الحلقه السادسه
في شي نبي انوه عليه في الحلقه الي فاتت غيرت اسم منهد الي مراد وهذا خطأ مني اسم الشخصيه مهند وهو الشخصيه الي عاليمين من لوطا عشان ماتتلخبطو 😁😁
وفي الاخر
لايك كومنت تاق حتى نقدر نستمر
.
.
.
موسى: ياولد امال بطلت قرايا
مؤيد: لا ياباتي بناجل بحثي شوي وتدريبي حولته لمستشفى اخر مع الدفعه الجديده
موسى: و خيره المستشفى الي كنت فيها
مؤيد: ادارتها سيئه بكل ومفيش امكانيات
موسى: من الاول قلتلك سافر اقرا برا احسنلك من القرايا هنا قريب اتسكر عشر سنين وانت تقرا
مؤيد: خلاص بدايه السنه الجديده انتخرج أن شاء الله وبعده نطلع انكمل برا
مهند :صباح الخير
الكل:صباح النور
موسى: كيف كانت السفره
مهند: الحمد لله ميه ميه تفاهمت مع الشركه علي كل شي وان شاء الله حنبدا في التوسيع قريب
عيشه: ربي يقويك ياولدي ونفرح بيك
مؤيد: اييييي.واحني خيرنا مايقولونا هكي كلام
عيشه: انت غير اطلع من المجال الي حصلت فيه بعدين ندعيلك
مؤيد: واك عليك احباط بشكوطي موز اني
موسى: متعدلش على كلام امك كلها كم شهر واتولي احسن دكتور في طرابلس كان مش في ليبيا وبعده اكيد نفرحو بيك
مؤيد: تسمعي فيه راجلك هذا الكلام اللي ينقال خليك انتي في دلوعك
مهند: ههههههههههههه محد واخذ الدلال اكثر منك
مؤيد: اي باهي اسال امك بكري وبكري
عيشه: ايييه هدا بكري وفرحه عمري واقعد فيها انت
مؤيد: وتستمر السيده الوالده بالقصف هي تصبحو بنمشي انكمل نومي
عيشه: ياسرك نوم من لما وقفت تدريب وانت امولي زي الدب الباندا
مؤيد: خلوني نستمتع بهاليومين قبل لانواصل الشقا
.
.
.
.
.
.
اول مارن الجرس طلعت باش محد يشوفها رغم انها خايفه بس متحمسه مشت للمكان المحدد وزبطت السياره المنشوده طلع منها واحد لابس نظارات شمسية اشرلها وجته
هديل وهي متحشمه :السلام عليكم
مالك: وعليكم السلام
نحى نظارته وقعد يبحت فيها وهي تحشمت ماعرفت شن ادير
هديل: لازم انروح تو قبل لايستفقدوني
مالك: مالحقنا انقولو حتي كلمتين علي بعض ربي يحفظ هالجمال ماشاء الله تبارك الرحمن
:خلاص نتلاقو مره اخرى
: اسنتني جبتلك هديه
: لالا مانقدر نقبلها
:لالا لازم تقبليها مش موضوع الكتابه لازم نسمع صوتك كل يوم حتى يمشي يومي مليح
هديل: شكرا ليك
مالك: العفو حبيبتي
تحشمت من الكلمه وشدتها خط للمدرسه
سهى: تي وينك يابنت كنا بنروحو عنك
هديل: كان عندنا امتحان واعر مقدرش انكمل عالوقت
ندى: إني جعانه هي انروحو
سهى: وهو انتى عندك حاجه اخرا اتفكري فيهآ خاطي بطنك
ندى: ايه انفكر في الاكل
سهى: عبيطه امشي قدامي
.
سهى :خيرك ساكته
هديل: لاشي ( هذا خيره يلحق فينا يستر الله)
ندى: شكلك جعانه حتى انتي
.
.
.
.
