البارت 22
تمنيتك في احلامى حتي كدى تختفي من واقعي
******
الدكتور: بس للاسف هو لسي ماصحي من الغيبوبة . ومتوقعين انو يصحي في 48 ساعة الجاية بس لو ماصحي بي صراحة تاني صعب يصحي .
ريم بقت تبكي : محمد احنا لازم نسفروا بره المستشفى دي ماشاطرة .
محمد : دي اشطر مستشفى ياريم وانا هااتكلم مع دكاترة من بره برضوا .
ريم دخلت في حالة بكى هستيرية وأغمي عليها
رندا: ماما
محمد: ريم .
الدكتور : زحوا خلوني اشوفها . وطلب من الممرضات يودوها الغرفة ويركبوا ليها درب وادوها حقنة مهدئ .
رندا: دكتور امي مالها ؟
الدكتور: ماتخافي جاتها صدمة نفسية بس . هتكون كويسة بعد شوية . عن اذنكم . ومشي الدكتور .
رندا بقت تبكي : ياربي متين المصائب دي هتقيف
محمد: اهدئ يارندا انشاء الله كل حاجة هتكون بخير . حسام وصل رندا البيت
رندا : لالا انا هاافضل هنا وماماشي اي مكان
محمد: هتتعبي لو خليتك هنا امشي انتي وانا هااقعد معاهم وبكرة الصباح هتجي . اسمعي الكلام وامشي .
حسام: ورح يارندا .اسمعي الكلام وبكره بدري بجيبك راجعة تمام .
رندا قبلت تمشي معاهم بعد إقناع . وركبت مع حسام العربية عشان يوصلها . ولمن وصلوا البيت .
حسام: رندا رجاء ماتبكي إيهاب هيكون كويس . ماتخافي عليهوا
رندا هزت راسها ونزلت من العربية .
جميله قاعدة في غرفتها ورندا جاتها داخله .
جميله قامت لي رندا : رندا قول لي ايهاب صحي ؟ اكيد صحي صح بس بقي كيف اسي ؟
رندا : لسي في الغيبوبة والدكتور قال إن اذا ماصحي في 48 تاني مافي امل
جميله: شنو ؟ كيف الكلام ده هو ماهيحصل ليهوا شئ انشاء الله هيكون كويس . وعيونها دمعت .
رندا حضنتها : انشاء الله هيكون كويس .
جميله: امين يارب .
تاني يوم الصباح جميله صحت ودخلت استحمام و ولبسة عباية وطرحة .ونزلت تحت لقت رندا قاعدة ومنتظرة حسام يجي واول ماجي مشوا ركبوا العربية ومشوا علي المستشفى . ريم كانت لسي راقدة ومدنها درب .
جميله ورندا وحسام فضول في المستشفى لمن بليل بس إيهاب لسي ماصحي ومرت 48 وإيهاب برضوا ماصحي .ومرة 15 يوم وهو لسي في الغيبوبة .
وريم حالتها سئ بي سبب إيهاب وكانوا مركبن ليها الدرب بي سبب انها مابتاكل ولاتشرب.
جميله كانت في الغرفة مع إيهاب
جميله: إيهاب رجاء اصحى نمت كتير اصحي بعد ده خوفتنا عليك .وبقت تبكي إيهاب انت لي بتعمل فيني كدا عارف اني مابقدر اعيش من دونك انت الكنت واقف معاي من ماكنت صغيرة رجاء ماتمشي تخليني اسي إيهاب اصحي عليك الله ومسكت يدوا وبقت تبكي .
الدكتور : اسف ياجماعة بس احنا انتظرنا كتير ومافي امل انو يصحي واحنا عاوزين نفك الأجهزة .
رندا بقت تبكي : لالا يادكتور احنا هندفع ليك قروش رجاء ماتوقف الأجهزة هو هيكون عايش ماتقتلوا رجاء ماتقتلوا .ومسكت في حسام وبقت تبكي .
حسام: اهدي يارندا ماكدا .
الدكتور: مافي امل .انا اسف بس لازم نطلع الأجهزة مافي فائدة انو نخلي كدا.
محمد: طيب . يادكتور .
الدكتور: شدوا حيلكم .
رندا بقت تبكي وتكورك .
والدكتور دخل الغرفه عشان يفك الأجهزة .
