هجير: اوعديني الكلام الي اقوله لك ماتعلمين فيه احد ابد مهما صار
ام سارة: اوعدك ووعد الحر دين عليه
هجير: نزلت راسها وقالت بحزن يمه انا يوم انهار رجعت لي الذاكرة
ام سارة: فرحت وحزنت فرحت لان هجير رجعت لها الذاكرة وحزنت خافت انها تذكرت اهلها وراح ترجع لهم
هجير: حكت لام سارة كل شي بس ماقالت ان طلال هو زوجها
ام سارة :سكتت وماردت وتغير وجهها
هجير: بعدت عن حضن ام سارة قالت عارفه انك كرهتيني لاني موبنت شرعيه وانا ماراح اضايقك ياخالة وخنقتها العبرة انا راح اطلع ماراح اجبرك على شي اهلي الي ربوني تخلو عني زوجي الي وقفت معاه وحبيته من قلبي تخلى عني كيف الومك وانا جلست معاك سنة بس ونزلت دموعها ومسحتها بسرعة ماتبغى ام سارة تجلسها بس مجاملة ورحمة ماقصرت معها سنة كاملة
ام سارة: سارة
هجير/ لبيه
ام سارة: ماراح اناديك الا سارة وماسمح لك تناديني خاله انا امك وراح اظل امك انتي بنتي الي ماحملتها ببطني ربي عوضني فيك ماتتخلي فرحتي انك ماراح تخليني اول ماقلت لي رجعت لي الذاكرة خفت انك راح ترجعي لاهلك بس الحين ضمنت جلوسك معاي يابنتي انتي مليتي علي البيت وعوضني ربي فيك وحبيتك من قلبي وحنيت عليك من اول ماطاحت عيوني عليك
هجير: ضمت ام سارة وبكت من قلب الله لايحرمني يمه منك ربي عوضني فيك
**********************************
في بيت متعب
تركي: آخر ايام العزاء كان واقف يستقبل المعزين
متعب: خف شوي بس ظاهريا بس مازالت صورة خالد ماتفارق خياله ومتضايق ان تركي مادخل يشوف أمل امس واليوم بعد ماطلب يشوفها حس ان تركي زعلان من موقف أمل معاه
طلال: انا أستأذن وكلم على حنين علشان تطلع
تركي: مشكور يابو فهد ماقصرت
طلال: ناظره من فوق لتحت باستحقار وحقد قدر ابوخالد وام خالد عندي وعند اختي غالي
تركي: انصدم اكثر من كلام طلال تغير وجهه وطلع قبل طلال كلام طلال جرحه الكل يكرهه الكل حاقد عليه خسر الي حوله كلهم
طلال: كان يودع متعب ويسلم عليه
تركي: كان واصل حده من الضيق من أخته ومن حنين ومن طلال الكل كارهه ومايلومهم هو السبب مشى رايح لسيارته بس لمح زول وحدة عليها عباتها واقفه عند سيارة طلال عرف انها حنين بس مارفع عيونه لها ولاحتى كلمها زي عادته
حنين: شافته طالع من البيت ووواضح انه حزين وهموم الدنيا فوق راسه قالت احسن ليت السعادة ماتدل بابه .....
