البارت 13
جميله سمعت كلامها
جميله : الليله .
ريم جات ماشه جميله جرت عشان ماتشوفها وطلعت بره ضربت لي حسام.
حسام : شنو؟ جميله انتي متأكدة من الخبر ده
جميله : اي قبل شوية سمعت ريم بتتكلم .
حسام: طيب .
جميله : هتعمل شنو ؟
حسام:. مابعرف . وقفل الخط
جميله ماعرفت تعمل شنو . وطلعت علي غرفتها تفكر .
رندا مشت غسلت يديها من الحنة وشافت رسالة علي جوالها مسكت الجوال وقرت الرسالة ....
رندا رجاء في حاجة ضرورية عاوز اتكلم معاك فيها مسألة حياة أو موت رجاء قابلني في البوابة الخلفية في عربية لونها اسود هي العربية الوحيدة . رندا ماكانت عارفة تعمل شنو ولا الرسالة دي جاتها من منو . وقررت تمشي تشوف الزول دة منو . طلعت رندا من غرفتها وجرت علي الباب الخلفي ولقت في عربية واقفة فتحت باب العربية وركبت
رندا: انت منو ولي عاوز تشوفني .
واول مالف ليها .
رندا: حسام ؟! في شنو
حسام: انا اسف بس في حاجة مهمه عاوز اقولها ليك .
رندا: ولي مرسل لي رساله من رقم غريب
حسام : جبت شريحة جديدة . رندا انتي عارفة ان الليلة قعدك مع الخطوبة
رندا سكتت وبعدها قالت : عرفت كيف ؟
حسام : يعني الخبر القالتوا جميله صح .
رندا : عرفت من جميلة يعني
حسام عاين لي الحناء وكان عيونوا هتبكي :
يديكى قصة عيناي ترويها .
رندا : طلعت بتعرف تقول شعرآ كمان مشاء الله .
حسام : انتي العرس ده بي اراتك ؟
رندا : اممم . ايوا
حسام : انتي متأكدة ؟!
رندا : لي شنو بتسأل ؟
حسام : يعني انتي معتبراني شنو في حياتك ؟
رندا : حسام قول في شنو ؟ لي انت بتسأل الأسأله دي كلها ؟!
حسام: رندا .. انا .. انا .. بحبك وما من اسى من زمان ومابتخيل فكرت انو في زول تاني يعرسك يارندا .
رندا قعدت تضحك : انت بتمزح صح انت جاي يوم عقدي تقول لي كدا ؟ كنت زمان وين ؟ انت بتعرف يا حسام انت واحد جبان ومابتقدر توقف العرس ده .بس بتقدر تتكلم وبس . وانا كمان جبانة مابقدر ارفض بعد ماالناس كلهم جوا . صح احنا عائلة منفتحة بس برضوا لو انا رفضة الناس هيتكلموا في الموضوع ده وهينتشر . والمشروع حق امي هيدمر تمامآ .
حسام : رندا رجاء اسمعيني .
رندا: رجاء ما عاوزة اسمع منك .اصلا مافي حاجة تتقال
حسام: بس انتي قوليها وشوفي هااعمل عشانك شنو
رندا: بس انت اتأخرت . ونزلت وقالت ليهوا الليلة عقدي بتمني تجي كصديق لي ومسحت دموعها ومشت .
حسام كان ندمان انو ماكلمها من زمان ..
جميله كانت بتحاول تضرب لي حسام بس مابرد وبعد مسافة رده
جميله : انت كويس ؟
حسام : اي
جميله : مالو صوتك ؟ حصل حاجة
حسام : قابلت رندا . وحكي ليها القصة كلها
جميله : انا هاحاول اخلي الخطوبة دي ماتتم
حسام: هتعملي شنو ؟
جميله : هاافكر في حاجة . وقفلت الخط
جميلة كملت لبسها عملت ورتبت شعرها وخطت الطرحة في رأسها وطلعت خصل ولبست الفستان لونو ازرق مخملي بي اكمام ماسك لمن الخصر وبعدها جاي عادي وفي سلاسل فضية في الظهر وجزمة عالية فضية وجات نازلة من السلم إيهاب كان واقف وبيعاين ليها جاء مهند
مهند: إيهاب في ناس قالوا عاوزنك بره . انت سرحان وين . وعاين لقي جميله نازلة
مهند: مشاء الله .
