الحلقه السادسه عشر
: شافني حال هند من لما طلعت من المستشفى مشفتهاش وماخلت حد يشوفها غير امها مره فاطمه نزلت وخلت هند بروحها قالت راقده خشيت انشوفها متغيره عن قبل هلبا وججها اصفر وضاعف وهالات سوده تحت عيونها حزنت عليها هلبه والله قداش متحمله ياهند نبي انشيل عندك شوي مش لشي بس منحبش حد يقربلي يعاني
غطيتها وزدتها بطانيه أخرى لانه الجو شتي وصقع قعدت جنبها عالسرير واضح من تنفسها انها في نوم عميق يعني ماتفطنلي قعدت نمسح على شعرها
خشت فاطمه ولما رتني اشرتلها بانها راقده وكل شي تمام وهي بدورها ابتسمت وطلعت
كنت في الاول خايف من ردت فعل امها لو حد خبرها باللي ساويته بس محدش قاللها وكلهم لهيو في العمليه
تفكرت هديل سبحان الله كانت حاسه انها مابتعيش بعد العمليه وقعدت اتوصي فيا على هند خلاص لازم ننهي الامر لو طلبت الطلاق حنطلقها ومش سامع كلام امي بمجرد مافكرت اني معش انشوفها حسيت بشعور غريب معش بنشوفها بعد ماتعودت عليها ماننكر اني خوفي عليها لما كانت في غيبوبه بسبب الندم بس لا كان شعور بالفقد طبعا ثلاث شهور مع بعض بعراكاتنا خلت مكانها اوووه خيرني اني انخترف هذا كله بسبب قربي منها تفكرت شي صار فى رمضان لما جتني برده قويه ومقدرتش انضيم
هند: مؤيد مؤيد نوض خوذ هذا من هاذا من يدي
: شن اتقولي انت الدنيا صيام تبيني نفطر
هند: تبي تموت انته انت مريض وعندك رخصة تفطر
:حالي باهي منبيش نفطر اني
مؤيد: مؤيد مؤيد خليك معاي حتى عيونك مش قادر تفتحهم وحرارتك مرتفعه نوض امشي للمستشفى
: ماري ياماري قلتلك حالي باهي اني
هند: شفت كيف تهذري نوض
: امممم ماري ماري
هند: مخليتليش خل اخر مؤيد نوض ماري تستنى فيك برا
: حقا اتبصري
هند: نوض اتسند عليا راهو من بدري اتراجي قالت انها متوحشاتك
تسندت عليها ومش عارفه وين سايقتني
وفجأه ميه امسقعه
: هييييييي شنو هدا
هند: هذا عشان يخفف حرارتك
:سكري الميه سكريها امتلجه
هند: هههههه زي الصغار هذا وانت دكتور
.
.
.
: شنو تو
هند: شن شنو تو بتقعد هكي اني طالعه وانت بدل
: انت اللي درتيلي هالموال انتي المسؤوله توا
هند: شن المسؤوله شوف حتي حرارتك منخفضه
: زي مابليتيني ساعديني في التبديل ماو مانقدرش تعبان
هند: امشيييي هذا اللي كان نااااقص تحشم احني في نهار رمضان
: شن قلتلك قلتلك ساعديني بس كان غير انتي في بالك شي اخر
هند: مافي بالي شي اخطاني صايمه معنديش صبر
: متبيش اتجففيني خليني ننبل اني وياك
وعطيتها حضن كبير بليتها فيه
هند: وااااك منك واااك كيف امغيرا لبسي
: هههههه عادي اني انساعدك والله لو ماني تعبان راهو حصلتي حمام باهي
هند: ووك منك هذا اللي يدير خيرك معاك جعنك والله مابدلت اقعد هكي
:هههههههه
ابتسمت على هالذكره اللي كانت من نوادر حلظات السلام بناتنا لازم انردللها الجميل صح اني اهتميت بيها في المستشفى لاكن بصفتي دكتور بس توا لازم نراعيها بصفتي زوجها
.
..
.
.
فاطمه: اي والله ياوليدي تكون فضلت عليها لان والله عمك قالق من القعاد هنا يقول ضيقت عليهم طول هالمده لازم نرجعو
: استغفر الله خالتي فاطمه البيت بيتكم انتو الداخلين واحني الطالعين
فاطمه: والله بارك الله فيك بس هذاك هو حتي أهله وشغله مايقدرش يطول عليهم
: معناها اطمني عليها كلنا حواليها واني مش حنفارقها وحناخذ اجازه علي سباها
فاطمه: بارك الله فيك ياولدي والله مطمنه عليها بين يديك مش حنلاقي خير منك يداريها
تحشمت من الكلام اللي قاللته لانه عكسه تماما ومش زي ماظاهر عندها
: ان شاء الله حنكون عند حسن ضنك
أنت تقرأ
ما تخبئه لنا الأيام ( روايات ليبية )
Storie d'amoreرواية تحاكي كل العشاق الذين يكافحون من اجل حبهم وسط كل الاحدات المحبطة من حولهم ؟ فهل ينتصر حبهم ؟ و ما مصير علاقتهم ؟ 🔥🔥🔥
