#فرصة_ضايعة

الفصل الثانى و الثلاثون

#فرصة_ضايعة

♡♡♡♡ دعاء زكريا عليه السلام: (رَبِّ لَا تَذَرْنِي فَرْدًا وَأَنتَ خَيْرُ الْوَارِثِينَ). ♡♡♡♡

♡♡♡♡ عن أبي سعيد الخدري قال رسول الله صلى الله عليه وسلم (إن هذا المال خضرة حلوة ونعم صاحب المسلم هو لمن أعطى منه اليتيم والمسكين وابن السبيل)♡♡♡♡

♡♡♡♡ وعدت...

بذبحك خمسين مره..

وحين رأيت الدماء تغطي ثيابي تأكدت أني الذي قد ذبحت..
فلا تأخذيني على محمل الجد.. مهما غضبت.. ومهما انفعلت..ومهما اشتعلت.. ومهما انطفأت..
لقد كنت أكذب من شدة الصدق والحمد لله أني كذبت...♡♡♡♡

♡♡♡♡ الهوى اه منه الهوى و كله يهون ما دام احنا سوى ♡♡♡♡

ملحوظة: رشا هى الدكتورة النسائية اللى كانت فى رواية #ورد_بشوكه  و كانت المحور الرئيسى فى عكننة انس. زى ما سمر كانت الدكتورة النفسية فى رواية #هى_حياة .
فى اشخاص بحب اربط بيهم روايتى ببعضها.


الفصل الثانى و الثلاثون

ابتسموا بحزن و اتصل يونس بسمر اخبرها بأنه قلق بخصوص شأن المهدأ و توترت ايات كثيرا.  فاشارت عليهم سمر احد طبيبات النسا و التوليد و هى رشااااااااا.

انهت سمر مكالمتها مع يونس و اتصلت بالدكتورة رشا تشرح لها تفاصيل حالة ايات كلها كى تكن على علم بتاريخها المرضى و احتسبت ان ايات قد تخجل تتحدث مع رشا فى بعض الامور.
و يونس اول ما اخذ رقم العيادة اتصل و حجز ميعاد مستعجل كى يتطمأن على ايات و جنينهما.