:مش اتفقنا ماتلحقني
مالك: خيرك مافتحتي النقال
هديل ؛ منبيش ليش تكذب عليا واتقولي مابتلحقني وتلحقني
مالك: من لما شفتك تعلقت بيك اكثر وحبيت انشوف مكان سكنك وانجي نخطبك من اهلك
هديل: 😍😍😍حقااااا
مالك : اكيد امالا تحسابني نلعب عليك هي افتحي النقال
هديل : هى لحظه خليني انشوف مكان فاضي
.
.
.
.
.
.
.
قعدت انحب دار عمي علي خاطر مهند نرقد نحلم بيه بس مفهمتش هو تعامله معاي هكي لانه يحبني هوا يعامل في الكل بحنيه ياربي شن اندير ليتو مادار لقطه نفهم منه شن يبي
مروه : هاي
: هايات
مروه ؛ الي واخد عقلك يتهنى
: واخد عقلي الإمتحان الي ماحليت فيه
مروه: ايه كان صعب بس باهي حليت
: اني تلخبطت ومعاش عرفت نقرا كل شي وعر
مروه : فيه كورس مراجعه فاتحينهم دكتور باش الطلبه يستفيدوا قبل الامتحانات النهائية
: مش عارفه الحق اكيد غالي ولا
مروه : تبي الحق غاااليه اني بعد عركه خشيت فيه اهم شي مصلحتي
:صحه ليك
مروه : عندي فكرة شوفيلك معيد يشرحلك ولا طالب فلتوز
: ليش منشوف دكتور يشرحلي
مروه: مابتلقيهم فاضيين يدوبك يجاوبوك علي سؤالين ثلاثه تعرفي في معيد فلتوز كل الطلبه يستعينو بيه
: اي يريت لاني بنسقط في السمستر هوا كان مالقيت حل
مروه: خلاص إني نعرفه تو انقوله
: اديري فيا خير
مروه :شن اخباره ولد عمك
: الي شفتيه هنا ؟
مروه: تي لا مش مهند مؤيد
:حاله بس خيرك هذا
مروه: معش ريته في الكليه
؛ قال باجل بحثه شوي
مروه: امممم وكانك ماتعرفي على سبه ويش
: شن تقصدي
مروه :نحسابك تعرفي
: لامنعرف قوليلي
مروه : هدا ياستي امداير علاقه مع ممرضه في المستشفى الي يتدربو فيه من لما هو سنه رابعه وقالو ضارب دكتور غادي علي سباها تعرفي الدكتور هذا واصل كان شوي فصلوه من الكليه بكبرها بس حولوه للمستشفى الاخر
: منو قاللك انتي
مروه : بنت خالتي تقرا معاه حضرت الموقف
:اها
مروه : المحاضره بدت خلينا نمشو قبل لايلزنا الدكتور
.
.
.
.
.
اتفقنا مع احمد اللي قالتي عليه مروه انديرو حلقه مراجعه مع مجموعه طلبه ،استفدت من هاالمجموعه و تحسنت درجاتي ، مش فاضل علي الامتحانات النهائيه إلا شوي وكانت عندي اساله بسيطه وكنت اندور في احمد لقيته واقف جنب القسم
:السلام عليكم
احمد: وعليكم السلام
:اني طالبه معاك في المجموعه
احمد : ايه عرفتك هند ولا
:ايه ،عندي اساله حصلتهم وفيهم اساله ماعرفت حلهم ترا شوفهم ليا
احمد : تمام نمشو للمكتبه
: هما سؤالين بس منبيش انعطل عليك
بعد شرحهم ليا فهمتهم تمام
:بارك الله فيك في ميزان حسناتك ساعدتني ياسر لولاك راهو كنت حنسقط
احمد : بارك الله في الجميع مدرتش شي بعدين انت مستواك ممتاز من حللك للأسئلة اني بس ساعدك شوي المهم ان شاء الله بالنجاح
:ان شاء الله تسلم نستاذن
.
