البارت 25
فسألت دمعت مني إليها تعاتبها علي عزم الرحيل 💔💔
**************************
طلعت رصاصة من مسدس محمد بعد ما زول لفي المسدس وجات الرصاصة جمب جميله .
: انت مجنون كيف ترفع المسدس في وشها وتكون عاوز تقتلها
محمد: انت الجابك هنا شنو ؟
: صح نسيت اقول ليك التمثيلية شكلها انتهت
محمد: تمثيلية شنو ؟
: حقت فقدان الذاكرة انا مانسيت اي حاجة ومتذكر كل حاجة ومتذكر كمان انو انت الحاولة تقتلني .
جميله: إيهاب اجري هيقتلك .
محمد وجه المسدس في وش إيهاب: المره دي هاتأكد اني قتلتك . ونادي علي الزول البساعدوا.
محمد: تعال واربطوا في الكرسي .
: طيب . ومسك إيهاب وربطوا في الكرسي .
محمد تلفونوا ضرب . وطلع يرد عليهوا .
جميله: عرفت اني هنا كيف ؟
إيهاب: تذكري لمن جاتك مكالمة وقلتي دي صحبتي انا اصلا عارف انو ماعندك صحبات خصوصا لو كان اسمها نواره .وبقيت ماشي وراك
جميله: يعني انت اصلا من البداية مانسيت اي حاجة.
إيهاب: قلت كدا عشان محمد لو عرف اني لسي متذكر هيحاول يقتلني تاني .
جميله: ماكنت تجي اسى هيقتلك .
إيهاب: انا مستحيل اخليك . كنت قايل اني هااقدر أضربوا وآشيل المسدس بس طلع ده بيحصل بس في الافلام .
جميله: هههه غبي .
ومحمد جاء .
محمد: اها كنا بنقول في شنو
إيهاب : حتي لو قتلتنا هيجي يوم تنكشف فوقوا جرايمك العملتها كلها .
محمد: هينكشف شنو اوراق التزوير الانت شلتها وانا لحقتك وضربتك بي العربية ورجعتها حرقتها يعني مافي دليل علي اني سرقت الشركات ابوك ولا في دليل علي اني قتلت ابوك وبقيت من سكرتير كان بشاكلوا وبحسسوا انو ولا شئ الي محمد كمال رجل الأعمال هااقول ليكم شئ مهم بس ياخسارة ماهتلحقوا تجربوا النصيحة دي لمن الزول يهين زول تاني ويشيل حب عمروا ويعرسها عشان يحسسك بي الفرق بين الطبقات انت هتحقد علي الزول ده وهتقتلوا وتشيل املاكوا ومرتوا وكل حاجة عندوا وده الحصل معاي انا وعبدالله ابوك وبعد مابقي عندي سمعة وثروة كبيرة كدا مستحيل اخلي زول يخرب سمعتي وعشان كدا قتلته أسيآ وغشيت علي خالد وهااكتلكم اسي ومافي زول هيعرف بي الحصل .
إيهاب بقي يضحك .
محمد: بتضحك علي موتك .
إيهاب: لا اكيد بضحك علي موتك انت .
محمد: شنو ؟ وسمع صوت شرطة برة .
:ياسيد الشرطة برة في كل مكان
محمد: شرطة كيف ؟
إيهاب: اااوه نسيت اقول ليك انا كنت بتكلم مع الشرطة ونسيت الخط فاتح وخطيتوا في جيبي وبس بي الغلط هم سمعوا كل حاجة وسجلوها كمان .
محمد: ياكلاب انا هااقتلكم هنا .
: سلم نفسك عشان مانضر نطلق النار عليك .
محمد مشي وفك جميله : ادخلوا وانا هااقتلها .
إيهاب: خلي جميله وسوقني بدله .
محمد: قبل شوية كنت فرحان مالك اسي خايف .
: خلي البت فورأ
محمد: ماقبل ماتنفذو لي طلباتي .
