الحلقه الخامسه
.
.
مؤيد: هادي ثاني مره تطلعي في وجهي متزينه لشن تبي توصلي بالزبط
وكان حد صب عليا ميه بارده وماحسيت الا بالكف الي عطيتهوله: تعرف انك حقير من تكون انت حتى انفكر فيك حتى شوي
مؤيد وهو يشوفلي بحقد: تعرفي منبداش اني لو مارديتلك الكف اضعاف
:أعلى مافي خيلك اركبه تعرف
دفيته من قدامه ودخلت نجري جوا
هديل: خيرهن عيونك حمر كنتي تبكي اماله
: لاتعبانه نبي نرقد انتى امتى بتطفي الكمبيوتر تو الوقت تالي وليك ساعات اديري بيه مرات يصيرله شي
هديل: هي دقيقه وانسكره
هديل: ممممم مش عارفه الحق كان حد يشوفنا
مالك: متخافيش كله منها دقيقه انشوفك وتشوفيني وخلاص
هديل: خلاص اموافقه بس بسرعه بسرعه باش محد يفطن
مالك ؛ ماشي ماشي اهم شي انشوفك ياقلبي😍😍شنو غدوا
هديل : تي لالا خليها الاسبوع الجاي احسن مشغوله هالايام
مالك: مابنعطلك اني عن اشغالك كل منها دقيقه
هديل: لالا الاسبوع الجاي احسن نبي حتي انقلب الفكره في راسي كويس
مالك: خلاص مابنضغط عليك اهم شي وافقتي
هديل: يلا سلام تو لازم انسكر 😴😴
مالك: سلام
هديل:تصبح علي خير 👋
مالك: وانتي من اهل خير 😘😘😘
.
.
فقت الصبح وراسي يوجع فيا من احداث امس اليوم ماقدرتش انداوم
بعد اسبوع
اول مره بنمشو لحوازت دار عمي وماعنديش نيا للمشي نبي نرقد وخلاص وخاصه انه بيقلنا مؤيد اني وهديل وسهى وندى ورنا وعمي بيقل مرته وعمتي وحني وريما
ربي يصبرني طول هالطريق
ركبت سهى من قدام وبقيتنا ورا
اتكيت عالباب ويدي علي راسي من الالم ومش منتبهه لشي
.
.
.
وصلنا للحوازه وكيف ماتوقعتها جنه عالارض مساحات كبيرة امعشبه واشجار فاكهة ونخل وبيت فخم من دور واحد لو يخلوني انعيش هنا طول عمري منقولش لا
وكان فيها مسبح كبير رغم انه في مسبح في فيلتهم لاكن هذا ضعفه في الحجم الجو كان ملائم للعوامه بس اني مكانش عندي خاطر وزياده اني منعرفش فعامو البنات واني قعدت بحدا حني وشديت كتاب نقرا فيه
مراد مجاش معانا لانه امس الليل سافر وملحقتش نشكره عل القفطان وقعدت انخطط وانوتي الكلام الي بنقوله
جي وقت الغدي وطلعو البنات من المسبح
وبعد الغدي قيلنا وبعد مانضنا شربنا القهوه وتمشينا في الحوازه وشفنا الحيوانات وحسدت البنات لانهم متمرسات علي ركوب الاحصنه بس ندى وعدتني المشيه الجايه اتعلمني
: ماشاء الله ما شاء الله علي حوازتكم اتهبل
ندى: حقا عجباتك
: طبعا عجبتني الا هبلتني دنيا خضرا اتقول سويسرا ناقص غير الجو
ندى : اصلا مش مشيه هادي في عطله نص السنه بنقعدو هنا كم يوم
هديل: جووو وتعلميني على ركوب الحصان ونقعد نجري بيه وفاتحه شعري زي في الأفلام هههههه
: اني حتي نركب بدون مايتحرك عادي المهم نركب
ندى : علي سيره الاحصنه استنو شوي
طلعت نقالها وكلمت مؤيد يجينا
مؤيد: شن كنتي تبي ياندى
قلتلهم مؤيد فارس مشحوط قاللولي ناديه نشحوه اخ خيرك تقرصي
: تو احني قولنالك هالكلام يازفته
ندى : ماهو بيقولي مانيتي وماني فاضي
: اما انتي (تو بيفكرني ميته عليه )
ركب الحصان وانطلق بيه وكان فارس بحق وحقيق وقعد يجري بيه وينط فوق حاجات عاليه وبعده وقف جنبنا وصفقوله الا اني
هديل: ماشاء الله مؤيد كلام ندى طلع حق هالمره
ندى :هييي شنو نكذب عليك من قبل اني
هديل: ايييي من يوم ماعرفتك وانتي تخرطي
مؤيد جاب كلب مربوط اليف البنات متعودات عليه من قبل وحتى هديل اتحب الحيوانات الأليفة بس اني جنووووني منحبهم بكل واصغر كلب انشوف فيه وحش قعدت انبعد شوي وخليتهم يلعبو فيه وفجأه انطلق الكلب وقعد يجري ورايا يجري واني نجري ونعيط يجري ونجري ونعيط وهما قاعدين يضحكو ولافكرو يساعدوني حسيت ان ماعندي مكان نهربله الا وبيلحقني فيه فنطيت في المسبح
أنت تقرأ
ما تخبئه لنا الأيام ( روايات ليبية )
Romansaرواية تحاكي كل العشاق الذين يكافحون من اجل حبهم وسط كل الاحدات المحبطة من حولهم ؟ فهل ينتصر حبهم ؟ و ما مصير علاقتهم ؟ 🔥🔥🔥