بس غصب عنها حزنت عليه بس تكابر طبعها رحوم مع الكل حتى الي يغلط عليها من اسمها حنين ماتعرف للقسوة باب قالت بعد مسوي زعلان ومارفع حتى عيونه لي بس لامت نفسها بعدين قالت مالومه حزن خالد اثرعلينا كلنا اجل كيف وهو خاله
تركي: كان يفتح سيارته وهو مازال مهموم وواصل حده بس سمع الصوت الي يعشقه وينسى دنيته ان سمعه
حنين: احسن الله عزاك وعظم الله اجرك
تركي: لف عليها وناظرها ثواني ونزل عيونه ولف لسيارته ورد بهدوء واجرك وجزاك الله كل خير ماقصرتي بوقفتك مع أمل
حنين: أمل اختي موكثير عليها
تركي: ماحب يطول لأنه مرة متضايق رد بهدوء الله يخليكم لبعض وحرك سيارته
حنين: ضاق صدرها تحس فيه شي محزنه غير خالد بس ايش دخلني فيه عمره ماانبسط
طلال: طلع وأخذ اخته وراحو
***************************
في المستشفى
طلال: بشرني يالدكتور عن حالة سارة
الدكتور: الحمد لله الحين احسن وتقدر تطلع بعد
طلال: ارتبك تطلع
الدكتور: ايوه الحمد لله الحين هي طيبة
طلال: طلع من الدكتور وهو يفكر اخاف تطلع وتستقيل وماترجع ثانية ايش اسوي صح سلوى مافيه غيرها هي المقربة لها وتقدر تتفاهم معاها
*****************************
في مكتب طلال
سلوى: طلبتني استاذ طلال
طلال: ايه تفضلي سكت شوي محتار كيف يبتدي معاها خاف تشك فيه ومن اهتمامه
سلوى: رفعت عيونها لطلال مستغربه من سكوته
طلال : انتبه لنفسه انه طول بسكوته تكلم اخيرا تعرفين ياستاذة سلوى اني ندمان من تصرفي مع سارة بس غصب عصبت لاني ماحب التلاعب بس بعد ماطاحت دورت مالقيت عليها أي شي وكل زملائها يمدحون فيها وحسين أخذ جزاه على وشايته فيها ابعدته عن منصبه وخليته موظف عادي انا ماحب الظلم ابد ولا التلاعب واتمنى ان سارة تنسى الي فات وتغفر زلتي وتجلس بعملها لان الكل يمدح باخلاصها بعملها
بس للاسف هي مصممه تترك العمل هي وقريبها عناد
سلوى: لاتلومها هي حساسة
طلال:تجرا و وانا مستخسر فيها ومستعد اعتذر لها ومتسغرب انك تقولي مو مخطوبة وتصرفات عناد معاها كأنه زوجها موبس خطيبها ((( نسى نفسه وتجرا يقول هالكلام )))
سلوى : لاحظت اهتماه الزايد وحبت تسحبه بالكلام الي عرفته من خالتي ام سارة احتمال يصير خطيبها قريبا ..........
طلال: رفع راسه وفتح عيونه بقوة بس انتبه لنفسه وتدارك عمره قال ببرود مصطنع الله يوفقهم بس اهم شي انك تحاولين تقنعينها ماتترك العمل والدكتور سمح لها تطلع وانا ابعطيها إجازة مفتوحة متى مابغت ترجع ترجع
سلوى: تبتسم تحت نقابها ماقصرت وانا أستأذنك الحين ابروح لها وإن شاءالله ماراح تترك العمل
طلال: بضيقة ان شاءالله طلعت سلوى بس غرست سكين غيرة بقلب طلال عناد راح يكون خطيب سارة قريبا سارة شبيهة هجير آآآآآآآآآآآه ياهجير ايش سويتي فيني شبحك يلاحقني بعلمي وحلمي اكرههك واحبك حاقد عليك واعشقك اتمنى انتقم منك واموت فيك حتى شبحك المتثمل بسارة عشقته وتعقلت فيه بسببك مسك راسه آآآآآآآآآآآآه متى انساك ياهجير متى !!!!!!!!!
******************
في بيت تركي
تركي: جالس في بيته وهموم الدنيا فوق راسه زرت أمل وجلست معاها وموطايقة تشوفوني يومين اتردد عليها اتمنى ادخل اضمها مشتاق لها بس ماحب اضايقها أكثر حتى حنين الى متى راح اعذبها معاي أخوها صمم اطلقها بس عمتي يوم هددتها بالاسهم اسحبها من حنين رفضت الطمع اعماها عن سعادة بنتها وانا حبي لي حنين يعميني عن تركها لازم اتركها واريحها مني شوي الا يتذكر كلام أمل لاااااااااا وتتركني ووتزوج غيري ماتصور حنين بين احضان رجال غيري مستحيل لطفك يارب ايش اسوي تعبت تعبت خسرت أمل وحنين منو باقي لي ...... ؟؟؟؟
سمع رنين الجرس استغرب منويجيني او يسأل عني معقولة صديقي أحمد ناظر الساعة أحمد الحين عند زوجته راح يشوف الباب استغرب من الانسانة الواقفة عند بابه
*******************
عند هجير
سلوى: منو قدك ياستي طلال مهتم فيك مرة
هجير: رفعت عيونها منصدمة فيني انا ؟!؟!؟
سلوى: تتكلم بشويش علشان ام سارة ماتنتبه لها وهي تصلي ايوه فيك انتي
هجير: ارتبكت وحاولت تمسك رعشت ايدينها انتي تتوهمي ايش جاب لجاب واصلا متى عرفني علشان يهتم فيني
سلوى: يمكن يوم شافك وسوى لك تنفس صناعي عشقك وغمزت لها بعينها
هجير: شهقت وحطت يدها على فمها قالت بكلمات متقطعة هو سوا لي ..........