: عاوز شنو ؟
محمد: اطلع من هنا من دون ما تسألوني والإ هااقتلها .
: ما هنخايك تمشي سلم نفسك وخلي البت دي.
محمد: كدا تمام . وضرب رصاصة من المسدس .
جميله: ااااااااااااااااااه .
إيهاب بي هجمة: جميله انا مستحيل اخليك عايش انا هااقتلك .
محمد: اهدئ كلها رصاصة في رجلها ماهتقتلها لو سمعتوا كلامي وانقذتوها قبل ما دمها يتصفي أو بقتلها انا .
: سلم نفسك فورآ هي مصابة وماهتقدر تتحرك .
محمد: حركة وحدي منكم وهااقتلها . المرة دي جات في رجلها المرة الجاية بتجي في رأسها
إيهاب: فكها ياحيوان .
محمد: تخلوني امشي لي عربيتي من دون مازول يسألني
: طيب . اطلع
محمد وجه المسدس علي إيهاب وجدع جميله وفكي يدينو إيهاب : حركة وحده وهااقتلك واقتلها.
إيهاب مشي معاهوا عشان مايقتل جميله وكان بعاين لي جميله وهي قاعدة في الأرض وبتتألم وقلبوا كان محروق عليها بس قال أول مايطلع من هنا هيسعفوها .
محمد: امشي بي سرعة . وكان خاطئ المسدس في راسوا
جميله قامت بي صعوبة وشالت حديدة من الأرض ومشت ضربت محمد في راسوا بيها
محمد : ااااااااي .وفكي إيهاب ووقع في الأرض وكان ماسك المسدس وطلقة طلعت منوا بي الغلط واستقرت في صدر جميله .
جميله وقعت في الأرض .
إيهاب جرئ علي جميله : جميله.. جميله ..
الشرطة جات داخله ومسكت محمد .
إيهاب : اسعاف جيبوا الإسعاف بي سرعة .
محمد : لالا ماتت ؟ مسكين إيهاب
إيهاب قام ومسك محمد من قميصوا: انا هااقتلك انا ماهااخليك عايش .
والشرطة فكتوا منوا بي القوة .
إيهاب شال جميله وطلع لقي في عربية اسعاف
ناس الإسعاف شالوها وإيهاب ركب معاهم ومشوا علي المستشفى .
: نبضها بقل .نبضها وقف
: شحنة 200
وكان بدوها صقعة كهربائية عشان نبضها يزيد
: شحنة 300
كان إيهاب بعاين ليها وهي بتتنفض من الكهرباء ودموعوا بتجري .
ووصلوا المستشفى و دخلوها غرفة العمليات .
إيهاب كان منتظر بره ومقلق علي جميلة
جاء الشرطي لي إيهاب .
_: ممكن تتفضل معانا عشان نشيل اقوالك في القضية .
إيهاب: ممكن اجي بعد مااشوف جميله هي اسى في غرفة العمليات .
:
طيب هااجي بعدين .
حسام ورندا جوا لي المستشفى
حسام: إيهاب حصل شنو مافهمت منك حاجة في التلفون .
إيهاب: جميله جوا في العملية اضربت بي رصاصة في صدرها وفي رجلها .
رندا : شنو ؟ رصاصة جاتها من وين ؟
إيهاب: موضوع طويل مااسي بعدين بحكي ليك
وبعد مدة الدكتور طلع .
إيهاب جرى ليهوا: دكتور دكتور قول لي بقت كيف.
حسام :دكتور حصل ليها شنو ؟
الدكتور: الرصاصة اللي في رجلها طلعناها بي سهولة بس الرصاصة التانية دخلت في الشريان الماشي لي الدماغ واستقرت في نهاية الرأس
و دكتور فارس هو الهيعمل العملية هو اشطر جراح مخ واعصاب .
