البارت 12
جميله : مانتظرت تسمع الكلام ورجعت علي غرفتها وهي بتسب ليهم من جوا قلبها عشان صحوها من النوم عشان السبب التافه دة .ورجعت كملت نومها .بعد مسافة كان في زول بيضرب ليها باب غرفتها . جميله اتجاهلت الموضوع وماقامت من سريرها . بس صوت ضرب الباب ماتوقف
جميله :اففففففف قمت قمت خلاص .وفتحت الباب .
إيهاب كان بضحك من منظر جميلة وهي صاحية من النوم
جميله: نعم ؟ صحيتني من نومي عشان تضحك
إيهاب: خالد عاوزك في التلفون ومد ليها التلفون وقال ليك انتي لي مابتردي علي جوالك .
جميله: الو كيفك . اسفة جوالي مقفول
خالد: انا رسلت ليك قروش المدرسة امشي سجلي طوالى
جميله:طيب تمام.
ومدت ليهوا الجوال .
جميله: شكرآ . و مبروك سمعت انك هتعرس
إيهاب : انا ؟!
جميله : اي انت
إيهاب: هههههههه
جميله: مالك بتضحك ؟
إيهاب: الليله خطوبة رندا ما أنا
جميله : بي الجد .
ايهاب: يعني كنتي زعلانة عشان مفتكرة اني هااعرس
جميله : اي زعلانة بس عشان صحيتني من النوم . لي هاازعل عشان هتعرس بالعكس هاافتكي من وشك . خلاص امشي انا عاوزة انوم
إيهاب: هتنزلي الليلة لي خطوبة رندا ؟
جميله. : ماعاوزة اعمل ازعاج . ريم لو عرفت ماهتخليني .
إيهاب: في ناس كتار هيجوا والمكان هيكون زحمة عشان كدا ماهتركز معاك بين الناس .
جميله : طيب بشوف . وقفلت الباب . ورجعت نامت . وبعد مسافة صحت واستحمت وفتحت جوالها وضربت لي حسام وقالت ليهوا يجيها يوصلها لي مدرسة القيادة .
حسام : انا مابعرفها بس بنسوق معانا امجد عشان يودينا .
جميله : طيب كنت عاوزة أسألك عارف انو رنده هتخطب الليلة .؟
حسام : شنو ؟!
جميله: كنت قايلاك عارف
حسام : سكت
جميله : الحصل شنو انت مش قلت لي بتحبها ؟
حسام : أنا ماقلت ليها اني بحبها . وهي مفتكراني بس صديق
جميله : هي قالت ليك انها معتبراك بس صديق
حسام : لا . انا مااتكلمت معها في الموضوع ده كنت محتاج وقت مناسب .
جميله: وقت مناسب لمن البت طفشت منك .
حسام: جميله عليك الله ماتزيديها علي
جميله حست بي حسام مضايق وصوتوا متغير
جميله: حسام انت عندك وقت لسى دي بس خطوبة وممكن تتفسخ عادى . انت لو بتحبها بفعلا ماهتخليها تمشي لي واحد غيرك . فكر في الموضوع ده كويس وشوف انت عاوز تعمل شنو وانا هااساعدك .
حسام: معليش ماهاقدر اجيك هارسل امجد يوصلك لي مدرسة القيادة .
جميله: طيب . وقفلت الخط .
جميلة مشت لبسة عبايتها ولفت طرحتها ولبست اسبورة ونزلت تحت لقت ريم مشغولة بي التجهيزات . انسحبت ومشت لي غرفت رندا ضربت الباب ودخلت لقتها واقفة في البلكونة وشاردة
جميله : رندا مالك ؟
رندا: مافي حاجة
جميله : مبروك الليله خطوبتك
رندا : الله يبارك فيك
جميله : لي مافرحانة ماعاجبك العرس ده
رندا : بصراحة ماعارفة بس العريس دة ماحصل مرة شفتوا غير في الصور
جميله : لي يعني مابتعرفيهوا ؟
رندا : كل البعرفوا انو شريك مع امي في مشروع كبير وعندوا شركات ومصانع.
جميله: انتي يعني راضية بي العرس دة ولا امك اجبرتك
رندا: امي مابتجبرنا علي حاجة هي جات وسألتني اذا موافقة او لا
جميله : وانتي قلتي شنو ؟
رندا: امي قالت لي انو المشروع دة متوقف على وانوا ماهالقى احسن منو وحاولت تقنعني . وقالت لي انا عاوزة مصلحتك . انا في البداية قلت لا بس حاولت معاي تاني لمن وافقت
جميله : هي مش قالت ليك انها ماهتجبرك علي حاجة لي اسى أصرت عليك واجبرتك ؟
رندا: هي عاوزة مصلحتي انا لو عرستوا هنسافر كل شهر حته وهنمشي المول يوميآ وهنتفسح وهااعيش احلى عيشة .
جميله : طيب مالك مامبسوطة ؟
رندا : انا فرحانة . وقاطعهم صوت الباب ضرب
ريم : رنودة افتحي الباب
رندا : الليلة دي امي . ومسكت جميله ودخلتها الحمام وبعدها فتحت الباب
ريم : فستان الخطوبة جاهز وانا اتصلت على خبراء التجميل هيصلوا بعد شوية . انا ماشى أتأكد من التجهيزات التحت . وفاتت
جميله جوالها ضرب وردت
_ : جميله؟
جميله : نعم منو معاي
__: انا امجد جيت عشان اوصلك وانا اسى منتظرك تحت
جميله : طيب انا جاية اسى .
رندا جات فتحت لي جميله الباب
جميله : انا ماشه اسى . رجاء فكري في الموضوع تاني
رندا : انا موافقة ومابغير راي . جميله رجاء تعالي الحفلة
جميله : اكيد . يلا باي . وطلعت
نزلت تحت لقت امجد منتظرها بي العربية وركبت معاهوا
كان إيهاب ومهند نزلوا من العربية وعاوزين يدخلوا البيت .
مهند : ده منو المع جميله ده ؟
إيهاب : مابعرف
مهند : ومالك زهجان كدا
إيهاب : راسي واجعني بس . ودخلوا
جميلة : ممكن نمر بي البنك قبل مدرسة السواقة
امجد : طيب .
ومشوا البنك وبعدها مشوا لي مدرسة السواقة وسجلت وادوها الايام والساعة اللي بتجي تداوم فيها . وبعدها وصلى البيت
جميله : شكرآ . تعبتك معاي
امجد : مامشكلة تعبك راحه
ودخلت جميله البيت لقت الحديقه مزينة احلي زينة والكراسي والبوفي المفتوح . جميله مشت لي غرفتها وفتحت الدولاب عشان تختار لبسة كان. دولابها مليان لبسات خالد كان برسل ليها لبسات كل مره بس هي طلعاته ماكانت كتيرة عشان كدا لبساتها كلها جديدة . اختارت فستان وطرحة وقعدت استشورت شعرها شعرها كان عادي لا طويل ولا قصير . عملتوا كعكة لي وراء وطلعت خصل بي الجمبة وعملت مكياج قالت تمشي تشوف رندا . نزلت تحت ومالقت ريم . ومشت على غرفت رندا لقت ريم جمب باب الغرفة و بتكلم مع زول.
جميله سمعت الكلام .
جميله: الليله 😲..........
يتبع.........
