الحلقه 24(( والاخييييييييره))
.
.
.
.
.
.
.
كنت ناويه نطلع الكفتيريا قبل لاتجي حاله اول مافتحت الباب لقيت مؤيد كيف بيخش ووجهه وجسمه دم انخلعت من شكله وكان دايخ واتكى عليا: مؤيد مؤيد شن فيه من دار فيك هكي
مؤيد اللي يطلع في الكلام من فمه بالغصب وكاين حاط يده على بينه من الجنب
: اسكتي ماتخليش حد يفطن اني هنا
: كيييف لازم اندخلك لغرفه العمليات تنزف ياسر لانك
مؤيد: لالا رد بالك حد يشوفني بسرعه اقفلي الباب وراك
مشيته وحطيته عالسرير ووليت سكرت الباب وهو قعد يتلوي ويتوجع رفعت تيشيرته لقيته متعرض لطلق ناري والمكان ينزف: مؤيد هكي ميجيش لازم نكلم حد ينقلك معاي لغرفه العمليات لانه هنا خطر عليك ومش مجهزة الحجره
مؤيد شد يدي: هننند هننند ارجوك ماتقوليش لحد توا لان كان هذا بنمشي فيها انتي طلعتيلي الرصاصه اني واثق انه حتقدري اطلعيها
ماكانش عندي وقت انفكر ليش مايبيش حد يعرف: تمام
طلعت من الدولاب قوانتي ومقص عادي وعلبه المعدات وكحول وقعد يصيح من حرقه الكلور
مشيت لعنده شقيت تيشرته بالمقص وحطيت الكحول مسكت المقص لقيته بادي يدوخ خبطه على شدقه بالخفيف: مؤيد خليك واعي خليك واعي
مؤيد: ااااااه منقدرش نتحمل
وبدي يسكر عيونه، شديت وجهه بين يدي وحطيت عيوني في عيونه: مؤيد متدرقدش فكر فكر في اي شي حلو فكر في يوسف فكر فيه وفكر في الحياه الحلوه اللي حتعيشوها مع بعض فكر في سهى وندى فكر في امك وبوك وفي مهند
خليته واعي وكملت شغلي طلعت الرصاصه اللي ماكنش امسببه اي ضرر للاعضاء خيطله الجرح وكانت فيه جروح في صدره نضفتهم ولفيت بطنه وصدره وكتفه بالشاش ونفضت الجرح اللي فوق حاجبه طلعت جبت تغذيه وركبتها ليه وبعده داخ
جبدت الكرسي وبعدت جنبه ونفكر شن صار معاه وسببله كله هذا ان شاء الله مش مشكله كبيره مع حد ومشيت بقيه الليله واني انفكر
.
.
.
.
.
.
.
.
.
فقت على صوت اذان الفجر قمت فجئه حسيت بوجع تفكرت كل شي وليت حطيت راسي شفت جسمي ملفوف بشاش وتغذيه فيدي حسيت بشعر على وجهي نتلفت نلقى هند راقده عالكرسي متكيه راسها عالسرير وشعرها كله طالع من الوشاح كنت ناوي انوض ونطلع قبل لايجي حد بس غيرت رايي لما ريت هند قريبا مني بهذا الشكل ابتسمت واني انشوف ملامح وجهها بشغف قدمت لراسها وغمضت عيوني ونستنشق في عبير شعرها فاقت بعده وانتبهت انها قريبا مني ابتسمتلها وباين وجهها تحمر حولت رأسها وعدلت وشاحها: كيف حالك توا اتحس بشي
: وجع خفيف بس بشكل عام الحمد لله
هند: لازم منه الوجع هذا الحمد لله على سلامتك
: الله يسلمك شكرا ليك لانك انقذتيني وماشهدرتي بيا
هند: هذا واجبي ماعندي فيه جميل. وناضت
: شنو مابتسالني شن صار معايا
هند ؛ خليني نتاكد قبل من صحتك
شبحت مكان الاصابه ووغيرتلي التغذيه وفحصتني ومشت للتلاجه جابت ميه ولتلي
