البارت 4
رجعت البيت ورفضة امشي لي جميله متعمدة عشان ماقادرة اواجها دخلت وقعدة في الكرسي وطلعت الدفتر وبقيت اكتب فيهوا لاني برتاح لمن اكتب بحس كاني بتكلم مع زول . اخدني الوقت وكانت الساعة 12 بليل طلعت عشان اطمئن على جميله وهي نائمة بما اني ماعاوزة اواجهى وهي صاحيه بس انصدمت لمن فتحت الباب ومالقيتها وشفت الشباك مفتوح وجمبوا طاولة قلت اكيد بتكون طلعت وجريت افتش عليها بس فرحته لمن لقيتها واقفة جمب غرفتي مشيت عليها ومسكت كتفها بس ماالتفتت وبقت تصرخ .
آسيا: اهدئ ياجميلة دي انا اسيآ ماتصرخى .
جميله: ماما ماما مشيتي وين كنت بفتش ليك 😭 لي الليلة ماجيتني اشتقت ليك وحضنتها
آسيا حست بي غبنه وهي بتسمع في كلامها وخصوصا هي بعد شهرين هتخليها براها
اسيآ نزلت لي مستوى جميله وقالت ليها : خليك قوية و اوعك تبكي اكيد في المستقبل هتواجهي مشاكل كتيرة خليك دايما قوية .
جميله: مشاكل ؟! بس انا ماهتواجهني مشاكل وانتي معاي 😁
آسيا : جميله بس انا مادايمة ليك يابتي
جميله : ماشه وين ؟!😲
آسيا : مامهم يابتي ورح ندخل جوا الوقت أتأخر يلا امشي نومي
ودخلت جميله واسيآ الغرفة جميله مشت على السرير ورقدت وبدت تنوم من التعب اسيآ مشت تقفل باب الغرفة بس شافت زول برة . و اسيآ طلعت وقفت بره
آسيا: لي انت صاحي لي اسى؟
ايهاب: خالتو آسيا (وكان بعزها شديد لانها الربتو ) دي حفيدك ؟
آسيا:اي يا ايهاب ويلا امشي نوم عشان الوقت أتأخر تصبح على خير
ايهاب: وانتي من اهلوا. طلع الغرفة حقتوا ورقد نام
في الصباح على السفرة
ريم : صباح الخير
رندا : صباح الخير ماما
خالد: صباح النور
محمد: صباح النور
ريم:وين إيهاب الليله ؟
رندا: ماجاء شكلوا نايم لسى . ماما ورح نطلع انا زهجانة لي يومين قاعدة في البيت من ما أجزته
ريم: عندى شغل مافاضيه يارنوده
رندا : بابا ورح نطلع
محمد: معليش رندا والله مشغول
خالد: كدا تزعلوا رنوده خلاص انا بمشي معاك تمام
رندا: هااااااا عمو خالد هيطلعني .وقبلت لي محمد ورندا وقالت ليهم :احسن منكم انتوا ما معبريني
ريم: ما تزعلي يوم الجمعة الجاي بنمشي كلنا رحلة طيب
رندا:طيب تمام مازعلانا.
آسيا كانت بترتب في شنطها عشان بكرة اخر يوم ليها في الشغل وهي ماعارفة تكلم جميله كيف
وقررت تعمل ليها رساله وتطلع تسافر وتخليها نايمة عشان ماتصحي .
وبعد خلصت شغلها لي اخر يوم ليها ريم نادتها واسيآ مشت ليها .
اسيآ :نعم مدام
ريم: كنت هااسلك هتسافري الساعة كم ؟
آسيا : 3 صباحآ الباص هيتحرك
ريم: هتمشي وين ؟
آسيا: هامشي البلد عندي بيت مقفول هاافتحوا واقعت فيهوا
ريم :طيب تمام . بخلي محمد يطلع ليك عربية وسواق يوصلك لي الباص
آسيا:شكرا يامدام .بس ممكن اسائلك
ريم:في شنو ؟
آسيا:بعد ماامشي جميله ... ؟!