جميله: انتو بتعملوا في شنو ؟ ماتفكوا الأجهزة منو القال ليكم تعملوا كدا ؟
الدكتور: احنا اسفين بس مافي امل انو يعيش .
جميله بقت تبكي : لا هو هيعيش
الدكتور بقي يفك في الجهاز حق التنفس وباقي الأجهزة .
جميله كانت بتبكي وماسكي يدوه ورندا بره بتبكي .
وفضل بس جهاز حق نبض القلب بفكو فيهوا.
جميله إيهاب اصحي رجاء اصحي بس حرك يدك عليك الله .
حسام جاء عشان يسوق جميله .
جميله: حسام قول لي إيهاب يصحي لي متين هيفضل نايم خليهوا يصحي وانا بوعدوا ماازعجوا تاني بس هو يصحي خليهوا يقوم قوليهوا ياحسام هو بيعتبرك اخوه هو بسمع كلامك قول ليهوا يصحي عشاني انا مابستحمل اعيش من دون هو البيوصلني الجامعة وهو البهتمي بي منوا تاني هيهتمي بي قول ليهوا يصحي . وبقت تبكي
حسام عيونوا دمعت : خلاص وراح ياجميلة .
جميله : لا انا ماعاوزة امشي خليهوا يصحي بس يصحي . انت بتقراء طب قول ليهم انو هو عايش قول ليهم مايفكوا الأجهزة . هو حي انا حاسي بيهوا .
حسام بقي يبكي : جميله ماتعملي في روحك كدا ده قضاء ربنا اصبري . وقومها عشان تمشي .
والدكاترة فكوا الأجهزة .
جميله مسكت إيهاب من يدو : شوف ياحسام اسي هو هيمسك يدي وهيقوم انتظر وعاين . امسك يدي ياإيهاب . لي هو مابسك يدي يا حسام .
حسام : جميله خلاص ورح . وقومها بي القوة و ساق جميله ومشي بس جميله وقفت .
جميله: إيهاب عايش .
حسام : جميله عليك الله ماتعملي في روحك كدا.
جميله: لالا هو عايش بي الجد هو حرك يدوا عاين ياحسام إيهاب حرك يدوا هو كويس انا كنت عارفة .
حسام : يادكتور يادكتور . وجاء علي إيهاب وحسي بي نبضوا كان بنبض لسي وفتح عيونوا ولع بي الكشاف حق الجوال وكان في استجابة .
الدكتور جاء داخل .
حسام: دكتور هو صحي من الغيبوبة وانا متأكدا
الدكتور جاء وشافوا
الدكتور: سبحان الله . هو صحي من الغيبوبة . ونادي علي المساعدين يجيبوا الأجهزة .
جميله: الحمد لله هو صحي . إيهاب صحي .
الدكتور : بس احنا عاوزين نعرف اثر الحادث عليهوا.
حسام : الحادث ما أثر عليهوا في عيونوا لانو في استجابة لي الضوء وكمان حرك يدو فما اتوقع انو عندوا شلل رباعي .
الدكتور : بس المهم اسي أتأكد من انو ماحصل ليها ضرر في دماغهوا .
حسام: اي اكيد .
جميله: يعني هو اسي كويس صح ؟
حسام: اي
جميله: الحمد لله ياربي انا هاامشي اكلم رندا .وطلعت
وحسام طلع وراها .
جميله: رندا إيهاب صحي من الغيبوبة .
رندا : بي الجد انتي جادة الحمد لله انو بخير كنت عارفة انو هيصحي .وجرت عشان تشوفوا
محمد جاء بعد ماكان مع ريم ولقاهم فرحانين .
محمد: في شنو؟
حسام: إيهاب صحي ياعمي وبقي كويس.
محمد انصدم : شنو ؟ .....بي الجد .. اه ..الحمد لله انو كويس .
بعد شوية جاء الدكتور .
ممكن تجوا تشوفوا المريض .
محمد في نفسوا : كنت احاول اقتلوا لمن كان في غيبوبة ومابس اعتمد علي انو ماهيصحي . اه واسي العمل شنو .
وكلهم مشوا لي إيهاب الغرفة .
الدكتور : إيهاب عرفت ديل منو ؟
محمد: انت كويس يإيهاب . اااه دكتور مااحسن نخليهوا يرتاح شوية هو اسي صحي من الغيبوبة .
إيهاب بتكلم بي صعوبة : انت ......انت ................
يتبع ....... .