إيهاب : والعميلة متين ولي لي اسي الدكتور ماجاء
الدكتور: العملية بعد ساعة .
رندا : إيهاب اهدئ انشاء الله هتكون بخير .
وفضلوا منتظرين اكتر ساعة .
إيهاب : يادكتور مفترض العميلة تكون شاغالة لي لي اسي مابدت
الدكتور: الدكتور في الطريق .
إيهاب : ليك نص ساعة بتقول لي هو في الطريق انا هاارفع عليكم دعوة اتصل عليه اسي خلي يجي .
: الازعاج ده شنو ؟ هنا في مرضي
الدكتور: دكتور فارس احنا جهزنا العملية .
إيهاب بي زهج : واخيرآ جيت انت ماعارف انو عندك عملية ماممكن تجي في المواعيد لو المريض حصل ليهوا شئ هتقول شنو ؟
فارس كان مركب السماعات طلعها : انا هاادخل غرفة العمليات وهاابداء العملية . ومشي
إيهاب : ده شكل دكتور ؟
رندا : ده مامهم المهم بس انها تكون كويسة .
وبعد ساعات في العملية . طلع فارس
إيهاب: كيف كانت العملية لو حصل ليها اي حاجه انا هااقتلك .
فارس :ههههههههه هي اسي كويسة وقلت شنو قبيل ده شكل دكتور علي فكرة انا بسمع من بعيد وعاوز اقول ليك الدكتور الماعاجبك ده بفضل الله انقذ حياة المريضة الجوا ده والا كانت هتموت لانو الدم انقطع بي سبب الرصاصة .
حسام: اسفين يادكتور . وشكرآ ليك لأنك طلعت الرصاصة قبل ما تصل النخاع الشوكي .
فارس : انت بتقراء طب اخر سنة ؟
حسام : اي يادكتور بس عرفت كيف ؟
فارس: احساس بس . بتمني القاك في المستقبل يا...
حسام: حسام يادكتور فارس .
فارس : اممم طيب باي . وركب سماعاتوا ومشي
حسام: ماشاء الله دكتور شاطر .
الدكتور التاني جاء طالع
إيهاب: ممكن اشوفها.
رندا : جميله صحت ؟
الدكتور: اسي لا مابتقدر تشوفها بس اول ماتصحي ونتأكد من حالتها بنخليك تشوفها .
حسام: طيب شكرآ ليك يادكتور .
حسام : احكي لي الحصل شنو ؟
وإيهاب حكي ليهوا كل حاجة عارفة .
حسام: انت جادي الحاجة دي حقيقه . لو مابعرفك واسي جميله في المستشفى ماكنت صدقتك .
إيهاب: انا مامصدق روحي خلي انت .
رندا: لالالا مستحيل اصدق إنو محمد يعمل كدا
إيهاب : هو عمل كدا بي الجد وكل حاجة قلتها صح والشرطة ساقتوا .
رندا بقت تبكي: لا ماقادرة اصدق
إيهاب: رندا هو مابستاهل انك تبكي عليهوا.
حسام جواله ضرب .
حسام: الو
امجد : وين انت ؟
حسام: في المستشفى .
امجد :عندك شنو؟
حسام: جميله في المستشفى
امجد: شنو؟ ياتو المستشفى
حسام ال###
امجد : طيب انا جاي . وقفل الخط .
وبعد مدة وصل امجد وفاطمة المستشفى لقوا إيهاب وحسام .
فاطمه: وين بتي ؟
إيهاب: الدكتور قال إنها كويسة بس فضل تصحي .
حسام مشي لي الدكتور وأتكلم معاهوا ودخل شاف جميله وبعد مدة جاء .
إيهاب: وين كنت ؟
حسام مسك إيهاب ومشي بيهوا بعيد : انا مشيت لي الدكتور وقال لي انو جميله .....
إيهاب بي هجمة : في شنو اتكلم .؟
حسام عيونوا دمعت: جميله......
يتبع ........
