البارت : 15
امجد ضغط فرامل : زح بسرعة زححححححح.....
وفرم وضرب العربية بس الضربة كانت خفيفة وجات بس في العربية .
أمجد نزل بي سرعة : انت مجنون ده شنو العملتوا ده
إيهاب نزل : عاوز اعرف جميله مالها ؟ جات نازلة من عربيتك و يدها مجروحة وحالتها حالة
امجد : انت منو ؟! وفي شنو ؟!
إيهاب : جاوبني علي سؤالي .
امجد : بي صفتك شنو ؟
إيهاب : انا المفضرت أسألك ماانت . جاوبني بسرعة .
امجد : في طريقها لي البيت ضربها حرامي والحمد لله جيت في الوقت المناسب ولا كان قتلها
إيهاب: يقتلها ؟!
امجد : اذا مهتمي بيها كدا لي مابتوصلها من الجامعة .
إيهاب سكت وركب عربيتوا ومشي .
جميله كانت راقدة وبتفكر لمن نامت .
إيهاب وصل البيت وطلع علي غرفتها وضرب الباب وفتحوا لقها نايمة وقفل الباب راجع ومشى على غرفتوا.
تاني يوم الصباح زي الساعة 10
جميله صحت واتسوكت وصلت واتصلت علي حسام وقالت ليهوا تعال البيت انا منتظراك .
حسام : ممكن اعرف انتى عاوزة تعملي شنو ؟
جميله : لمن تجي بتعرف الخطه .
ونزلت تحت ومالقت في زول .وقالت شكلهم مشوا الشغل احسن زاتو . وبعدها مشت علي غرفة رندا .
جميله: صباح الخير . بقيتى كيف ؟
رندا: صباح النور . بقيت احسن بس حاسه اني دايخة شوية .
جميله : ده من الهبوط هتكوني احسن انشاء الله . لازم تأجلي الخطوبة كم يوم لمن تبقي كويسة خالص
رندا : قال انو لازم يسافر عندوا شغل ضروري بره . وبجي بعد شهر عشان نعمل الخطوبة.
جميله: اممم كويس . كنت عاوزة اسائلك من موضوع .
رندا : شنو ؟!
جميله: انتي بينك وبين حسام حاجة ؟
رندا سكتت: حاجة زي شنو مثلا .
جميله: يعني هو مجرد صديق ولا اكتر .
رندا : حسام زي اخوي .
جميله: انتى عارفة انك زي اختي ومابينا اسرار .
رندا: بي صراحة ماعارفة . بس عارفة انو بعد شهر خطوبتي وحتى لو في اي حاجه هتكون انتهت.
جميله : طيب ورح ننزل تحت الحديقة في هواء هتتحسني .
رندا : طيب وراح .
ونزلوا تحت قعدوا في الكراسى .
وبعد مدة جاء حسام ولقاهم قاعدين في الحديقه .
جميله : حسام كيفك
رندا : حسام؟!
حسام : سلامتك رندا كيف بقيتي اسى ؟
رندا: تمام الحمد لله .
جميله : اتفضل اقعد اشرب معانا شاي . وكبت ليهو .
حسام قعد معاهم . وكان في سكوت في المكان .
جميله : اه . رندا انا عاوزة أقول ليك حاجة مهمة وعاوزة اعرف رايك فيها شنو ؟
رندا: اتكلمى سامعاك
جميله : انا وحسام بنحب بعض . وعاوزين نرطبت رسمي .
حسام : شنو ؟!
رندا كان علامة الصدمة في وشها وعيونها قربت تبكي . وقالت ليهو : امبارح كنت بتقول لي في شعر وكلام . واسى تقول لي انك بتحب جميله . كنت بتكذب علي يعني ؟ .
جميله: انت قلتي انو خطوبتك بعد شهر . وانو مافي حاجة بينك وبين حسام . طيب لي زعلانة اسى منو ؟ عادي لو ارطبتنا فيها حاجة .
حسام: رندا اسمعيني اشرح ليك ...
رندا: ما عاوزة اسمعك . ياخسارة سمحت لي قلبي يتعلق بي واحد زيك . ياحسارة حبي ليك ومشت وهي بتبكي .
حسام: ده شنو ياجميلة القلتي ده ؟
جميله : دي الخطة انت كنت عاوز تتأكد من انو ...... وما كملت كلامه في صوت قاطعة.
: المهزلة دي شنو ؟
جميله: هو انت قاعد في البيت لسى
: الموضوع شنو ؟
جميله: مابتوقع اني لازم ابرر ليك حاجة .