.
.
:ماخليتو تهدريز
: شنو تراقب فيا انت
مؤيد: شنو متبيش رقيب عليك واتهيجي علي راحتك
: انت شن تبي تو
مؤيد:نبي نعرف شن علاقتك بيه
:ماتددخل في شي مايعنيك
مؤيد:بنت عمي وساكنه معاي ومن حقي نتدخل فيك زي خواتي، ومش عاجبني كيف يشوفلك
؛ اولا مليكش حق تدخل فيا ولو ساكنه معاكم ثانيا شكلك تتوهم لانه كاين يشرحلي حاجه في المنهج واني الي جيت سالته وثالثا واخر شي شوف روحك بعده تعال حاسبني
مؤيد: منبوش انكثرو دوه قدام الناس ،تبي حد يشرحلك شي اني موجود لكن متوقفيش علي حد
شفتله بالزدراء وعديت عنه عقاب وقت هو بتحكم فيا
.
.
.
.
.
في الليل اول ماحطيت راسي عالمخده فكرت في الكلام اللي قاله لي مؤيد
(شن امفكر روحه هوا بوي ولاخوي كل مانقابله لازم ياساوي شي يستفزني كانه قاصد هالشي ،بس اهو رب ضاره نافعه جت منه خليني انشغله مدرس خصوصي )
والفعل خليته يشرحلي كل شي مش فاهمته رغم اني مش طايقه القعاد معاه بس يلا اهم شيء مصلحتي .
درت الامتحانات ونجحت وعدا السمستر على خير
.
.
.
مرضت حني بالجلطه ودخلوها المستشفى وقعدت اسبوع في العنايه وكل يوم حالتها تسوء كنت انشوف في عيون عمي الخوف والندم على اهماله لامه وخايف لاتموت وهي مش راضيه عليه وفي يوم طلبتني انجي لعندها قالت في كلام مهم تبي اتقوله ليا
اول ماقعدت جنبها قعدت تبكي
:متبكيش حني ان شاء الله حتتحسني وتولي احسن من قبل
:اني خايفه انقابل رب العباد بعد كل الظلم الي درته
:ان شاء الله ربي غفرلك كل خطاياك بعد كل الاستغفار والقيام وان شاء الله ربي يمد في عمرك وتستمري في طاعته
:اني خلاص ايامي ولت معدوده نبي انبري ذمتي قدام الله نبيك يابنتي اتسامحيني علي كل اللي ساويته فيكم وفي بوكم
: مسامحه حني متتعبيش روحك في الكلام
:يريت الزمن يولي بيا وانصحح كل اخطائي وانرجع علاقتي بضنوتي بس ربك ماينسى حد اللي درته في الناس زمان ولا عليا باهمال ضنايا ليا يارب سامحني يارب .
..
.
.
.
.
بعد ايام توفت حني وعمي كان اكثر حد متاثر بموته وكان يلوم في نفسه كل يوم ماقعدش فيه معاها
وحتي أني تاثرت بموتها وخاصه بعد ماتعودت علي وجودها في حياتي
وبعد تمو ايام العزا
جانا محامي العيله وجايب وصيت كاتبتها حني وبدا يسردها كانت كاتبه الحصه الاكبر لاملاكها في الخمس لايا ولهديل وكان هالشي صدمه ليا قبل ليكون صدمه لعمي ومرت عمي لان الوصيه كاتبتها من اكثر من خمسه سنين يعني مش بعد ماجيناهم كيف ماكنت انفكر
أنت تقرأ
ما تخبئه لنا الأيام ( روايات ليبية )
Storie d'amoreرواية تحاكي كل العشاق الذين يكافحون من اجل حبهم وسط كل الاحدات المحبطة من حولهم ؟ فهل ينتصر حبهم ؟ و ما مصير علاقتهم ؟ 🔥🔥🔥
