البارت 2
ريم وهي بتبكي : لالا مستحيل ..
مسكت اعصابها ونادت علي الخادمه وقالت ليها في طفل عند البواب شيلهوا واهتمي بيهوا لي الصباح
الخادمه:حاضر مدام . ومشت
ريم قعدت في الكرسي وحاولت تكون هادئه قدر المستطاع وبعد مدة اتفتح باب الغرفة ريم رفعت راسها ولقتوا محمد .
محمد: مساء الخير لي قاعده هنا
ريم بي زهج : واخيرا جيت
محمد: خير انشاء الله في شنو
ريم : شالت الورقه واعطته ليهوا
محمدكان بيقراء في المكتوب وهو منصدم . :ده شنو !؟
ريم: اذا مابتعرف تقراء جيب اقراهوا ليك ومسكت الورقه وكان مكتوب .
انا الخدامه الكنت شغاله معاكم بتذكروا الطردوها بدل ماتقيفوا معاها ولمن جيت لي ريم طلعتني كذابه والطفلة دي بتكم وابوها من البيت ده و انا مابقدر اتحمل نفقت الطفلة ولا ماكنت خليتها لي ناس زيكم وانا هاارحل من المكان القاعده فيهوا بس هاافضحكم لو جدعتوها أو خطتوها في الميتم وهااعرف لو عملتوا كدا .حذرتكم حافظوا لي علي بتي كويس
ريم بقت تبكي : ده انت الخنتني دي اخر ثقتي بيك انا الغلاطانة بصدق وبثق في زول زيك . اطلع بره ماعاوز اشوف وشك هنا بره يلا . واسمع ورقة طلاقي تجيني انا مابعيش مع واحد زيك انا هاافضحك لي الإعلام .وبقت ترميهوا بي حاجات الغرفة . اطلع بره اطلع من هنا يلا .
محمد جاء ومسكها : اهدئ يا عمري ماكدا .
ريم : زح مني يا خاين .اطلع بره
محمد: ده ماانا ياريم صدقيني ياريم انا بحبك انتى ومستحيل اخونك
ريم: ده ماانت؟ كذاب انت بتغش علي عشان اصدقك
محمد: انا هاشرح ليك الموضوع .
ريم: اطلع بره انا راسي واجعني ماعاوزة اتكلم معاك .
محمد باس راسها: ماهاضعط عليك اكتر من كدا ياروحي . تصبحي علي خير .وطلع
ريم قعدت في السرير وحضنت المخده وبقت تبكى لمن نامت .
صحت الصباح علي صوت المنبه وقامت بي تعب دخلت استحمت ولبسة ملابسها ونزلت تحت لي الفطور وقعدت في السفرة ولا كانوا في حاجة حصلت بعد شوية كلهم قعدوا وقالت ليهم صباح الخير
محمد كان منصدم من ردت فعلها . بس سكت وقال ليها صباح النور حبيبتي وقعدوا فطروا
بعد الفطور.....
ريم : محمد عاوزة اتكلم معاك..
محمد: وانا كمان عاوز اتكلم معاك
وطلعوا فوق المكتب
ريم : قول لي الحقيقة البت دي بتك ولا لا ؟
محمد: لا يا عمري ده... ..
ريم قاطعتوا : انا مصدقاك و الموضوع مابستاهل اني ازعل منك وانا لقيت حل مناسب لي الموضوع ده احنا لازم نتخلص منها وكدا ماهتفضحنا
محمد: كيف !؟
ريم: نجدعها في اي مكان بعيد ماصعبة
محمد: لا لا .افرضي في زول لقها وعمل تحقيق بيصلوا لينا طوالي خصوصا انو امها كاتبة في الرسالة انها هتفضحنا .
ريم : اففففففف العمل شنو ؟ وابوها منو ؟
محمد: عندي اقتراح .بس عندي طلب
ريم:شنو .
محمد: ممكن ماتسأليني عن ابوها منو ولاتحققي في الموضوع .
ريم: لي ؟ اذا ماكنت انت لي ماعاوزني اعرف ؟ معقولة يكون خالد .
محمد: رجاء ياريم عشاني.احلفي لي انك ماهتفتحي الموضوع ده .
ريم: طيب والله ماهااسألك ابو البت دي منو . مادام ماانت ماضروري اعرف . بس وريني الخطة شنو ؟
محمد: نقول انوا الطفلة اللي لقيناها في الشارع شالتها اسيآ وقالت الإ تتبناها وتقعد معاها زي بتها اصلآ هي ماعندها زول وبتها وراجلها ماتوا زمان وماعندها زول غيرهم . وهي شاغالة معاكم من ماكانت صغيرة وانتي بتثقي فيها .