هند: اكيد عطشان ولا
هزيتلها راسي بايه
ساعتني قامتلي راسي وشربتني ميه
بعد شوي
هند: هي خبرني شن صار معاك
: غمضت عيوني وفتحتهم كاني نسترجع في اللي صار
: امس طلعت من البيت بالسياره وفي الطريق زرني واحد بالسياره وقعدت نتحاشاه فكرته واحد سكران غيرت طريقي ولحقتي وتم يزر فيا سكر عليا الطريق نزلته ونزل حتى هو وطلع ااا
هند: من طلع
: مش مهم واحد ولد حرام
هند: مؤييد الكذب باين من عيونك قولي من اني نعرفه
: ااا طلع اا
هند قعدت حواجبها: طلع منو
: منعرفش اسمه بس نفس الشخص اللي كانت هديل الله يرحمها تركب معاه
سكتت هند شوي وطببست راسها بعده رفعاته: كمل
: قاللي اني واخيرا بنردلك الضرب اللي ضربته ليا وكاين في يدي موس هجم عليا حاول يطعني بس نقدرش حصلت خدوش منه بس. ولما مقدرش يطعني تشابكنا باليدين ودفيته طريقه محترمه بس بعده هرب للسياره طلع مسدس هجمت عليه بناخذه منه طلق عليا وخليته منه وطلقت عليه وخليته طايح في الارض وجيت هنا من الباب الخلفي وتسحبت عشآن محد يشوفني
هند: بس ايش متبيش حد يعرف
: لانه كان فيه سيارات خاطمه واكيده حد شاف طلق النار مش حيعرفوني بش اكيد حيسالو كل المستشفيات عن حد تعرض لطلق نار هذا ليس مبيتش حد يعرف
هند: وشن صار فيه الولد
: سمعت صوت الاسعاف وعرفتهم انهم مش من هذا المستشفى
هند: ان شاء الله ميفيقش ولد الحرام هذا حيخبر عليك كان فاق
؛ ميقدرش يتكلم بياكلها حتى هو نعرفها النوعيه هيا عطيته درس مش حينساه ومش حيقدر يديرلي شي هذا كان عاش
هند: لالا ان شاء مايموت ماتحطش حد في رقبتك ان شاء الله يتعوق بس
فرحني خوفها عليا وخاصه امس ☑ انه دكتوره وهذا شغله بس شفت في عيونها الخوف والقلق وكيل يلمعو من الدموع
هند: اسمعني اني لاتم انروح تو قبل لايفطن حد وانت مستحيل انخليك تطلع اليوم واقفل الباب عشان محد يشوفك تبي شي قبل لانطلع
: سلامتك بس
هند: الله يسلمك حنكلمك نطمن عليك
: عندك رقمي
هند: اه لاماعندي تو ناخده من سهى
: استني هو نقال في جيبي اكتبيه وديري رنه خدت النقال وكتبت الرقم ونرت على نقالها
لمت دبشها وفكتلي التغذيه وقبل لاتطلع: لو تبي شي من برا او تبي الحمام قولي ما تو
اتبتسمتلها وفي خاطري نبيك انتي جنبي زي انبدري وهزيت راسي بلا طلعت وخلتني نضت من مكاني قفلت الباب وراها كانت فيها مغسله توضيت بشويه بشويه وصليت الفجر ووليت للسرير دزيت رساله لامي كتبتلها فيها اني اليومين هنا حنكون بالمستشفى عندنا حالات خطيره شفت رقم هند تاملت بعده حفظته باسمها وسكرته تغطيت ببالبالطو ورقدت
أنت تقرأ
ما تخبئه لنا الأيام ( روايات ليبية )
Romanceرواية تحاكي كل العشاق الذين يكافحون من اجل حبهم وسط كل الاحدات المحبطة من حولهم ؟ فهل ينتصر حبهم ؟ و ما مصير علاقتهم ؟ 🔥🔥🔥
