الحلقه التاسعه
.
.
.
.
.
بعد سكرت في وجهي قعدت مصدوم حطيت يدي علي راسي (شن درت يامؤيد شن درت ليش هكي تسرعت كيف راح عن بالك خوها جو... اااخ شن درت في روحي شن درت)
:مؤيد شن فيه الضيوف يستنو فيك طولت
: اخخخ مصيبه ووقعت فوق راسي
مهند: خيرك شن فيه
:بعدين خليني نمشي انكمل المجامله.
.
.
.
.
.
ضروري ياماما جبيه ليا انت نلبسه بروحي
فاطمه: لالا ميجيش ضروري هو يلبسه ليك خلاص قعد زوجك ماتتحشميش منه
(هه انتحشم اني منبيش انشوف رقعه وجهه بكل)
.
.
.
.
:ضروري هوا الكلام منحبش الحركات هنا اني موسى :ضروري بما انك كتبت عليها لازم تلبسو الخواتم
؛اندزه ليها الخاتم تلبسه بروحه
موسى: امرك غريب اصريت على العقد وتوا متبيش تلبس كيف اللي اندمت ولا شن
:لالا ماغيرت رآيي خلاص امرنا لله (ماعنديش نيه في وججها)
.
.
.
.
خشيت مع امي ومره عمي لدار كانت وحده من عده ديار مش شايفتهم من قبل (من كبر الفيلا) كان في الدار عمي ومؤيد، تحشمت منهم واني باللبس هوا جا عمي وسلم عليا
موسى: مبروك عليك يابنت خوي الله يرحم بوك
حسيته يبي يذكرني بشي لما قال بنت خوي :الله يبارك فيك ياعمي
فاطمه: الف مبروك يامؤيد ربي يهنيكم
مؤيد: الف يبارك فيك عمتي فاطمه
مؤيد كان ورا عمي وملفت وجهه شوي
اما اني كنت قاعده علي اعصابي نبي نطلع من هالمكان حسيت انه الهواء نقص في الحجره لبستنا بدون اي كلمه مني او منه واخيرا جيت بنطلع
امي: هي خولو العرسان يقعدو شوي مع بعضهم اكيد يقولو امتى بيطلعو ههههه
عيشه :ههههه اي هي انخلوكم بس شوي ره ماتاخذو راحتكم هلبا
طلعو وخلونا واني زي المفهيه متوقعتش يخلوني بروحي معاه
معندي ماندير قعدت عالصالون وهو قعد بعيد شوي كنت امنزلا راسي منبيش انشوفله طولنا شوي واحنا ساكتين رفعت راسي لقيته امطبس وراسه بين يديه خفت الصراحه باين من يديه حمر وعروقه طالعات ويرعش قربت منه شوي: مؤيد فيك شي
مردش قريب منه اكثر وحركته من كتفه :مؤيد مؤيد شن فيك تشكي من....مسك يدي اللي كانت عليه بعد مارفع راسه كانو عيونه حمر: خير اهلك انتي متدخليش فيا
خفت منه منطقتش
مؤيد: والله صدقتي روحك مرتي اديري في جو الاهتمام
:سيب يدي توجع فيا ره، انت اللي درت دير راسك وعقدت عليا من سمحلك ادير هكي دون ماترجع للي بتعقد عليها
مؤيد: تحسابيني نيتي فيك عقدي عليك غلطه كبيره ونادم عليها
: فهمني كيف غلطه ونادم عليها مش انت المتحمس اللي خطبتني بسرعه وعقدت بسرعه ولا انت عندك انفصام كله مره بشخصيه
مؤيد: والله امصدقا روحك هلبا انتي، بالله اني بنشوف لوحده زيك
:اني معش فاهمه انت انا لانطيقك ولا انت اطيقني ليش يربطوني بيك
انت عباره عن شي حصل نتيجه سوء تفاهم بيني وبين البنت اللي انحبها
:يعني انت خطبتني عشان تقهرها والا كيف
مؤيد: انت اصلا اللي دخلتي بيناتنا من الاول وحطوك في وجهي حتي يبعدوني عن اللي انحبها فلذلك ماتخديش في روحك مقلب
: هه انت اللي متاخذش في روحك مقلب اني ارضيت بيك لمصلحه نبيها يعني احنا الاثنين مش راضيين هالزيجه فتحمل لين تنتهي مصلحتي بعده لكل حادث حديث
.
.
.
.
.
سهى: ياه يابنات مش مصدقه انه هند بتولي مرة خوي جوووو
نورا: مانعرفهاش من قبل لاكن شكلها عسل 😍😍😍
ساره : لكن خيرها بيانه قالبه وجهها
هديل : لا ياحبيبتي اتخايلي اصلا هي طايره من الفرحه
ساره : مممممم به ربي يهنيهم
هديل : امين يارب العالمين ويبعد عنهم عيون الحساد ...هند هند استني
ندى : خيرها تجري
سهى : خلوها شكلهم متحشمه هههههه
.
.
.
أنت تقرأ
ما تخبئه لنا الأيام ( روايات ليبية )
Romanceرواية تحاكي كل العشاق الذين يكافحون من اجل حبهم وسط كل الاحدات المحبطة من حولهم ؟ فهل ينتصر حبهم ؟ و ما مصير علاقتهم ؟ 🔥🔥🔥
