عشقت مجنونة(الجزء الثاني) ....الرواية الاولي من سلسله روايات عشقني المتملك

الحلقة الرابعه والعشرون ⁦♥️⁩

الحلقة الرابعه والعشرون ... ⁦♥️⁩

بكت بشدة وحسرة ... لماذا تفعل بها الدنيا هذا ... لماذا ابسط الأشياء في حياتها يخالفها القدر هكذا ...

اتجهت هدي الي غرفتها ببكاء شديد وحسرة فهي لا تعلم اين تعمل وماذا تفعل بهذا الحقير الذي يهددها بالشرط الجزائي ... ماذا ستفعل وهي فقيرة ...!

ثواني وسمعت اصوات جلبه بالخارج ...

هدي بإستغراب ليارا التي دلفت للتو الي غرفتها ...: في ايه يا بنتي ايه الصوت اللي في الصاله دا ...!
يارا بخوف ولهفه ...: الحقي يا هدي معتز الدمنهوري جاي يطلب ايديكي من بابا ...!
هدي بصراخ ....: اييييييية ...!!!!!!!
يارا بحزن ...: والله زي ما بقولك كدا انا شوفته قاعد مع بابا بره و...

قطع كلامها دخول والدتهم ...

الام بلهفه وفرح ...: يلا يا هدي قومي بسرعه البسي طقم حلو كدا عشان تقابلي العريس اللي جاي يتقدملك ...
هدي وما زالت في صدمتها ...: عريس ايه يا ماما انتو بتهزرو صح ..!
الام بإستغراب ...: مالك يا بت بقولك عريس لا ومش اي عريس دا ابن أكابر ... قومي يلا ...

هدي وقد استفاقت من صدمتها ... لتردف بصراخ ...: عرررييييس ايييييه لاااااااااا الحقييييير دا لاااااااااا ...
يارا بسرعه ...: إهدي يا هدي ابوس ايديكي ...
الام بصدمة ...: انتي بتزعقي ليه يا بت انتي في ايه ...!!!

دلف الأب مسرعاً الي الغرفه ليردف بأمر وغضب ...: انتي لسه ملبستييييش ... قووووومي يلااااااا البسي بسرعه العريس مستني ...
هدي ببكاء ...: بس انا مش موافقه يا بابا ...
الأب بغضب ...: مش موافقه ليه يا روح امك انتي شوفتيه ولا قعدتي معاه عشان تقولي مش موافقه ... انتي عارفه دا ابن مين عشان ترفضيه يا بنتل**** ...
هدي ببكاء ....: أيوة يا بابا عارفه وعشان كدا مش موافقه ابوس ايديك تطرده من هنا ...
الأب بغضب ...: وأقسم بالله يا هدي لو ما سمعتي الكلام ما هتروحي الجامعه تاني طول عمرك ولا هتشوفي الشارع وانتي عارفه لما بقسم بالله ... يلااااا قوووومييي ...
الأم بتهدئه ....: اهدي يا عماد ابوس ايديك السكر هيعلي عليك واحنا مش معانا فلوس نجري علي المستشفيات ...
الأب بغضب ...: ما انتي شايفه عمايل بنتك ... جايلها عريس هيعيشها في قصر وهي بترفض النعمه ... وش فقر صحيح ... يلا يا بت خمس دقايق والاقيكي في الصاله يلااااا ...
هدي ببكاء وخوف ....: حاضر حاضر ...

خرج الأب والأم ... لتنفجر هدي في بكاء مرير علي حالها وحظها من الحياه ... اكثر شخص تكرهه في حياتها جاء ليتقدم لخطبتها وهي تعلم أن والدها سيوافق علي زواجهم حتي لو بالإكراه ... يا الهي لما يحدث هذا معي ...

يارا بشفقه وحزن ...: متزعليش يا حببتي ... إن شاء الله ليها حل يا هدي بس دلوقتي لازم تسمعي كلام بابا عشان يسيبك تخرجي ....
هدي ببكاء ..: مش طايقااااه يا يارا مش طايقه اشوفه حاسه اني هخنقه بإيدي لو شوفته ...
يارا ببكاء وحزن هي الأخري ...: ابوس ايديكي يا هدي متعيطيش وان شاء الله نفكر انا وانتي في حل يطفشه بعدين ...
هدي ببكاء وغضب ...: ورحمه فاطمه اللي ماتت بسببك يا ابن الدمنهوري لهوريك النجوم في عز الضهر عشان تبقي تفكر تقرب نحيه بيتنا .... صمتت لتتابع بتصميم ورغبه في الإنتقام ... انا بقي هعرفك ...