الحلقه الثامنه
حسيت كان حد كب علي قلبي ميا بارده
عيشه: خيرك انصدمتي ولدي مش عاجبك ولا مش من مستواك
:لا لا بببس تفاجئت مانحساب بتفتحي معاي هكي موضوع
عيشه :يعني شنو اموافقه ولا شن
:اني مش افكرا في الخطبه لين انكمل قرايتي
عيشه :يعني نفهم من كلامك انك مش اموافقه
:اسفه قللتك السبب
عيشه: وشن رايك انك بتوافقي غصبا عنك
فتحت عيوني عالاخر من الكلام اللي قالته
:غصبا عني؟
عيشه: اللي سمعتيه بتوافقي غصبا عنك وانتي اللي بتنطقي الموافقه
:شللي امخليك واثقه لهادرجه
عيشه: اختك هديل
:شن علاقتها هديل
عيشه: هديل هي اللي بتخليك اتوافقي وانت راضيه
:فهميني شن علاقتها هديل
عيشه :اكيد ماتبي امك تعرف باللي صار مع هديل
اني لارد
عيشه: اكيد ماتبيها اتلوم روحها علي انها تزوجت وخلتكم وممكن حتى تطلب الطلاق بعد تعرف باللي صار
وثاني شي قلتي انه خالتك انتقلوا لدار عمها والكلام ماصار
سكتت معرفتش شن انقوللها
عيشه: متفكريش فكذبه عرفت كل شي وعرفت سبب طلعتكم امفكرا انه مش حيجي يوم وتنكشف كذبتك
قلبي قعد يدق بقوه وحرارتي ارتفعت :إحنا طلعنا منها لأن شقتها صغيره وهي تعرف هالشي
عيشه :هههههه دوري على من تكذبي لما عرفت انه كذبتي علي تحويل دار خالتك شكيت في الموضوع وصيت ناس اتحرى على راجل خالتك وعرفت انه شخص مش كويس ويسكر مره مره وكلنا عارفين شن يدير السكار لما يكونو بنات صغيرات وغريبات عليه في حوشه
اني لارد
عيشه: كان المفروض تسالي عليا قبل لاتفكري تكذبي، واكيد ماتبي تخربي حوش خالتك وتتسببي في تشريد بنتها وباش تتفادي كل هالمشاكل لازم اتوافقي علي الخطبه
:وليش مؤيد بالذات
عيشه :هههههه لالا شن رايك تختاري بين ولادي اني قلتلك بتوافقي على الخطبه يعني اتوافقي
:نبي نفهم لا انتي ولا ولدك اطيقوني ليش تبي تربطيني بيه
عيشه :ولد عمك ومالكش مهرب منه وحتم الخطبه كيف ماقلت تفهمي ولا واني طالعه وانتي حاولي اتقبلي الفكره
طلعت عيشه من عندي واني انهرت مصدوومه من الكلام الي قالتله مصدومه اكثر انها تبيني لمؤيد يارب ليش الهم يلحق فيها وين مانمشي يارب خوذني لعندك وريحني يارب وماحسيت بالوقت اللي مر واني نبكي
.
.
.
.
.
نجاح: من لما قلتيلي على فكرتك نحسابك بتخطبيها لمهند
عيشه: لالا مؤيد انسب من مهند
نجاح: ليه ترا
عيشه: انسيتي انه مؤيد يحب وحده وبينجن على مانخطبوها ليها زواجه من هند يحل هاذي المشكله بعدين مهند منبيلاش هكي زواجه لازم نخطبله بنت اتليق بمكانته
نجاح: من قالك يوافق ولدك
عيشه :انقوله انه موافقين علي البنت اللي اتحبها بشرط تتزوج هند لانه ماعنداش حل غيره بعدين نضمللك انه هي اللي حتفوته نعرفها النوعيه هيا
نجاح: اما انتى ياعيشه ان شاء الله غير اتجي كيف ماخططي
عيشه: هههههه عمره ماحطيت يدي في شي الا وصابت
نجاح :امتى بتقوليله ولدك
عيشه: اليومين هادو بتخرج فيهم بعده انقوله
.
.
.
.
.
هديل: هند هند نوضي خيرك شنو النوم كله هذا
: روحتي؟؟
هديل: روحت؟ الليل قريب ينزل
: مش عارفه كيف خذيتها نومه هكي شنو درتي في الامتحان
هديل :الحمد لله جاوبت، انت خيرك مريضه شي
بالغصب ماسكه روحي قدامها وكنت في اي لحظه ننفجر: راسي يوجع فيا شوي
هديل: من قلت الاكل حتى الغدي فاتك تو انجيبلك شي تاكليه
: معنديش نيه مانبي شي
هديل: لالا مش علي كيفك
أنت تقرأ
ما تخبئه لنا الأيام ( روايات ليبية )
Romanceرواية تحاكي كل العشاق الذين يكافحون من اجل حبهم وسط كل الاحدات المحبطة من حولهم ؟ فهل ينتصر حبهم ؟ و ما مصير علاقتهم ؟ 🔥🔥🔥
