البارت 8
ريم : انتظري . مافي داعي تمشي المدرسة تاني
جميله: لي عمو خالد قال لي امشي المدرسة
ريم: وخالد مافيش وتاني مافي مدرسة وتاني ماتجي لي السفرة دي تاكلي معانا ومن غرفتك مااشوفك طلعتيني فاهمة.
جميله: انا بسمع كلام عمو خالد بس .
ريم: انا ماعاوزة قلت ادب شكلها اسيآ ماربتك كويس
جميله: ماتكلمي على امي انا امي ربتني كويس انت الما اتربيتي
ريم جات وضربتها كف في وشها لمن وقعت ومسكتها من شعرها وقالت ليها : لسانك الطويل دة انا بقصوا ليك فاهمة .
محمد : زح ريم منها
وجميلة جرت لي غرفتها .
محمد: اعصابك ريم الموضوع مامستاهل تفوري اعصابك هي شافعة ماتشتغلي بيها
كان ايهاب نسي حاجة من الفلا ورجع عشان يجيبها وشاف المنظر .
ريم : ايهاب في حاجة؟
ايهاب ولا شي نسيت حاجة . ومشي
ريم : محمد عاوزة اتكلم معاك في موضوع مهم . الحيوانة دي فورت اعصابي ونستني ليهوا
محمد: خير انشاء الله في شنو ؟
ريم : كنت عاوزة أسألك الشركة البره منو المسؤول الأساسي عنها ؟
محمد: مافي زول محدد بس انا بديرها من هنا
ريم : لي الجهجه دي خلي زول يمسكها ويقعد هناك وانت خليك في الشركة دي
محمد: قصدك خالد يمسكها يعني ؟
ريم: اي . ماهتلقي احسن من خالد عشان يمسكها .وبجي في الإجازة لي هنا
محمد: طيب بشوف هاسألوا بس مابقدر أجبروا
ريم: هو بسمع كلامك انت حاول تقنعوا .
محمد: انشاء الله خير .وطلع مشي لي الشركة
ريم طلعت فوق لي مكتبها عشان تكمل الشغل كانت شاغالة في مكتبها في الفلا ومرات بتمشي الشركة .
ضرب جوال ريم
ريم: الو
..: استاذ محمد
ريم: لا انا زوجته بس دا رقمه القديم، اي مساعدة
_: انا مديرة المدرسة بسأل لي الطالبة ماجات
ريم : بس رندا مشت الصباح
المديرة : لا ما رندا جميلة
ريم : جميلة ؟! اااااه اي صح نسيت اقول ليك هي سافرت وهتقراء بره
المديرة: سافرت ؟! بس مافي زول كلمنا
ريم: نسينا .
المديرة: اممممم .طيب مع السلامة
ريم : باي . وقفلت الخط
ريم: افففف . متين حنخلص منها
في الغداء :
رندا: وين جميلة ؟
ريم : رندا حبيبتي اكلي وماعندك شغلة بيها
رندا : بس هي صحبتي .
ريم : صحبتها . كيف انتي تصاحبي بت خدامة ؟
رندا : بس هي ما بت الخدامة هي بت خالد
ريم بي زهج : هي بت الخدامة وتاني مااشوفك معاها فاهمة
رندا : طيب
وكملوا الاكل .
بي المساء :.
كان في زول بضرب علي باب غرفتها جميله .
جميله فتحت الباب ولقت صحن فيهو اكل قفلت الباب راجع ودخلت حاولت تنوم بس الجوع منعها مشت علي الباب وشالت الصحن واكلت لمن شبعت بعديها مشت نامت .
في الصباح :
في سفرة الفطور كلهم جوا واكلوا ألا جميله ورندا خافت تسأل منها امها تشاكله . ريم مشت لي شركتها وكلهم طلعوا لي المدرسة .
محمد ضرب لي خالد عشان يوريهوا موضوع الشركة . وقدر يقنع خالد بي الفكرة .
