البارت 18
وهل يجد القلب مايهواه يومآ
*******
خالد : بي صراحة أنا كنت بكذب عليك طول الفترة دي منتظرك تكبري عشان اقول ليك الحقيقة كلها .
جميله: في شنو ؟
خالد : بي صراحة من مدة طويلة شديد كان في خدامة في البيت وانا يوم كنت مافي وعي و و .....وبقى يحكي ليها القصة جميله كانت منصدمة من كلام خالد .
خالد: انا ماعرفت غلطي الا لمن محمد كلمني انو انتي بتي وبعدها حاولت افتش امك بس مالقيتها وبعدها محمد سفرني بره وماقدرت ارجع إجازة كنت طول الايام دي شايل الذنب وماقادر اكلم خايف تكرهيني بس ماقدرت اكذب عليك اكتر من كدا وبعد ماعرفتي الحقيقة بتمني ماتكرهيني وخطى يدوا في راس جميله .
جميله : انت بتمزح صح قول انو ده كلوا كذب انا اكيد بحلم .
خالد: دي الحقيقه ياجميلة .
جميله زحت يد خالد: حقيقة؟ بعد الزمن ده كلوا .وعيونها بقت مليانة دموع . انت عارف كم مرة انا بسمع إهانة في اليوم وكل يوم كنت بسمع كلمت اني لقيطة وكنت بحس اني منبوذة وطول عمري كنت مفتكرة اني ماعندي ابو أو ام وماافتكرت انك مكن تكون ابوي الكرهتوا كل السنوات دي كنت مفتكرة روحي عبئ وانو مافي زول عاوزني وانت تقول لي بي سبب غلطة ؟ حياتي والذل والإهانة البسمعها وانا جاية وانا. طالعةو العذاب الانا فوقوا ده وانت بتقول لي ده كلوا بسسب غلطة منك ؟. غلطة منك دمرت حياتي ومابس حياتي وكمان حيات امي الولدتني . ياريت لو ماقلت لي كنت تخليني عايشة في كذبة كان احسن .
خالد: جميله انا اسف..
جميله: لو سمعت اطلع عاوزة اقعد براي .
خالد: جميله رجاء فكري في الموضوع انا بعترف غلطة بس ماكان قصدي وحاولت اكفر عن غلطي
جميله: لو سمعت في اللحظة دي ماعاوزة افكر في اي حاجة رجاء .
خالد طلع وخلي جميله
جميله كانت مخنوقة وحابسة دموعها رقدت في سريرها وحاولت تنوم بس ماقدرت ودموعها جات نازلة وماقادرت تمسكها اكتر من كدا كانت حاضنة المخدة وبتبكي . لمن نامت وصحها صوت التلفون اتجاهلتوا كتير بس لسى بضرب . لمن ردت
جميله : نعم ؟نعم؟ الازعاج ده شنو ؟
: هههه اكيد صحيتك من النوم عشان زهجانة كدا .
جميله بي زهج: ياالله نعم اتكلم عاوز شنو ؟
: لالا انتي بي الجد معصبة حصل شنو في زول زعلك .
جميله: مافي حاجة . اتكلم عاوز شنو
: جميله من متين واحنا بندس من بعض
جميله: حسام بي الجد مافي حاجة بس زهجانة شوية . المهم لي ضربت لي ؟
حسام: عاوزك تساعديني في حاجة .
جميله: شنو ؟
حسام: بكره عيد ميلاد رندا وعاوز مساعدك في حاجة .
جميله: انت جادي دي الحاجة المصحيني عشانها . قول عاوز ني اعمل شنو ؟
حسام: عاوزاك تسأليها من هدية أو حاجة نفسها فيها .
جميله: اسألها براك
حسام: رجاء ياجميلة بس أساليها.
جميله: طيب خلاص وقفلت الخط .
كانت أفكارها ملغبطة وماعارفة تعمل شنو تسامح خالد لانو كان معترف بي غلطوا بس في نفس الوقت ماقادرة تسامحوا . زحت الأفكار من راسها وقررت تقري شوية طلعت الشيتات والمرجع وبقت تقراء لي وقت متأخر فتحت الشباك كان في هواء حلوا وطلعت برا غرفتها كان المكان فاضي مشت علي الحديقة وقعدت في الأرجوحة رغم انو الجو كان بارد شديد بس هي ماحاسى بي البرد كانت مخنوقة .
: جميله لي قاعده هنا ؟ الجو بارد .
بس جميله كانت سرحانة في عالم تاني .
: جميله ياجميلة .. جميله .
جميله انتبهت . نعم .
: لي قاعده هنا ؟
جميله: ولا حاجة الجو هنا حلو .
: الجو بارد . وطلع الجكت وغطها بيهوا .
جميله: شكرا .
:انا جيت اسى وجعان وعاوز اطلب اكل اطلب ليك معاي ؟
جميله: لا شبعانة .
بس صوت بطن جميله فضحى لانها ما اكلت من الصباح .
:, شكلك مااكلتي من الصباح
جميله: ماعاوزة اكل .
: انا طلبت ليك معاي والطلب هيجي بعد شوية المطعم قريب.
جميله: إيهاب رجاء قلت ليك شبعانة .
إيهاب : انا طلبت ليك . والموضوع انتهي
جميله : افففف طيب خلاص .
وفضلوا قاعدين . جميله كانت ساكتة وسرحانة . وبعد مدة جاهم الطلب .
إيهاب كان بياكل بس جميله مااكلت غير لقمة .
إيهاب: مالك مااكلتى وسرحانة كدا . في حاجة حصلت ؟
جميله: مافي حاجة شبعته . وقامت عشان تمشي
إيهاب: انا بتكلم معاك . ردي علي .
جميله: لي المره التانية انا كويسة ومافي حاجة ورجاء ما تزهجني . ومشت على غرفتها .
تاني يوم الصباح كان يوم جمعة _
كلهم كانوا قاعدين في السفرة كالعادة .
ريم : الليله عيد ميلاد رنودة انا جهزت الحفلة ورتبت ليها . وخطيبك كان عاوز يعمل الخطوبة مع عيد ميلادك بس عندو شغل .
رندا: شكرا ماما . بي صراحة عاوزة اتكلم معاك في موضوع ده .
ريم: في حاجة ؟
رندا: اه .. بي صراحة .. .
إيهاب: بعدين يارندا . انا بتكلم معها .
ريم: في شنو ؟
إيهاب: مافي حاجة مهمة. بس عن ترتيبات الحفلة .
ريم: طيب .
محمد شاف خالد ساكت وسرحان ومابياكل .
محمد: خالد ..خالد .. مالك مابتاكل ؟
خالد: ولا حاجة شبعته خلاص . وقام مشي
محمد حسى انو خالد ماكويس بس قال
