#فرصة_ضايعة

الفصل الثالث و الثلاثون

#فرصة_ضايعة

الفصل الثالث و الثلاثون ( الصدمة )

♡♡♡♡ دعاء أيوب عليه السلام: (أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ). ♡♡♡♡


♡♡♡♡ عن ابنِ عَبَّاسٍ رضى الله عنه ، أَنَّ نبيَّ الله صلى الله عليه وسلم قالَ: "مَنْ قَبَضَ يَتِيماً مِنْ بَيْنَ المُسْلِمينَ إلىَ طَعَامِهِ وَشَرَابِهِ أَدْخَلَهُ الله الجَنَّةَ البَتَّةَ إلاَّ أَنْ يَعْمَلَ ذَنْباً لا يُغْفَرُ له" . رواه الترمذي ♡♡♡♡

♡♡♡♡♡♡♡♡♡♡♡
وَعَدْتُكِ..

أن لا أُطَارحَكِ الحبَّ، طيلةَ عامْ

وأنْ لا أخبئَ وجهي..

بغابات شَعْرِكِ طيلةَ عامْ..

وأن لا أصيد المحارَ بشُطآن عينيكِ طيلةَ عامْ..

فكيف أقولُ كلاماً سخيفاً كهذا الكلامْ؟

وعيناكِ داري.. ودارُ السَلامْ.

وكيف سمحتُ لنفسي بجرح شعور الرخامْ؟

وبيني وبينكِ..خبزٌ.. وملحٌ..وسَكْبُ نبيذٍ.. وشَدْوُ حَمَامْ..