إيهاب انتبه : ورح يامهند في ناس منتظرننا . وفاتوا
جوال جميله ضرب :
جميله : الو
امجد : جميله انا تحت جمب الباب
جميله: طيب انا جاية . ومشت ليهوا
جميلة: امجد خير في مشكلة ؟
امجد : جميله ؟ وكان سرحان فيها
جميله : امجد . امجد
امجد : ايوا .. انا جيت عشان أسألك من حسام اتصلت عليهوا وصوتوا ماعجبني وقال لي الليله خطوبة رندا وقفل الخط وبحاول اضرب ليهوا من قبيل تلفونوا مقفول و خايف يعمل في روح حاجة
جميله : اهدئ هو هيكون كويس . انا قلت ليهوا هااحاول اطرشك الحفلة .
امجد : هتعملي شنو ؟
جميله: عندي خطة بس محتاجة مساعدك
امجد: قول ليها .
جميله : هنمشي الصيدلية عشان نجيب حبوب منومة ونرميها ليهو في العصير وبعدها اكيد هيمشوا بيهوا لي مستشفى القريبة مننا . انت هتمشي لي المستشفى انت مش في آخر سنة طب هتقدر تقول ليهم انت تدكتور .
امجد : ماينفع كدا احتمال يمسك الحالة دكتور قبلى .
جميله: بس لو وصل الدكتور هيعرف انوا بلع منوم
امجد: ممكن نديهوا ربع حبة صرع بتخلي الزول ينوم وفي نفس الوقت الدكتور هيقول انو هبوط عادي وبس .
جميله: صرع ؟! ماخطر
امجد :احنا هنديهوا بس ربع حبة
جميله : طيب
ومشوا وجوا سريع .
جميله : هندخل بي الباب الخلفي احسن عشان مافي زول يشوفنا. ودخلوا المطبخ .
جميله: امجد امسك البس الزي ده عشان انت اللي هتقدموا ليهوا
امجد: انا ؟ بس لو اخو حسام أو امو شافوني بيعرفوني طوالي .
جميله: احسن مانديهوا لي واحد من الخدم وبعدين يكلم علينا ريم . وبعدين الزي فوقوا قناع عملنها زي حركة الخدم كلهم خاطنوا علي وشهم وكدا مافي زول بيعرفك .
امجد: طيب . وشالوا كباية عصير خلطوا معاها ربع الحبة .
في الوقت ده جات رندا نازلة وكانت لابسه فستان لونوا وردي ماسك من فوق لمن الخصر واسع من تحت وشعرها عملتوا تسريحة لي وره وطلعت خصل بي الجمبة ولابست جزمة فضية كعب عالي واسكسوار فضي . ومكياج حلوووا . الناس كلها كانت بتعاين ليها
كان العريس جاء وقاعد مع رندا بعيد من الناس . جاء امجد شايل عصير اداه لي العريس وفات بي سرعة .
العريس( عمار ) : رندا اتفضلي انا ماعاوز عصير
رندا: لالا ماعاوزة
عمار : رجاء ماتحرجيني
رندا مسكت العصير وبقت تشربوا .
جميله كانت واقفة بعيد بس شافت رندا وهي بتشرب في العصير . جميله مشت لي امجد
جميله : امجد رندا شربت العصير
امجد: شنو ؟!
جميله : هو ماخطر صح ؟
امجد : بتمني مايكون خطر عليها
جميله قربت تبكي : قول انها هتكون كويسة
امجد : اهدئ ياجميلة إنشاء الله تكون بخير
وسمعوا صواريخ بره جروا عشان يشوفوا في شنو .
لقوا رندا واقعة وكلهم متلمين فيها . وشالوها علي العربية .
امجد : انا هاامشي لي المستشفى عشان اعرف الوضع
جميله : رجاء اضرب لي وضمني علي حالتها
امجد : طيب انشاء الله . ومشي
جميله : كانت قاعدة في الصالون بعد ما الناس كلهم مشوا ومنتظرة اي خبر عن رندا وبعد نص الليل سمعت صوت الباب فتح . جرت عشان تشوف ده منو .
جميله : ايهاب رندا كيف بقت حالتها
إيهاب : هى اسى صحت والدكتور قال إنها كويسة بس كان عندها هبوط وهيطلعها بكره لي الضمان
جميله : الحمد لله
إيهاب : ماتوقعتك كده ياجميلة انا الليله عرفتك علي حقيقتك
جميله : في شنو ؟!
إيهاب : انا شفتك .............
يتبع ....
