هشام وهجير وصلو بيت عفاف
هشام: ياليتك يابنتي تسمحين لي اروح للمسجد وانتي نامي عندهم
هجير: وهي حاضنة يده يبه ماراح انزل الا معاك
هشام : محتار وسكت ماقال شي
هجير: دقت الجرس وهشام ابعد عن الباب
عفاف:سلوى حبيتي روحي افتحي لهجير وابوها
سلوى:فتحت العين السحرية يمه ممومعقولة
عفاف: ايش فيك؟
سلوى: يمه تعالي شوفي يمكن اكون انا واهمة
عفاف: وبي انك فاضية طولو عند الباب وانتي تطلي
سلوى:دقايق يمه تعالي شوفي وتأكدي مو هذا الرجال الي شفناه بالمول
عفاف: فز قلبها وقربت للعدسة وشافت هشام نفسه هو معقولة ياسبحان الله نفسه الي اشغل تفكيرها شهر كامل نست نفسها انها تسمرت عند الشاشة وسلوى راحت لهم
سلوى:لبست عباتها وطلعت لهم ضمت هجير وفتحت الباب اتفضل ياعمي حيااك
هشام: منحرج من جرأة سلوى معاه بس مالامها لان جرأتها بدون قلة أدب ومتسترة بالكامل بس هو طبيعتة مايحتك بالحريم نزل راسه زاد فضلك
سلوى: افتحت لهم ملحق عبارة عن بوفيه صغير وغرفة وصالة صغيرةودورة مياه الله يكرمكم عاد استرو ماواجهتو مو مقداركم والود ودنا ندخلكم جو قلوبنا موبس ببيتنا بس عارفين ان عمي راح ينحرج
هشام: وهو منحرج حيل وصاد عنها الله يزيد فضلك يابنتي ووقفتكم ماراح انساها طول عمري الله يقدرني انا وهجير نردها لكم
سلوى: لاتردها ولاشي ياعمي هجير بحسبة أختي ماجابتها امي يالله اخليكم الحين ترتاحون وشويات ابجيب العشاء
هشام: لا ماله داعي تكلفون على عمركم احنا راح نتحمم وننام
سلوى: مافيه كلافه ولاشي عشانا وزودنا عليه نفرين على اذنكم
هشام: انبهر من اسلوبها وذوقها بالكلام وسرعة بديهتها لف على هجير ماشاءالله عليها صديقتك اسلوبها لبق
هجير: غمزت له يبه تراها متملكه على ولد عمها ومجنته بعد ههههههههههه
هشام: افا عليك يابنتي سلوى بحسبة بنتي واتمنى لها كل خير وزواج ملغيه من بالي طول عمري مافكر بحريم غير اني القى بنتي
هجير: ضمت يده الله لايحرمني منك يبه ماصدق كأني بحلم انه صار لي ابو وعائلة انتمي لها شوي الا يطق الباب هجير قامت تفتح
سلوى: شايلة العشاء بصينيه ومعاها أمها
عفاف: هلا وغلا بهجوره
هجير: طلعت تسلم عليها هلا خالتي اخيرا شفتك دايم سلوى تكلمني عنك بس ماحصل اشوفك
عفاف: بحنان وبرقة ايه والله حبيتك من كلام سلوى عنك بس ماتخيلتك كل هالحلا والجمال الله يحفظك صح مدحتك وصفتك لي بس الخيال غير والحقيقة برضو غير
هجير: استحت وحمرت اخدودها وانتي بعد الله يحفظك من يتوقع انك أم لسلوى فرق كبير هههههههههههههه
سلوى: قرصتها مع يدها يالدوبا اوريك ههههههههههه
من حيني قايلة لك أمي فرق عني من حبي لأبوي أخذت ضخامة جسمه مالت بس
عفاف: بنعومة سلوى حبيتي كم مرة أقولك احترمي أبوك يالله هجورتي اخرناك عن أبوك خوذي العشاء وتعشو ونامو
سلوى: لايفوتك ترا شغل أمي يعني جنان
هجير: وربي خجلانه منك مادري كيف أشكركم مهما شكرت ماوفيكم حقكم
عفاف: حبيتي وربي إنكم منورين البيت وبالعكس فرحتونا وربي
سلوى: يكفي أقول هجير بالارسميات وروحي لعمي تأخرتي عليه يالله يمه مشينا
هجير: شالت العشاء ةحطته على طاولة بالمطبخ الصغير
هشام: شاف الصحون قمة بالروعة وعليها عشاء مشكل محشي تبولة صنيتن نوعين وكانت طريقة التقديم روعة انبهر ايش كل هذا حرام عليهم يحرجونا كذا
هجير: ايه وربي ميته من الإحراج منهم
هشام: بسم الله واكل كم لقمة ماشاءالله فنانة شكل شغالتهم شاطرة
