الحلقه الثامنه عشر
.
.
.
.
امركزا في الصوت عرفته مستحيل ننسى الصوت هوا قربت شوي وقعدت انطاوق فيهم من ورا الباب
فاطمه: بارك الله فيك ياولدي اللي تفكرتنا من بين اهلك وجيت وتعبت روحك
: انتو هلي كيف انخليكم ومانسال عنكم وطول هاذي السنين واني اندور فيكم
فاطمه: بارك الله فيك ياولدي من طيب اصلك واحني تبعدنا عنكم لانه هند حالتها تازمت حتى دكتورتها قالت لازم تتبعد عن ماضيها بش تتحسن
: فاهمك ياخالتي فاطمه فاهمك اني بس جيت لشغل هنا وبكرا الصبح امسافر قلت لازم نمر نسلم عليكم ونطمن على احوالكم
سالم: بارك الله فيك ياولدي جزاك الله كل خير: وفيك بارك الله ان شاء الله ربي يهدي النفوس والله لو مش عارف حاله هند راهو قلتلكم سلمولي عليها عالاقل يلا هالسلام عليكم
سالم وفاطمه: وعليكم السلام ورحمة الله وبركاته توصل بالسلامه
اول ماطلع وليت رقدت على سريري ونمسح في دموعي ليش بعد انسيت ولا تناسيت يولي من جديد قصدا يحالوا يعذبوني قصدا!! بس نكذب على روحي لو انقول إني مفرحتش بس خايفه عالفرح يولي بكي في الاخر مخاطريش انوض فوليت رقدت واني في بالي شي
.
.
.
.
.
نضت العشيه حتى الغدي ماكانش خاطري فيه وماما كل شوي تسال فيا خيرك شاكه اني سمعتهم بس اني انحاول اني انكون بارده
فاطمه: هنود خشي من البلكونه ماتحسيش بالسقع
: لا عادي بروده خفيفه عاجبتني بعدين لابسه كويس
فاطمه: على راحتك متاكده مافيك شي مس تعبانه لا شي حتي الغدي ماتغديتي
: قلتلك مفيا شي غير جوي بايخ من كثره الرقاد واني تشحي فيا نشرب في قهوه وناكل في كيكه
فاطمه: باهي غير ماطولي شوي ثاني بيبرد الجو اني ماشيا نهدرز مع جارتنا السوريه بنقل هديل معاي
: به سلميلي عليها
فاطمه: يوصل كيف ماقلتلك ماطولي برا
اول ماطلعت طلعت نقالي وكلمت نورا
نورا: هلا هلا تو مانور النقال
: هههههه النور نور صاحبه شحالتش شخبارش
نورا: الحمد لله زينه شخبارك انتي شعلومك شمسويا ويا العطله
: ماكو بس اتبلطح علي فراشي
نورا: هههههه اتبلطح خربتي المحادثه اصلا مفيش خير من الليبي
: ايييه الليبي ياحبيبي شن جوك انتي وين حمودي
نورا ؛ اهو منشفني امس مشينا للملاهي بعد عياطات بش روحنا بيه واليوم حتى هو يبي يطلع
: طلعوه مسكين وهو طول الوقت محبوس في الحوش مع حنته
نورا: اني ان شاء الله عمري مانخمد وانتريح
: جيبه هنا يلعب مع هديل
؛ اصلا بندفه لبوه يقله معاه اليوم وحتي انتي مش ناقصك دوشه نعرفيهم لما يلاقو
: احسن مديري
نورا: شديري انت خاطي الرقاد
: قاعده نشرب في قهوتي عالبلكونه
نورا: الله صح ليدك متهنيه اسمعي رد بالك تتزوجي زياده هم بس
: ههههههه قوليها لروحك اللي كنتي طايره اول سنه
نورا ؛ كنت بلكيه ومن فرحتي حملت من ثاني شهر ههههههه
: ههههههه من استعجالك حتى حمودي جي شويطين
نورا: حمودي ضي عيوني حتى كان من اول يوم احملت فيه يبقي ضي عيوني
: باهي باهي ربي يخليكم لبعض اسمعي ماشيه الصبح ولا غدوا
نورا: ايه اكيد كالعادة خيرك
: نبي نمشي لمشوار ضروري ونبيك معاي
نورا: مشوار شنو!!
