الحلقه التاسعه عشر
. ..
.
.
.
.
وطأت اقدامنا ارض مطار الوطن مهما تلف اجمل بلاد العالم يبقى الوطن احلى مكان تشوفه العين يكفي الاهل والأصحاب والاحباء والروح الحلوه اللي في هواه، لقينا في استقبالنا خالتي وراجلها. وبنيتها مروه سلمنا عليها وباكاوات وحاله وضبطت هديل وقعدت تبكي
فاطمه: ياني ياخيتي قلبتيها مناحه
فايزه: كيف ماتبني انديرها مناحه بعد مافترشتولي كبدي ستاااا سنين ياضالمين حرام عليكم
: هههههه خيرنا ياخالتي من اول ماجينا عالتكشيخ والتهديد
فايزه: ههههه من فرحتي بيكم مش مصدقه والله باين فيك العيشه مع الاجانب انتي
: شنو تشحي في عيوني زرق امال
فايزه :تلالا رايحه نايره ومورده هكي
: امورده؟؟
فايزه: اييي علينا خلونا من الكلام وخلونا انروحو اموتيتلكم غدوا صح
ركبنا كلنا في سياره راجل خالتي اللي فاجئني لما ريته جاي معاها صح قالتلنا قبلها خالتي انه راجلها متغير للأحسن مكانش في بالي هكي تغيير باين عليه الالتزام والاحترام وهذا الشي طمني وفرحني لأنه اتخذت الخيار السليم لما ماتكلمت عليه
ركبنا وخلينا شناطينا ورانا يجبوهم لينا
وصلنا لبيت خالتي كانو امحولين قريب لدار ملك ماشاء الله تبارك الرحمن بيت واسع وحلو والله تستاهل كل خير ربي عطاها بعد كل الصبر اللي صبراته تغدينا وتريحنا
فاطمه : اليوم وصلنا تريحي شوي غدوا امشيلهم
: مش حاسه بالتعب خليني نمشي متوحشتها ونقل هديل معاي هدوله تمشي معاي
هديل : اييييه لكن تمشي ملوه معانا
مروه : حتى أني نبي نمشي
: ها شن قلتي نمشو
فاطمه : امشو وفكوني من دوشتكم
.
.
.وصلتني خالتي بسيارتها ونزلنا قدام بيتهم جرسنت كم مره مفيش رد يريتني تكلمت من قبل شكلهم مش قاعدين بنولي سمعت صوت
: باهي باهي اني جايه هي
انفتح الباب وطلعتلي وحده امشفشفه
: امشفشفه طول عمرك امشفشفه ولو انخليك عشره سنين
مروه : هنننننننند ياكلبه
ضمينا بعض ودرنا عياطات اليوم نهار العياطات ،
مروه : فرخه والله احلى مفاجئه جلطيني قلت شن جيبيها من بريطانيا
: ريتي وش رايك فيا قلت مابقوللها بنفاجئها ونجلطها
مروه: احلى جلطه من احلى مجلوطه في الدنيا اهلا بالحلوات
: هذي مروه بنت خالتي وهذي هديل
مروه: اهلين بالحلوات اهلين بالسقرات.. بوستهن وبعده خشينا لقينت امها بس سلمنا وقعدنا
مروه: والله وباين فيك العز اياه هوا بلاد الاجانب امولي عليك
: زي كلام خالتي خيركم ماتغيرت ره
مروه: اسكتي قلتلك متغيرها ومتحليا زياده قبل امعصمصا
: هههه غيرانه مني يادبدوبه
مروه: حرام عليك كل هالضعف مش عاجبك
؛ ايه ضاعفه ياسر بس لقب دبدوبه بيقعد مابتحرك ههههه
مروه: حتي انتي لقب امعصمصا مابنغيره
قعدنا انهدرزو وانهدرزو وضحكنا وعلقنا واسترجعنا ايامات القريا والهبل
مروه: خساره كان ماو عندها منسابه اختي سلوى راهو جت وجابت بناتها في عمرهم
: مره اخرا ان شاء الله اصلا حني مابنطولو
وانتي امتى بتحركي والا عاجباتك القعده هنا
مروه: تريحت من نقيق امي جيتيني انتي خليني خواتي وخوي انتلفو وفضي الحوش ايا وايه مازال ماجا فارس احلامي
: فارس قهرتك ياترضي بواحد جاي في مرسيدس ياتهني في مكانك
مروه: اسكتي يامحطمه الامال اني واثقه انه بيجي عاجل غير اجل
: غير اعبي جايك شي ستميت واحد ولا واحد فيهم جايك على حصان
مروه: كلهم جايين على حمير
.
.
.
.
جانا عمي سالم ومعاه راجل خالتي روحو بينا بعد تشحيط وحلفان انه لازم انروح فيسع وماخلونا نطلعو الا بعد ماوعدتهم نتغدي عندهم قريب
.
.
.
.
.
.
جي إليوم اللي بعده ومتوتره من المشيه لدار عمي ففته اليوم وقلت نمشي الخميس وخلاص منه نجهز روحي هما يولو عابيين مرآت يجي حد فكرت إني انكلمهم قبل بس فتتها الفكره هيا اصلا مابنضيف عندهم بنسلم عليهم بس استغربت من المعلومه اللي سمعتها انه عمي باع الشركه امتاعه وفتح بيه مشروع اخر بس اني ماقتنعتش معقوله حد يخلي شركه ناجحه هكي ويبيعها
.
.
فاطمه: مافهمتش ليش ماتبينا نمشي معاك
: افهميني ماما نبي ناخذ هالخطوه بروحي نبي نثبت لروحي اني قوي ومش زي قبل وهالشي نبي نثبته لروحي قبل لانثبته ليهم ولو مشيتو معاي كان حسيت بالراحه منعرفش هذا لانكم معاي ولا مني اني فهمتيني بعدين اني بتسلم عليهم بس مابنطول
فاطمه :على راحتك اللي اتشوفيه
.
.
.
.
أنت تقرأ
ما تخبئه لنا الأيام ( روايات ليبية )
Romanceرواية تحاكي كل العشاق الذين يكافحون من اجل حبهم وسط كل الاحدات المحبطة من حولهم ؟ فهل ينتصر حبهم ؟ و ما مصير علاقتهم ؟ 🔥🔥🔥
