فـــي بـــيـــت مــتـــعــب
متعب:كان جالس يطالع التفلزيون الساعة 2 من الليل طبعا يشوف رقص شرقي خليع والعياذبالله ((نسى ان رب العبارد ينزل في الثلث الاخير من الليل ))
خالد: قام عطشان تلمس ونزل من سريره ماحب انه يقوم اخوه عمر ولا امه علشان مايزعجهم طلع وهو يتلمس ويتحسس كل شي حوله سمع سمع صوت الغناء عرف ان ابوه موجود هز رأسه آسف على ابوه لانه أمل مربيته على الخوف من الله مشى وابعد شوي
متعب: كان ياكل مكسرات وناظر بخالد وماحاول انه يساعده ويساله ايش يبغى طنشه ولا على باله اصلا ماله خلقه
خالد: مشى بس مانتبه للطاوله الي قدامه شوي الا يطيح
امل: فزت من سريرها وكانت توها نايمه لان رهف ماخلتها تنام ويادوبها لسه نامت قامت بسرعه وفتحت الباب لقت حبيبها وفلذة كبدها يحاول يقوم ركضت له وضمته خالد حبيبي جاك شي
خالد: كانت تألمه رجله بس ماحب يضيق صدر أمه ابتسم لها قال لا ماما مافيني شي الحمد لله آسف أزعجتك وقومتك من نومك
امل: لا حبيبي لاتتاسف انت ليه قايم
خالد: عطشان ابغى اشرب مويه
امل: ليه ماصحيتني؟؟؟
خالد: رهوفه طول الليل تبكي مابغيت اتعبك اكثر
امل: ضمته قالت ياروح امك انت تعال اوديك لفراشك واجيب لك مويه
خالد: لا انا ابروح
امل: خلودي ان قالت ماما شي قلها سمي وابشري
خالد: سمي وابشري ماما
امل: خنقتها العبرة وضمته ياروح ماما انت ومسكته توديه لفراشه
خالد: كانت رجله تألمه بس حاول يتصبر لأنه يعرف ان أمه حنونة وتحبه وراح تتألم ان شافت رجله منجرحه
أمل: دخلت ولدها بفراشه وجت تبي تغطيه بس شافت رجله مجروحه ناظرته حبيبي خلودي رجلك فيها كدمه تألمك ياروحي
خالد: يبتسم لاماما ماتألمني
أمل: الشيخ خالد يكذب مو عادته
خالد: ندم إنه كذب لأنه مومتعود يكذب استغفرالله يارب وان شاءالله ربي بسامجني ماما انا موقصدي اكذب بس مابغاك يضيقك صدرك عارف حبك وحرصك علي مع غني متعبك بس متحملتني وخنقته العبرة
أمل: حزنت يوم لاحظت تأثره جلست جنبه وضمته قالت منو خادعك وقالك انك متعبني حبيبي انت بلسم على قلبي عمرك شفت البلسم يتعب
خالد: الله لايحرمني منك ياأحن قلب عرفته
أمل: تنهدت بحزن ولامنك ياضياء عني يالله حبيبي شويات ابقوم اجيب لك موية ومرهم ادهن فيها الكدمة
متعب: وهو عيونه على الحريم الي يتمايلن بشكل عاري وسافر قال ماتلاحظي انك دلعتيه بزياده عن حده
امل: ماتلاحظ انك مهمله بزاياده عن حدك (( اول مره ترد عليه ))
متعب:لف عليها بعصبيه مااهملته ولاشي بس انتي مفرطه بدلاله من بين اخوانه
امل: كيف ماأهملته وانت تشوفه قدامك يطيح ولا على بالك متعب متى راح تحن عليه متى راح تحس فيه متعب وربي لو انه ولد عدوك ماسويت فيه كذا
متعب: اقول تراك غثيتني خالد خالد احمد ربك اني متحملك وصابر عليك وحارم نفسي من الزين تراني راعي سفر واشوف الزين شوفي الحركات الرومانسيه والحلا ويأشر على الي المطربه في الدش
امل: ناظرته بحسرة قالت شوف للي حرم ربك عليك يامتعب وابعد عن ماحلله ربك لك وتأكد ان الشيطان يزينهن بعيونك وراحت وخلته
