ما تخبئه لنا الأيام ( روايات ليبية )

حلقة 15🔥

الحلقه الخامسه عشر
.
.
.
.
الدكتور رياض : دكتور مؤيد تفضل معاي شوي انت ام واخت المريضه
دخلنا لمكتب الدكتور رياض وكلنا متخوفين من نتيجه التحليل
الدكتور رياض: نبي انقوللكم انه التطابق طلع ايجابي وتقدر هديل تتبرع لاختها
فاطمه: اه الحمد والشكر ليك يارب
الدكتور :لكن في شي لازم انوهكم عليه جسم المتبرعه ضعيف نظرا لصغر سنها واحتمال النزف 50 بس ممكن نرفعو المناعه بالأدوية
واقل شي لازم تنحط في الحجر شهر حتى تستعيد مناعتها بالكامل
فاطمه: لا يادكتور كل كلامك احتمال احتمال منقدرش انضحي بحياه بنتي 🙆 ماتنجح العمليه
هديل: لا يماما اني موافقه على العمليه وقالك الدكتور احتمال كبير تنجح العمليه واذا مادرتها في اقرب وقت احتمال مؤكد نخسرو هند
فاطمه: والله قلبي مش مطمن يادكتور
الدكتور: بإذن الله حتنجح العمليه والمركز اللي بتندار فيه خبرته طويله واغلب عملياته ناجحات
: امتى حتكون العمليه
الدكتور: اليوم ننقلو المريضه للمركز وغدوا ان شاء الله العمليه
.
.
.
لبست اللبس المعقم وخشيت انشوف هند
لقيت ماريا اتغيرلها في المغذي
ماريا: لاباس عليها مرتك
:ماريا اني...
ماريا: كم مره كنت انخش ونطلع وانت منتبهتش لوجودي وشفت الخوف فعيونك مكنتش عارفه قديش هيا غاليه عليك
: مش هكي القصه
ماريا: تعرف اول ماعرفت ان المريضه اللي ينشرف عليها هي مرتك فرحت وتمنيت انها تموت بس لما شفتها وشفت التورم اللي في وجهها حزنت عليها في الاخر اني أنثى زى زيها ومنتخيلش روحي مكانها يزوجوني بالغصب ان شاء الله لما اتنوض بالسلامه لازم تصلح الامور بينك وبينها وتعيشو مع بعض حياه طبيعيه
: شن اتقولي انتي مستحيل اني رايدك انتي وحتى لو قعدت على ذمتي اني حنتزوجك ونعتبرك انتي مرتي مش هى
ماريا: هه خليك جنب مرتك تو هي محتاجتك اكثر من اي وقت
خلتني وطلعت مقدرتش اندير شيء لاول مره حسيت روحي ضعيف هلبا من جيهه ماريا ومن جيهه هند وظلمي ليها ومن جيهه امي واللي تبيني انديره اه ياربي اه
وقفت جنب هند نتامل في وجهها والكدمات بدن يخفن بعد الدوا، ندمت اني تسببتلها بيهم دايما تسرعي هوا اللي يطيح فيا في مشاكل ليها اول مالها اخر قعدت صافن فيها فترة كانت مثل الاموات وجهها شاحب وهالات سودا تحت عينها كيف كانت تتحمل مشاكلنا والالم فى نفس الوقت ,والله انتي ماذنبك ش. جيتي من عيشه حرفه الي عيشه احرف وحتى اني حتى اني معنديش ذنب باللي صار امي وبوي هما اللي يتحملو ذنب كل اللي صار.
.
.
.
.
.
جي يوم العملية وتجهزت هديل للعملية وقاعده عالسرير وبجنبها امها الحزن كاسي وجهها ومن يلومها وبناتها الثنين حياتهم في خطر وكانن خواتي معاها يغرن في جوها وينسينها في توترها
ندى: واو حلو عليك اللبسه من الاخير
سهى :اي شفتي حتى الطاقيه نفس اللون والله وطلعو يعرفو ينسقو
هديل: تعالن البسنها بدالي اتقللق فيا نايلو
ندى: ان شاء بعد تطلعي بالسلامه تلبسي اللي تبيه حتي كان حرير
هديل ؛ ان شاء تطلع هند بالسلامه اهم شي
سهى: خلي املك بالله كبير الدكاتره هنا مشكورين
ندى ؛ يلا عاد عن الدلع خليني انخبركم على عيد ميلاد الدلوعه
:سهى ندى خلاص اطلعوا خلينا انجهزو هديل للعملية
بعد طلعو هديل قعدت فاطمه ماسكه يد هديل ومبتش تطللقها
: خالتي فاطمه لازم تطلعي حتى انتي لان تو بنخدرو هديل تبي شوي هدوء
فاطمه: يارب الطف بحال بناتي وساعدهن وكون معهن يارب
.
.
بعد طلعت فاطمه قعد في الحجره اني وهديل
: شنو هديل مستعده للتخدير توا
هديل: قبل مانتخدر نبي انقولك كلام ونبيك تسمعني كويس
: تفضلي
هديل: اني منعرفش باللي صار بينك وبين هند حتى تسببتلها هكي واني اللي كنت نحساب انكم سمنه على عسل، بس اللي نبي انقوللك ان هند جوهرة وماتلقي زيها لو لفيت العالم كله هند يامؤيد تحملت كل شي وكبرت قبل وقتها وتحملت مسؤوليات مش ليها كانت ديما تحمي فيا ولما بابا يجي يضربا او يكشخ علينا كانت تخلينا وراها، يعني بعد كل الصبر اللي صبراته ماتستاهل منك ادير فيها هكي
: هديل ارجوك ماتتلكميش كان مابتنوضي بعد العمليه خليك قويه وان شاء الله تنوضي انتي وهند بالسلامه واللي تبوه يصير بعده
هديل: انت شخص كويس يامؤيد كفايه انك أنقذتني من انياب ذيب ونبي نطلب منك انك ماتزعل هند ولو طلبت الطلاق طلقها وماتضغطش عليها
:اللي تبيه يصير لكن انتو نوضو بالسلامه
هديل: ان شاء مؤيد نبي منك اخر طلب قبل لانتخدر
: تفضلي
هديل: نبي نشوف هند لاخر مره
: شفتيها قبل لانجيبوك هنا
هديل: وراسي الغالي عندك نبي انشوفها قبل لانتخدر
: خلاص اللي تبيه تو انقللك لها
.
.
.
.
.
.
.
.
.
.
.
.
.