البارت 1
قدام فيلا كبيرة وقفت العربيه ونزلت منها ريم كانت زي العصريه كده دخلت البيت ومشت علي غرفتها دخلت استحمت وطلعت وسمعت صوت باب الغرفه بيضرب
_: مدام الاكل جاهز في السفرة
ريم : طيب
ونزلة ريم وكانت الأسرة كلها قاعده في السفره
ريم :كيف كان يومكم
خالد :تمام الحمد لله واجهتني كم مشكله في الشغل بس حليتها .
رندا : كويثه ماما (كويسه ماما )
محمد :تمام يا عمري وانتي كيف يومك
ايهاب كان ساكت ومااتكلم بي اي شئ
ريم :وانت يا ايهاب
ايهاب: بخير .
اعرف كم علي الشخصيات
ريم : سيدة أعمال كبيرة ومرتاحة شديد 💵💲وعندها شركة ورثتها من ابوها لانو كانت بته الوحيده وشركة تانيه ورثتها من راجلها الأول عبد الله لكن اتوفى بي حادث عندها منو رندا عمرها4 سنوات وايهاب 7 سنه
محمد: راجل ريم الثاني وهو رجل اعمال كبير وناجح وعندوا شركتين وحدى خارج البلد و وحدى جوا البلد وهو ماكان عندوا أولاد . هو كان صاحب عبدالله وبعد وفاتوا بي سنة عرس ريم وقال ليها دي وصية عبدالله لمن كان في المستشفى لانو كان خايف عليكي انتي والاولاد . محمد عندوا أخو واخت ( خالد و سوسن )
خالد :اخوا محمد و بيساعد اخوا في الشغل . وأصر محمد يسكن معاهوا خالد عشان مايقعد براهوا خصوصا انوا سوسن وأبوه واموه خارج البلد وغير كدا محمد متعلق بي خالد شديد ومابقدر يرفض ليهوا طلب .
بعد خمسه دقائق من الاكل
ايهاب قام وعاوز يمشي
ريم: وين لسه ما خلصت اكلك ياروحى
ايهاب: مارده وكمل طريقوا
محمدبصوت حاد: رد علي امك وهي بتكلمك
ايهاب لف ليهم وقال : شبعت . وكمل المشى
ريم: ماعارفة اعمل معاهوا شنو الولد ده
محمد: أهدى ياعمري الولد لسه صغير
وبعد ما خلصوا الاكل
محمد: ريم رايك شنو نطلع نمشى المول الاولاد الا سبوع ده مااتفسحوا
ريم : عندي شغل لازم أكملوا مابقدر أمشى معاكم المول انا اسفه
رندا : لي ياماما كل ماتكونطالعي ماتطلعو معى 😥(لي يماما كلوا مانكون طالعين مابتطلعي معانا)
ريم : معليش يارنود المرة الجايه
وطلعت ريم على الغرفة . أما رندا وخالد ومحمد اتجهزوا لي الطلعة وقالوا يكلموا ايهاب احتمال يرضي يطلع معاهم المره دي
في غرفة ايهاب
الخدامه ضربت الباب : ايهاب سيد محمد بسائلك اذا هتمشي معاهم المول ولا لا
ايهاب : لا
وطلعوا ومشوا لي المول وخلوا ريم وايهاب في البيت..
وهناك كانت ريم قاعدة في المكتب وهي شغاله ليها مدة حست بي صداع طلبت من الخدامه تجيب ليها قهوه . قررت توقف الشغل حبه شالت القهوه ومشت فتحت الشباك الفاتح في الشارع وكانت بتعاين لي الناس ماشين وجاين و بعد ما خلصت القهوه رجعت اشتغلت تاني وهي بتشتغل كدا سرحت شويه وهي بتذكر قبل 10 شهور تقريبا ...
ريم :اطلعي بره يلا
وحده من الخدم وهي بتبكي :حرام عليك والله ماعملت حاجه انا جيتك عشان تساعدني بعد ما اشتغلت معاكي المده دي كلها تطلعيني كذابه
ريم:اي كذابه واطلعي قبل ماانادي الحرس ووشك ده تاني مااشوفوا هنا مفهوم
_ :حرام عليك انا المظلومه هنا صدقيني وماعندي غيرك يساعدني عشان حاضر اولادك ساعدني
ريم : يلا بره البيت مابشغل ناس زيك
الخادمه وهي بتبكي بي حرقه : انا ماعافيه ليكم زي ماخربتوا حياتي وانتو عارفين اني ماعندي غيركم هنا وانا بصرف علي اخواني الصغار بعد مااهلي خلوني يتيمه ورفعت يدينا لي السماء وقالت بحرقه الله ينتقم منك. ..
ريم : يا حرس.. ياحرس طلعوها بره وتاني مااشوفها هنا فاهمين . وقبل ماتطلع ريم قالت ليها عشان اخوانك صغار هاأرسل ليك قروش كل فتره بس عشان هم صغار وماعندهم ذنب لكين وشك ده مااشوفوا هنا تاني .
صحت من سرحتا عاينت لي الساعة لقتها 10 مساء وهي خلاص كانت تعبت من الشغل قامت عشان تقفل الشباك عاينت لقت الشارع فاضي خلا وهي عاوزة تقفلوا كده في حاجة شدت انتباها كانت مره لابسه عبايه سوداء ومغطيه وشها بي طرحه وشايله في يدها صندوق وبتتلفت في الشارع لمن اتائكدت انو مافي زول خطت الصندوق جمب الباب الخارجي بداع الفيلا ومشت بي سرعه
ريم الشمار حرقى بس خافت تنزل ناديت البواب وقلت ليهوا في صندوق جمب الباب الخلفي شوفوا شنو
مشي وجاني بعد مسافة وقال لي لقيت فيها ....
قلت ليهوا شنو اتكلم
البواب :فيها طفل
قولت ليهوا طفل!؟ وقالت ليهوا دخلوا جوا من الشارع لمن الصباح نشوف حل
...
لمن جاني البواب وقال لي انوا فيها طفل حسيت بي مويه كبت فيني كيف أم تخلي شافعها كدا في الشارع اسى لو وجاء كلب ولا كديسه عضتوا أو اذتوا لا وكمان خطتوا جمب باب بيتنا دي سمعة لينا كمان .اسى لو في زول شافوا .. وقاطع البواب صوت تفكيري
_ بس يامدام لقيت معاهوا ورقه
ريم :فيها شنو ؟
البواب : ماعارف ( لانو كان آمى مابعرف يقراء ولا يكتب ) . ومد ليها الورقه واستاذن وطلع
ريم مسكت الورقه وقعدت تقرأها وانصدمت من المكتوب .
ريم وهي بتبكي : لالا مستحيل ....
