البارت 7
كلهم كانو مصدومين . ..
ريم : خالد ممكن تفهمنا الحاصل شنو ؟
خالد : الحاصل انو انا اتبنيتها ومن اليوم هي بتي
ريم: شنو ؟ وقامت من السفرة وطلعت غرفتها محمد طلع وراها
رندا: يعني شنو اتبنيتهاا؟
خالد: يعني بقت بتي و انا ابوها
رندا : يعني دي بتك ياخالوا
خالد : اي وعاملوها زي اختكم
رندا بي فرح : هاااااى هيكون عندي اخت صغيرة ومشت سلمت عليها .
ايهاب : كمل فطورو ومشي لي غرفتوا من دون مايتكلم
رندا كانت بتكلم مع جميلة بس جميله كانت ساكتة وبتسمع فيها .
جميلة وقفت وكانت ماشة
خالد: ماشة وين ؟
جميله: عاوزة امشي انوم
خالد: اكلي اول مااكلتى حاجة
جميله: شبعانة . وكملت مشي
ريم : خالد كيف يعمل كدا ؟ خلا بت الخدامة دي تعيش معانا كيف . انت مش قلت لي هتقعد في البيت بي صفتها خدامة بس اخوك مشي خلاها بتوا .
محمد: اهدئ وماتعصبي
ريم: شوف حل لي انا مابستحمل الوضع دة
محمد: طيب انا هااشوف حل بس انتي لي الوقت دة اهدئ تمام .
ريم: هااحاول . بس مااوعدك وطلعت خلتوا .
ولمن جاء بليل .....
خالد فتح غرفت جميله لقها قاعدة جمب الشباك وسرحانة
خالد: مالك ؟
جميله: مافي حاجة
رندا جات داخله وقالت لي خالد يحكي ليهم قصة قبل ماينوموا
خالد : حاضر من عيوني
رندا ساقت جميله وقعدوا في السرير
خالد : جاب كتاب وبقى يحكي ليهم في قصة لمن ناموا غطاهم بي الغطاء وطفئ النور وطلع
في الصباح :
ريم نزلت من غرفتها لي السفرة بس شافت جميله طالعة من غرفتها ومعها رندا وجوا نازلين من السلم ريم مشت وجرت رندا
ريم: تاني مااشوفك معها يارندا فاهمة
رندا:بس ياماما ..
ريم: اسكتي . وجرتها معها لي السفرة
جميله كانت ساكتة ومااتكلمت نزلت وقعدت في السفرة
بعديها جو الباقين لي السفرة
كانوا بياكلوا ومافي زول بتكلم مع التاني وبعد خلصوا الاكل كل زول رجع لي غرفتوا
خالد : جميله
جميله:نعم وفتحت باب الغرفة
خالد دخل غرفتها وكان يدينوا مليانة اكياس
جميله:دة شنو ؟
خالد: دي ملابس ودفاتر عشان تنزلي المدرسة .انا سجلتك في مدرسة رندا وهاتنزلي سنة أولي بكرة
جميله:مدرسة ؟
خالد: اي ده مكان بعلموا فيهوا القراية والكتابة وحاجات كتيرة . لازم تمشي طيب
جميله : طيب .
وتاني يوم الصباح
ريم جات نازلة وقعدت في السفرة كانت اول يوم دراسي بعد الإجازة ورندا لابسة ملابس المدرسه كانت في الصف السادس وأيهاب اولة ثانوي وبقروا في احسن المدارس وخالد كان قاعد وجميله كانت لابسة ملابس المدرسه
محمد: سجلت جميله في المدرسة
خالد: اي سجلتها في مدرسة رندا
ريم : شنو. ؟! وكانت عاوزة تتكلم
محمد شال معلقة من الاكل ودخلا لي ريم في خشمها
محمد: حبيبتي انتي الليله مااكلتى حاجة .
وقال لي الأولاد انتو اتأخرتو علي المدرسة يلا باي
وكلهم قاموا من السفرة ومشوا لي العربيات عشان يمشوا المدرسة . وخالد ساق جميله عشان يوصلها
ريم بي زهج : المهزلة دي شنو ؟ انت مش قلت هتحل الموضوع دة
محمد: ريم اهدئ انا بحل الموضوع دة
ريم: متين ؟
محمد: قريب . وطلع مشي لي الشركة
محمد اتصل على خالد وقال تعال لي الشركة
خالد مشي لي محمد .
محمد: خالد عاوزك تسافر تمسك فرع الشركة البره
خالد: لي شنو ؟ مش في زول ماسكه .
محمد: اي بس هو ماشايف شغلوا كويس . امش انت خلص الشغل هناك وتعال . انا عندي شغل ضروري لازم اخلصوا ولإ كنت مشيت بي نفسي
خالد: بس ...
محمد: انا بثق فيك انت . واصلا الموضوع مابيأخذ وقت طويل . انا حجزت ليك في طيارة بكرا
خالد : طيب انا هامشي اجهز شنطتي . وطلع
في الفلا بي المساء ..
خالد : جميله كيف كانت المدرسة. حبيتها ؟
جميله: اي
خالد : جميله انا هااسافر كم يوم وراجع
جميله: لي مسافر
خالد: عندي شغل اخلصوا بجي راجع
جميلة سكتت وماسالتوا تاني .
خالد: يلا تصبحي علي خير نومي بدري عشان بكرة عندك مدرسه
جميله: وانت بخير
تاني يوم الصباح في السفرة..
ريم عاينت ومالقت خالد
ريم: صباح الخير . بس وين خالد ؟
محمد: سافر الصباح بدري عندو شغل بره
ريم : وجاي متين ؟
محمد: مامعروف بس يخلص شغلوا هناك وبيجي طوالي
ريم : اممم طيب
رندا وإيهاب طلعوا عشان يمشوا المدرسة وكانت جميلة منتظرة السواق واول ماجهزت العربية جات طالعة بس وقفتها ريم .
ريم:_ انتظري ......
يتبع ...................