خالد : طيب . بس ممكن تعمل جواز لي جميله عشان تكون معاي
محمد: بس ياخالد هنا احسن ليها لو مشت ليك هتجهجهك وماهتعرف تهتما بيها ولا تهتم بي الشركة
خالد : طيب بس عندي طلب
محمد: شنو؟
خالد: عاوزك تدى جميله تلفون عشان اتكلم معاها.
محمد: حاااضر . وقفل الخط
ريم كانت طالعة الشركة
محمد: ريم عاوز اقول ليك حاجة
ريم : بسرعة عشان ما اتأخر عن الاجتماع
محمد:_ عاوز اقول ليك لازم نرجع جميله المدرسة . لو خالد عرف انو طلعناها منها هيزعل خصوصأ قال لي اديها جوال. ويجي راجع .
ريم: لا انا ما بخليها ترجع المدرسة مع بتي
محمد:_ ريم افهميني عليك الله لازم نرجعها لي المدرسة خالد طلب اديها جوال عشان يتواصل معاها اتخيلي لو عرف انو انتي الطلعتيها من المدرسة وكان علي رندا اصلا فاضل ليها سنتين بس وتمشي السنوي
ريم: افففف خالد خالد كرهتني بي اخوك ده . امشي اعمل العاوزوا كان كلام اخوك اهم من كلامي .
محمد: ريم اسمعيني لحظة .
ريم شالت شنطتها وطلعت .
محمد مشي لي المدرسة ورجع سجلها .
ورجع لي البيت ومشي لي غرفت جميله وضرب ليها الباب . جميلة فتحت الباب
محمد: امسكي الجوال دة خالد هيضرب ليك فوقوا . وراها كيف تستعملوا .
جميله: شكرآ عمو
محمد: العفو . وكنت عاوز اكلمك من بكرة هتنزلي المدرسة تاني
جميله: بس المرة ديك حمتني امشي
محمد: خلاص تاني ماهتحميك .
جميله: طيب
محمد : بس ماتكلمي خالد عن الحصل تمام
جميله: لي اكذب عليهوا
محمد: دة ماكذب لكن انت لو بتشكى ليهوا طوالي تاني مابتصل عليك . وبعدين لو كلمتيهوا هيزعل مني يرضيك يزعل مني ومايتكلم معاي تاني ؟
جميله: لا لا
محمد: طيب هتسمعي الكلام
جميله:اي
محمد : خلاص باي . وطلع مشي لي مكتبوا فوق كان عندوا باقي شغل .
بي المساء ريم جات من الشركة وطلعت غرفتها فوق .
محمد: مساء الخير حبيبتي
ريم عاينت ليهوا وسكتت وعاينت لقت الغرفة مزينة
محمد: دة كلوا زعل ؟
ريم تنشطوا
محمد: انا عندي ليك مفاجأة .وفتح علبة وكان فيها سلسل حق ألماس حلو ومكتوب فيهوا إسمها
ريم: دة شنو ؟
محمد: كنت عاوز اقول ليك اسف الصباح عشان زعلتك وجبت ليك هدية . عجبتك ؟
ريم: اممممم. حلوه
محمد: مااحلي منك
ريم: شكرا
محمد : يعني مازعلانة مني
ريم: لسة زعلانة شوية
محمد : طيب رايك شنو لو قلت ليك انا حاجز في المطعم اللي بتحبيهوا . ويلا بسرعة عشان أتأخرنا .
ريم: بي الجد
محمد: انا عندي كم ريم
ريم: طيب خلاص مازعلانة .
وطلعوا مشوا مشوار وانبسطوا .
تاني يوم الصباح
باب غرفت جميلة ضرب ومشت فتحتوا كان فيهوا صحن اكل وقروش جمبوا .