متعب: على الاقل لو اني متزوج من هالمزيونات كان على الاقل حسنت النسل مو زي نسلك الي يجيب الهم
امل: الله يهديك بس هذا احسن شي اقوله وراحت وخلته
خالد: كان يسمع كلام امه وابوه ويبكي لانه يعرف انه ابوه مو متقبله نهائي
امل: دخلت على ولدها وجلست جنبه وضمته وعطته الماء ودهنت رجله بس شافت دموعه الي يحاول يخفيها تنهدت وماناقشته قالت بقلبها الله يسخر لك ابوك ويسخره لنا يارب
***************************
فـــي حـــد يـــقـــة طـــلال
هجير: كانت تمسك طلال تمشيه شوي شوي
طلال: تحسنت حالته والحين يقدر يمشي بس احد يعضد له بيد
هجير: قربته من الطاولة قالت تمسك فيها طلال وحاول تمشي خطوتين بدون ماعضد لك
طلال: كانت نفسيته هالفترة زينه وكل شوي يقرب غصب عنه من هجير رد عليها اوك
هجير: ابتسمت وابعدت عنه متر
طلال: حاول يوقف بدون مايتمسك وخطى خطوتين ناحيتها ووصلها
هجير: حلوووووووووووووو يالله نحاول ثانيه
طلال: ابتسم يالله بس لاتبعدين مرة تراني ماشوف لاتنسين وابتسم قالها بدون يأس زي العادة
هجير: لاتخاف وابعدت متر ونص
طلال: مشى بس قبل مايوصلها التوت رجله وشوي يطيح
هجير: مسكته بس لانه رجال اقوى منها جرها وطاحو مع بعض
طلال: حس بالشي الناعم البارد الي طاح على وجهه
هجير: كانت ماسكه شعرها بشباصه بس طاحت الشباصه وطاح كل شعرها وغطاها وغطى وجه طلال
طلال: كان يظنه شيلة ناعمه بس عرف انه شعرها من ريحت عطر شعرها وملمسه الناعم
هجير: انتبهت لوضعهم وبسرعه قامت صح كانت طيحتهم نص دقيقة بس من الارتباك حست هجير انها ساعات حاولت تخفي ارتباكاهامسكت يد طلال قالت لاتكون تأملت ؟؟؟
طلال: قام جالس ومازال ماسك يدها قال تبغين الجد
هجير: بخوف ايوه
طلال: قربها شوي منه المتي هذا واشر على قلبه
هجير: استغربت من رده وسكتت
طلال: قربها اكثر وتلمس شعرها ومسكه وحطه على وجهه يشمه وهو كان يبتسم
هجير: زادت دقات قلبها
طلال: هجير لاتقصيه ابد اتمنى اشوف علشان امتع عيوني فيه يكلمها وهو مازال يحط شعرها على وجهه وخدوه
هجير: حمر وجهها بقوه بس قطع احراجها صوت تخاف منه
نوره: يؤؤؤ ايش هالرومانسيه كلها
طلال: ترك شعر هجير اهلين يمه
هجير: ارتبكت ووقفت وراحت تسلم على نورة
نورة: بدون نفس ابتسمت لها شاطرة ياهجير وتناظرها باستحقار
طلال: حاول يوقف قال ايوه انا اشهد انها شاطرة شوفي يمه الحمد لله تحسنت واقدر اوقف لحالي وامشي كم خطوة
نورة: التفتت على هجير برافو عليك هجير حللتي فلوسك وجلست بكل غرورفي كرسي الحديقة وحطت رجل على رجل دايم بنات الفقر مخلصين في شغلهم كويس فيهم صفات حلوة يفكون زنقات
هجير: تأثرت من كلامها زي ا لعاده نورة ترمي خناجرها وتغرزها بقلب المسكينه هجير قالت هجير على اذنكم ابروح اجهز العشاء وراحت
طلال: تلمس طريقه وجلس على الكرسي واضح انه منقهر قال يمه ماتلاحظي انك تقسين على هجير
نورة: لأنك معطيها اكبر من قدرها
طلال: لأنها ماقصرت معاي
نورة: ياسلام حلوة ماقصرت ضحكتني انا مازوجتها الا شارطة عليك تهتم فيك انتبه طلال بنت الفقر لاتلحس عقلك وراحت وخلته
