الحلقه 22
.
.
..
.
.
.
لقيتها في الاستقبال اتشوف في السجل ناديتها علي جنب
: انتي شن قصدك بالحركات اللي اديري فيهم
كتفت يديها كنها مستعده للكلام: اي حركات بالله عليك
: بلاش حركات استغباء من قالك ترفعي ولدي من قدام الروضه
هند: وشن فيها يادكتور قرايب ونعرفو بعض
: اسمعي منبيش انكثر معاك الدوه ولدي ملكش علاقه بيه تفهمي ولا
هند وهي تتصفن فيا باستغراب: من امتى وقلبك قاسي هكي هذا ولدك فلذت كبدك رد بالك عليه
عصبت عليها ونتكلم وسنوني على بعض: مليكش علاقه كيف انربي ولدي جايه بعد كل هالوقت وتعطي في النصايح ترا فوتيني تلفتت عنها بنمشي
هند: تتفكر في السبب اللي خلاك تتخصص في اطفال
وقفت شوي وتفكرت هذاك اليوم اللي قلتلها فيه عن حبي للاطفال وهذا السبب اللي خلاني نخشله تلفتت لقيتها ماشيه انتي ماتعرفي شي وماتعرفي شن صار معاي
.
.
.
.
نادنا رئيس الاطباء وحطينا اني ومؤيد تحت اشراف د شهاب في قسم الطوارئ
وكان اصعب يوم انمر فيه من الحالات الحرجه اللي تعاملت معاهم
حاله ولاده وحاله جلطه وحوادث ووووو
اصعب قسم في المستشفى هو قسم الطوارئ لازم اتكون متاهب في اي لحضه تجي حاله حرجه وصعبه ولازم تقوي قلبك قبل لاتخش للقسم
مشيت اني مؤيد نشرفو علي حاله
: السلام عليكم
المريض: وعليكم السلام ورحمة الله وبركاته
هند: كيف الحال
المريض: الحمد لله على كل حال
خذيت كراس المعلومات وقريت الاسم والاصابه
مؤيد قعد يفحص فيه واني نسال فيه
: يااخ عبد العزيز شنو سبب وجع الظهر
عبد العزيز: مفيش سبب ظهري ليه ثلاث ايام يوجع فيا واليوم وجعني بكل ومقدرتش انوض الصبح على حيلي
: ممم باهي شن تشتغل انت
عبد العزيز: في البني
: باهي متتفكرش مره تعرضت لاصابه في الظهر حتى ولو من فتره بعيده
عبد العزيز: لا لا ولا مره طحت عليه ولا انخبطت عليه ومانتفكرش من مده طويله لاني من خمسطاش سنه في البنى
مؤيد: من تالا وين الوجع
عبد العزيز: كله انحس فيه بس اكثر شي تلا الصدر
مؤيد: اوكي تمام
عبد العزيز: بالله عليكم قولولي لو في شي خطير مادوسو عني شي لو فيا شي قولولي قبل بش نمشي لصغاري اشهر ماريتهم منبيش انموت قبل لانشوفهم
: ان شاء الله مافيك شي واذن لله حتعيش عمر طويل جنب مرتك وصغارك
مؤيد:نصيحة مني يااخ عبد العزيز ان شاء الله بعد ماطيب تجيب عيلتك معاك وماتبعد عنهم مره اخرى لانه حتتحسر بعده علي كل لحظه ماحضرتهاش معاهم فراق الاحبه صعب ياخوي عبد العزيز
عبد العزيز: والا عندك الحق ياخوي الشغل عمره مايعبي معاك العيله ان شاء الله اول مانتحسن حنجيبهم معاي واندور سكن
طول مايتكلمو واني انشوف في مؤيد الي عيونه فيهم لمعه غريبه وصوته حاد وهو يتكلم عرفت انه يقصد ماريا من فراق الاحبه
طلعنا من الحجره
انكلم في مؤيد وعيوني في الكراس منبيش انشوفله بعد لقطه اليوم
:الباين انه في اصابه في العمود الفقري بما انه مقدرتش يتحرك
مؤيد: معتقدش انه الاصابه في الظهر
: شن قصدك
مؤيد: اني انقول انه في تسلخ. في الشريان الابهر ممكن يسبب هكي نوع من الوجع
: معقوله بس واضح انه الاصابه في الظهر وحتى لو ماتعرضش لشي شغله في البني وقل الحاجات الثقيله ياثر بعد فتره عالظهر
مؤيد: بس اني عندي باين انه الشريان الابهر متضرر وخاصه انه الوجع جيهت الصدر واحتمال عنده نزيف
:لازم انديرو تصوير مقطعي الاول
شوي وجي دكتور شهاب
شهاب: شنو صار معاكم مع الحاله
: دكتور المريض يعاني من الم حاد في الظهر بادي من ثلاث ايام
شهاب: معناه حنقوللهم ينقلوه لقسم الاشعه
؛ حتى اني قلت هكي دكتور
شهاب: تمام معناها خبريني عن النتيجة بعدين
: حاضر دكتور
بعد عدا د.شهاب
: مؤيد خيره ماقلت للدكتور شهاب عن رايك
مؤيد: مادخلنيش اني هذا تخصصك وانتي مفروض قلتيله وعل اساس انتي متأكده
: مقلتلكش اني متاكده عادي مفروض انحطو كل الاحتمالات
مؤيد: خلينا نمشو لقسم الاشعه
مشينا لقسم الاشعه وقبل لانخذو الصوره قعد المريض ينتفض
: شن صارله المريض
مؤيد: اكيد ضغط الدم اللي زنف في تجويف القلب يانيرس بسرعه نادي على الدكتور شهاب
جي الدكتور بسرعه ولقانه شاديين المريض اللي ينتفض
د.شهاب: شن صار للمريض
: دكتور المريض كان يعاني من تسلخ الشريان الابهر مش اصابه فى الظهر زى ماكنا انظنو
د.شهاب: لازم نسحبو الدم قبل اي خطوه بسرعه نيرس مديلي حقنه القلب
.
