البارت 16 :
جميله : اااااااااااااااااااااااااااااه
إيهاب : جميله مالك ؟
جميله : ياربي مامصدقة يعني انت جاي انت جاي بي الجد .
إيهاب ماكان فاهم حاجة بس شايفة ماسكة الجوال بطنطت من الفرح .
جميله : الليلة المكرونة حرقت وشالت موية حارة وكبتها بس البوخ جاها في يدها وحرقها . وجرت خطت يدها في موية بارده .
إيهاب: انتي كارثة في المطبخ.
جميله: ماهرد عليك عشان مااخرب فرحتي .
إيهاب: فرحانة من شنو ؟
جميله: ابوي جاي الليلة إجازة واخيرآ لي كم سنة ماشفتوا .
إيهاب: ابوك ...اه خالد جاي ؟
جميله : اي الليله .
إيهاب : يجي بي السلامة .
جميله: الله يسلمك . وطلعت
إيهاب : جميله نسيتي النار فاتحة . ياربي البت دي لو ماحرقت المطبخ ده مابترتاح . وقفل النار وهو طالع جواله بقي يرن .
إيهاب : الو . بي الجد طيب احفظهم لي في الكمبيوتر لمن اجي بكره .
_: طيب .
إيهاب : ايو ورجاء الموضوع ده مافي زول يعرفوا تمام . وقفل الخط .
إيهاب في نفسوا: واخيرا قدرت اصلا لي طرف الخيط .
جميله: اي انا معاك جاي الساعة كم عشان استقبلك في المطار .
خالد : الطياره بتصل 12 صباح
جميله : طيب تمام .بس انا زعلانة لأنك ماكلمتني
خالد: انا اصلا حجزت امبارح .
جميله: طيب تصل بي السلامة . وقفلت الخط ومشت لي غرفتوا عشان ترتبها ليهوا .بس لقتها مليانة تراب . كنستها ومسحتها ونفضت العفش وقعدت ساعات بتنظف فيها و في اوراق كتيرة فوق الطاولة شالتها وفتحت الدرج عشان تخطهم واول ما فتحت الدرج وقع دفتر قديم . جميله دخلت الاوراق ورفعت الدفتر من الأرض وشد انتباها انو قديم وفتحت اول صفحة كان مكتوب فيهوا
الاسم: اسيآ
كبيرة الخدم في المنزل
مذكرات .
جميله كانت فرحانة انو لقت حاجة لي امها بعد المدة دي وخلصت ترتيب في الغرفة وشالت الكتاب وطلعت على غرفتها وخطت المذكرة وجوالها في السرير وقعدت واتذكرت انها جعانة وانو خلت الحله في النار وجرت على المطبخ لقتها مطفية و شغلت النار فيها عشان كان في موية في المكرونة وخلتها لمن جهزت غرفت منها وكبت فوقها جبنة وشالت كباية عصير وطلعت علي غرفتهاوقعدت اكلت وشربت العصير وكانت بتتصفح في الجوال ونزلت تحت ترجع العدة شافت رندا ونواره و لميس قاعدين بتونسوا ماركزت معاهم كتير و مشت المطبخ خطت الصحن وجات راجعة . وهي طالعة علي غرفتها نواره جات وكانت شايلة كبايت عصير .وقعتها جمب جميله .
نواره: اوبس. وقعت مني ايوا صح انتي بت خدامة يعني خدامه هنا يلا نظفيها بي سرعة أه sory نسيت انتي اصلا مابت الخدامة انت لقيطة مرمية في الشارع الله اعلم ابوك منو ولا امك منو وناس خالتوا ريم من قلبهم الكبير خلوكي عندهم ولا كنتى اسى في الشارع مرمية زي الكلاب
لميس بي استهذاء : no no no نواره حرام مافي داعي تذكريها بي اصلها
رندا : وقفوا انتوا الاتنين فورآ خلاص جميله دي اختي زيها زي إيهاب ومابرضي زول يزعجها .
نواره : لا يارنودا ماتشبهي روحك وايهاب بي الاشكال دي .
