البارت 10
كانت جميلة واقفة في السلم وفي كزاز في الأرض
ريم : دة شنو؟ انت ماقادرة تعمل لي حاجة زي الناس
سوسن: دي منو ياريم ؟
ريم : دي ..وعاينت لي محمد
محمد: دي بت خدامة كانت شغالة معانا هنا وفترة شغلها انتهت
سوسن: ولي ماساقتها معاها هي مش بتها ؟
محمد: هي بتها بي التبني . وهي اسي ماتت عشان كدا خلينها معانا لمن تكبر بس
سوسن : ايواا طيب تمام
ريم نادت الخدامة تنضف المكان وقالت لي جميله : اطلعي علي غرفتك يلا . جميلة مشت وهي بتتسأل الناس ديل منو ؟
كمال : يعني انتو اتحملتوا مسؤوليتها . بس لازم تعاملوها كويس
محمد: احنا مامخلينها محتاجة حاجة
كمال : هي طفلة ومحتاجة زول يعاملها كويس اكتر من زول يديها العاب وحاجات .
محمد: طيب . ياابوي الشاي هيبرد اشربوا .
ريم كانت ساكتة بس الكلام ماكان عاجبها .
في وقت العصر كدا كانت ريم وحنان وسوسن بيشربوا القهوة وبتونسوا في الحديقه . وكانوا رندا ونواره وحسام بيلعبوا في الحديقه و إيهاب ومهند كانوا بيلعبوا بلستيشن . ولميس في غرفتها شغالة في تلفونها
حسام : رنده خلي البت ديك تجي تلعب معانا عشان نعمل فريقين لي اللعبة
رندا : لا لا ماما بتشاكلنا ماما قالت إنها بت الخدامة ومابنفع تلعب معاها
حسام : بس احنا ماهنكلم خالتو ريم عشان ماتزعل
نواره : لا لا ياحسام خالتو ريم كلامها صاح هي بت خدامة احنا ماهنلعب معاها . ومسكت يد رندا وقالت ليها ارح نلعب ومشوا
حسام مشي يفتش في الغرف فوق علي غرفةالبت وفتح الباب لقها قاعدة جمب الشباك وبتعاين لي الناس البتونسوا وبلعبوا في الحديقه . جاء حاسم وقال ليها :انتي اسمك منو ؟
جميله: انت منو ؟؛
حسام: انا حسام وامي اسمها سوسن وانتي ؟
جميله: انا جميله
حسام: انتي لي قاعده براك هنا لي مابتلعبي معانا ؟
جميله: المرة ديك حمياني انزل تحت واسى لو. شافتك بتشاكلك
حسام: هي قاعدة تحت مابتعرف .عندك العاب هنا ؟
جميله: اي وقامت فتحت الدرج وطلعت العاب. وقصص
حسام: بتعرفي تقري القصص ؟
جميله: انا بعرف اقرء كلمات كتيرة ماما علمتني كيف اقراء
حسام : طيب اقري لي القصة دي
جميله: طيب .
وبقت تقراء لمن خلصت القصة .
جميله: خلاص امشى اسى لو جات المرة ديك بتشاكلنا .
حسام: طيب باي . ومشي
جميله كانت جعانة والليلة ماجاها صحن الاكل فقامت نزلت تحت ومشت لي المطبخ لقتوا فاضي مافيهوا زول . شالت صحن ومشت عشان تكب اكل بس كانت الحلة حارة واتكشحت في يدها وقعت في الأرض واترش حبة في رجلها . كانت بتصرخ إيهاب كان ماشي بي جمب المطبخ وسمع صواريخ جميلة جاء داخل المطبخ لقي اتكب فيها الاكل الحار شال موية باردة وكبها في يدها ورجولها وخطة ثلج عليها ومسكي وجاء طالع لقي اموا وسوسن قاعدين في الصالون . وكمل مشي علي باب الشارع
ريم: وين ماشي ؟
إيهاب: المستشفى
ريم بي هجمة : مالك انت كويس في حاجة واجعاك
إيهاب: لا بس جميله اتحرقت .