ريم : بس اسيآ بعد 6 أو 7 سنوات هتنزل معاش وتطلع من البيت كيف البت دي هتكون قاعده معانا ومامشت معاها الناس هيسألوا
محمد بي ابتسامه: اسيآ بعد العمر دة كلوا مابتقدر تتحمل مسؤوليتها وتشيلها معاها دة غير حقك المصايف فعشان كدة خلتها هنا ولمن تكبر تشتغل خدامة في البيت دة .
ريم: اممممم . ممكن
محمد: انا طالع الشغل وقام باس راسها ومشي
ريم: محمد كنت هاانسي بعد بكرة عندنا مقابله تلفزيونيه في الشركة لازم تجي ماتنسى
محمد: طيب انشاء الله هااحضر
ريم :مشت لي آسيا وكانت بتثق فيها شديد لانها اقدم وحده من ايام ماكانت في بيت ابوها وحكت ليها القصة وقالت ليها مافي زول يعرف واعطتها بطاقة بنك بتنزل ليها المصاريف كل شهر واعطتها قروش زيادة لي آسيا مكافئ لي سكوتها . ومشت
آسيا مارفضت طلب ريم . بس من جوها كانت حزينه علي ام البت لانها كانت بتعتبرها زي بتها وكانت طيبة وقبل ما تمشي جات لي اسيآ وكلمتها بي كل حاجة واسم ابو الطفلة . اسيآ شالت القروش ومشت للسوق جابت ليها سرير حق اطفال وحوض استحمام وملابس وحاجات كتيرة لي الطفلة ورجعت . لمن دخلت الغرفة الخارجية لقت البت لسه في الكرتونه وخاطنها فوق السرير شالتها كانت ملفوفه بي توب طلعت التوب منها عشان تحميها واول ماقامت وقعت من التوب ورقه رفعت آسيا الورقة ولقت مكتوب فيها ..جميله
ابتسمت اسيآ : وقالت يعني سميتها جميله مشاء الله اسم علي مسمى وطبقة الورقة وخطتها في جيبها وشالتها ومشت حمتها واكلتها وكانت بتهتما بيها زي ماتكون امها وبعد مانامت مشت اسيآ علي غرفتها
وطلعت من الدرج دفتر وطلعت
الورقة من جيبها وخطتها في غلاف الدفتر .
كانت آسيا بعد الشغل بتمشي لي جميلها في غرفتها عشان تحميها وتأكلها وبعد ماتتاكد أنها نامت بتخطها في سريرها وبتمشي لي غرفتها بتولع اللمبه وبتقعد في الكرسي والطاولة وتفتح الدرج وطلعت منو دفتر قديم مكتوب فيهوا مذكرة
..............
مره شهر من ماجات جميله لي البيت يافاطمه (ام جميله ) انا بتذكرك اول مرة جيتينا انتي لي البيت عشان تشتغلي كنت صغيره وسمحة وطيبة الله ينتقم من السبب ليك المصائب دي ودمر ليك حياتك . وإنشاء الله بتك تطلع طيبة زيك وإنشاء الله يكون حظها سمح زي اسمها بس يافاطمة انا خائفة عليها لمن تكبر كيف هتواجه المصائب دي كلها وكيف هيكون مصيره في البيت ده بس انا بدعي ليها تكون كويسة وماتنصدم لمن تعرف انو ابوها هو ####.
وقفلت المذكرة وكانت عاوزة تدخلها الدرج سمعت صوت الباب بيضرب مشت تفتحوا وشالت الدفتر معاها من دون ماتحس .
آسيا: مدام ريم .
ريم : اسيآ انا نسيت اقول ليك حاجة مهمة .
آسيا: كنتي تخلي الخدم ينادوني لي تعبتي نفسك وجتني
ريم: مامشكلة المهم كنت عاوزة أقول ليك بكرة محمد قال عامل دعوة غداء لي ناس الشركة وجاين ناس كتار فمن اسى بكلمك عشان الصباح بدري تبدي التجهيزات
آسيا: حاضر مدام
ريم لفت عاوزة ترجع لمحت دفتر قديم في يدها
ريم: آسيا من دافع الفضول بس ده شنو الدفتر ده
آسيا : ده..ده مذكرة
ريم سحبته من يدها: عاوزة اشوفوا شكلوا حلوا
كاتبه فيها شنو ؟
وفتحت ريم صفحة عشوائية
ريم:آسيا دة شنو !؟
آسيا : شنو مدام 😧
يتبع........