جميلة شالت الصحن والقروش وقفلت الباب وخطت القروش في الشنطة وقالت انو دي قروش لي المدرسة .بس ماعرفت منو البرسل ليها الحاجات دي يوميآ .
كلهم كانو قاعدين في السفرة الصباح ألإ جميله طبعآ .
وبعد ماخلصوا الفطور رندا وإيهاب مشوا لي المدرسة ومحمد وريم قاموا عشان يمشوا الشغل جميله نزلت عشان تمشي المدرسة كانت. لابسة ملابس المدرسه وكان شعرها منكوش ورباط جزمتها مفكوك
. ريم : لا لا انا مستحيل اخليها تمشي مدرسة بتي بي المنظر دة .امشي سرحي شعرك دة واربطي جزمتك
جميله: مابعرف
ريم: يعني اسيآ ابدأ ماعلمتك حاجة مفيدة .بس علمتك طولة اللسان .
جميله: ماتقول لي علي امي كدا
ريم : اسيآ ما امك انتي لقيطة عارفة يعني شنو يعني امك جتعتك في الشارع واسيآ شالتك ربتك مفترض تحمدي ربك انو خالد شالك والا كنتي رجعتي الشارع زي اصلك .
جميله انصدمت من كلام ريم وقالت ليها : انتي كذابة اسيآ دي امي وانت وحدي كذابة
ريم : كيف تقول لي عني انا كذابة واذا اسيآ امك فعلا لي ماساقتك معها يوم كانت ماشه لي خلتك عندنا .
جميله وبقت تبكي : اسكتي انا ماعاوزة اسمعك انا بكرهك انتي كريهه .
ريم مسكتها من شعرها : كيف تقول لي انا الكلام دة اذا اسيآ ماربتك انا بربيك
جميله غضتها فكت شعرها من ريم وجرت ركبت العربية .
ريم : اي الحيوانة دي عضتني بي سنونها .
محمد: اهدئ الموضوع مامستاهل . وطلع لي الشغل .
جميله كانت بتبكى
السواق ادها منديل : وقال ليها ماتبكي
جميله وقفت بكى ومسحت دموعها
السواق شاف شعرها منكوش وحالته مبهدلة . وقف العربية وشاله جابه قدام وبقي يسرح ليها في شعرها وربط ليها جزمتها
جميله: شكرآ عمو
السواق :انا عندي بناتي في البيت متعود اسرح ليهم . وبعدها وصلوا المدرسة نزلها
جميله ماكان عندها صحبات في المدرسة بس كانت شاطرة في المدرسة ومرت السنة سريع وجاء وخلصوا امتحانات وجاء يوم النتائج والمدرسة وزعت هداية لي الاول والثاني في كل الصفوف . جميله طلعت الأولي بس رندا جات العاشرة في صفها .
جميله جات البيت وهي شايلة هدايا بس رندا جات زعلانة وطلعت غرفتها .
جميله طلعت غرفتها واتصلت علي خالد وقالت ليهوا انها جات الأولي وادوها هدايا في المدرسة
خالد فرح وقال ليها هرسل ليك هدايا .
ريم رجعت البيت وعرفت بي النتائج حقت رندا وجميله . واتغاظت لانو جميله جابت اعلي من بتها . ومشت لي رندا وجابت ليها هدايا وفرحتها.
بي المساء :
في وحده من الغرف .
لاااااااااااا ابوي انتبه في شاحنه جاية عليك زح بابا لا. باباااااا لا .. وقام ايهاب من النوم مهجوم كالعادة بسبب الكوابيس الطوالي بتجيهوا . وحسى انو مخنوق قم ونزل تحت الحديقة كان في أرجوحة قعد وبقي يتذكر قبل 8 سنوات .....
إيهاب: كنا طالعين انا وابوى عشان نتفسح . واحنا راجعين ابوي كان راكن العربية و مشي عشان يعدلها وهو طالع كان في شاحنة .....
يتبع ................
