عشقت مجنونة(الجزء الثاني) ....الرواية الاولي من سلسله روايات عشقني المتملك

الحلقة الثامنة والثلاثون ⁦♥️⁩

الحلقة الثامنه والثلاثون ...⁦♥️⁩

انا والليل بنشبه بعض في الاحزان ... يا ليل طول يسيع حضنك براح سكان ⁦♥️⁩

فتحت لمار عيونها لتجد من ينظر إليها عن قرب ... صرخت بفزغ وهي تتراجع للوراء ...

ليردف عمر بضحك وتهدئة ...: اهدي ... اهدي يا لمار دا انا ...

لمار بغضب ...: انت بتعمل ايه هنا وايه اللي دخلك اوضتي ...!
عمر بخبث ...: تقريباً انتي نسيتي أن دا الشاليه بتاعي يعني ادخل أخرج براحتي ...
لمار بغضب ...: وتخطفني وتحبسني براحتك برضه ...!
عمر بخبث وهو يجلس قبالتها علي الكرسي ...: بمناسبه احبسك ... مممم انا فاكر امبارح أن اخر حاجه عملتها اني فتحت الباب ومش فاكر بعدها اي حاجه ... بس معني اني فتحت الباب بتاع الشاليه يعني كان قدامك فرصه تهربي ...!! مهربتيش ليه ...!

لمار بغضب ...: مهربتش عشان حضرتك وقعت من طولك وكنت متعور أو مضروب تقريباً .... انا قعدت عشان مخشش السجن لو انت موت وانا بهرب هيقولو انا اللي قتلتلك يعني مش عشان سواد عيونك ...

شعرت لمار بتلك الكلمات انها ردت كرامتها ولو قليلاً فدائماً ما يخبرها عمر انه تزوجها فقط من أجل أخيه وليس من أجل أنه يحبها أو ما شابه ...

عمر بخبث ...: بترديهالي يا لمار ...!!
لمار بإيماء ...: أيوة واتفضل بقي اطلع بره عشان عاوزة اغير هدومي ...

عمر بخبث ...: انا جوزك علفكرة دلوقتي لو مش ملاحظه و...
لمار بمقاطعه ...: من غير رغي كتير الجوزاه دي اصلا باطل عشان اولا لا فيها موافقه ولي أمر ولا فيها موافقتي يعني باطل وبلها واشرب ميتها الاسم بس جوزي لكن اي حاجه تانيه لا ...
عمر بغضب وخبث ...: طب وليه لا ما نخليها حقيقه بما اني جوزك زي ما بتقولي حتي لو إسماً بس ...
لمار بغضب وخوف ...: تقصد ايه يا عمررر ...!!!!

عمر بخبث ...: انتي فهمتي ايه يا حلوة ... انا قصدي نخليها حقيقه يعني نقول لكل الناس اننا متجوزين ...

لمار بغضب ..: انت عبيييط يا بابا ولا بتستهبل ... انت عارف انك كدا كدا هتطلقني بعد شهر يعني من الاخر ولا كأننا اتجوزنا اصلا عشان احنا إسماً بس متجوزين ... صمتت لتتابع بعيون دامعه علي وشك البكاء ...  ليه بقي عاوز تفضحني كمان هو مش كفايه عليك اللي انت عملته فيا من تعذيب وإهانه ...! كمان عاوز تفضحني ...!

عمر وهو ينظر لعيونها الدامعه بشفقه ... نعم آذاها وظلمها كثيراً وهو نفسه مستغرب مما يفعله بها ... لم يكن هكذا طول حياته ... كان مرحاً للغايه ويحب الضحك وذا طابع مرح للغايه بعيداً عن وسامته الشديدة وأنه يشبه كثيراً في الشكل شخصيه "عمر" الذي كان في مسلسل " حب للإيجار" .. كان بجانب وسامته مرحاً للغايه ... حتي عندما كان يشاغب لمار في بدايه تعارفه بها عندما كانت تشبه الرجال كثيراً ... كان يشاغبها لأنه كان يعتبرها صديقته فقط أو أخته الروحيه لكن الآن ماذا ... لماذا يفعل هذا بها ...! لماذا تغيرت شخصيته كثيراً ليتحول الي هذا الوحش أمامها ... هل لأنها عاندته فقط وتحدته وحاولت كسر غروره ...!!