ريم : مافي داعي تتعب نفسك وتمشي الدكتور الحرق بيروح بعد فترة خاليها ماتعب نفسك معاها
سوسن : اي ياولدي خليها السواق بيوديها
إيهاب طلب من السواق يشغل العربية واتلفت وقال ليهم: مابتأخر بجي سريع وطلعوا ركبوا العربية ومشوا .
ريم : كمان عاوزة تخلي ولدي خدام عندها ده الفضل
في الطريق لي المستشفى كانت ريم ساكتة رغم الالم الكانت حاسة بيهوا وكانت بتعاين لي الشباك
إيهاب كان ساكت وبيعاين ليها ولي حالتها وبتذكر اسيآ الكانت مهتمية بيها وقرر انو يساعدها لانها بت خالتوا آسيا الكان معتبرها زي اموا . وبعد مدة وصلوا المستشفى وعملوا ليها برهم وادوها أدوية . وهم راجعين البيت .
إيهاب: عاوزة اسكريم
جميله: لا لا شكرآ
وصلوا البيت جميلة كانت راجعة علي غرفتها . بس سمعت ريم وهي بتتزهج من جميله وبتشاكلها .
جميله ماكان عندها حيل درت عليها وطلعت على غرفتها وبعد مدة جاء إيهاب واعطاها الدواء وطلع. جميله نست انها كانت جعانة ورقدة في السرير وغمتت عيونها عشان تنوم بس سمعت صوت الباب فتح عاينت لقتوا حسام
حسام: جميله انتي كويسة سمعت انك اتحرقتي ؟!
جميله هزت راسها بي نعم
حسام: انا جبت ليك حشوة معاي قلت لي الخدامة انا جعان وعملت لي حشوة جبتها وجيت براحة ومافي زول شافني . ومد ليها الحشوة
جميله: ماعاوزة
حسام : بس انا جبتها ليك اكليها وخطها ليها في يدها وفات .
جميله مسكت الحشوة واكلتها . وبعديها نامت
وتاني يوم الصباح :
صحت جميلة وعاينت لي الطاولة لقت فيها صحن وجمبوا كباية موية وجمبوا حبة حقت دواء ومشت اتسوكت وصلت وشالت الصحن واكلت وبلعت الحبة بعد الظهر حسام كان طالع لي جميله بس نواره شافتوا وسألت رندا : دي غرفت منو يارندا
رندا: دي غرفت جميلة
ريم : صباح الخير ياحلوين مالكم واقفين هنا
رندا : ولا شئ
نواره: بي صراحة ياخالتوا انتي مش قلت لينا مانلعب مع البت الاسمها جميله
ريم: في حاجة يا نواره ؟
نواره : حسام طلع يلعب معاها
دخل حسام غرفت جميلة ولقها بتقراء في قصة
حسام: انتي بتحبي تقري القصص
جميله : اي . بس في كلمات كتيرة مابعرفها
حسام: طيب انا هاعلمك الكلمات الباقية . تمام
جميله: طيب .
حسام: كدا احنا اصحاب
جميله: بس انا ماعندي أصحاب
حسام: اسى بقي عندك . ورح نلعب بي الالعاب
ريم جات داخلة الغرفة ومسكت حسام من يدو وقالت ليهوا : حسام حبيبي مافي داعي تلعب مع بنات الخدمات في رندا ونواره العب معاهم
حسام : بس جميله صحبتي
ريم : هي ماصحبت زول هنا ويلا امشي العب مع نواره ورندا
حسام : ماعاوز امشي
ريم بي حزم : انا قلت شنو ؟
وبعدها رندا سحبت حسام من يدو وفاتوا
ريم : وانتي انا قلت ليك شنو ؟ تاني ماتزعجي زول هنا عشان مااقفل الباب بي المفتاح . وطلعت .