: بعدين انقولك
نورا: شن بعدين اتقوليلي قوليلي بش انقول لاحمد
: لالا متقوليه لايقوللك خت فت
نورا: باهي ياخت فت شوقتيني هيا عزوزتي اتنادي فيا سلام
: سلام
.
.
.
.
الصبح اللي بعده نضت وخايفه من القرار اللي اتخذته دوشت وبدلت وطلعت كبوط طويل لونه أحمر من فتره طويله ماما شراته ليا ومالبستاش لانه احمر زاهي ومنحبش نلبس زاهي في الشارع بس المره هيا لبسته وزبطت روحي اول مره بس مش بكل بكل شوي بودره ومسكرا وشاح ورد
فاطمه: شن كل الهشلش وين ماشيه
: اااا اه اليوم عندي محاضره بعده بنمشي المستشفى فقررنا نتغدو برا اني ما ونورا
فاطمه: آه معناها انقول لسالم يروح بيها هديل
.
.
.
.
نورا: قوليلي وين ماشيه بيا
: خيرك اتقول بنخطفك
نورا: قليتيلي مكان قريب ونشوف فيك بعدتي بيا
: نورااا نفختيلي راسي تو نوصلو ونعرفو
نورا: كان تبي نوقف تنقيف قوليلي
: نقافه حرفه بنقوللك بس فكيني من شهقاتك نورا: يستر الله
: المطار
نورا: المطار!! من بتستقبلي
: مابنستقبل حد نبي انشوف واحد قبل مايركب طيارته
نورا: منو هالواحد
.
.
.
.
.
نزلنا من السيارة ونجرو لانه تو وقت الرحله ووصلنا لصاله المغادرة واني واحني نلهثو
نورا: اه ياقلبي دهشت من الجري بالله شن منضرنا نتجارو
مرديتش عليها وبس مركزا في الشخص اللي انشوف فيه مكانش بعيد شوي
نورا: هند هند وينه اللي بتشوفيه هيي انكلم فيك
مرديتش عليها وانشوفله ومش مصدقه
نورا: هذا اللي قلتيلي عليه اللي شاد ولد ومعاه مرا مقلتيليش انه متزوج
: هذا اللي انضنه اني خلينا نطلعو قبل لايشوفنا
نورا: بعد كل هالمشوار بنمشو بدون ماتكمليه
تفلتت بنطلع: اني طالعه بتقعدي اقعدي
طلعنا من المطار وركبنا السياره
نورا: حيي تبكي امسحي دموعك حبيبتي هو اللي خسران
: اني الغبيه اني الغبيه اللي فكرت اني نعطو بعض فرصه ثانيه اكيد الراجل بشوف حياته شن بستناني طول العمر
نورا: مش عارفه شن انقولك متزعليش الف واحد يتمناك بس انتي عطي الناس فرصه
عصبت وقعدت نضرب في المقود: منبيش نعطي حد فرصه منبيش حد اني خلاص خلوني بروحي
نورا: خلاص خلاص هدي روحك خلينا نحضرو المحاضره مزال نص ساعه
هديت روحي: اسفه معندكش ذنب تتحملي عصبيتي
نورا: هههه كان ماتحملت عصبيتك عصبيه من نتحمل ماتقولي احمد يتسرجي بس يعصب انوريه بعده
: ههههه مهبوله والله لو يلف العالم مايبقلي زيك
نورا: هه اكيد طبعا حتى هو عارف
: باهي به ياالعبد الواثق
.
.
.
.
أنت تقرأ
ما تخبئه لنا الأيام ( روايات ليبية )
Romanceرواية تحاكي كل العشاق الذين يكافحون من اجل حبهم وسط كل الاحدات المحبطة من حولهم ؟ فهل ينتصر حبهم ؟ و ما مصير علاقتهم ؟ 🔥🔥🔥