.
.
.
.
.
.
قاعد في الكفتيريا نشرب في القهوه وناخد في استراحه من كل هاالتعب وشوي وجي حد وقف عليا طلع د.شهاب
د.شهاب والابتسامه على محياه: تسمحلي نقعد معاك
: تفضل دكتور
د.شهاب: قالتلي هند ان انت اللي قلت من الاول انه الاصابه في الشريان الابهر
سكتت
د.شهاب: وقالت انه السبب اللي خلاك ماتقول هوا انه مش تخصصك
مؤيد: صح اني قلت هالكلام لانه لو طلع كلامي مش صح حنخسرو وقت على المريض وحنتعرض للمسائله من الرئيس
د.شهاب: بس حدسك طلع صح والفضل يرجع ليك في انقاذ المريض
لارد
د.شهاب: نبي انقوللك نصيحه احيانا مشاعرنا تقودنا لطريق انخافو نمشو فيه وعقلنا في المقابل يقودنا لطريق اخر واحني في الاخر نقعدو في حيره بس الدكتور الشطار يعرف يوازن بين الامر ويختار حدسه الاقوي في اي تخصص يواجهه واني واثق من حدسك وقدرتك في كل التخصصات
: بارك الله فيك دكتور ان شاء الله انكون عند حسن ضنك
د.شهاب: تمام تريح شوي بش تولي للشغل من جديد
مشي شهاب عني واني انراقب فيه: هكي هند حاف بلا دكتوره انحس انه في بناتهم شي من قبل انلاحظ فيه من وقوفهم مع بعض ياويلك يامؤيد لو يطلع الكلام هذا صح
شوي ويجيني نداء طوارئ
طلعت للساحه لقيت الاسعاف ينزل في حاله كانت بنت امساويه حادث سياره وداخل فيها قضيب حديد وكانت واعيه وهاديه
دخلناها لحجره العمليات وسمعت رئيس الاطباء ينادي على دكاتره الجراحه واني تلفتت بنطلع لانه مش مجالي شوي ناداني د.شهاب: دكتور مؤيد خليك محتاجين خبرتك شفت لهند اللي هزتلي راسها بمعنا خليك فقعدت
: قبل كل شي لازم ناخذولها صوره مقطعيه نتاكدو من سلامه الظهر لانه هي ماتحس بشي دليل على انه باقي الاعضاء سليمه
د.شهاب: كيف حناخذو الصوره بدون مانحولو القضيب مش حتقدر تدخل المريضه في الجهاز
: لحضه اني عندي الحل اجريت مكالمه عالسريع وجي اللي كلمته وكان راجل نعرفه يشتغل في ورشة جاب اله قص الحديد وقص القضيب من فوق الجسم بحيث نقدرو اندخلوها لجهاز التصوير وتبين انه كل الاعضاء سليمه بس كان فيه شعره بس علي اصابه الظهر بهذا كانت عمليه تحويل القضيب صعبه بس في الاخر نجحت الحمد لله.
.
.
.
.
.
.