وأنتِ البدايةُ في كلّ شيءٍ..ومِسْكُ الختامْ
♡♡♡♡♡♡♡♡♡♡


انتهى العمل و ذهب كل واحد على بيته و اول ما وصل يونس وجد رسالة من يحيى : قبضوا عليه يا يونس
ابتسم يونس بسعادة و انطلق لغرفة ايات ليجدها تأكل فراولة فابتسم و دخل و هو يشعر براحة
يونس: مساء الفراولة على ال.......
و صمت حينما رأى بجوارها طبقى واحد من الشيكولاتة المذابة و الاخر من الكريمة المخفوقة المحلاة و انصدم قليلا: ايه دة يا ايات
ايات ببساطة: دى فراولة
يونس: انا عارف ان دى فراولة بس ايه اللى على السرير دة
ايات:دة صوص شيكولاتة و دى كريمة
يونس: بتوع ايه
مدت يدها و اجلسته امامها: اصل الفراولة مش مسكرة
ثم صمتت فحفزها هى كى تتحدث: اه
ايات بتلعثم: و و
يونس: ايوة
مسكت فراولة و اغمستها فى الشيكولاتة و قربتها من فمه: بص دوق كدة
لم يرد ان يكسر بخاطرها فتذوقها: اهو
ايات: شفت حلوة ازاى
يونس كتم ضحكه: اه حلوة
مسكت فراولية اخرى و غمستها فى الكريمة و قربتها منه: دوق دى برضو
قضمها: الله جميلة
اكلت هى بقية الفروالية: شفت اصل انا حطيت سكر و فانيليا على الكريمة
يونس مداعبة: ماهو مش ممكن عسل ياكل عسل و كدة رشا هتزعق
ايات : و الله يا يونس نفسى كان فيهم اوى اوى اوى
يونس: حبيبتى بالهنا و الشفا بس دة كدة كتره غلط
عضت على شفتها باغراء: معلش يا سون سون كنت جعانة اوى اوى و كان نفسى فيهم
اشتعلت النيران داخله و حدث نفسه (ماهو مش معقول هتبقى كنافة بالمانجة كدة قدامى و عمالة تزودى العسل و انا هبقى طبيعى ) و حدثها: اهدى يا اياااات
ايات: انا هادية اهو يا يونس هجهز علشان نروح نعمل التحليل
ابتسملها يونس: وانا مستنيكى
قامت و توجهت للحمام و بعد كدة لفت و بصتله فتعجب: فى ايه
اقتربت منه ببطئ و جلست على قدمه فابتسملها و نظرتله داخل عينيه : يونس
يونس: قلب يونس
ايات مشاورة بجوار شفتيه: فى شيكولاتة هنا
ابتلع غصته تذكر حينما كان الايس كريم على شفتيها: ماشى ماشى
ايات: يونس
يونس بصعوبة: نعم
قبلته متذوقة الشيكولاتة فبرأ عينيه موما لجرأتها الغير معتادة و حاول ان يفرق تلك القبلة :ايات اهدى بس
ايات: تؤ تؤ انا عاوزاك
يونس فى سره ( يخرب عقلك اهدى بقى ): اهدى يا ايات
اقتربت اناملها من ازار قميصه و بدأت تفتحها: هو مش انا وحشتك ولا مش وحشتك
يونس: استهدى بالله يا ايات
ايات وهى تخلع له الكرافتة: لا اله الا الله يا يونس
ثم ابتعدت عنه و هى تبكى فتعجب: مالك يا ايات
ايات: انت خلاص مبقتش تحبنى علشان انا حملت و شكلى هيبقى وحش
عقد حاجبيه: ايات انتى فى الاسبوع التالت او الرابع شكلك ايه بس و بعدين يعنى انت بيهمنى شكلك ولا اى حاجة
هزت كتفيها معترضة: يعنى انت لسة بتحبنى
امسكها و قربها منه و ضمها: بموت فيكى
ابتسمت: وانا كمان بموت فيك
يونس: يلا بقى علشان نتطمن على البيبى بقىو عليكى
ايات: حاضر
دخلت و ظل متعجبا من ما حل بها
ذهبا للمعمل و اجرت التحليل مرة اخرى و ظلا منتظرين النتيجة و خرجا الطبيبة بابتسامة بشوشة
الدكتورة: مبروك النتيجة تضاعفت يبقى حمل اكيد تقريبا شهر بالضبط او اربع اسابيع
يونس ابتسم و ايات بصتله بحب من تحت نقابها فابتسملها و اخذها من يدها و ذهبا لتأخذ حقنة التثبيت
و تحدث فى الهاتف مع سمر
يونس: ازيك يا دكتور
سمر: الحمد لله
يونس: الحمد لله حمل
سمر: الف مبروك
يونس: الله يبارك فيكى بس
سمر: متقلقش يا يونس المهدئ ان شاء الله مش هيأثر بحاجة باذن الله تتابعوا انتو مع دكتور رشا و كله هيبقى تمام
يونس بضيق: و رشا دى كمان
سمر: فى ايه
يونس: بتدخل فى كل حاجة
فهمت سمر: هى عملتها فيكوا. هههههههه
يونس: ايه
سمر: مفيش هى اما بتلاقى زوجين جداد و فيه حمل بتناغشهم
يونس: بجد؟
سمر: بجد
يونس ببلاهة: يعنى عادى
سمر: هو ايه اللى عادى؟
يونس: احم احم ولا حاجة روحى الهى تنسترى
سمر: تمام يا يونس ربنا يقومها بالسلامة و نتطمن عليها هى و البيبي سليم و معافى
يونس: شكر يا دكتور. يعنى كدة الحالة اللى جتلها مكنتش اثر الصدمة
سمر: قد تكون هرمونات حمل عابرة و اما تجيلى جلستها هعرف منها
يونس: تمام يا دكتور شكرا
سمر: الشكر لله
خرجت ايات: فى ايه
احتضنها امام الجميع و مشى بها و هى فى حضنه: مفيش يا قلبى يلا بينا
روحوا البيت و استقبلتهم فاطمة و قعدوا يتعشوا بس اصر يونس انهم ياكلوا فى اوضتهم
ايات:  كدة عمتو تزعل
يونس: ايات احنا مش قلنا مش هنقول لحد
ايات: ماحنت هنقعد ناكل بس
يونس: افرضى حسيتى انك عاوزة ترجعى
ايات: بس انا كويسة
يونس: هو مش الدكتورة قالت انه بعد الحقنة ترتاحى علشان ممكن تخسى بغثيان. اسمعى الكلام بقى
ايات بزعل: حاضر يا يونس
طلعوا الاوضة و جلسوا سويا و حاول ان يطعمها و لكنها رفضت و احست الغثيان حقا و اراحت جسدها و نامت و اتت ليونس رسالة من يحيى ( خرج ولد المركوب معرفش خرج ازاى)
تجهم وجه يونس و ظل عابساً و خرج من الغرفة بعدما ارتدى ملابسه و خرج ليقابل اخيه يحيى فأخبره  انه مع محمد يتناقش معه فى بعض الامور.
اذن ماذا حدث ليخرج عمرو بدون حتى التحقيق معه
و
و
و

