الحلقه العشرون
.
.
.
.
.فص ملح وذاب قلبت عليه المستشفى مالقيته اختفى فجأه طلعت من المستشفى ركبت سيارتي ووليت للبيت واني دماغي بنفجر من التفكير فيه حلقه ناقصه في القصه اني متاكده انه صار معاهم شي وتو يعني اني ومؤيد في نفس المستشفى....لما شبحني وفاتني شن قصده اخر مره كنا فيها مع بعض كنا متفاهمين ليش هكي دار معاي ووووه شن دخلني اني
.
.
.
.
جي اليوم اللي بعده مشيت للمستشفى كان فيه كم عمليه بس بسيطات فتره الغدي مقدرتش انروح لانه يوم مضغوط بكل خديت قهوه وبريوش وقعدت على وحده من الطاولات
: اهلين
تلفت للصوت لقيت ممرضه: اهلين فيك
؛ ازيك عامله ايه
: تمام الحمد لله كيف حالك انتي
: انا الحمد الله بخير ونعمه انا اسمي نهى وحضرتك
: تشرفت بيك اخت نهى اني اسمي هند. تفضلي ماتقعديش واقفه
نهى بعد ماقعدت : الله حلو اوي اسمك انتي قديده هنا
: ايه ثاني يوم عمل ليا
نهى: وحضرتك في قسم ايه
: جراحه
نهى: اه حلو قدا انا نيرس ومن زمان بشتغل هنا
وهي قاعده اتهرز فوق دماغي انتبهت للي جاي وخدي قهوه وقعد بروحه عالكرسي وصافن فكرت شوي وقررت نمشي نسلم عليه وانكلمه بي جي واحد وقعد معاه ولغيت الفكره من راسي
مره عده ايام في المستشفى واللي صار فيها انه سحر جت اشتغلت معانا بواسطه مني😁 ونهى النفاخه حطوها مساعده معاي وبالنسبه لمؤيد فكان يتجنب فيا طول هالفتره بس حتى اني فته لما لقيته هكي بلاش اللي مايبينا مانبوه بس يازعم ماريا وينها تشتغل في مكان اخر ولا وقفت مدخلنيش فيهم
.
.
.
.
.
: ملل اليوم شن رايك نطلعو لأي مكان بعد الدوام
سحر : منقدرش الولاد امخليتهم في الحوش بروحهم بوهم من بكري في الشغل
: اوووف ملل في البيت وجهي والحيطان وهنا ضغط شغل ونفخ نهى
سحر : ههههه انتي اللي جبتيه لروحك لي. تعطيها وجه
: البي طيب اعمل اييييه
سحر : لاااا خلاص من عاشر قوما اسبوع تكلم زيهم
: من وين امالفاته هالمثل
في رمشه عين نهى كانت قدامنا
: بسم الله الرحمن الرحيم من وين طلعتيلي انتي
نهى ؛ دلوقتي مشفتينيش المهم في شخص برا عاوز يشوفك بس مش مريض
: خيره قاعد برا خليه يخش
نهى : حازر هقولو يتفزل
شوي الا وداخل الضيف وقفت لما شفته
: السلام عليكم
اني وسحر : وعليكم السلام ورحمه الله وبركاته
: كيف حالك دكتور شهاب شن هالمفاجئه
الدكتور شهاب : اهلين بيك دكتوره هند اي والله مفاجئه لما تعينت هنا شفت اسمك في القسم قلت لازم انجي انسلم عليك
: الله يسلمك دكتور شهاب هذي دكتوره سحر اخصائيه باطنه سحر هذا دكتور شهاب دكتور جراحه واستفدت من خبرته
دكتور شهاب : تشرفنا دكتوره سحر
سحر : واني اكثر
د.شهاب : ماشاء الله عليك دكتوره هند مش محتاجه حد يعلمك شغلك فنانه في شغلك
: لاعاد وين دكتور مزال مانعرف شي فهالمجال وان شاء الله نستفيدو اكثر من خبرتك
د.شهاب: ان شاء الله .نستاذنكم تو اكيد عندهم شغل
: لاعادي دكتور تفضل في اي وقت دكتور
د شهاب: السلام عليكم
: وعليكم السلام
.
سحر : هيييي من الارض الى هند حول
بعد مانتبهتلها : اااه خيرك ..شن وراها الابتسامه الخبيثه هاذي
سحر؛ والله السؤال اموجه ليك ساعه بعد ماعدا وانتي تتبسمي ومتنحه
: لامتنحه ولا نبتسم يتهائلك بس
سحر : اي اي صدقتك يلا خبرتني هالطرفون من وين تعرفيه
: تادبي يابنت دكتو. شهاب بجلاله قدره اتقولي عليه طرفون
سحر : واااك باهي غلطنا هي قولي
بعد ماحكيتلها القصه
سحر😳😳: حي شن هالاكشن اللي صار طيب غير طلعتي منها سليمه
: اييي والله والله رعب العمليات اللي درتن هنا مايجن شي قدام اللي ريته
سحر وولت تبتسم :مممم لكن كسبتي معرفت دكتور جنتل مطرفن ووك عليا علي اللي عندنا وخلاص
أنت تقرأ
ما تخبئه لنا الأيام ( روايات ليبية )
Romanceرواية تحاكي كل العشاق الذين يكافحون من اجل حبهم وسط كل الاحدات المحبطة من حولهم ؟ فهل ينتصر حبهم ؟ و ما مصير علاقتهم ؟ 🔥🔥🔥