روحت من المستشفى وني انعيط من التعب ورقدت بعده اليوم كله ومشيت اليوم اللي بعده للمستشفى فى العشيه وني قاعده انراجع في اوراق مريضه وسحر تهذرز عليا
: والله امس اتقول يوم قيامه من زحمه القسم والحالات اللي كل شوي تخش
سحر: اييه قسمنا داخل مش زي الطوارئ كل شوي حاله اتخش ربي يشفى كل مريض ويلطف بيهم
: امين
اتخش عليا نهى
نهى: الحقي الحقي يادكتوووره
انخلعت من دفاشتها ونحساب صار شي: خييرك شن فيه
نهى: د.شهاب
: خيره شن صارله
نهى: لاءا مصرلاش حاقه بس هو سالني عليك
: سألك عليا؟؟؟
نهى: اااا سالني عليك وعن عيلتك وحالتك الاجتماعيه
سحر: ياحنه وليش يسالك انت
سهي: ياغشيمه علشان انا بشتغل معاها فقال لنفسه اسالها هيا
: شن قلتيله انتي
نهى: قلتله اني ماعرفش عن عيلتها بس اعرف انها مش متزوجه او مخطوبه بس اوليلي انتي مرتبطه عشان هو سأل وماعرفتش ارد عليه بايه
: نهى تقدري تمشي تو بعدين انقوللك
نهى: حاضر ياستي
وقبل لاتطلع رفعتت يديها: الاهي يتمملكم على خير انتي وهوا يارب
وطلعت
قعدنت سحر اتنقز من الفرحه: ياهبله اتقول اني اللي سألو عليا مش انتي خيرك ديري لقطه
: صح فرحانه وبنطير بس خايفه نتأمل ياسر ويخيب املي زي المره اللي فاتت
سحر: وواااك خيرك اتفاولي واضح يبي يخطبك ليش يسال هكي اسأله امالا
: ان شاء الله يطلع كلامك صح
.
.
.
.
.
كنت انتبع في نهى وشفتها طلعت فرحانه من حجره هند وشكيت في شي: نهى تعالى
نهى: نعم دكتور عايز مني حاقه
: ايييه خيره دكتور شهاب شن يبي منك
نهى: وليش حاب تعرف
: نهى قولي ماتعصبيني ترا
نهى: لامقدرش اقول
: لو قلتيلي حنعزم على الغدي بكرا شنو رايك
نهى: فييي ايييه وهو انت عرفت منين نقطه ضعفي حاضر يسدي امري لله بس متقولش لحد ها
: تمام مش حنقول خيره شن يبي
نهى: سألني على هند بيني وبينك شكله عايز يتقدملها بس معرفش لو هي مرتبطه ولا لا كل ااالي اعرفه انها مش مخطوبه ولامتزوجه: من قالك مش مخطوبه
نهى: حقيقي هوا هند مخطوبه
مؤيد: ايه مخطوبه ليا
نهى رمقتني بنضره شك
: شنو مش مصدقه
نهى: مش كدا بس انتو مع بعض في نفس المستشفى ومابشوفكم مع بعض كتير وماسمعنا شي عليكم
: من فتره قصيره خطبنا وماقلناش لحد لعند تو يعني عالسكيتي
نهى: عشان كدا هيا مش حابه اتقولي شي
:وطبعا مكان شغل هوا ميجيش نقعدو مع بعض وها شوفي الصور بش تتأكدي
وريتها صوره ناقلها لجهازي من زمان لما صورنا في يوم خطوبتنا
نهى: اه والله فرحتلك الف الف مبروك ليكم لايقين اوي على بعض
: الله يبارك فيك ومش ناسي بكرا عالساعه ثنين نطلعو نتغدو
نهى: الله يخليك لينا يدكتور ويكمل عليكم فرحتكم
اسمعيني شن نبيك اديري.
.
مشيت عن نهى واني انفكر في العمله اللي درتها شن بتكون رده فعل هند
شوي يناديني د.شهاب
: تفضل دكتور
د.شهاب يفرك في يديه: اه شن بنقولك بما انك تكون ولد عم هند وانت الوحيد من اقاربها اللى نعرفك نبي نستشيرك في شي
: تفضل
د.شهاب: في الحقيقة نبي نتقدم لهند وحبيت نقولك الاول ونسالك عن عيلتها
د.شهاب: معليش يدكتور طلبك غير مجاب
شهاب: علاش
: لاننا مخطوبين
شهاب وباين عليه الصدمه: كييييف بس اني سالت عليها وقالول مش مخطوبه
: اه عندك الحق محد يعرف بخطبتنا لانه صارلنا ضروف ودرناها عالسكيتي
د.شهاب وسكت بعد الصدمه: لحضه بس
مشي لنهي اللي كانت خاطمه ونشبح فيه يكلم فيها وهي اتقوله في كل الكلام اللي قلتله ليها وهذا ولين تاكد وبان الياس علي محاياه
روحت للبيت ويجتاحني شعور غريب وقلق من ردت فعل هند وكيف حتفهم موقفي
.
.
.
.
.يتبع
أنت تقرأ
ما تخبئه لنا الأيام ( روايات ليبية )
Romanceرواية تحاكي كل العشاق الذين يكافحون من اجل حبهم وسط كل الاحدات المحبطة من حولهم ؟ فهل ينتصر حبهم ؟ و ما مصير علاقتهم ؟ 🔥🔥🔥