هجير: لايبه خالتي أم سلوى ماتحب الشغالات هي ماشاءالله عليها طباخه كنا بالعمل تفطرنا سلوى أكلات رووعه منها
هشام: بعدم مبالات الله يخليهم لبعض اجل وين أبو سلوى
هجير: بحزن أمها من زمان منفصلة عن أبوها حملت فيها وطلقها بعد ماجابتها ماجلست معاها كثير
هشام: قال بقلبه مالومه يمكنها دفشة زي بنتها ابتسم وسكت
هجير: ايش فيك يبه
هشام: لاحبيتي مافيني شي بس الحمد لله شبعت اليوم كان مجهد بالنسبة لي ويارب يجيني النوم لان المكان متغير علي انا ابنام بالصالة وانت بالغرفة ماقصرو معطينا فرش جديدات بعد
هجير: اقولك يبه حيل احرجونا
هشام: الله يقدرنا نرد ربع جمايلهم
هجير: بعد ماتعشت راحت بسابع نومة
هشام:ماقدر يجيه النوم يفكر بالي صار كأنه حلم طالع في هجير ابتسم بفرحة وراحة الحمد لله لك الشكر يارب أخيرا جمعتني ببنتي بعد فراق سنين الله يقدرني اعوضك عن تعبك وشقاك يابنتي آآآآآه بس شفتي كثيررر بحياتك وكنتي قريبة مني وانا ماعرف بس الله لايحرمني منها ويسعدها ويعوضها عن سنين الحرمان الي مرت فيها
بعد مرورو شهر على الاحداث
نورة طالبت هشام قضائيا بفلوسها باع اغلب حلاله وسددها راكان ينتظر تنهي عدة حنين علشان يتقدم لها رسمي وهي رافضة الفكرة انها تتزوج ثانية كرهت كل الرجال وذكرى ايامها مع تركي تداهمها بحلوة ومرها تحاول تكرهه ماقدرت تحس انه مهما حبها أي شخص ماراح يحبها مثل تركي لان راكان خاطبها لانه يبغى يناسب طلال ومن حبه لطلال بس تركي كان يحبها ويموت فيها صح تعرف ان الحب يجي بعد الزواج بس احساسها انه تركي ماراح احد يحبها زيه وماراح تحس بالأمان مع غيره.
هجير وهشام استاجرو بيت صغير وسكنو فيه وهشام يشتغل بشركة ثانية
طلال يحاول يتناسى هجير بس رجع حبها في قلبه اقوى
هجير تحاول تتنساه وكل ماقالها ابوها ابخليه يطلقك وتشوفين مستقبلك تتهرب لان جواتها مازالت تحبه وتموت فيه بس جارحها حيل وهو ماحاول يعتذر لها ولايصلح الي انسكر ماتعرف ان طلال متاكد انها ماراح تسامحه علشان كذا ماراح لها وعارف ان مشاكل كثيرة وحواجز صارت بينهم خصوصا مافيه شي يثبت لأمه برائة هجير يعني راح تكبر المسائل اكثر وتتصعب حياتهم خصوصا بعد مارصارت بنت هشام الي صار الحين أكبر عدو لأمه وان رجع هجير بجون اثبات برائتها يعرف ان امه راح تجرجرها بالمحاكم تنقم منها ومن ابوها فكر ان بعده عنها ارحم من قربه لها بس موقادر يطلقها
رنا: تحاول تتقرب لطلال بكل وسائلها
روان: تموت بشي اسمه تركي بس تركي رافض فكرة أي بنت تدخل بحياته حتى بعد ماعرف وتأكد ان راكان يبغى حنين واضغطت عليه اخته يتزوج اريام بس هورافض يتزوج قال مابغى اظلم بنت معاي لان القلب مايسكنه غير حنين
في اجتماع اهل ابو طلال
راكان: دخل يسلم على جدته وعماته
نورة: مانزل لها راكان من زورماعجبها شكله ولاماله زي تركي ردت السلام من طرف خشمها وهي متصنفة عنه ماتغطت عنه اصلا
حنين: تغطت وحست بالاحراج من دخوله وتبغى ماقدرت ترفع عيونها تطالع شبح تركي يداهمها تمنت انها ماعرفت تركي بيوم ماتبغى تحب وتقنع نفسها براكان
ريم : اخت راكان تكره حنين مثل امها وماقتنعت برغبته بخطبة حنين اهلين ركوني وقامت وباسته بدلع
الجدة: ماتزوجت الله يهداك الى هالحين
فاطمة: اخته الكبيرة عجزنا عنه مصمم على وحدة بباله وهالوحدة ماتليق فيه
نورة: بغرور ليه ماتليق فيه
فاطمة: لانه مزيون وطموح وكل زين فيه وهو مصمم على وحدة ماودي أكمل
