البارت 3 ...
ريم :آسيا ده شنو ؟
آسيا: شنو مدام 😧
ريم : معقولة بتكتبي شعر وانا ماعارفة
آسيا عاينت لي الصفحة لقت مكتوب :
يا ايها الطائر المحلق في سماء عاليه
إن كنت تستطيع فوصل سلامى
اخبرهم بأنه قد جفت العين من شوقكم
ولو كان الشوق رسائلا لنفذت اقلامى
آسيا حست بي راحه وقالت ليها :اي يامدام كنت بكتب ساى بس اتذكرته بتي وراجلي الله يرحمهم .
ريم: علي فكرة شعرك سمح واحلي حاجة فيها انو باللغة العربية الفصحى اي زول ممكن يفهموا امسكي ...واعطتها الدفتر وفاتت
كانت ريم داخله ماشه لي غرفتها بس شافت اللمبه حقت غرفت ايهاب مولعة . استغربت ومشت شافتوا لي صاح لي الساعة المتأخرة دي لقتوا بيعاين من الشباك وسرحان
ريم:لي ياولد صاحي لي اسى
ايهاب: ماردى عليها
مشت وقعدت جمبوا ومسحت علي راسه وقالت لي ولدي حبيبي زعلان مني
ايهاب:زح يدها من راسه وعاين ليها وقال ليها لا لا
ريم : ماتكذب علي قول لي زهجان لي شنو ؟
إيهاب: لي انتي عرستي محمد .
ريم: انت يعني بتكره محمد . لكن هو بعامك زي ولدوا لي زعلان منو ؟ وبعدين دي وصية ابوك عاوز ابوك يزعل مننا
ايهاب: هز راسه لا .لا . بس انا مابحب محمد
ريم: لي يا ايهاب
ايهاب: لانو.....لانو .... سكت مسافه وقال بعديها لانو انتي بقيتي بعيدا عننا وطوالى عندك شغل وسفرات
ريم: عشان اأمن ليكم القروش مش عاوز لمن تكبر يكون عندك عربية وقروش كتيرة
ايهاب:ما مهمة القروش المهم انتي ماتمشي زي ابوي
ريم: طيب انا ماهامشي وعارف شنو انا هاانوم جمبك الليله
ايهاب: انا بقيت كبير وبنوم براي 😒
ريم: خلا ص انا قررته وهانوم جمبك يلا اضحك
لكن ايهاب لسه مكشر
بس ريم بقت تضحك فيهوا لمن ضحك في النهاية وناموا ماصحوا الاتاني يوم الصباح
صحت ريم وكان جنبها ايهاب وكان علي عيونوا اثار بكى ريم ماركزت مع الموضوع كتير .قامت ريم من جمبوا براحه عشان ما يصحى ومشت براحه بس خبطت في الطاوله ووقع منو دفتر على الأرض واتفتح رفعتوا ريم بي هدوء بس مافهمت الخط والرسم كان زي الشغابيت في اللحظة دي صحى ايهاب ومسك منها الدفتر بي سرعة
ريم: اتجاهلت الموضوع وقالت ليهوا صحى النوم يلا اتسوك عشان الفطور
هز ايهاب راسه :طيب
ومشت ريم غرفتها عشان تسوك لقت محمد نايم قامت شالت المنبه وخطتوا في رأسه وشغلتوا قام من النوم مخلوق في شنو
ريم ميتة ضحك : صباح الخير حبى
محمد:😒 صباح النور
ونزلت ريم لي الفطور كالعادة ..
و استمرت الاحداث علي وضعها كدا انو ايهاب يكره محمد ورندا كبرت ومتعلقة بي امها ومحمد وخالد في شغله كل مره ناجح واسيآ مع جميلة تهتم بيها وجميله كانت فاكراها امها وآسيا ابدا ماقالت غير كدا
.. ..بعد مرور 3سنوات .
اسيآ: يا جميلة اقفلي الشباك بيدخل ليك برد بتمرضي الليلة الجو بارد
جميلة : مما عانتى عقصفر توق شجلا( ماما عايني في عصفور فوق الشجرة )
آسيا: هههههه وحلاتي ياناس العسل ده منو
جميلة : دا انا.
