريئة بشأن تقربهم و توددهم.
و جاءت تلك الليلة يسهروا سويا امام فيلم كارتون و اختارت ايات ( روبانزل)
يونس: نفسى اعرف كل اسبوع بتختارى ليه كرتون
ايات: بحبه
يونس: هو بس اللى بتحبيه
ابتسمت ايات بخجل: و انت كمان
قبعت داخل احضانه و استكانت و ظلوا يشاهدوا الفيلم و جاءت لقطة النهاية و هى ان روبانزل تقبل يوجين
يونس: يا بخته
ايات مدارية وشها فبصلها بتعجب: دة كرتون يا ايات
ايات: بس عيب برضو
يونس : طب هتعملى ايه
ايات: هنام
يونس: انتى واخدة بالك انه بقالك شهر مش بتنامى جنبى انا عاوزك جنبى الليلة دى
ايات: ها
يونس: هنيمك يا ايات متقلقيش
ايات: طيب
يونس: فى اوضتى؟
ايات: لا فى اوضتى
يونس: ليه
ايات بحب: اوضتك دى هنخليها اما نتجوز
يونس: اوووووف. ماشى يا ايات
ايات بغضب: مالك يا يونس
يونس: مفيش يا ايات بس تعبت بجد ساعات بحس انك مش بتحبينى
ايات: ليه يا يونس انت بحبك اوى  اوى
يونس اغمض عينيه ببطئ  و تنفس الصعداء: خلاص يا ايات . هنعمل ايه
ايات: هنصلى و نقرى قرآن و ننام
يونس ابتسملها بلين: ماشى يلا
طلعوا اوضتها و صلوا و قروا قرآن  و جم ينامو
وضعت جنبها و نظرت له: تصبح على خير
يونس: و انتى من اهله
ايات: يونس انت لسة زعلان
يونس: قلبى ميقدرش يزعل منك بس كدة كتير مرضيش ربنا
ايات: انا حاسة انه مش مستعدة
يونس: ماشى يا ايات
و تمتم داخل عقله:  ماشى يا ايات انا هخليكى تجيلى لحد عندى ماشى
مسكها من خصرها و قربها له فتوترت: يونس
يونس باستهبال: ششششششششششش خلينى اعرف انام بقى
ايات بتحاول الفرار: بس يا يونس
يونس: قلت اسكتى بقى
ايات: يونس لو سمحت
يونس:ايات
بصتله ايات بتلك الاعين التى تقتله: نعم
همس بالقرب من شفتيها: بحبك
اختل توازنها و هى نائمة احست بالدوار سمعت منه تلك لم تعلم لما اختلفت عن قبلها فكم من مرة قالها لها بحبك و كأن اجيج اشتياقه و لهيبه انتقل لها.
توترت و تلعثمت: بحبك
اعتصرت يداه خصرها  بقوة و كأنه يتشبث بها و قربها اكثر لتضع يديها على صدره فتشعر بدقات قلبه تخرج من مكانها فتوترت اكثر من ذى قبل
يونس: بتحبينى
اومأت ايات بنعم
اتنفس يونس باريحية ليبعثر انفاسة الحارقة على وجنتها فتزداد حمرة و يريد هو ان يأكلها لن يعد يستطع التحمل اكثر من هذا فصعدت يداه اوسط ظهرها و ضمها اكثر لتعانقه هى تذكرت اقتراحات سمر تذكرت نصائح عمتها هى مع يونس و ليس الا و اغمضت عيناها لتنعم بدفئ لمساته.
ابتعدت عنه قليلا و لكن ظلت المسافة شبه معدومة همس امام شفتيها: بعشقك
ايات: يو...
لم تكمل و وجدت اخذ تلك الشفاه بين شفاهه فقد اخلت عقله به و هو حطم قلاعها شهرين و أكثر على زواجهم و شهر و اكثر على اتفاقه و لكن دون جدوى.
ظل يبعثر لمساته الرقيقة على ظهرها فذابت بين يديه و تعمق اكثر فى قبلته شعور غريب يعيشه كل منهما لم تشعر بالخوف بل ذابت معه و جن عقله بها فتجرأ كى ينثر قبلاته على رقبتها و تتجرأ لمساته اكتر الى ان تسمرت و تذكرت عندما عضها ذلك الحقير عضات مخيفة لم تعلم لما عادت لتلك اللحظات المؤلمة.
بكت فاحس بكائها: مالك يا ايات
ايات: اطلع برا
يونس: انا ضايقت
ايات: اطلعبرا يا يونس
غضب: ايات
ايات: مش هقدر يا يونس
يونس بغضب ابتعد عنها: مش هتقدرى ايه يا ايات فهمينى ها
ايات: اللى انت عاوزه
ذهب لباب الغرفة: لو خرجت يا ايات مش هرجع تانى الاوضة دى
ايات بدموع: ادينى فرصتى. 
يونس: هنفضل العمر كله مخطوبين
ايات بجدية: و فيها ايه
ضيق عينه: هو ايه الل  فيها ايه
ايات: هو لازم يحصل كدة
يونس: يعنى يعنى يعنى
ايات ببكاء: يونس ارجوك
يونس: طب انا اما اعوز انى اكون زى تى زوج ليا زوجة زى كل الناس اهبب ايه
ايات: معرفش
يونس: طب لو عاوز اخلف اعمل ايه يا ايات
ايات ببكاء: خلاص يا يونس اعمل اللى تعمله عمالة اقولك انى مش هقدر انى انى اعمل كدة
خرج من الغرفة و صفع الباب وراءه و مر يومان و تلاشى رؤيتها الى ان جلس مع فاطمة
فاطمة: مالكم بقى مش عاجبينى
يونس بزهق: والله يا عمتو انا مش ناقص
فاطمة: تعالى هنا يا ابنى تعالى
ضمته و اراحت رأسه على قدمه  و كأن النوم على قدم هذه السيدة يريح الاعصاب فحكى لها كل الامه
فاطمة ابتسمت: انتو الاتنين هبل
يونس: برضو
فاطمة سكتت و ضيقت عيناها و انطلقت: انا عندى حتة فكرة
يونس: ايه

فاطمة:....



نكمل المرة الجاية
البارت بيوازى بارتين اهو
يحمل اختبارات للاتنين
و نتيجة الاختبار بكرة
و ما هى فكرة فاطمة
و متى ستنحل عقدة ايات
و ايدك على اللاف❤ و بعدها كمونت بوستين 😘😘 علشان وحشتينى انتى و هى و هى  وهى