الحلقه الثالثه
.
.
.
هنوده نوضي شن هالنوم كله
: صباح الخير ايواه قعدت للفجر صليته ورقدت شنو تكلمت خالتي
هديل: ايه قالت بنتها تحسنت وقالت شنو انجي انروح بيكم قلتلها لا بنتغدوا هانا
: ياحماره ليش قلتيلها هكي
هديل: البنات شدن فيا ماقدرتش انقول لا
: عليك حشمه امس كيف عرفناهم وبتنا وبنتغدو عندهم وعاد انتي ماصدقتي خبر
هديل: ايه عجبني الجو كان اتشوفي الجو برا ابداع والقعده في الحديقه اتجنن
شوي ودخلت علينا سهى: صباح الخير ياامر ان شاء الله غير تريحتي في النومه
: يسعد صباحك الحمد لله استريحت
سهى: شن رايكم نفطرو في الحديقه
: عادي مش مشكله
سهى: بس البسو وشاحاتكن مرات حد يجي
اوكي
هديل قالت بعد ماطلعت سهى: هي بننزل نفطر ره استعجلي
: مابنعطل انخش الحمام والاول وانجيكم
واني طالعه من الحمام سمعت الصوت نفسه وانتابني الفضول
قعدت انتبع في الصوت وشكيت انه في الدور الثالث.بس توا بيلاحظو غيابي فكني من المشاكل خننزل ،،وني كنت نازله للدور الاول وسرحانه معقول اني بس الي نسمع فيه باهي نسأل ولا مليش علاقه.... وفجأه يصمني حد راكب للدروج بسرعه بس شديت روحي في الحديد قبل لانطيح
: استغفر الله العظيم متشوف قدامك انت ولاشنو
مؤيد: مش عارف من فينا الي نازل وعيونه في الأرض
: ولونك امركز ياسر شن كنت اندير كان ممكن اتركز في خطواتك ..
مؤيد:الي ينزل الدروج هوا الي مفروض ينتبه لانه هوا الي معرض يكسر يده ولا رجله مش زي الي راكب
: والله! معلومه قيمه في الجديد امشي عليها انت
ونزلت قبل مانسمع منه شي، فوقه غلطه قاعد يقلل في ادبه نرفزني علي هالصبح
طلعت للحديقه وتغير جوي اول ماشفت الحديقه والدنيا الخضرا والجو كان حلو وبخاخات الميه فكل مكان والجو كان خيال
لقيتهم قاعدين علي كراسي والفطور قدامهم عالطاوله
معليش عطلت عليكم
سهى: لاعادي كيف حطنه الشغالات
: وين عمي وابله عيشه ليش مايفطرو معانا
ندى: بابا وماما يفطرو بكري لان بابا يطلع بكري للشغل
:اها
قعدنا نفطرو و قعدنا انهدزو ندى شبحتها تنادي في حد كان بيطلع
مهند: صباح الخير صحه صحه
سهى: صباح الورد علي قلبك وخيي ،قعمز افطر معانا
مهند: صحه تو فطرت اني ،سامحوني يابنات همي امس كنت مشغول ملحقتش انسلم عليكم انستونا انستونا كيف حالكم طيبين
:بيك تم الحمد لله كيف حالك انت
مهند؛ اني الحمد لله سامحوني مستعجل هلبا اي خدمه يبنات عمي اني حاضر مايردكم الا لسانكم
: بارك الله فيك تسلم
مهند: هي مال نستاذن تو غير عندي شغل مستعجل
: اذنك معاك
تبعته بعيوني لين طلع، ماشاء الله ماشاء الله عليه ادب وجمال وباين عليها جنتل مش زي هذاك المغرور
هديل : ريما هذا مهند هو الكبير ولا
ريما: ايه هو الكبير ومؤيد اصغر منه بسنتين
لاحظت انه ريما تهدرز بيديها فاكتشفت بعده انها اتوري فينا الخاتم بطريقه غير مباشره
هديل: يهبل خاتمك ياريما مبروك الخطوبه
ريما: الله يبارك فيك والفال ليك مالياش هلبا
أنت تقرأ
ما تخبئه لنا الأيام ( روايات ليبية )
Romanceرواية تحاكي كل العشاق الذين يكافحون من اجل حبهم وسط كل الاحدات المحبطة من حولهم ؟ فهل ينتصر حبهم ؟ و ما مصير علاقتهم ؟ 🔥🔥🔥
