البارت 19
كم من بعيد إلينا قريب وكم من قريب كأالغريب
********,
باب المكتب اتفتح.
__: ألو . اي انا معاك كدا سامعني ؟ .. طيب تمام .. برجع ليك بعدين .
محمد مشي علي المكتب ورفع ساعة : واخيرا لقيتها . وطلع
إيهاب كان قاعد تحت طاولة المكتب عشان مايشوفوا زول . واول ماحسي انو الزول طلع . قام من تحت الطاولة .
إيهاب لي نفسوا : ياربي اسي لو في زول شافني .
إيهاب خاف انو في زول يجي ويشوفوه وطلع من المكتب نزل تحت .
مهند: إيهاب اختفيت وين ؟
إيهاب: ولامكان . كنت عاوز أسألك وين رندا وجميله وحسام مختفين ليهم مدة .
مهند : شفت جميله ورندا طلعوا سوي . بس حسام طلع قبلهم بي مدة وقلت احتمال ماشي البيت .
إيهاب: شنو. طلعوا وين ؟
مهند : ماعارف . كنت عاوز اسألهم بس في زول ناداني .
إيهاب بقي يضرب لي جميله ورندا بس مافي زول بيرد .
إيهاب: أففف مابردوا .
مهند: شوف حسام احتمال عارف هم وين .
إيهاب بيضرب لي حسام .
رندا : حسام جوالك بيرن
حسام: ماوقتوا خلي عاوز اشوف جميله هتوافق علي امجد ولا لا .
رندا : احتمال حاجة مهمة . امشي رد وانا بقول ليك اذا هتوافق أو لا .
حسام: افففف طيب هارد. .. الو
إيهاب: انت وين ورندا وجميله معاك ؟
حسام: اي معاي .
إيهاب: اسى انتو وين ؟
حسام: في شنو ؟
إيه
اب بي غضب: انت وين قول لي فورآ والا اقسم بالله مااخليك .
حسام: طيب هاارسلك الموقع .
إيهاب شاف الموقع وجري علي عربيتوا .
مهند : وين ماشي ؟
إيهاب ما رده عليهوا وكمل مشي .
جميله: بي صراحة يا امجد .. ماعارفة اقول ليك شنو ...
امجد: اهم شي تكوني صريحة مهما كانت اجابتك ماهازعل لانو ده قرارك .
جميله: بصراحة انا معتبراك زي اخوي .وبتمني تفضل كدا .انا اسفة
امجد : طيب.. انا ما....... اذا ده قرارك انا ماهااقدر اقول ليك حاجة.
جميله: انا اسفة وبتمني نبداء من جديد ونكون اصدقاء .
امجد مشي .
جميله : امجد ....
وبعد مدة جاء راجع .
امجد : سلام انا امجد بقراء في نفس جامعتك طب اخر سنة بتمني نكون اصحاب
جميله : ههه والله مجنون . وانا جميلة بقراء قانون سنة تانية .
رندا : حرام جميله رفضت امجد
حسام:اتوقعت كدا .
حسام كان بتونس وبقول في نكت عشان يرفع معنويات امجد بعد ما جميله رفتضوا
وأثناء مابتونسوا جاء إيهاب ولقي في زينة عيد ميلاد وكيكة وهم بتونسوا وبضحكوا .
إيهاب: مشاء الله عاملين حفلة هنا 😡
جميله أشرت علي حسام : ده حسام عامل لي رندا مفاجأة
رندا: جميله .
إيهاب كان معصب بس اول ماشاف تعابير جميله ورندا ابتسم تلقائيا من ردت فعلها
أيهاب: رندا وجميله يلا عشان اوصلكم اتأخرتوا انتوا .
رندا وجميله مشوا علي العربية وركبوا . وإيهاب مشي علي حسام .
إيهاب: منو السمح ليك تسوق رندا
حسام: بس ياإيهاب انت عارف انو...
إيهاب: عارف ولا ماعارف اختي ماتطلع معاها تاني .لو هي عندها اعتبار عندك كنت جيت البيت وخطبتها .وكان عاوز يمشي بس حسام مسكوا من يدو .
حسام: عارف انو تصرفى غلط وانا اسف . وانا جاي بكرة عشان اخطبها رسمي .
إيهاب ماردي عليهوا ومشي ركب العربية وفات .
رندا : مااتوقعت امجد يطلع زوق كدا .
جميله شغاله تاشر ليها عشان تسكت بس هي ما سكتت .
رندا: طلع خاتم وطلبك رسمي وكان بيقنع فيك .
إيهاب كان سائق العربية بي سرعة لدرجة قرب يعمل حادث ويدخل في شاحنة .
رندا : براحة هنموت . بس إيهاب ماقلل السرعة لمن وصلوا البيت .
رندا و جميله نزلوا ودخلوا البيت كان في ضيوف شوية فضلوا . رندا مشت وقعدت معاهم وجميله طلعت علي غرفتها .
إيهاب : رندا لحظة جوالك عاوز رقم زول
رندا: رقم منو ؟
إيهاب: رقم زول.
رندا عرفت انو مابقول ليها : طيب امسك . وبعد مدة .
إيهاب: امسكي جوالك . وفات
بعد ماالحفلة خلصت والناس رجعوا .في غرفة إيهاب .
إيهاب : الو السلام عليكم ياعمار كنت عاوزك في موضوع مهم .
عمار : اهلين خير انشاء الله.
إيهاب: بصراحة رندا ما عاوزة الخطوبة لانو عندها زول تاني وانا مابقدر أجبرها علي حاجة واحنا اسفين علي انو الكلام ده جاء متأخر وبتمني مشروع امي ما يتأثر بي الكلام دة . انت كبير واعي وبتمني تتفهم.
عمار : انا بتفهم واكيد انا كمان ماهأجبر زول علي حاجة . وماتخاف المشروع قائم انشاء الله
إيهاب: شكرآ علي تفهمك . واسف مرة تانية
عمار: مامشكلة خير انشاء الله.
إيهاب: ممكن طلب اخير . ممكن تقول لي مدام ريم انو انت الرفضت الخطوبة عشان ممكن انها تجبر رندا لو عرفت .
عمار: طيب . وقفل الخط
في غرفة جميله :
جميله : الو امجد .
امجد : جميله بكره عيد ميلاد اختي وعاوزك تساعديني .
جميله : حاضر هااساعدك .
امجد : طيب بكرة بعد الجامعة تمام .
جميله: تمام يلا باي . وقفلت الخط
جميله سمعت صوت الباب بيضرب مشت تفتحوا.
جميله: إيهاب ؟ خير في مشكلة
إيهاب: انتي وافقتي علي امجد .
جميله: امجد؟ . لا انا بعتبروا زي اخوي .
إيهاب: كويس .
جميلة قفلت الباب في وش إيهاب ومشت