فذهبا للعيادة و دخلا و كانت العيادة مجهزة كمركز صغير للنساء و التوليد
رشا ببشاشة: اهلا وسهلا
اومأت ايات و ابتسم يونس لها باقتضاب : اهلا
رشا: اتفضلوا
قعدوا و سألت ايات بعض الاسئلة و فحصت التحاليل و كان يونس لم يتحدث قط
ايات: بس المشكلة انه انا من يومين اخدت مهدئ يعنى
رشا تضايقت من اقتضاب يونس فنظرت له: وانت ايه اللى خلاك توصل مراتك لمرحلة انها تاخد مسكن؟
نظر لها يونس و لم ينطق فتحدثت ايات مدافعة عنه: لا هو مالوش ذنب اصل انا عندى مشكلة و هو مالوش ذنب
ابتسمت رشا خفية و لم تشعرهم انها تختبرهم: دكتورة سمر بلغتنى حالتك على العموم بس انا بحب اسمع بنفسى علشان اقيم الخالة بس الصراحة مبحبش الناس الكشريين
نظر لها يونس بتعجب: انا كشرى؟
رشا: انت مش مبسوط ان مراتك حامل
يونس: مبسوط بس خايف و قلقان عليها هى قبل اللى  فى بطنها عاوز اتطمن انهم صحتهم الاتنين كويسة. هفرح اما ايات تكون قصادى كويسة
رشا: طب اهدى اهدى اهدى. ادخلة اوضة الفخص يا ايات سلوى هتساعدك
بربشت ايات بهستريا فأحس خوفها يونس: معلش يا دكتور ممكن انا اساعدها
ابتسمت رشا: ماشى اتفضلو و سلوى هتقولك تعمل ايه
اومأ لها يونس بالقبول ة دخل مع ايات غرفة الفحص
ايات بهمس: انا خايفة يا يونس
يونس: متخافيش يا حبيبى انا معاكى اهو
ساعدها فى الاستلقاء و غطاها بالملائة كما اخبرته الممرضة سلوى
رشا من مكتبها: ها خلاويص
ابتسم يونس و تحدث بهمس : شكلها كوميدية الست دى
و تحدث بصوت مرتفع: خلاص
ابتسمت رشا و نظرت لسلوى: بحب الكناريا انا يا سلوى هاتلى قهوة و تعالى.
ابتسمت سلوى و انصرفت و دخلت تفحص بالصونار
رشا: امممه
رشا: امممممممه
رشا: امممممممممممممه
يونس بغضب: ايييه فى ايه
رشا: التحليل بيثبت انك حامل تقريبا فى الاسبوع الرابع و نظرا لصغر صغر حجمه فمش باين فى الصونار اوى كأنك كدة حامل فى اللهو الخفى.
عقد حاجبيه: كيف عاد
صعقت رشا: صعيدى انت؟
يونس: ايوة مش موضوعنا دلوقت
رشا بخداع: او يمكن انا دكتورة مش شاطرة و مش عارفة اصور بالصونار
يونس: اومال كيف الدكتورة سمر رشحتك لينا
رشا: يا عم واحد الله اهدى
يونس: لا اله الا الله
رشا: هو مش انتى يا ايات فى كلية طب
ايات:اه
رشا: مش عارفة انه طالما انه احنا فى اول الحمل فى اوله خالص يعنى بين الاسبوع الثالث و الرابع بنعمل التحليل الرقمى و بنعيده بعدها ب ٤٨ ساعة
عضت ايات على شفتيها كيف تنسى شئ بسيط كهذا: اه صح
رشا: نعيد التحليل كمان ٤٨ ساعة لو النسبة تضاعفت دة حمل اكيد و تجيلى بعدها باسبوعين اقدر اشوفه فى الصونار
يونس بزهق: و من هنا للاسبوعين الطم انت
رشا: مش عارفة أنت شفت المقاوحة دى فين قبل كدة
يونس:  يا ست المل يا ست الدكتورة طمنينى
رشا: البسى يا ايات و ادخلى اوضة الوزن و الضغط
وزنتها و قاستلها الضغط و كشفت على تنفسها و قلبها و ذهبوا مرة اخرى الى المكتب و جلسوا
رشا ليونس: واحد الله كدة يا استاذ يونس
يونس: لا اله الا الله
رشا: ثق فى الله انه كل هتبقى كويسة لو مخفناش اوى كدة الجنين بيحس بخوفكم انتم الاتنين قوته بيستمدها منكم. بص هقولك بالبلدى كدة بطل نبر
بصلها يونس بتعجب: نعم
رشا: يعنى متحطوش فى راسكم موضوع المهدأ
يونس: اومال اتطمن امتى
رشا: علميا اثر أى  دوا غير صالح للحوامل بيبان اول الاسبوع ال ١٨ يا استاذ يونس فمش معقول هتعيشوا فى خوف و رعب طول اربع اشهر كمان كدة الجنين هيتأثر و هيحس
نظرت لايات: ولا انتى مش فهمانى
ايات: فاهمة
رشا: و بعدين ما كله رزق من عند الله انا اللى يهمنى انها تهتم بصحتها و نفسيتها و دة هينعكس على البيبى و بس.
اومأ يونس بتفهم و نظرت له رشا ببشاشة: تفآلوا بالخير تجدوه
اومأ: عندك حق
رشا بتكتب الروشتة: دة الفوليك اسيد اهو. و بعد التحليل التانى اما نتأكد من نتيجته هناخد الخقن المثبتة مع انى مش بفضلها بس كأجراء احترازى. و تهتمى باكلك طبعا كل يوم تلات شوبات لبن او ما يعادلهم من منتجات الالبان
سمعت ايات تلات شوبات لبن فبحلقت
رشا: ممنوع اى حاجة معلبة حاليا نهاااااااائى ممنوع اكل من برا. ممنوع كبد الطيور . ممنوع سكريات كتير.....
ابتسم يونس بسخرية: كله ممنوع ممنوع بس انا شخصيا مضمنش موضوع السكريات دى
رشا بصت لايات: حاولى تمسكى نفسك يا ايات ضد السكر و كمان ممنوع مخللات كتير
كتبت قائمة بانواع التحاليل المطلوبة: دى تحاليل احترازية علشان حضرتك تكون متطمن يعنى زى check up كامل على الدكتورة.
يونس بتوتر: اه يا دكتور احنا ولاد عم فى قرابة و كدة و اللى بنسمع عنه....
قاطعته رشا: يا شيخ انت بتقدر البلى قبل وقوعه ليه مبحبش التشاؤم انا
يونس : مش انتى دكتورة تحلى مشاكلنا الصحية
رشا: اما يبقى فيه مشاكل صحية انت موسوس بطل وسوسة كدة و اهدى علشان فعلا دة بينعكس على الجنين
يونس على مضض :ماشى
رشا: اه العلاقة فى اضيق الحدود و تكون هادية
يونس بغضب: اهو دة اللى ناجص بجى
نظرت ايات ارضا و نظرت له رشا متعجبة: انا نفسى افهم بتقلب صعيدى فجأة ليه كدة
يونس:  يعنى انا اسف يعنى مش دة شئ يخصنى انا و مرتى انتى مالك
رشا: انا دكتورة مرتك يا استاذ
يونس: متدخليش بينى و بينها
رشا: استغفر الله العظيم انت بتفكرنى بواحد كدة الله يهديكم انا مدخلتش يا ابنى انا بدى التعليمات و بس.
يونس: اوووف استغفر الله العظيم
رشا: من كل ذنب عظيم
انهوا الخناقة بعد عذاب و استأذنوا و مشيوا و ركبوا السيارة.
ايات: يونس
يونس: ايه يا حبيبتى
ايات: انت متضايق
يونس:  واه اتضايق ليه انا
ايات: حساك متضايق
يونس: انا قلقان يا حبيبتى عليكم خايف شوية
ايات ابتسمت فرأى ابتسامة عينيها فابتسملها و قالت له: سيبها على الله
يونس: ايات
ايات: نعم
يونس: متقوليش لحد انك حامل دلوقت يا حبيبتى
ايات: حاضر عارف  عاوز تطمن الاول
يونس ابتسم: و استعينوا على قضاء حوائجكم
اكمل ايات: بالسر و الكتمان
يونس: الله ينور عليكى يلا بينا