ريم: جميله هتهتم بيها وحدي من الخدم لمن تكبر
آسيا: وبعد ماتكبر؟
ريم: ماعاوزة اسائلة كتيره واسى ممكن تطلعي وراي شغل
آسيا: استأذنت وطلعت
ومشت لي جميله عشان تشوفها وتكمل باقي اليوم معاها وقعدت تلعب معاها وتحكي ليها قصة
جميله: ماما انتي العلمك القراية والكتابة منو ؟
اسيآ : زمان كان في مرة بتلم البنات في بيتها و تعلمنا الكتابة والقراءة وكان بدرسونا العربي وكنت بحب الشعر اللي في كتاب العربي وبعد مااتعلمت القراية بقيت اجيب كتب الشعر واقراهوا .
جميله : انا كمان بحب الشعر .وعاوزاك تجيبي لي كتب كتير .
آسيا : ههه حاضر من عيوني .
وفضلوا يلعبوا ويتونسوا لحدي وقت متأخر وبعدها جميله نامت .قامت آسيا وغطتها بي الغطاء وباستها في رأسها وطلعت
مشت لي غرفتها وبقت تلم في باقى حاجاتها وقعدت في السرير واتأملت في الغرفة وفتحت الدرج وطلعت دفتر مذكراتها وكتبت . .....
ياحزن قلبي حين اتركگ
وكيف اتركگ والقلب موضعكى
لولا الظروف و جور مافيها
ماكنت اتركگ يا اغلى من العين
وقفلت المذكرة وطلعت ورقة وقلم وكتبت
اسفة يا جميله لاني مشيت وخليتك براك بس كنت. لازم امشي وهنا احسن ليك من ماتمشي معاي وتتجهجهي سامحيني لاني ماقدرت اودعك قبل ماامشي . انتبهي علي روحك وماتزعلي خليك قوية دائما .
ودعتك الله يابتي من اسيآ .
قرب مواعيد السفر آسيا شالت شنطة كبيرة فيها ملابسها وشنطة يد خطت فيها قروشها ودفتر مذكراتها طلعت بره لقت في عربية واقفة ومعاها سواق زي ما قالت ليها مدام ريم بس اسيآ استغربت لانو اول مرة تشوف الوش ده ماكان واحد من الشغالين في الفلا وشالت الشنطة وخطتها في العربيه وقالت لي السواق دقيقه نسيت حاجة
السواق: طيب بسرعة عشان ما تتأخري علي الباص سيد محمد قال لي الساعة 3 بيتحرك
ومشت آسيا لي غرفت جميله فتحت الباب دخلت لقتها نايمة قعدة جمبها فتحت الشنطة الصغيرة طلعت دفترها كان في نصفه ورقة طلعتها وخطت الدفتر في السرير وخطت الورقة في الطاولة الجمبها وباست راسها وقعدت تمسح في شعرها . وبعد مدة حست بي الوقت أتأخر وقامت بي سرعها وطلعت
ونست دفترها في سرير جميله
جميلة صحت بي اسيآ وقامت عاوزة تمشي ليها التفتت لقة ورقة في الطاولة الجمبها شالتها وبقت تقراء بس ما كانت بتعرف تقراء كلمات كتيرة لانها صغيرة كل الفهمتوا انو امها ماشة منها وتاني ماهتجي . وقامت بي سرعة ومانتبهت انو في دفتر في سريرها وطلعت عشان تلحق اسيآ .
آسيا كانت ماشة علي العربية ..
في وحدة من الغرف :.
ررررن رررن
: الو العملية تمت
_: لسة بس اطمئن .اعتبرها منتهية
: عاوز اقول ليك فتح عيونك كويس ماعاوز غلطة المرة دي بعد ساعة بي الكتير عاوز اسمع خبر موتها
_: اترحم عليها من اسى
ومن وراء باب الغرفة .
-: بي صدمة : موت ؟ هو عاوز يقتل منو ؟! والصدمة لمن قالوا الاسم
-: مستحيل عاوز يقتل .. ..
يتبع .......