و


و

و هنكمل عادى مش هوقف
اتجه لمنزل ياسمين ابنة عمته فاطمة و خبط الباب و فتحت له ياسمين: ياااه يونس ازيك
يونس: ازيك يا ياسمين
ياسمين: كويسة الحمد لله انت ازيك و ازيها ايات؟
يونس: الحمد لله. هو مش محمد هنا
ياسمين: اه مع يحيى جوة فى اوضة المكتب اتفضل اتفضل
دخل يونس و سلم على اطفال ياسمين و هى طرقت الباب فسكت محمد و يحيى بالداخل و دخلت هى
ياسمين: يونس جه برا
محمد: خليه يدخل بسرعة
عقدت حاجبيها و نظرت ليونس فدخل سريعا
محمد: شوفى يونس هيشرب ايه و محدش يزعجنا
ياسمين: هو فى ايه
محمد بغضب: مفيش
يحيى: مغيش يا ياسمين قضية بس و ليها علاقة بالشركة
ياسمين: اااااااه
محمد: يلا بقى
ياسمين: هتشربوا ايه
هتف الثلاثة سويا: اى حاجة
كتمت ضحكها و نظر الثلاثة لبعضهم و هتفوا: قهوة
ياسمين: ماشى
خرجت تعد القهوة و نظر يحيى ليونس بأسف: متزعلش يا يونس
يونس: ايه اللى حصل بقى حد يفهمنى
محمد: اما يحيى بلغنى انه فيه علاقة بين عمرو المنصور و ساندى فريق البحث اشتغل و اما راجعنا مواصفات العربية مع السواق و على الرادار توافقت تماما مع عربية عمرو و قبضنا عليه بس اللى حصل بقى شئ غير متوقع بس سناريو محفوظ.
السواق قال العربية مان فيها تلاتة بالبحث قبضنا على اصحابه كمان عيال كدة شكلها عيال فاقدة و فجأة و فى التحقيق كله قال انه واحد بس اللى عمل كدة و معترفش على عمرو
عقد يونس حاحبه: واحد مين
محمد: صاحبهم اسمه هانى
طرقت ياسمين الباب فسكت الجميع و ادخلت القهوة و وضعتها و خرجت
محمد: اكيد ساوموه على فلوس على اى حاجة بس التحقيق شغال
يحيى:و ازاى يخرج كدة عادى
محمد: سلطة ابوه و النفوذ و...
يونس: الواد دة لازم يتقتل
يحيى: اهدى يا يونس
محمد بتعجب: هى ساندى دى كانت مهمة اوى كدة
يحيى: الموضوع مش موضوع ساندى هى ماتو و ربنا يرحمها
نظر يونس ليحيى فتحدث يحيى: بص يا يونس احنا معانا سلطة القانون اهو و مكن نعرف نجيب حقها
يونس: انا اقدر اجيب حقها
يحيى: و اما يحبسوك
عقد محمد جبينه: فى ايه يا رجالة
يحيى: بص يا جوز بنت عمتى احنا صعايدة و دمنا حامى و كله الا العرض وقتها مبنشفش لا قانون ولا يحزنون
محمد: اه طبعا كله الا العرض
نظر يونس ارضا و تحدث يحيى:الواد دة اذى بنت عمنا مرت يونس
نظر محمد ليونس: ازاى بعنى
يحيى: اغتصبها
تجهم وجه محمد و نظر يونس ليحيى مؤنبا اياه فأغمض يحيى عينيه بأسف
محمد: و ليه مبلغتوش
يحيى: هددوا ابوها الله يرحمه و انت عارف مش كل الناس بتقدر ترفع قواضى زى دى
محمد: عندك حق
يحيى: اما حصلت حادثة ساندى انا قلت دى علامة انه ربنا هيجيب حق ايات. بس الشيطان اللى اسمه عمرو و ابوه قدر يخرجه منها
محمد متفهما: مع انى ظابط بس فى مسائل مبتتحلش بالقانون
ارتفع يونس بناظريه: يعنى ايه
محمد: يعنى اللى شفته من عمرو و ابوه متجبرين لدرجة انهم تخطوا القانون
يحيى: و الله انا لو عليا اقتله و اشرب من دمه
محمد بتفكير:  اصبروا يومين كدة و هقولكم نعمل ايه
يونس: ماشى يا محمد
محمد: متخافش يا يونس حق مرتك هتجيبه بايدك بس اصبر يومين
نظر يحيى ليونس مطمئنا اياه و استأذنوا بالرحيل و توجه كل منهما لزوجته
و لكن على الجهة الاخرى فى منزل المنصور لقد قامت القيامة منذ معرفة سيد المنصور بالحادث.
