البارت 24
المجرم : اخر وصية ليك يا حلوة .
جميله حست بي السكين جرحتها.
جميله: انتظر انا عندي حل انت مش قلت محتاج قروش انا هااديك قروش مقابل ماانت تساعدني .
: اممم . قولي المقابل شنو ؟
جميله : اعترف علي محمد .
وانا بوعدك هطلعك من السجن واديك قروش كتيرة .
: اممم. كم يعني ؟
جميله : الانت عاوز.
: عاوز 500 مليون .
جميله:شنو ؟؟؟ خمسمئة مليون .
: شنو ماموافقة ؟
جميله: لالالا موافقة .موافقة هااديك ليها . بس بعد ما تنفذ الخطة .
: طيب .بكرة تعالي في المكان البحددوا ليك عشان انا عاوز أجمع أدلة ضدوا .
وشال رقم تلفونها .
جميله جات عشان تمشي .
: اه انتظري انتي اسمك منو ؟
جميله: انا اسمي ..جميله . اااه ممكن تقول لي الف يمين ولا يسار عشان انا نسيت الطريق .
: يسار بعدين يمين .
جميله: طيب شكرآ . ومشت
وصلت البيت ومشت علي غرفتها.
جميله : ياربي من وين اجيب القروش من وين ..500 مليون وانا قلت ليهوا هااديها ليك بس من وين ؟ هااسأل خالد .بس هااقول ليهوا عاوزها في شنو ؟ ممكن ابيع العربية الجايبة لي وهطلب من إيهاب وخالد الباقي وعندي قروش في بطاقتي بتمني كدا تكفئ . أففف انا مصدعة عاوزة مسكن . شالت حبة من المسكن . ياربي لي مافي موية لي كل مرة انزل المطبخ عشان اجيب موية . وخطت الجوال في جيبها ونزلت المطبخ شربت موية .
جميله: بسم الله . ٱيهاب هجمتني .
إيهاب: ماشيفاني من قبيل واقف.
جميله: واقف هنا.... وجوالها ضرب .
جميله: الو ..
: تعالي بكرة الساعة 6 مساء في مكان اسموا ## جمب ال##.......
جميله: طيب .تمام اكيد هااجي. و قفلت الخط
إيهاب: ده منو الضرب ليك في الوقت ده ؟
جميله: دي صحبتي .
إيهاب: صحبتك ؟ اسمها منو
جميله: اااه اسمها .... نواره . اسمها نواره
إيهاب: طيب احتمال اكون بعرفها بس مامتذكر . يلا تصبحي علي خير .
جميله في نفسها : صحبتي وكمان نواره مالقيت غير الاسم ده . ورجعت علي غرفتها .
تاني يوم الصباح .
كلهم صحوا وفطروا سواء وكل زول مشي علي شغلوا وجميلة طلعت علي غرفتها راجعة ورندا برضوا .
رندا كانت بتضرب لي حسام بس هو مابرد عليها ومشت لي جميله في غرفتها .
رندا: جميله حسام مابرد علي كدي اضربي ليهوا من تلفونك احتمال يرد .
جميله: لي حصل شنو ؟
رندا: امي رفضتوا وقالت ليهوا انت ماغنى وحسام طلع وهو زعلان و بقي مابرد علي
جميله: كدي لحظة اضرب ليهوا.
جميله: الو حسام ....
رندا شالت منها الجوال : انت لي مابدرت علي
حسام: رندا . امك ماعاوزاني وبعد الكلام السمعتوا منها ....
رندا: بتخلي مجرد كلام يأثر فيك انا فسخت خطوبتي عشانك .
حسام: انا بموت لو خليتك . بس قول لي اعمل شنو ؟
رندا: وانا ها أقتلك لو خلتني . وامي بتوافق مع الوقت بس انت ما تزعل تمام
حسام: طيب .وانا اسف لاني زعلت منك وعشان تسامحيني عازمك بره .
رندا: طيب تمام يلا باي وقفلت الخط.
جميله: خلاص اتصالحتوا
رندا: yes شكرآ جميله حسام قال عازمني بره .
جميل: ههه كويس .
رندا : غريبة لي ما اتسامجتي علينا كعادك .
جميله: ههه بس ماحبيت ازهجكم
رندا: يلا البسي عشان تطلعي معانا .
جميله: لا لا ماعاوزة اطلع
رندا:انتي كويسة ؟ شكلك ماعاجبني كأنك عيانة
جميله: انا كويسة بس حاسي اني مامرتاحة كأني مخنوقة احتمال من قعدة الغرفة هاانزل تحت الحديقة اتمشي شوية .
