البارت 14
إيهاب : انا شفتك .
جميله خافت انو يكون عرف : إيهاب لحظة افهمك
إيهاب: مافي داعي انا فاهم كل حاجة . انت كنت واقفة مع الولد داك وطلعتي معاهوا بي عربيتوا والله اعلم رجعتي متين
جميله :ده امجد هو صاحب حسام ومشينا لي لي. .. ال..
إيهاب : كان كلام امي صاح انتي اصلك واطي متوقع شنو منك .
وجاه كف في وشه من جميله .
جميله: بحذرك تتكلم فوقي انت ماعارف حاجة ماتتكلم . وطلعت علي غرفتها ودموعها في عيونها
إيهاب شافها وحس بي غلطوا بس في نفس الوقت ماكان قادر يعتذر ومشي علي غرفتوا
جميله دخلت غرفتها وجاها تلفون .
جميله : نعم
امجد : انتي كويسة صوتك متغير
جميله : اي
امجد: كنت عاوز اقول ليك انو رندا بقت كويسة وهيطلعوها بكره البيت .
جميله: اي عرفت من إيهاب
امجد : عندك خبر لي حسام
جميله : لا لا بس بحاول اتصل عليهوا
امجد: طيب . يلا باي تصبحى على خير
جميله: وانت بخير
امجد : متأكدة مافي حاجة ؟ صوتك متغير
جميله : مافي حاجة . وقلت الخط .
تاني يوم الصباح :_
جميله صحت بي صوت المنبه دخلت استحمت وطلعت لبسة لي الجامعة وعملت مكياج خفيف ولفت الطرحة ونزلت تحت لقت ريم وكلهم تحت عرفت انو رندا جات . وكانت ماشي علي غرفتها بس اتذكرت ريم هتعمل مشكله . وطلعت عشان تمشي الجامعة ونست انها ماعندها حاجة توصلها اتصلت علي حسام .
حسام: الو
جميله : وين انت انا منتظره جمب الباب
حسام: طيب جاي بعد شوية
جميله: طيب . وقفت انتظرتوا عشان يجي .
_: جميله اركبي عشان اوصلك
جميله: شكرا عندي اللي يوصلني ياإيهاب
إيهاب: انت لسى زعلانة من أمس
جميله عاينت ليهوا : لا اكيد مبسوطه ماشايفني فرحانة كيف .
إيهاب: جميله انا .........
وجاء حسام بي العربية وجميله مشت عشان تركب وماسمعت كلام إيهاب
جميله : هلا
حسام: اهلين .
جميله: انا مش امبارح وعدك اني اطرشك الموضوع ده
حسام: عملتى شنو ؟
جميلة : انا ...وحكت ليهوا القصة
حسام بي هجمة : ورندا حصل ليها شنو ؟
جميله: هي كويسة الحمد لله . بس في المدة دي حاول تتكلم مع رندا
حسام: اتكلمت معاها بس هي رافضه وانا مابقدر أجبرها .
جميله: رندا ماعاوزة العرس دة بس هي بتخاف من امها وردت فعلها .صح امها مدلعاها بس في حدود العاوزاهو ريم .
حسام: انا ماعارف اعمل شنو مابعرف حتى إذا هي بتحبني أو لا
جميله: لو اتأكدة هتعمل شنو ؟
حسام: مستحيل اخليها . بس انا ماعارف وخايف اظلمها أو اضايقة اكتر .
جميله: يعني انت بتحبها ولا لا
حسام: انا مابحبها انا بعشقها .بس مستحيل اضايقها أو ازعجها حبى ليها اكبر من اني اجرحها حتي لو كان علي حساب نفسي .
جميله انفقعت بي الضحك : اسفة .اسفة بس الكلام دة حدي معاهوا في المسلسلات مستحيل اصدق اشوفوا في الحقيقة . المهم اسى انا هااساعدك عشان تعرف .
حسام: كيف ؟
جميله: بتعرف اول ماتجينا الليلة البيت . لازم تجي
حسام : طيب .
وبعد مدة وصلوا الجامعة .
جميله : اركن عربيتك هناك في مكان فاضي
حسام : لا لا راجع البيت
جميله: ماعندك محاضرات الليله ؟
حسام : عندي بس ماعندي نفس احضر
جميله: طيب بي راحتك . بس بعدين ماتنسى توصلني
حسام: اضربي لي وانا بجيك .
جميله مشت علي القاعة عشان المحاضرة . وبعدها مشت الكافتيريا عشان تفطر وقعدت في الكرسي بعد مده .
_: ممكن اقعد معاك اذا مافي مانع
جميله رفعت راسها : اي يا أمجد اتفضل
امجد : شكرآ . كنت عاوز أسألك رندا رجعت البيت
جميله: اي .