................


بعد التحقيقات مع المقربين من ساندى مع بكر و يونس و يحيى و بعص الموظفين و صديقتها التى كانت تعيش معها و مع اهلها و يأس رجال الشرطة ان يجدا الفاعلون. تحدث يحيى للعقيد محمد القناوى زوج ياسمين ابنة فاطمة الذى تولى امر القضية
محمد: ازيك يا يحيى
يحيى: الحمد لله انت ازيك
محمد: هههههه و لا كأننا كنا سوا من شوية
يحيى: هههههههه عاوزك فى حاجة تخص القضية بس يا ريت اكون بعيد
محمد: مقولتش ليه فى التحقيق
يحيى تنهد: علشان مش متأكد
محمد: طب قول
يحيى:  من فترة اما اشتغلت ساندى عملنا اجتماع مع شركة المنصور و حسيت انه فيه حاجة بينها و بين ابن المنصور حتى امبارح كلمنى و اكتشفت انه بيقولى انه عارف حاجة كدة معينة فلو دة تعتبره حبل خيط جديد تمشى وراه
محمد: الكلام دة خطير و الاسم اخطر
يحيى: علشان كدة محبتش اتكلم فى التحقيق
محمد: اممممه
يحيى: انت تحرى وراه و ممكن تلاقى اللى يوصلك مع العلم انه الواد دة سلوكه مش كويس ابدا
محمد: برضو البنت صاحبتها ذكرت اسم عمرو المنصور فى التحقيق بس فضلت اكدب نفسى
يحيى: انتو محققتوش مع سواق العربية اللى خبطها
محمد: حققنا طبعا و هو اللى بلغ كمان على الرغم انه دهسها بس قالنا انه هى اترمت من عربية متحركة بسرعة حتى ملامحها مقدرش يوصفها.
يحيى: طب و الطريق اللى كان ماشى عليه السواق دة معلهوش لجنة و لا كارتة و لا رادار
محمد بحماس: طب و الله انت دماغك الماظات يا يحيى ولا المفتش كرومبو
يحيى: ههههههههههههه و فى التحقيق قلتلى مش لاقيين تيلفونها متقدروش تتبعوه من الرقم رقمها عندنا و معانا
محمد: واه واه واه مش بقولك دماغك الماظ و الله انت نورتنى
يحيى: اصل انا مبلعتش الواد دة خالص
محمد: بس اسمه و اسم ابوه فى السوق اتقل من بعض دول يخوفوا بلد
يحيى: انا واثق فيك تجيب حق ولية و حق كل بنت ممكن يك ن ضرها الواد دة
محمد: ان شاء الله خير

