البارت 21 .
إيهاب كان راجع علي العربية لمن شاف عربية جاية عليها بي أقصي سرعة وضرب إيهاب وطيروا بعيد .
محمد نزل من العربية ومشي علي عربيت إيهاب وشال الاوراق ورجع ركب عربيتوا ومشي .
إيهاب كان راقد في الشارع وسايح في دموا .
وجميله في البيت كانت خائفة وماعارفة تعمل شنوا وبقت تضرب ليهوا وبعد مده رده .
جميله: الحمد لله اخيرآ رديت
: انتي بتعرفي الزول صاحب التلفون ده .
جميله: اي بس انت منو وفي شنو ؟
: انتي بتبقي ليهوا شنو ؟
جميله: انا ببقي ليهوا....بت عموا .
: بي صراحة . عاوزك تهدي لمن اسمعي الخبر .
جميله: اتكلم بي سرعة حصل شنو ؟
: بي صراحة سيد التلفون عمل حادث و......
جميله بي هجمة : وشنو؟ اتكلم
__: وهو اسي حالتوا حرجة وفي الانعاش .
جميله كانت مصدومة : ضربت لي حسام .
جميله : الحقني ياحسام . إيهاب
حسام: في شنو ؟ياجميلة
جميله: إيهاب عمل حادث ونقوا مستشفى ال###
حسام: انا جاي عليك .
جميله لفت طرحتها ونزلت تحت علي الشارع
حسام جاها ومشوا علي المستشفى .
الدكتور : حالتوا حرجة .
حسام: ممكن تفهمني في شنو وحالتو كيف ؟
الدكتور: كان عندوا نزيف في راسوا بس الحمد لله وقفناهوا ومنتظرينوا يصحي عشان نعرف الإصابة دي أثرت عليهوا ولا لا وكمان عندو كسور . وهو اسي في غيبوبة ادعوا ليهوا بس .
جميله: الكلام ده معناهوا شنو . بس انا عاوزة اشوفوا يادكتور .
الدكتور: ماينفع. تشوفي اسي .
جميله: عليك الله بس خمسة دقائق رجاء .
الدكتور: طيب .بس يدخل زول واحد .
جميله: طيب . ودخلت شافتوا كان حالتوا صعبة . وماقادرت تشوفوا بي الحالة دي كانت دموعها بتنزل منها .
حسام : كلم رندا وريم بي الخبر وجوا سريع لي المستشفى .
ريم: وين إيهاب وين ؟ وحسام اشر ليها علي غرفتوا . وجرت عشان تشوفوا .
ريم دخلت لقت جميله جوا . ومسكتها من يدها وطلعتها بره .
ريم: انتي بتعملي هنا شنوا كل المصائب العندنا دي بي سببك .اكيد عندك علاقة بي الحادث لي انتي هنا اسي اطلعي بره ماعاوزة اشوف وشك . وريم رجعت لي الغرفة حقت إيهاب .
جميله كانت واقفة ودموعها جارية علي حالة إيهاب .
حسام : اهدئ ياجميلة إنشاء الله هيكون كويس .
ورندا كانت بتبكي برضوا .
حسام : ارجعي البيت ياجميلة مافي داعي لي قعدتك هنا .
جميله: لا لا انا هاافضل هنا .وماراجعة
حسام: افهميني ياجميلة.
جميله: لا انا هاافضل هنا وماهاامشي اي مكان .
حسام: طيب . خلاص زي ماعاوزة .
وبعد مدة خالد ومحمد جوا .
ريم كانت بتبكي : محمد إيهاب عمل حادث . وهو اسي في غيبوبة .
محمد: اهدئ ياروحي ماكدا إنشاء الله هيكون كويس ماتخافي .
ريم عاينت لي جميله: انتي لسي قاعدة امشي من هنا انت نحس ولوا قعدت هنا إيهاب ماهيصحي طلعوها بره .
خالد سكت ومسك يدها جميله عشان يوديها وجرها جر لانو جميله كانت رافضة .
وركبها العربية .
خالد: لازم ترجعي البيت مابقدر اخليك تسمعي الاهانات دي .
جميله كانت ساكتة وماقالت حاجة .
وبعد مدة وصلوا البيت . جميله نزلت وطلعت علي غرفتها وقفلت الباب .
جميله: اكيد هو الضربوا بي العربية مافي غيروا محمد الله ينتقم منك . وجاء المستشفى عشان يتأكد من انو مات . جميله مشت صلت ودعت انو إيهاب يبقي كويس و محمد مايقتل إيهاب . وبعد ما خلصت صلاة قامت وقعدت في السرير وبقت تفكر .
جميله : انا لازم القي الأدلة اللقاها إيهاب هو ارتكب أربعة جرئم اول حاجة قتل ابو إيهاب وسرق منوا شركتين وتاني حاجة خلي امي حامل بي و تالت حاجة قتل أسيآ ورابعة حاجة ضرب إيهاب بي العربية .بس كيف اجمع الأدلة دي محتاجة زول يساعدني بس إيهاب في المستشفى منو الهيساعدني ؟
وفي بيت امجد .
فاطمه : امجد رجاء ماتعمل حاجة تودي روحك في مصيبة .
امجد : بعد العملوا ليك ده كلوا وعاوزاني اسكت .مستحيل انا لازم اجيب جميله من البيت داك .
فاطمه: حلفتك بي الله .ولو كنت عزيزة عليك فعلأ ما تمشي لي الناس ديك ممكن يقتلوك . انا خليتهم لي الله ينتقم منهم . وامأ جميله هي وعدتني انها تجئ في اقرب وقت .
امجد : برضوا انا مابخلي الناس الدمروا ليك حياتك
فاطمه : عليك الله يا امجد لو حصلت ليك حاجة انا بموت . احلف لي انك ماهتمشي ليهم ولا هتسألهم .
امجد: بس ....
فاطمه: احلف لي ولا انا ماهاتكلم معاك لمن اموت وبمشي اخلي ليك البيت .
امجد : لا ماتعملي كدا . خلاص والله انا ماهأرفع عليهم قضية ولا بسألهم.
فاطمه: الحمد لله . وجات حضنتوا . انا مابتخيل انو حصيلك حاجة عشان كدا خليك بعيد منهم . تمام
امجد: تمام .
وفي المستشفى .
الدكتور : انتوا أهل المريض إيهاب عبد الله
ريم : اي حصل ليهوا شنو ؟ هو بقي كويس .
الدكتور : احنا عملنا كل البنقدر عليهوا بس للاسف هو ............
يتبع ..............