امجد : حسام الليله ماجي الجامعة وجواله مقفول
جميله: اي وصلني الصباح وقال ماهيحضر المحاضرات .
امجد: مسكين انشاء الله رندا تعبروا
جميله : امين. بي الجد الموضوع ده وجع لي راسي
امجد: حسام قال لي انك صحبتوا من ما كنتوا صغار
جميله : اي هو زي اخوي الكبير . انا ماشة المحاضرة قربت تبداء
امجد : لو احتجتي اي حاجة اتصل على تمام .
جميله: طيب . باي . ومشت على القاعة
ونهاية المحاضرات كان الوقت أتأخر ضربت جميله اكتر من مرة لي حسام بس ماكان برد علي جواله وطلعت بره الجامعة وضربت ليهوا بس هو مارده سبت ليهوا .وفتحت قوقل تبحث عن مواصلات وكانت ماشه والمكان فاضي سمعت صوت بي وراها لفت لقت زول ماسك سكين
__: اديني تلفونك وقروشك ولا بطعنك بي السكين
جميله : ماهااديك اي حاجة . وشالت تراب من الأرض رشتوا في عيونوا وفلعتوا بي حجر في راسو وقامت جارية وضربت بي جوالها لي امجد . جميله: انت وين ؟
امجد: اسى طالع من الجامعة مالك ؟
جميله: امجد في حرامي لاحقني وانا ماعارفة روحي وين
امجد : طيب شايفة شنو جمبك . او شوفي قوقل
جميله: انا في قوقل علي بعد 30 متر من الجامعة مكان فيهوا شجر كتير .
امجد: طيب انا جاي بي سرعة خليك في مكانك . وقفل الخط وجري علي عربيتوا حتي اصحابوا استغربوا منوا
جميله كانت واقفة ومنتظرة وبعد شوية حست بي سكين مرت في يدها وفي يد مسكتها من طرحتها
_: ترشيني انا بي التراب ورفع السكينة في وشها انا هااقتلك هنا
جميله اتكرر عليها المنظر
ده لمن كانت صغيرة اتذكرت امها وهي بتموت
في الوقت ده كان في ضوء عربية وقفت قدامهم
الحرامي خاف وجرى
امجد نزل ولقى جميله واقفة وفي حالة صدمة وبترجف ودموعها جارية ويدها بتنزف
امجد: جميله جميله انتي كويس . وساقها وركبها في العربية .
جميله فتحت الشنطة وطلعت حبوب وبلعتها
امجد: ده شنو ؟ وشال الحبوب وعاين ليها .مهدئ؟ لي بتبلعيهوا في شنو ياجميلة ؟!
جميله: مافي شئ وديني البيت بس
امجد ما كان عاوز يسألها تاني ويزعجها.
امجد طلع علبة اسعافات وقال ليها : اديني يدك عشان اعالج ليك الجرح
جميله: مافي داعي .بسيطة
امجد مسك يد جميله وزحى القميص ونضف ليها الجرح وربطوا ليها
جميله: شكرآ
امجد: الحمد لله على سلامتك . وشغل العربية ووصولها لي البيت .
امجد : لو احتجتي اي حاجة انا موجود وتاني ماتمشي من الجامعة براك .
جميله: طيب .شكرآ
نزلت وكانت داخله لي البيت لقت إيهاب في وشها
إيهاب: ممكن افهم ده شنو ؟!
جميله: إيهاب رجاء ماقادرة اتكلم معاك .
إيهاب انتبه انو في يدها في ضماد وقميصها مشروط وشها شاحب .
إيهاب: جميله في شنو ؟ انت كويسة
جميله هزت راسها . ومشت
إيهاب ركب عربتوا ولحق عربية امجد . عشان يعرف في شنوا .
جميله كانت ماشى علي غرفتها بس ريم كانت بتكلم معاها . وجميله ماسمعتها وطلعت لي غرفتها ورقدة في السرير . وجاها اتصال من حسام
حسام: اسف . اسف والله شالتني نومة وصحيت اسي . انت وصلتي البيت ؟
جميله: اي
حسام : مابقدر اجي الليلة لي عندكم
جميله: تعال بكره الصباح
حسام: ماعندك جامعة
جميله: ماماشه
حسام: ما ماشه غريبه لي شنو ؟!
جميله: بتكلم معاك بكرا . وقفلت الخط
حسام: انتي كويسة ؟ . الو الو . بس لقها قفلت الخط .
إيهاب كان ملاحق امجد و بيضرب ليهوا بوري
بس امجد مركب سماعاتوا ومامنتبه لي إيهاب
إيهاب زاد السرعة وجاء جمب امجد . بس امجد ماانتبه برضوا . إيهاب عصب وزاد السرعة واتجاوز امجد و وقف قدام طريق امجد بي العربية .
امجد ضغط فرامل : لا زح بسرعةزحح ...........
يتبع .....