عندما القى القبض على عمرو ذهب معه محامى ابيه الشهير و قبل ان يبدأ التحقيق اتفقوا مع هانى و طارق  ان اسم عمرو لم يأتى بالتحقيقات نهائى و هذا لسلامة اسرهم و سلامة عمرهم فقد هددوهم بالقتل و لكن فى التحقيق اثبتوا ان السيارة كان فيها ثلاثة شباب فاضطر هانى و طارق بالادلاء على سامح و حدث مالم يكن فى حسبان سيد.
بعد وقت قصير من القبض على سامح وجد سيد رسالة من رقم لم يعرفه ففتحها ووجد (اذا مخرجتنيش زى ما خرجت ابنك منها بنت هتتفضح فى مصر و على مواقع البورن كلها )
و بعدها بثوانى ارسل صورة لعاليا و هى عارية فجحظت عينا سيد
تبعها برسالة: اسألها انا مين فيهم خليها فزورة
القى سيد الهاتف و توجه لعاليا و لطمها قلمين
عمرو: فى ايه يا بابا
سيد لكمه بوكس فى وشه: شوف مين مع اصحابك ماشى مع الهانم يا خول
برأ عمرو و نظر لاخته التى تبكى و تشهق فمسكها سيد من شعرها و جرجرها: مين يا وسخة يا شر..... مين
عاليا:مين ايه يا بابا
سيد: مين اللى انتى كنتى بتتصوريله عريانة
حجظت عينا عمرو و اقترب منها: فى ايه
سيد و هو ممسك بشعرها و يحرك رأسها يمينا و يسارا: الوسخ بيساومنى و بيقولى زى ما خرجت ابنك تخرجنى
عمرو: ايه الكلام دة يا عاليا
عاليا: دة جوزى
صُدِم سيد و تركها بسرعة من قبضته و القاها ارضا: جوز مين
عاليا ببكاء:  سامح جوزى
سكت عمرو و بلع غصته و تحدث بصدمة: سامح؟
سيد: يعنى ايه جوزك يا عاليا
عاليا: احنا متجوزين و انتو بتتبلوا عليه علشان تداروا مصيبة عمرو
سيد: انتى بتقاوحى يا بنت الكلب
تماسكت عاليا و وقفت و بجبروت: مش بقاوح انت مش مصدق ابنك يعمل كدة واو كانت غلطة دى تانى مرة يغتصب بنت و الاولى كانت على يدى
لطمها سيد قلم فتهاوت ارضا: انتو فاتحين بيت دعارة بقى يا ولاد الكلب
اقترب عمرو ليهدأوا: اهدى بس يا ب....
زقه و مسكها من شعرها و جرجرها على السلم متوجها لغرفتها:و الهانم كانت بتقابله فين؟ و كنتى بتتصوريله ملط فين؟ و يا ترى بينكم ايه تانى؟
القاها امام باب غرفتها و هى ردت ببكاء: يا بابا جوزى يا بابا
سيد: يلعن ابوكى على اليوم اللى شفتك فيه جبتيله العار انتى عارفة البيه جوزك بيساومنى يا اخرجه يا اما صورك هينشرها على مواقع السكس يا هانم
شهقت و ظلت تبكى بحرقة و هو تركها و ذهب للاخر و هو ينزل على السلم: البيه التانى فين. البيه اللى شغال يعتدى على دى و يقتل دى
عمرو: انا مقتلتش ساندى دة هانى
لطمه قلم: يا ابن الوسخة انت تسكت خالص
مسك هاتفه و اتصل بمحاميه: فى واد اسمه سامح اتقبض عليه مع هانى و طارق خلصونى منه فى دقيقتين
اغلق الهاتف: انت فعلا اغتصبت واحدة تانية غير ساندى
وقف عمرو صامتا ففهم سيد: مين تعرفها
عمرو: مرات يونس الحامولى يعنى وقتها مكنتش مراته بس..
قاطعه سيد و هو يضربه بالاقلام: يا ابن الكلب يا ابن الكلب يا ابن
و انقطع نفسه و سقط ارضا و فجأة
نكمل على بليل



نصيحة يا بنات فى ظل الظروف المنيلة و الاوبئة
اهم حاجة علشان نقاوم الفيروس نشرب مياة كتير كل ربع ساعة مياة
و فيتامين سى علشان نقوى المناعة
و طبعا النظافة

و ربنا يحفظنا و يحفظ اولادنا و احبائنا.
دمتم فى رعاية الله