البارت 23
إيهاب بتكلم بي صعوبة : انت....انت ..... .انت منو ؟ انتو منو وانا منو وانا وين وفي شنو لي راسي واجعني كدا ؟ .
الدكتور : ممكن تطلعوا بره اسى . وطلب من الممرضة تعمل ليهوا صورة اشعى .
وبعد مدة الدكتور طلع .
محمد: مالو يادكتور ؟
الدكتور : الحادث اثر في ذاكرتوا ومسحها
محمد: مسح ذكرياتوا كلها ومتين هترجع ليهوا .
الدكتور: اي لي الأسف اتمسحت كلها . بس النوع ده من الاصابات مابيرجع زكرياتوا حتي لو رجعها هيكون متذكر جزء منها وماكلها .
محمد: يعني هيكون متذكر لحظة الحادث ؟
الدكتور: مابقدر اأكد ليك بس صعب جدآ انوا يتذكر . وخصوصآ في حالتوا دي .احتمال كبير مايتذكر اي حاجة .
محمد: طيب .شكرآ يادكتور .
محمد في نفسوا : الحمد لله مافي داعي اعذب روحي وافكر اتخلص منوا . هو اصلا ماهيتذكر حاجة .
وبعد فترة إيهاب بقي يتحسن وريم لمن عرفت انو إيهاب صحي حالتها اتحسنت اكتر .وبعد مدة طلعهوهم من المستشفى .
الدكتور: ماتضغضوا عليهوا عشان يتذكر واهم حاجة يرتاح وياخد الدواء في الوقت . ومشي .
في الفلا.
طلعوا إيهاب علي غرفتوا .
محمد: ريم انت كمان مابقيتى كويسة لازم ترتاحي .
ريم: انا كويسة بس عاوزة اقعد مع إيهاب .
محمد: إيهاب كويس . وانتي لازم ترتاحي يلا بدون نقاش علي غرفتك .
ريم: طيب .ومشت علي غرفتها ومحمد طلع علي الشركة .
إيهاب كان نايم في غرفتوا .
جميله كانت في غرفتها : الحمد لله إيهاب بقي كويس بس انا لازم القي أدلة بس اعمل شنوا .
اول حاجة محتاجة ارتب أفكاري واعرف انا هاعمل شنو . اول حاجة هاامشي اشوف إيهاب احتمال الورق عندوا بس هو عندوا فقدان ذاكرة كيف هيعرف هااشوف جواله بكون فيهوا دليل أو حاجة .اكيد الزول الوصلوا المستشفى اداهوا لي واحد من ناس المستشفى وبعدين وصل لي إيهاب بعد صحي . ومشت علي غرفت إيهاب وفتحت الباب لقتوا نايم عاينت لقت جواله في الطاولة الجمبوا . ومشت شالتوا لقت فيهوا قفل .
جميله: ياربي الباسورد شنو؟ اسي ده افتحوا كيف عاينت لقت في الشاشة مكتوب .
ونظرة منك احرقت قلبي
حبست انفاسي واخذت عقلي
جميله : افففف واسي الحل شنو . كدي اجرب اسموا . طلع غلط .طيب اسم اموا . طلع غلط . رندا . طلع غلط . كدي اجرب اسمي اصلا مافضل غيروا بس مستحيل يطلع صح . واول ماجربتوا فتح . جميله هو خاطي اسمي غريبة لي شنو ؟
وكانت طالعة بس سمعت صوت إيهاب بهلوس .وقام من النوم مهجوم .
جميله : بسم الله إيهاب مالك . وشالت كبايت موية وادتوا يشربها . انت كويس ؟
إيهاب : اي .
جميله: الحمد لله .
إيهاب : انا سمعتك وانتي بتبكي علي في المستشفى . بس قالوا انو عندي اخت وحدي . انت منو ؟
جميله : انا ....انا .....ببقي ليك .
ومسك إيهاب يد جميله : ماعارف بتبقي لي شنو وماضرورى اعرف بس حاسي انك مهمة بي النسبة لي .ولمن سمعت كلامك وانتي بتبكي حسيت اني رجعت من الموت .
جميله دمعت وحضنت إيهاب : الحمد لله انك بخير تاني ماتقول انك هتموت .
إيهاب فقع ضحك : اسف بس حسيت كلامك درامي . وشكرآ علي الحضن .
جميله وشها بقي احمر وطلعت مشت علي غرفتها .
جميله: واحد غبي حتي وهو مامتذكر اي حاجة .
