البارت 9
كنا طالعين انا وابوى عشان نتفسح . واحنا راجعين ابوي كان راكن العربية و مشي عشان يعدلها وهو طالع كان في شاحنة جاية من بعيد وضربة العربية ومشت بي سرعة .انا كنت مصدوم وبقيت اصرخ عشان يجي زول وفعلا الناس بعد شوية اتجمعوا وضربوا لي الإسعاف ونقلوا لي المستشفي . وناس المستشفى ضربوا لي امي جات . ابوي كان راقد في الانعاش في غيبوبة وممنوع زول يشوفوا وامي كانت عاوزة تسوقني وتمشي البيت عشان تودينا انا ورندا وتجي . بس انا رفضه وفي صاحب ابوي قال ليها تمشي وهو بيقعد معاي وفعلا مشت امي وفضلنا انا وهو في المستشفى .
بعد مدة جاء الدكتور وساق صاحب ابوي ومشوا اتكلموا بعيد مني وأنا ماقدرت أسمعهم وبعديها
. جاني وقال لي اقعد هنا لحدي مايجيني ومشي مع الدكتور وبعد مسافة جاء ماشي بي جمبي وطلع من المستشفى انا مشيت بي وراه كنت عاوز اسألوا اذا شاف ابوي صحي ولا لا هو كان واقف بعيد في مكان فاضي تحت شجرة وشكلوا بتكلم مع زول .مشيت عليهوا عشان اسألوا جيت جمبوا بس هو ماكان شايفني وسمعتوا بقول لي الزول اللي في التلفون...............
في اللحظة ايهاب سمع صوت قاطع تفكيروا .
_:إيهاب ؟! قاعد هنا لي شنو في الوقت المتأخر دة
إيهاب: محمد؟!
محمد: لي قاعد هنا الجو بارد
إيهاب: مافي حاجة . ومشي جو علي غرفتوا
تاني يوم الصباح
جميلة جات نازلة من السلم وشايلة معها صحن حق اكل عشان توديهوا المطبخ . وشافتهم كانوا قاعدين يفطروا الصباح . مشت المطبخ واول ماهي كانت راجع علي غرفتها سمعت ريم بتقول لي رندا .
ريم : رنودة درجتك كانت حلوة وبي المناسبة دي احنا هنطلع اليوم كلوا نتفسح ونمشي السوق
رندا : بيجد مامي . وقامت خضنتها وقالت ليها : ثانكيو . ريم: وانتو يامحمد وإيهاب لازم تجوا ومابسمح بي اي اعتراض تمام .
محمد: طيب تمام إنشاء الله . بس ايهاب ماردة عليها وفضل ساكت.
جميله كانت بتعاين لي المنظر دة واتذكرت اسيآ كانت بتتمني انها تكون معاها وكملت مشي علي غرفتها .
محمد : كنت هانسي اكلمك امي وابوي وسوسن واولاد هيجوا نهائي وكانوا بيبنوا في بيت
قريب مننا واسى انتهت وبس فاضل التشطيب وهتنزل في فندق مسافة البيت تتشطب.
ريم : خليهم يجو هنا مسافة مايجهز بيتهم
محمد: طيب انا هاكلمهم هيفرحوا .وقام من السفرة
بعد يومين المساء.
ريم : هلا ياسوسن اخبارك شنو مشتاقين
سوسن : اهلين بي الاكتر . وسلموا على بعض .وبعدها ريم سلمت علي ام محمد (حنان ) وعلي ابوه ( كمال ) وعلى اولاد سوسن
مهند ولميس توائم عمرهم 14 سنة حسام 11 سنة
ونواره 9 سنة
ريم: اتفضلوا على السفرة . مشوا أكلوا وبعديها وبعدها مشوا كل زول على غرفتوا
تاني يوم الصباح كلهم كانوا مجتمعين في السفرة
محمد: صباح الخير وجاء سلم عليهم
حنان : صباح النور لي ماجيت سلمت علينا امبارح
محمد: كنت في الشغل واول ماجيت ليقيتكم نايمين ماحبيت ازعجكم . وبعدها قعدو يتونسوا ويضحكوا.
كان في صوت حاجة وقعت .وكلهم التفتوا يشوفوا دة شنوا .........
يتبع....