__: حسام انت برضو ماهتقول في شنو ؟ انت مش قلت انها زي اختك فجاء بقت حبيبتك ؟
حسام : هااشرح ليك الموضوع ..
جميله: مافي داعي تشرح وخلي يفهم العاوز يفهموا . وجات عشان تمشي . بس مسك يدها .
جميله: إيهاب خلى يدي فورآ .
إيهاب: ماقبلي ماتفهميني الحاصل شنو ولي رندا بتبكى والكلام القلتيهوا قبل شوية ده شنو ؟
جميله فكت يدها : ماعاوزة اتكلم . اصلا لو عرفت ماهتتفهم الموضوع وبتهيج زي كل مره .
إيهاب: حسام انا معتبرك لي اللحظة دي زي اخوي فهمني الحاصل شنو ؟
حسام: إيهاب بي صراحة أنا بحب رندا من زمان ولمن هي اتخطبت جيت وصارحتها بس هي رفضت وجميله ساعدتني عشان اعرف اذا هي عندها مشاعر تجاهي ولا لا وجميله كذبت الكذبة دي عشان نتأكد .
إيهاب مسك حسام من قميصوا : رندا خطوبتها بعد شهر ومااشوفك تاني ازعجتها بي كلامك الفاضي ده .
جميله : حتى لو عرفت انو رندا جابراها امها على العرس ده عشان المشروع يتم و انو رندا بتحب حسام .
إيهاب : علاقة مشروع امي بي عرس رندا شنو ؟
جميله: اصلا مشروع امك معتمد علي عرس رندا . واذا مامصدقني اسأل رندا .
إيهاب سكت مسافة وبعدها مشى .
جميله: حسام انا هاامشي اتكلم مع رندا وافهمى الموضوع .
حسام: اتصلى علي بعدين و وريني قالت ليك شنو
جميله : طيب . يلا باي
حسام : مع السلامة.
إيهاب طلع لي رندا في غرفتها ضرب الباب ودخل لقها بتبكى .
إيهاب : رندا انت فعلا رضيتى بي العرس ده علشان مشروع امك .
رندا كانت ساكتة وماقالت حاجة.
إيهاب: رندا كوني صريحة معاي اذا انت ماعاوزة العرس ده قول لي وانا مستحيل اخلي زول يجبرك على حاجة .
رندا : مافارق خلاص جميله و حسام مرتبطين
اسى .
جميله كانت واقفة جمب الباب وبقت تضحك : انت مجنونة انا وحسام زي الإخوان وانا عملت المسرحية دي عشان اعرف انك .....
وقاطعتها رندا وبقت تضربها بي المخده : انتي حيوانه ماكان في داعي تعملي كدا .
إيهاب: واسى موافقة على العرس ده ولا لا .
رندا: امم . ما ... ماعارفة .
جميله: بعد ده كلوا و ماعارفة . انتي كنتى هتجني لمن عرفتي انو حسام ارطبت .
رندا : جميله خلاص اسكتى .
جميله : يعني خلاص هطرشكى الخطوبه
رندا : إيهاب ..انا ماموافقة علي العرس ده .
إيهاب: متأكدة ؟
رندا: اي متأكدة
جميله: واخيرا الموضوع ده اتحلى . يلا باي انا ماشى . وطلعت . وطلع وراها إيهاب .
إيهاب : جميله ..انا ..انا اسف علي كلام امبارح
جميله : يادوبي جاي تعتذر . بس انا ماهسامحك ابدآ . ومشت علي غرفتها .
جميله مسكت الجوال واتصلت على حسام وكلمتوا الحصل .
حسام: بي الجد ياربي والله ما مصدق .
جميله: لا صدق .
حسام: شكرا ياجميلة بي الجد ساعدني كتير
جميله : اصلا لو ما ساعدك اساعد منو .
حسام : لاقيت امجد وحكى انو امبارح في حرامي كان هيطعنك بي السكين . لي ماكلمتيني .
جميله: نسيت الموضوع .
وتكلموا مسافة وبعدها قفلوا الخط .
جميله حست بي الجوع ونزلت تحت عشان تمشي المطبخ وكانت شايله جوالها وبتتصفح فيهوا . ودخلت المطبخ وكان نفسها في مكرونة خطت الحلة في النار وكبت زيت وخطت المكرونة في النار وبقت تقلب فيها . جوالها ضرب شالتوا وردت عليهوا وهي بتقلب في المكرونة. وبعد شوية .
جميله: ااااااااااااااااااااااااااااااااااه
إيهاب طلع من غرفتوا وكان وماشى علي باب الشارع وسمع صرخت جميله وجرى علي المطبخ .
إيهاب : جميله ............
يتبع ........