مامهم المهم اسي انا معاي التلفون وبقت تفتش عن أي دليل أو حاجة مهمة . وفتحت الصور لقت في نسخة من ورق . وبقت جميله تقراهوا
جميله: الحمد لله هو صور النسخ دي قبل ما محمد يشيلها منو . كدا انا عاوزة دليل علي باقي الجرائم اللي ارتكبها بس دي ألقاها وين . فكري ياجميلة فكري مافي جريمة كاملة اكيد في دليل نسي يخفيهوا انا عشان اعرف لازم اكون مراقباهوا واعرف اي دليل عنوا .
في غرفة رندا
رندا: الو حسام كيفك .
حسام: تمام الحمد لله . اه حددي يوم عشان أجي اخطبك ؟
رندا : انا اسفي ياحسام بس بصراحه ماعارفة اقول ليك شنو امي..
حسام: مامشكلة انا بجي الليله واتفاهم مع امك تمام . يلا بشوفك بعدين .
رندا: حسام لحظة. الو..... . أففف قطع الخط
وفي وقت الغداء كلهم كانوا قاعدين . جميله جات نازلة وريم كانت بتحمر ليها .
جميله : .هلا بابا
محمد: اهلين جميله.
جميله: اوه . نسيت اسلم عليك عموا اخبارك
خالد كان مستغرب : اهلين جميله .
جميله : لي مدة ماشفتك مش انا بتك لي مابتجي تسأل مني .
خالد : اسف. ياجميلة
جميله: مامشكلة بابا .
خالد كان مستغرب من تصرفات جميله
جميله اكلت وقامت .
ريم كانت متنرفزة منها .
والمساء لمن جاء كان حسام في البيت .
حسام: خالتو ريم كنت عاوز اتكلم معاك في حاجة ضرورية اذا ماعندك مانع .
ريم: طيب اتفضل . وقعدوا في الصالة ورندا جات نازلة لابسي ابرول اسود مشجر بي الوان وعاملة شعرها طفيرة وخطها بالجمبة .
رندا : اهلين حسام .
حسام: ياهلا .
وقعدت رندا معاهم .
حسام: خالتوا ريم انا
عاوز اخطب رندا وبتمني توافقي .
ريم: انا بعتبرك زي ولدي بس خطوبة من رندا مستحيل تحصل .
حسام: لي ياخالتوا مش انا زي ولدك . لي رفضي
ريم: حسام انا لمن اعرس لي بتي بعرس ليها زول عندوا شركات وأملاك ويقدر انو يهتمي بيها ويسعدها .انت اسي لو عرستها هتسكنها وين ؟ مع أهلك ؟ هتأجر شقة ؟ انا بتي مابسكها غير في فلا زي ماكانت ساكنة . ومشت
حسام زعل وكان عاوز يمشي
رندا: حسام انتظر ماتمشي .
حسام: اسف بس شكلوا انا اقل من مستواكم .
رندا: رجاء ياحسام انا هااقنعها
حسام: مافي داعي بتمني يخطبك واحد غني زيك . ومشي
رندا طلعت غرفتها وهي زعلانة .
جميله كانت قاعدة في غرفتها وبعد شوية جاء خالد داخل .
خالد: كيفك بتي الحلوة .
جميله: تمام وانت كيف .
خالد: انا بخير مادام انتي مازعلان مني .
جميله: خلاص انا مازعلانة . لكن بشرط انا عاوزة بوظة .
خالد: حاضر من عيوني اسي نمشي محل الايسكريم .
جميله: شكرآ بابا .
جميله كان بتتمني تقول لي خالد الحقيقة بس اتذكرت كلام إيهاب وفضلت ساكتة .
بي المساء كان في زول جاء لي محمد في البيت ومحمد ساقوا ومشيوا لي مكتبوا كان كل زول في غرفتوا ومافي زول غير جميله شافوا . جميله مشت ووقفت في باب المكتب عشان تسمع .
محمد: انت مجنون الجابك هنا شنو ؟ انا مش قلت ليك تاني ماتجي هنا .
: سيد محمد انا اسف بس كنت عاوز اطلب منك قروش ضروري لاني بمر بظروف سيئ .
محمد: انت كل مره هتبتذاني كده عشان عارف اسراري . امسك دي شيك شيلوا وماتجي تاني هنا فاهم والا هااخلي نهايتك زي نهاية الناس القتلتهم لي .
جميله: ده الزول القتلهم . شكلوا محتاج قروش . واخيرآ لقيت الدليل
محمد: يلا امشي وتاني ماتجي .
: طيب . وجاء طالع
جميله اتدست لمن هو طلع .
المجرم طلع وكان ماشي في الشارع وجميله لحقاهوا بي الدس . وبعد مدة طويلة من المشي
__ طلع سكين : اطلع عارفك لاحقني من الفلا .
جميله كانت خائفة بس طلعت
المجرم خطي السكين في رقبتها : اخر وصية ليك ياحلوة .
يتبع ............