اغلق الهاتف و تنفس بروية و دخل يونس عليه مكتبه
يونس: فينك يا يحيى الإجتماع
يحيى: جاى اهو
يونس: فى ايه
يحيى: انت اللى فى ايه يا اخويا امبارح غطست انت و ايات و رجعته نص الليل و وقتها يا دوب مشينا
يونس: ااا كنا فى مشوار مهم
يحيى: فى الكوخ
يونس: ههههههههههه انت تعرف علشان اوصل للكوخ دة فضلت كام شهر اختم معاها القرآن و اصلى بيها قيام الليل
قهقه بشدة: ههههههههههههههه تعبت انت يا يونس
يونس: يلا يا ابو دم خفيف
ذهبا للاجتماع و كان مع سيد المنصور و اتضطر يونس الحضور و لكن احس ببعض الراحة عندما لم يجد عمرو و لكن ما هى الا دقائق و كان عمرو يدلف من الباب فنظر له يحيى بقرف و قام يونس و توجه للباب و هنا تأكد عمرو من ان يونس يعرف ما فعله بايات و بعد ما انتهى الاجتماع ووصلوا الى ان تجد شركة الحامولى الشركة البديلة ليهم لتقليل خسائر الشركتين و خصوصا الشروط الجزائية. و قبل ان ينتهى الاجتماع
عمرو:   استأذنكم اروح الحمام
خرج و توجه لمكتب يونس و  دلف دون استأذان فوقف يونس من كرسيه: ايه الى جابك عاوز ايه
عمرو فرك بذقنه :كنت عاوز اتأكد من حاجة و اتأكدت
يونس: اخرج برا
عمرو:  هههههههه انت خايف منى
يونس هاج غضبا و انقض عليه ضربه لكمات قوية على وجهه و اتى يحيى من بعيد
يحيى: فى ايه
عمرو ماسك فى يونس: شكله فى حاجة مضيقاه
يونس: امشى يا كلب
عمرو: انت هتقل بعقلك
يونس: انا هقتلك هنا
يحيى: اهدى يا يونس اهدى
عمرو اعتدل و نظر ليونس و قرب منه : كل دة علشان جربتها قبل منك
استشاط يونس غضبا: يا ابن الوسخة
و هجم عليه و فك وثاقه يحيى: اهدى
بص لعمرو: وانت امشى من هنا
بص للموظفين: كله على مكتبه
مسك يونس من معصمه و ادخله المكتب و اغلق الباب: اهدى
يونس بعصبية: اهدى ازاى دة عرف انه ايات مراتى
يحيى برأ بعينه: شكله مش غبى
يونس: والله لاقتله
يحيى: اهدى بس
يونس: انت بارد كدة ليه
يحيى: علشان هيتقبض عليه كمان شوية
يونس : يعنى ايه
حكى يحيى ليونس كل شئ و ما فعله و اخبره للعقيد محمد و بعد ذلك  اخبره محمد انه وجد صورة للسيارة عبر الرادار و على المساء سيتم القبض على عمرو و على من كان معه.
يونس:  بجد يعنى هيقبضوا عليه
يحيى: ان شاء الله  و كمان موبايلها مش موجود لو لقوه معاه هيبقى ادانه اقوى
يونس: يا رب خير

انتهى العمل و ذهب كل واحد على بيته و اول ما وصل يونس وجد رسالة من يحيى : قبضوا عليه يا يونس
ابتسم يونس بسعادة و انطلق لغرفة ايات ليجدها



كيف وجدها؟