رندا: طيب انزلي شوية وارجعي ارتاحي احتمال جايلك نزلة لازم ترتاحي .يلا باي
جميله: طيب باي .
جات الساعة 6 مساء جميله نزلت من غرفتها وطلعت مشت أجرت ركشة ومشت علي المكان القالوا ليها .
سيد الركشة : انتي متاكده يابتي المكان ده لانو مكان مقطوع .
جميله: اي ياعمو . وادتوا قروش .شكرآ
لقت في مكان زي مخزن كدا .
جميله حست بي الخوف وبقت تقول: في زول هنا .في زول؟
: واخيرا جيتي انا انتظرتك لي مدة .
جميله: كان في زحمة. المهم وين الورق ؟
: ورق شنو؟ وطلع سكين .
جميله: في شنو انت مش اتفقت معاي .
: انتي غبية لي اشيل 500 بس في حين ممكن اشيل الضعف .
جميله: انت حقير .صحي القال ديل الكلب عمروا مابنعدل .
: انتي كلامك كتير اسكتي ويلا اقعدي في الكرسي داك .
جميله لزتوا وجرت بس في زول مسكها .
____: وين جارية وانت مش قلت ليك اربطها لي خليتها تجري .
__: اسف يا سيد
جميله: محمد ؟!!!
محمد مسك جميله وربطها مع الكرسي .
محمد: لي عرفتي ؟ لي عاوزة تضريني اقتلك انتي بتي الوحيدة لي عاوزاني افقدك.
جميله: لا انت عمرك ماكنت ابوى ولا هتكون برضي الناس يقول لي لقيطة علي انو يقول لي بتك . انت مجرم وقاتل ومكانك السجن وماتجي تقول لي الكلمتين ديل عشان انا عارفة انو انت مابتهتمي بي ولا عمرك شوفتني بتك .
محمد: هههههههه مابستغرب انك زكية كدا في النهاية انتي بتي .
جميله: انت ماطبيعي انت مريض نفسي
محمد مسك جميله من شعرها : كيف تقولي الكلام ده لي ابوكي .
جميله: ااااى . فك شعري . انت مستحيل تكون إنسان انت أسواء من الحيوان .
محمد: اممم انا هتجاهل الكلام السمعتوا وعشان انتي بتي وذكية هديك فرصة تانية . انتي هتنسي كل حاجة تمامآ ونبداء من جديد وماتحاولي تتذاكي علي وبس .
جميله: والمقابل شنو ؟ يعني فايدتك في الموضوع ده شنو .
محمد: برافوا عليك . المقابل ياحلوة انو انا محتاج محامي شاطر وذكي وحلو زيك عشان يساعدني في أعمال الشركة وكدا . وماهاالقي احسن من بتي حبيبتي . وصح انتي لسى بتقرئ بس انا زول بعاين لي قدام وشايف مستقبلك الباهر .
جميله: انا مستحيل اساعدك في الانتي بتعمل فيهوا ده وانت مصيرك تنكشف .
محمد: تعجبني ثقتك في نفسك حلوه .بس لي الأسف نهايتك هتكون علي أيدي اممم فكري معاي اضربك رصاصة ولا اطعنك سكين ولا اشنقك في حلول كتيرة عشان اقتلك اختاري من بينهم .
جميله: انت أسواء اسواء انسان في العالم مابس اسأته لي امي كمان عاوز تقتلني .
محمد: امك كانت جميله بس غبية ومشت كلمت ريم وقبل ماتقول ليها منو العمل فوقها كدا ريم طردتها .
جميله: الله ينتقم منك .
جميله بتحاول تفك الحبل بس كان مربوط شديد .
محمد طلع مسدس ووجهوا علي جميلة : فكري تاني انت متأكدة عاوزة ترفضي عرضي . فكري بي منطق شغلي عقلك
جميله: انا بكرهك انت حيوان واقبل الموت علي اني اساعدك واول ما اطلع من هنا هاامشي علي الشرطي .
محمد: اذا طلعتي اصلا .
جميله: هيجي يوم وتكون بتترجي عشان يسامحوك وفي النهاية هتدخل السجن .
محمد: هههههههه نكاتك حلوه .فكري انا اسي للمرة التانية بديك فرصة عشان تحافظي علي حياتك وتكوني معاي .
جميله: مستحيل واذا انت هربت من عقابك في الدنيآ هتلقاهوا في الآخرة .
محمد: للاسف ماعندي خيار تاني .
وطاااااااااخ طلعت رصاصة من مسدس محمد ..
يتبع .........
