الحلقه الرابعه عشر
.
.
.
.
.
.
اول مره انخاف منه هكي
مسكتني من كتوفي وقعد يهز فيها بجنون
مؤيد: ياحقيره مالقيتيش الا خويا ياحقيره خويا
حاولت انفك روحي منه بس مقدرتش : حول يدك عني شن اتقول انت
مؤيد :متنكرييييش ريتك بعيوني متنكرييش
من اللحظه اللي جيتي فيها لعندنا ماشفنا خيير انت السبب في تدمير حياتي بعدتيني عالبنت اللي راسم معاها امالي ومن تحت راسك معش بترضي تتزوجني وفوق هذا متحملك ومزال ماشفعتي حاطه عينك علي خوي
متحملتش الكلام اللي يقول فيه : من اللى دمر حياه الثاني انننت انت وهلك دمرتو حياتي انت وامك بالذات من لمآ جيت وهي مش ناويه الخير معاي نكرهكم كلكم نكرهكوووووم
هجم عليا وقعد يضرب فيا
مؤيد : متجيبيش سيرت امي علي لسانك ودخلي مصايبك فيها لكن اقسم بالله ياهند انه فكره الطلاق حتكون بعيده عنك ومش حنخليك تتهنو ببعض ولو على دمي
: بعد عني ياكلب ياحقير ولا نقتل روحي ولا نقعد معاك دقيقه أخرى
مؤيد: والله مانبداش اني كان ماخليتك تتحرسي بقيه عمرك في اليوم اللي جيتي فيه لعندنا
بعدت عنه ومسحت فمي اللي نزل منه دم :مستحيل نرضى نقعد تحت رحمه واحد زيك تعرف ليش لانك مش راجل من راجل ومستحيل انعيش مع شخص يدعي الرجوله ويضرب مراه
مؤيد: مش راجل مش راجل اني انوريك كيف اتجي الرجوله
هجم على مره اخرى وحملني للسرير بس اول ماحذفني عليه وقرب مني ضربته برجلي على بطنه: اتكون غلطان ياسر لو تفكر حتى شوي انك نغصبني علي شي مانبيه
طلع بسرعه من الدار ومن الجناح وبديت انحس بضيق في التنفس
.
.
.
.
.
.
طلعت من الجناح والشياطين تتنطط في راسي وقررت نطلع من البيت قبل لانرتكب فيها جريمه وصادفت مهند
: ومداير روحك الابن المثالي ومفي كيفك في الادب والاخلاق وطلعت خبيث ومن تحت لتحت
مهند : احترم نفسك شن اتقول انت
:هه دير الحوله زيك زيها لكن والله ماطولها طول مانا عايش
مسكني من حوايجي وقال بعصبيه : شن درتلها ياكلب تكلم
: هه خايف على حبيبت القلب انساولها شي
اطمن وريتها قيمتها بس
فكيت روحي منه وطلعت من البيت
.
.
.
.
بعدت عن البيت ومشيت لمكاني المعتاد على من قهر قعدت نحدف فى الرشاد على البحر ممكن اكثر من ميه مره والنقال فى جيبي يرن ومعدلتش عليه مش خاطري نحكي مع حد
شفت الساعه جي وقت مناوبتي مشيت للمستشفى واني ماشي فواحد من الممرات ريت رنا: رنا ؟
فطنتلي بعده جتني
: شن اديري هنا من جابك
رنا قعدت اتشوفلي بنظرات غريبه : شن درت للبنت يامؤيد
دب الرعب في قلبي :شششن فيه خيرها
رنا : البنت مفيش اي استجابه منها لقناها طايحه في جناحكم واثار ضرب عليها
: فاقت ولا ميزال
رنا : حاولنا انفيقوها في البيت والله زي الميته وتو الدكتور يفحص فيها ونستنو في التحاليل وتو هي في قسم العنايه لان الدكتاره لقوها متتنفسش،شن درت فيها يامؤيد صح اني منحبهاش لكن وجعتني لما ريت وجهها
مؤيد: بالله اسكتي عني مش ناقصك حتى انتي
مشيت مع رنا لقسم العنايه المركزه لقيتهم مجتمعين كلهم قدام الباب اول مارتني هديل هجمت عليا وقعدت تحاول تضرب فيا : شن سويت فى اختي ياكلب ياحقير والله لو يصير فيا شي الا مانقتلك
أنت تقرأ
ما تخبئه لنا الأيام ( روايات ليبية )
Romanceرواية تحاكي كل العشاق الذين يكافحون من اجل حبهم وسط كل الاحدات المحبطة من حولهم ؟ فهل ينتصر حبهم ؟ و ما مصير علاقتهم ؟ 🔥🔥🔥
