البارت 5
جميله كانت جارية وراء اسيآ و اسيآ مشت وركبت في العربية وجميلة جارية وراها كان الشارع فاضي جميلة جرت وجرت عشان تلحق العربية بس هي كانت صغيرة بعد مدة قصيرة وصلت لقت في عربية على جمبة . وشافت الراجل واقف وماسك اسيآ من شعرها وطعنه بي سكين في بطنها وطلعها وتاني دخلها واسيآ كانت بتصرخ من الالم جميله كانت بتعاين لي المنظر وهي منصدمة ودموعها بتجري في وشها
وماقادرة تتحرك من المنظر الشايفاهوا قدامها
اسيآ كانت بتعاين لي جميلة وكأنها بتقول. ليها اهربي من هنا .المجرم عاين لي اسيآ وحسي انها بتعاين لي حاجة والتفت في اللحظة دي جميله حست بي يد سحبتها لي وراء العربية وكانت في يد علي خشمها . لمن المجرم التفت مالقي حاجة قام خطي اسيآ علي الأرض بعد مااتأكد انها ماتت وفضي شنطة ملابسها في الأرض وشال الحاجات المهمة والغالية من الشنطة وعمل كانو في حرامية سرقوها ولمن قاومت قتلوها . في المدة دي في يد كانت ماسكة جميله وجارها ومشوا براحة لمن وصلو محل فيهوا شجر ادسوا فيهوا المجرم مشي لي العربية بعد مااخفي دليل الجريمة وركبها ومشي جميلة جات جارية لي اسيآ وبقت بتبكي وتقول ليها ماما اصحي ماتخليني براي وخضنت راس اسيآ وبقت تبكي بكاء هستيري جات يد من وراها ومسكتها من كتفها وخضنتها جميله مسكت فيهو وبقت تبكي مسح ليها دموعها وقال ليها انت بتها
هزت جميله راسها وبقت تقول ليهوا لي هي مابتصحي .اتكلم معاها خليها تصحي وانا تاني مابزعلها وبسمع كلمها بس صحيها . بقى يبكى معاها وخضني
كان عاوز يضرب لي الإسعاف بس خاف يسألوا ويعملوه قضية خصوصا انها ماتت ونبض قلبها أتوقف ساق جميله من يدها ومشي بس جميله كانت معانده وعاوزة تمشي لي امها . فتح باب العربية وركبها
كانت بتبكي وابت تسكت وكل ماتتذكر المنظر بكها بي يزيد وركب ومشي لمن وصلوا البيت فتح باب العربية ونزلها ومسك من يدها ومشي بيها وسألها وين غرفتك جميله أشرت ليهوا بي يدها وساقة علي غرفتها قعدة في السرير ومسح ليها دموعها وقال ليها خلاص ماتبكي
جميله: انت منو ؟.
انا خالد
جميله: امي تاني ماهتجي تاني ماهشوفها؟ خالد: امك طلعت فوق وإنشاء الله هتكون في الجنة صح انتي ماهتشوفيها تاني بس هي بتكون سامعاكي عشان كدة ماتبكي عشان ماتزعل منك طيب .
جميله : انا ماعاوزة تطلع فوق انا عاوزاها هنا جمبي .
خالد: ماتبكي عايني امك اسى في مكان حلوه لو شافتك بتبكي هتزعل منك انتي عاوزاها تبكي ؟
جميله هزت راسها : لالالا.
خالد: خلاص نومي انتي اسى.
ونامت جميله وهي ماسكة يد خالد خالد كان منصدم من اللي بيحصل دة وكيف ولي اخوهوا قتل اسيآ وقرر يمشي يواجه . ولمن كان بيفكر كدة لمح دفتر في السرير رفعوا كان دفتر قديم فتحوا وعاوز يقراء بس سمع صوت جميلة وهي كانت بتهلوس في نومها وصحت وهي بتصرخ قام خطة الدفتر في الطاولة وشال كباية موية قومها وشربها الموية وبقى يقراء ليها في قرأن لمن رجعت نامت تاني سحب يدو براحة وغطاها وكان طالع انتبه لي الدفتر في الطاولة شالوا وفتح اول صفحة كان مكتوب اسم آسيا عرف انو الدفتر بتاعها. شالوا معاهوا وطلع مشى غرفتوا فتح الدرج وخطى فيهوا الدفتر و قعد في السرير وبقى يفكر يعمل شنو لمن نام وهو ما حاسي .
في سفرة الفطور.
ريم : صباح الخير .
رندا: صباح الخير ماما
محمد : صباح النور.
ريم : وين الليله خالد ؟.
محمد: شكلوا نايم لي اسى .
خالد صحي وعاين لي الساعة كانت عشرة صباحا قام ودخل اتسوك واستحمي وطلع مشي عاوز يتكلم مع محمد بس لقاهوا مشي الشغل وأتذكر البت مشي ليها لقها نايمة وقال لي الخدم يهتم بيها أول ماتصحي ركب العربية ومشي لي اخو في الشركة عشان يتكلم معاهوا . دخل الشركة وسأل السكرتاريه وقالت ليهوا موجود في مكتبوا بس معاهوا زول . مشي خالد وفتح المكتب ولقى معاهو الزول القتل اسيآ وفي يدو شيك بنك
محمد : ممكن تمشي بعد دة . وفعلا طلع
خالد: دة منو؟.
محمد: زول عندي معاهو شغل.
خالد: شغل زي قتل مثلا.
محمد كان مصدوم من خالد: ها
خالد: لي منصدم كدة بتتسأل كيف عرفت صح . سكت مدة وكمل . امبارح ماكان جايني نوم وشفت نور مكتبك فاتح قلت امشي اسألك في موضوع في الشغل بس سمعتك وانت بتتكلم مع زول وسمعت كل حاجة ركبت العربية بسرعة ومشيت بيها لمن وصلت لقيت عربية في نص الطريق ركنت عربيتي علي جنبه بعيدة شوية ونزلت عارف شفت شنو ؟ اتخيل انو بتها كانت واقفة وبتشوف في امها وهي بقتلوا فيها وهي لسى صغيرة والحمد لله اني جيت في الوقت المناسب والإ كان قتلها كمان . وقرب من محمد ومسك لياقت قميصوا وبقي يصرخ فيهوا : انت قتلت زول عارف يعني شنو عارف دي روح في رقبتك انت شلت ام من بتها وخليتها يتيمة لي يا محمد عملت كدا لي شنوا ؟.
محمد سكت مسافة وقال بعدها : ماكان في حل غير كدا المرة دي عارفه عننا حاجات لو اتكلمت ممكن سمعتنا دي تنهار عارف يعني شنو يعني مافي زول تاني هيرضي يشتغل معانا يعني هندمر ياخالد . انا ماتعبت كل السنوات دي عشان أدمر في النهاية . وعارف انا عملت دة كلوا بسسب منو ياخالد البت القلت اني خليتها يتيمة عارف منو الخلها يتيمة ؟ انا اوريك السبب وراء المصائب دي كلها هو .......
يتبع . .......
