البارت 11
جميله : لااااااااااااااااااااااااااا.
وفي آخر لحظة العربية داست فرامل
جميله : ياغبي انت اذا مابتعرف تسوق راكب عربية لي شنو ؟
_ نزل من العربية وقال ليها : في زول بمشي في نص الشارع كدا حيوان انتي.
جميله: إيهاب ؟! كنت ناوي تقتلني بي العربية ؟
إيهاب: اركبي عشان اوصلك
جميله: لا شكرآ بعرف الطريق
إيهاب : هتروحي انتي مابتعرفي الطريق
جميله عاينت لي ساعتها وشافت انها اتأخرت شديد علي المحاضرة مشت ركبة في العربية و وصلا لي الجامعة . وهو طلع علي شغلوا
ودخلت علي القاعة وبعد ماخلصت محاضرتها جاها اتصال ردت
جميله: الو
: وينك ياسجم
جميله : ياحيوان انا قاعدة في الكافتيريا بس ماتنسي تجيب لي فطور عشان المكان زحمة وماقادرة اشتري .
: طيب . وقفل الخط
بعد مدة وريم كانت قاعده لسى .
: اتفضلي جبت ليك سندودش
جميله: حسام مالك اتأخرتة كدا
حسام: بدل ماتقولي شكرا
جميله: شكرا . وقعدوا يتونسوا وهم بياكلوا
حسام: كيف أوضاعك في البيت
جميله: ماتذكرني بس . منتظرة متين اتخرج عشان اشتغل واسافر اخليهم زهجت .
حسام: إنشاء الله .
وهم قاعدين كدا جاء واحد اسموا امجد صاحب حسام . سلم علينا
امجد : لي ساعة بحاول اضرب ليك جوالك مقفول
حسام: قطع شحن
امجد : كيفك جميله
جميله: الحمد لله بخير . وعاينت لي الساعة وقالت ليهم انا اتأخرت شديد على المحاضرة باي
حسام: باي
امجد: مع السلامة .
جميله خلصت محاضرات اليوم متأخر . ماكان عندها صحبات شديد كانت بتعرف ناس دفعتها معرفة سطحية . لانها كانت شخصية منعزلة مابتعرف غير حسام الكانت معتبراهوا اخوها الكبير .
طلعت جميله واتذكرت انو لازم تمشي بي المواصلات طلعت جوالها عشان تسأل في قوقل بس لقتوا قاطع شحن ماعرفت تعمل شنو ومشت وقفت امجاد بس السعر كان اغلى من القروش العندها وقررت تركب مواصلات ومشت عشان تسأل تركب شنو. بس في عربية وقفت قدامها ونزل القزاز وقال ليها اركبي اوصلك .
جميله: لا لا شكرآ ياامجد
امجد : حسام طلع بدري مابتلقي زول تاني يوصلك والوقت أتأخر ومابتلقي مواصلات .
جميله: بلقي مواصلات انشاء الله
امجد: مابتلقي صدقيني وانا اصلا ماشي لي حسام عشان نقراء سواء . انتي مش ساكنة قريب منو ؟
جميله: اي .
امجد: طيب خليني اوصلك انا مابخليك تقيفي لي المواصلات في المكان المقطوعة دي . وبعد مدة من الاقناع رضت اخيرآ جميله تطلع معاهوا. ووصلت البيت ونزلت وشكرتوا . وهي داخلة البيت
لقت إيهاب نازل من عربتوا .
إيهاب: دة منو الوصلك دا ؟
جميله: امجد صاحب حسام
إيهاب: وعادي تخليهوا يوصلك ؟
جميله: فيها حاجة غلط ؟ كتر خيروا الوصلني في الوقت المتأخر دة . في ناس رفضوا يخلي السواق يوصلني مع انو العربية قاعدة في البيت . وبعدين لو كنت ماعاوزوا يوصلني كنت جيت وصلتني .
إيهاب: جميلة ....
جميله: رجاء راسي واجعني ماناقصة الفيني مكفيني . ومشت خلتوا كانت طالعة على غرفتها . ريم: مشاء الله جاية في الوقت المتأخرة دة ؟!