جميله كانت ساكتة كانت بتتمني خالد يجي إجازة عشان ريم تسكت منها شوية .
ايهاب كان مارى وسمع كلام ريم مع جميلة ومشي علي المطبخ وبعدها طلع لي جميله ضرب الباب وبعدها فتحوا .
جميله كانت راقدة واول الباب فتح قامت على حيلها
إيهاب :جبت ليك كيكة شكلاتة . وخطها في الطاولة .
جميله: شكرآ. ورقدة راجعة .
إيهاب طلع ومشي على غرفتوا . لقى فيها مهند
مهند: مشيت وين ؟
أيهاب : ولا مكان
مهند: عرفت اكيد مشيت ودتيت الاكل لي الشافعة ديك . انت شاغال دادة وانا ماعارف
إيهاب: لا ماشغال دادة وامشي لي غرفتك خليني انوم
مهند : طيب بس لي بتهتمة بي الشافعة ديك بعرفك بتكره الاطفال
إيهاب: عاوزين ندبحها في عيد الاضحى
مهند : انا جادي 😒
إيهاب: هي بت خالتوا آسيا عشان كدا
مهند: ودي المرة الربتك
إيهاب: اي ويلا طير على غرفتك
مهند: طيب مشيت . وطلع مشي على غرفتوا
وبعد كم يوم بيت ناس سوسن اتشطب ومشوا ليهوا بس كانوا بيجوا في أيام الإجازة والاعياد .
ومرت السنين بي سرعة وكانت ريم مابتخلي اي فرصة عشان تشاكل ريم وتضربها وتذكرها انها لقيطة وجميله كانت بتكره ريم شديد وفي نفس الوقت كانت صاحبة حسام شديد وإيهاب كان بيهتم بيها مره مره ومحمد كان مشغول في الشركة ورندا كانت بتساعد جميله مره مره لمن تقع في المشاكل بدون ماامها تعرف وجميله كانت شاطرة في دراستها شديد . بس خالد كان مضغوط في الشغل ومابلقي وقت عشان يجي لي جميله بس كان بتواصل معاها بي الجوال طوالي .
صحت الصباح على صوت المنبه وقامت دخلت أتسوكت وصلت وقعدت في التسريحة اتمكيجت على خفيف ولبسة لبستها ولفت الطرحة وفتحت الجوال اتكلمت مع خالد .
خالد: صباح الخير جميله
جميله: صباح النور
خالد: مشاء الله اتحصني بيسحروك
جميله: هههه .طالعة كيف الليله اول يوم في السنة التانية السمستر التاني في الجامعة .
خالد : حلوة
جميله: يلا باي عشان اتأخرتة
خالد: باي .
ونزلت جميلة تحت لقت رندا وإيهاب و ريم ومحمد بفطروا كالعادة . وجات نازلة . ومشت على الباب بس مالقت عربية . عشان توصلها وجات راجعة عشان تسأل . بس ريم ردت عليها
ريم: انتي بقيتي كبيرة تمشي وتجي بي طريقتك دي مامسؤليتنا نعمل ليك عربية .
جميله : اذا مسؤولية منو ؟
ريم:, انتي كل ماتكبري لسانك بكبر معاكي ؟
جميله ماردت وطلعت الشارع وكتبت في قوقل الموقع حق اقرب موقف مواصلات وفضلت ماشي. على الشارع . كان وراها عربية وكانت ماشة بي سرعة علي جميله .
جميله: لااااااااااااااااااااااااااا .....
يتبع .....
جميله بقى عمرها 20 سنة بتقراء قانون ورندا 24سنة اتخرجت من فنون ونوارة بتقراء هندسة وعمرها 22سنة و حسام عمروا 24سنة وبقراء طب آخر سنة و مهند ولميس وإيهاب عمرهم 27 سنة مهند وإيهاب اتخرجوامن اداره اعمال وشاغالين في الشركة ولميس اتخرجت من لغات .