جميله: ماما لي م نطع بر (لي مابطلع برا )
آسيا: لانو بره في حرامي بيخطف الشفع . فعشان كده ماتطلعي تمام .
جميلة هزت راسها بي نعم بس كان نفسها تطلع بره
رندا بقه عمرها7سنوات في مدرسة ابتدائيةوايهاب 10سنة في مدرسة الابتدائية
أما اسيآ كانت بتعلم في جميله في البيت الحروف و الارقام كلها
اسيآ بترسم ليها عشان تعلمها الحيوانات آسيا رسمت ليها رسمه وقالت ليها جميله دة شنو ؟
جميله: دا ناووو (قاصدة قطه 😂😂)
آسيا : لا ده اسد
جميله:لا ناوووو بس
آسيا بقت تضحك : انت من اسى راسك ناشف 😂
جميله بتتعلم بي سرعة واسيأ معلمة شاطرة 👌
جميله بقت مابتنوم في غرفتها بس بتنوم مع اسيآ
ومن الصباح بدري آسيا بترجعها لي غرفتها وكانت بتسأل اسيآ عن ابوها ولي هم قاعدين هنا وين ابوها وأسئلة كتيرة غيرها
دائما اسيآ بترد بي السكوت ومراد بتغير الموضوع وبقت آسيا تعلم جميله الصلاه والقراءة والكتابة ومرات تقول ليها شعر كل يوم كانت جميله بتعلق بي آسيا اكتر .
وبعد مرور4 سنوات
جميله عمرها7سنه ورندا 11سنه وايهاب 14 سنه
يوم ريم نادت آسيا
آسيا: نعم مدام
ريم: انتي عارفة انك فاضل ليك شهرين وتتقاعدي وبعديها تمشي فعشان كدا كنت عاوزة اصفى حسابك واعطيك حقق كامل واقول ليك شكر على خدمتك
اسيا:نست الموضوع ده تماما وقالت ليها طيب و جميله
ريم: جميله منو ؟!
اسيآ : بت الخدامة
ريم : مالها
آسيا :,كيف اخليها براها
ريم: خلاص سوقيها معاكى لو خائفة عليها كدا
آسيا: سكتت لانها عارفه روحها مابتقدر تشيل مسؤوليتها . لا يامدام ماقصدي كدا
ريم:خلاص اقفلي الموضوع
آسيا:استأذنت ومشت . وهي ماعارفة تقول لي جميله شنو
جميلة : عمرها كان 7 سنوات وكانت زكيه واتعلمت تقراء وتكتب حاجات كتيرة .
آسيا: كانت متعودة كل يوم تمشي لي جميلة بعد الشغل بس اليوم مامشت . وكيف تمشي وهي ماعارفة تواجها كيف وتقول ليها انها هتمشي . ومشت غرفتها طوالي وهي بتفكر في حل
جميله: كانت منتظرة امها تجي وابد تنوم كانت فاتحه الشباك وبتعاين . بس ماجات . جميله كانت خائفة وقررت تطلع و تمشي تفتش عليها بس كان باب الغرفة مقفول ومشت علي الشباك بس ماقدرة تطلع فيهوا جابت طاولة وطلعت فيها وطلعت بي الشباك ونطت خارج الغرفة و قامت وبقت تمشي كانت خائفة الوقت كان متاأخر والمكان مظلم بس مشت علي غرفت اسيآ كانت مسافة من غرفة جميلة . ......
وفي وحدة من الغرف...
_ لاااااااااااا ابوي انتبه في شاحنه جاية عليك زح بابا لا. باباااااا لا .. وقام ايهاب من النوم مهجوم بسبب الكوابيس اليوميآ بتجيهوا . حسي انو مخنوق ومافي هواء في الغرفة وقام نزل الحديقة وبقى يتجول فيها وحسى بي حركه ومشى في اتجاه الصوت ..
جميله كانت ماشة بي سرعة علي غرفت اسيآ واول ماقربت عليها حست بي زول مسك يدها
جميله صرخت : اااااااااااااااااااه حرامي حرامي
يتبع .....