جميله: اففففففففف استغفر الله
ريم: نعم ماسمعتك قلتي شنو ؟
جميله: ولا شئ . وطلعت على غرفتها . وخطت جوالها في الشاحن وفتحتوا . شالت بجامة من الدولاب ودخلت استحمت . وطلعت صلت وجات قعدت في السرير كانت جعانة قالت احسن تخليهم ينوموا وبعدها تنزل تاكل . سمعت صوت تلفونها برن رفعتوا
جميله: الو عمو خالد
خالد : كيف كان يومك ؟
جميله: كويس
خالد: اها مااتعرفتي علي زول في الجامعة .
جميله: هههه خليك مني انا انت امشي شوف ليك وحدى اخطبها خلاص عجزتة
خالد: انا لسى شباب
جميله: ممكن اطلب منك طلب اذا ممكن .
خالد: جميله انا قلت ليك شنوا ؟ انتي تطلبي من دون ماتستأذني .
جميله: انااا .. انا عاوزة عربية .
خالد: بس البيت فيهوا عربيات كتيرة ؟!
جميله: اي عارفة بس انا عاوزة عربية خاص بي اسوقها براي .
خالد: طيب تمام عاوزة لونها شنو ؟!
جميله: اي لون مافارق .
خالد: طيب بس ماهرسلها ليك قبل ماترسل لي رخصتك حقت السواقة . امشي سجلي في مدرسة سواقة وانا برسل ليك القروش . امشي استلميها بكره من البنك
جميله: شكرآ ياعمو
خالد: بس انا عندي طلب
جميله : انت تأمر
خالد: ماعاوز تقولى لي ياعمو قولى لى ابوي
جميله : طيب . يلا باي بابا تصبح على خير
خالد : وانتي من اهلوا . باي. والخط قفل
خالد كان بفكر انو اذا قال ليها انو هو ابوها هتتقبل الفكرة بعد الزمن الطويل دة .
جميله كانت بتقراء في المحاضرات . حست بي الوقت أتأخر وقالت بيكونوا ناموا بعد دة
نزلت تحت وشالت معاها تلفونها كان بتتصفح فيهوا ودخلت المطبخ فتحت التلاجة لقت فيها جبنة وفطائر وكيكة شكلاتة شالت حبة من كل حاجة وخطتهم في صحن وجات طالعة لقت إيهاب في وشها.
جميله: بسم الله هجمتني . عندك حاجة في المطبخ ؟
إيهاب: عاوز موية . عندك مانع
كان في صوت جوال بيضرب .
جميله :, الو
إيهاب كان مستغرب دة منو البيضرب ليها ده ؟ بس ماسأل
جميله طلعت علي غرفت
ها وهي بتتكلم.
حسام: امجد قال لي انو وصلك الليله . وين السواق لي ماوصلك .
جميله: ريم قالت ليهوا مايوصلني . وقالت لي اتوصل براي .
حسام: لي ماقلتي لي كنت وصلتك .
جميله: نسيت . بس ضربت لي خالد وقال لي هيرسل لي عربية .
حسام: بتعرفي تسوقي ؟
جميله: لا بس هادخل مدرسة تعليم سواقه
حسام: بتعرفي وحدي كويسة
جميله: لا لا بس بسأل قوقل .
حسام : امجد كان دخل مدرسة قريب دة قال إنها كويسة شديد وكمان حقت عمو بسألوا ليك
جميله: طيب تمام . بس لي الوقت داك ممكن توصلني وتجيبني من الجامعة .
حسام: طيب انشاء الله .
جميله: يلا اقطع وشك
حسام: لئيمة 😒 .
جميله: اي صح نسيت اقول ليك بكره ماتجيني مؤجزة .
حسام: خظك .انا بكرة عند مبيت في المستشفى .
جميله : ههه الله يعينك . يلا باي تصبح على خير.
حسام: وانتي بخير. وقفل الخط
وتاني يوم الصباح :
جميله صحت على كواريك وجوطة نزلت مهجومة عشان تشوف في شنو . كان في ناس كتار وسوسن و الحبوبة والجد كلهم قاعدين وفي ناس بيجهزوا في حاجات وريم بتقول ليهم اعملوا كدا واعملوا كدا . وبعدها ريم جات قعدة وبقت تتكلم مع سوسن ..
ريم: مامصدقة اخيرآ هيكون في عرس في بيتنا .
جميله : منو اللي هيعرس ....؟
يتبع.............