جميله : اشكال دي . على الأقل محترمة روحي وماخفيفة زيك ومنتظرة نظرة من إيهاب المستحيل يعبرك اصلا .
نواره اتحرقت : نعم انتي قصدك شنو ؟اصلا بت اصلها من الشوارع هيكون كلامها شنو غير ده .
جميله : طيب انا اوريك بنات الشوارع بيعملوا شنو . ومسكت نواره من شعرها .
وقاطعة صوت ريم الكانت واقفة جمب الباب
ريم: ده شنو انتى جنيتي كيف تضربي نواره.
نواره نزلت دمعتين : خالتوا ريم عايني ليها انا ماعملت ليها حاجة كباية العصير وقعت جمبها وقالت لي انى وقعتها قاصده ومسكتني من شعري
جميله : كذابة .
رندا: امي نواره هي
ريم : رندا ما تدخلي .
وانتي عشان عيشناك معانا تفتكرى انك وحده مننا يلا اعتذري منها
جميله : انا ماغلطانة ومابعتذر .
وجاء كف في وش جميله من ريم
ريم : وكمان بتصرخى في وشى انت بت ما مربية اصلا تربية خدامة متوقعة شنو منك
جميله: ماتجيبى سيرت امي علي لسانك عشان ماانسى انك اكبر مني وأفلت اعصابي . وطلعت علي غرفتها .
ريم: كيف تقول لي كلام زي ده انتظري عندك . من اليوم هااوريك العمرك ماشفتيهوا .
بس جميله ماردت عليها وجري علي غرفتها .
ريم : الحيوانة دي فورت لي اعصابي . المهم اسى انت كيف يا نواره
نواره : انا كويسة ياخالتوا شكرآ ليك لو ماكنتي جيتي كان قطعت لي شعري وخلتوا لي من نص ظهري لي رقبتي المتوحشة دي .
رندا: فعلا انا زهجت من المسرحيات اليومية دى وطلعت على غرفتها .
لميس: انتظري رندا ماتفوري اعصابك كانت مزحة . ومشت وراها .
ريم : انا تعبانة . ومشت على غرفتها .
وفضلت نواره في الصالة .
إيهاب كان واقف في باب غرفتوا واتفرج علي كل الحصل
. وطلع علي غرفة جميله وسمع صوت بكى وفتح جزء من باب غرفتها عشان ماتشوفوا و مايحسسها انها ضعيفة لانها ابدا ماكانت بتبكى قدام زول ودايمآ حابسة دموعها
. وعاين لقها قاعدة في الأرض وحاضنة كتاب قديم وبتبكي بي حرقة وسمعها وهي بتقول :
لي ياامي خليتني ومشيتي لو كنتي وديتني علي دار ايتام قبل ماتمشي كان احسن من العذاب الانا عايشة فوقوا ده. انا بس عاوزه اعرف انا عملت ليهم شنو هم بكرهوني كدا لي لو كنت عدوهم ماكان عاملوا بي الطريقة دي لو كنتي سوقتيني معاك ومت معاك كان احسن لي من هنا . ياريت لو كنتي قاعده معاي انا اشتقت ليك .
إيهاب كان شايف حالتها وقلبوا بيتقطع علي منظرها كان بتمني لو يقدر يشيل كل احزانها وهمومها بدل منها أو يقدر يخفف منها شوية . وماحسى إلا بي دموعوا جرت . قفل الباب براحة ومسح دموعوا .ونزل تحت لقى نواره ماسكى تلفونها وقاعدة وبتلعب بي شعرها وبتتصور سلفي
إيهاب مشي علي غرفتوا وجاء طالع ومشي علي نواره .
إيهاب : هلا نواره
نواره : اهلين إيهاب مشتاقين عديل وين مختفى
إيهاب : بس مع الشغل . كنت عاوز اقول ليك انتي فاضية ؟
نواره: اي فاضية .
إيهاب : كنت عاوز نطلع سوء نتعشاء في مطعم بره .
نواره كانت مصدومة لانو إيهاب الكان مايتكلم معاها كتير هيطلع يتعشاء معاها بره .