راكان: خاف تطول المسألة لأنه مايقدر يزعل أخته ولايبغى حنين وأمها تزعل وهو يتمناها توافق عليه طلع وخلاهم
حنين: قامت متضايقة تتمشى
نهى: ايش في الحلو سرحان
حنين: ومعاها زهرة تقطعها ابتسمت بضيق لامافيش
نهى: حبيتي لايكون كلامهم ضايق حريم فاضيات
حنين: ليه يضايقني ماقولو شي غلط ولد طموح زي راكان ايش يبغى بمطلقة زيي واصلا انا لسه عدتي ماخلصت يعني المفروض مايتكلمون لاهو ولا اهله بوحدة لساتها بذمة زوج حتى تنهي عدتها
نهى: ياشيخة خواته شايفات فيه شوفه والا اخوهم مادله الزين قصير ودوب وموزين بعد
حنين: استغفري ربك نهى عمر زين الرجل ماكان مقياس لرجولته راكان طيب وخلوق ومايعيبه شي
نهى: عيبه انه شخصيته ضعيفة وخواته يتامرون فيه مافيه طيبة منهم الاهدى الله يسعدها مع زوجها
حنين: لانه طيوب مايحب يزعلهم وتعرفي فاطمة وحصة اكبر منه
نهى: بس ريم اصغر منه
حنين: دلوعته ويحب يدلعها اختها لاتلومينه
نهى: وقفت بعصبيه حنين اسمحي لي تعيشين بكل هالطيبه راح تندمين الحين حياتنا حياة غابة الطيب فيها ينوكل
حنين: عمر الطيبة ماكانت عيب نهى
نهى: بزاماننا اكبر عيب راحت وخلتها
حنين: بحزن ليه كلهم يلومني معقوله هم غلط وانا صح أكيد إني على غلط بس ماقدر أغير طبعي ماقدر
*************************
في المدرسة
عفاف: تفسخ عباتها في المدرسة وتحط كحل ومسكرة
فاطمة: أوف ايش هالكشخه كلها عفاف ماشاءالله كل يوم شكل أنتي متنقعه بالاناقه لابعد حد
عفاف: ههههههههه فديتك بس مشكورة ياقلبي
فاطمة: تسندت على المغلسة وهي تناظر بعفاف والله حرام كل هالاناقة والنعومة تروح سراب
عفاف: ابتسمت ليه سراب
فاطمة: يعني بدون زواج
عفاف: انا اتزين لاني احب اتزين بس زواج مافكرت فيه
فاطمة: الحين سلوى تملكت وانتي موراضيه ترجعين لزوجك الي المسكين تشققت رجوله كثر مايجي لك ويقنعك تتزوجينه واخوي بعد موراضية فيه امممم ايش رايك بابو هجير؟؟؟؟
عفاف: انجنيتي لابو هجير ولاغيره فكينا ترا سلوى ذابحتني بالسالفة هذي
فاطمة: مالومها من جد ليه انتي موراضية خلاص اول تخافي على عفاف ياخذها ابوها منك والحين ايش عذرك ؟؟؟؟
عفاف: دخلت الكحل وسط شنطتها عذري اني كرهت الزواج وكرهت أي رجال
فاطمة: قربت منها صدقيني اخوانك ماراح يخلونك تسكنين لحالك ويالله عاد روحي عند ذلة حريم اخوانك ومنتهم عليك بعد ماكنتي معززة مكرمة
عفاف: سكتت لان فعلا كلام فاطمة مقنع ماتبغى احد يمن عليها بعد عزتها وكرامتها وحريم اخوانها كل وحدة طباعها اشين من الثانية ردت بس حرام عليك لو اتزوج اتزوج رجال عادي مو ابو هجير
فاطمة: خافي ربك عفاف ايش فيه الرجال فيه عيب وانتي مخبيه علي
عفاف: لالا محشوم وربي وماشفت عليه شي بالعكس رجال يطلع ويدخل بدون مانحس فيه بس
فاطمة: بس ايش
عفاف: عيبه مزيون
فاطمة: ههههههههههه هذا عيب يالخبلة هذي صفة زينة واي وحدة تتمناها بزوجها يجمع ربي له زين اخلاق وزين خلق
عفاف: بضيق صفة زينه لغيري بس انا لا الحين ابو سلوى مامليت عينه وكرهني من اول ليلة لاني مو زينه وهو اصلا موحلو كيف مزيون زي ابو هجير يابنت الحلال عمري مالفت نظري رجال وماحرك فيني شعره بس شفته بالسوق ذاك اليوم وهيبته ورزته وهو يدافع عني صورته ماغابت عن بالي وكل ماتخيله استغفر واتعوذ من ابليس
فاطمة: ياعيني على العشاق بس مو هين ابو هجير الي سرق قلب عفوفه الي حيرت الخطاب
عفاف: قرصت فاطمة بنعومة صدق ماتستحين