نواره : طيب اكيد .
إيهاب : ممكن طلب
نواره : انت تأمر . اه قصدي اتفضل اطلب .
إيهاب : بصراحة ماعارف اختار لبسه ممكن تجي. تختاري لي
نواره : اكيد . ومشوا علي غرفت إيهاب .
إيهاب : نواره شعرك طويل بس لو كان قصير هيكون عليك احلي . خصوصآ مع الفستان الانتي لابسة ده
نواره : بي الجد . اه بصراحة أنا عاملة توصيله شعر ده ماشعري وطلعت التوصيلة كان شعرها قصير . وكدا طالعة كيف ؟
إيهاب : بتجنني . بس في مسافة بين سنونك ياريت لو مافي كان ابتسماتك بتكون تهبل .
نواره : بي الجد ؟اصلا كانت اسناني متلصقة بس مشيت لي دكتور الاسنان وعمل لي مسافة بيناتهم. مامشكلة بمشي اعمل ليهم عملية
إيهاب : والشامة العلى خدك . اصلا خدودك حلوات من دونها
نواره : اه دي تبع المكياج الثابت . وطلعت منديل ازلت مكياج من شنطتها ومسحتها .
إيهاب : بس كان عندك فيديو في انستجرام انو شعرك و وشك وحتي الشامة طبيعية . واسى هتعملي شنو .
نواره : اها الكلام الفاضي القلتوا في الفيديو كلوا كذب . بس انت الوحيد البسمح ليهوا يعرف اسراري لكن خلي الموضوع سر تمام . ولو في زول شافني بقول ليهوا قصيت شعري . والشامة عامله مكياج يخفيها . وقربت منو وقالت ليهوا: اها قول لي كيف طالعة اسى ؟
إيهاب : اااه طالعة زي العفاريت
نواره: ها ؟
إيهاب مشي علي الطاولة وشال كاميرا : سرك في الكاميرا . اتخيلي بي الغلط انشروا .
نواره : ده معناهو شنو ؟ انت لي عملت فيني كدا بعد ما امنتك اسراري . وبقت تبكي
إيهاب قرب منها : ماتبكي دموع التماسيح دى وفريها لي زول غيري .
نواره: والمطلوب اسى شنو عشان تمسح الفيديو؟
إيهاب : اعتذار . تمشي وتعتذري من جميله وتبوسي يدها وانا بمسح الفيديو .
نواره : لا لا مستحيل اعمل كدا
إيهاب : قولى الحمد لله ماقلت ليك بوسي رجلها . وعلى العموم الفيديو بتشوفي في انستجرام
نواره: لا لا طيب طيب هاامشي اعتذر ليها . بس اديني وقت .
إيهاب : تمام بس وريني لمن تكوني ماشي تعتذري. يعني لو ماشفتك بعيوني مابمسح الفيديو . اوكي ويلا اطلعي بره
نواره طلعت وهي معصبة شديد .
جميله كانت بتبكي ونامت وهي ماحاسه وصحت من النوم وعاينت لقت الساعة 10 واتذكرت خالد. بيصل الساعة 12 مشت غسلت وشها ومسكت جوالها وضربت لي حسام
حسام : هلا جميله
جميله: عاوزاك في مشوار الساعة 11 ونص لي المطار عشان ابوي جاي
حسام: عمو خالد جاي اخيرآ طيب الساعة 11 ونص بكون عندك .
جميله : طيب . يلا لمن اشوفك . وقفلت الخط
وفتحت الدولاب طلعت ابرول ابيض ومعاهو جكت اسود وطرحة كبدي وجزمة كبدية ودخلت استحمت وطلعت سرحت شعرها وعملت مكياج خفيف ولبسة اللبسة ولفت طرحتها ولبسة سلسل طويل وشافت الساعة لقتها 10:40 عاينت في الفرش لقت الدفتر حق اسيآ قالت تشوفوا لحتى مايصلها حسام . ومشت قعدت في السرير وشالت الدفتر وفتحتوا ..............
يتبع ..........