سلوى: ايوه وابتسمت لها
هجير: لالا مومعقولة يعني شافني وقرب مني لامستحيل وتحجرت دموعها بعيونها
سلوى: ارتبكت وندمت بتسرعها خلاص يالمجنونة اسكتي لاتخرعين خالتي عليك اكذب عليك ماسوا لك شي ولاقرب منك حتى
هجير: تمسح دموعها وتحاول تهدى وتمسك يد سلوى طلبتك كلامك صحيح اولا
سلوى: تواعدني انك ماتهناري ولاتبكي وتفضحينا عند خالتي
هجير: تمسح دموعها ثانيه اوعدك
سلوى: ايوه كلامي قبل شوي صحيح هو الي سوا لك تنفس صناعي لانه خاف عليك
هجير: مسكت راسها وحاولت تتمساك وصارت تتحس شفايفها ياولي بس غمضت عيونها وراحت بعيد ..................
طلال: ماراح اقرب منك وابحرم نفسي منك حتى يرجع لي بصري حتى البوسة ابحرم نفسي منها حتى اشوفك واشوف عيونك واتمتع مع كل ثانية وانا قريب منك
هجير: فاقت من سرحانها بهزت سلوى لكتفها
سلوى: خافت عليها سارة حبيتي انتي معاي
هجير: فتحت عيونها وردت بحزن ابوه معاك
سلوى: ايش نظرت الحزن الي بعيونك كل هذا علشان طلال قرب منك
هجير: ابتسمت ابتسامة مصطنعه لا حبيتي ماعليك ابقوم اجهز شنطتي شوي وعناد راح يجي ياخذنا
سلوى: يؤؤؤ راح يولع طلال
هجير: بعصبيه وهو ايش دخله مو رماني ونساني
سلوى: استغربت رماك ونساك ؟؟؟
هجير: ارتبكت وتداركت كلمتها قصدي رماني بكلامه ونساني ايش دخله يغار بعدين ماله شغل فيني نهائي ان شاءالله اتزوج عناد زياد صالح عبدالمجيد هو ابش دخله فيني ؟!؟!؟
سلوى: استغربت عصبية هجيرردت عليها ماله دخل بس ارجوك لاتقدمي استقالتك وربي ماستغني انا عنك علشاني سارونة
هجير: حبيتي علشانك افدي لك عمري كله موبس اسحب استقالتي
عناد: طق الباب
سلوى: عدلت نقابها وباست هجير وراحت لام سارة وباستها مع راسها وطلعت بسرعة
هجير: عدلت عباتها وجت تشيل شنطتها
عناد: اسرع وشالها انتي ارتاحي لاتتعبي نفسك سارة يقولها بكل حنان
هجير: ليش ياقلب ماتحب عناد مع انه حنون علي بالمرة ليش متعلقة بالانسان القاسي الغدار الي رماك بدون رحمة ونساك يارب احبك ياعناد وانسى طلال وايامه
عناد: هاه سارة اروح اقدم استقالتك قبل نطلع
هجير:برسمية زايدة لسه ابفكر
عناد: بكل حنان براحتك والزم ماعلينا راحتك
هجير: الله يسلمك ماقصرت
طلال: كان يبي يدخل بس سمع كلامهم وحس برصاصات بقلبه انسحب بهدوء
ام سارة: يالله مشينا ياوليدي
عناد:كان مبسوط مرة لانه يطلع حبيبته من المستشفى مشتاق لها مووووت
هجير: طلعت تمشي وعناد قدامها وام سارة جنبها حست فيه عيون تراقبها ناظرت وتشوف طلال من بعيد متكي على باب مكتب من المكاتب ومكتف ايدينه ويناظرهم استغربت نظرة الحزن والغيرة والقهر الي بعيونه ركبت السيارة وهي سرحانة مو مع عناد وام سارة ماتعرف ايش يتكلمون فيه تقول ليش طلال مهتم فيني معقولة شاك اني هجير او بس زي أي رجل أي حرمة يشوفها يتعلق فيها
ام سارة: سارة يابنتي مارديتي علي
هجير: سمي يمه
ام سارة: الله يهيدك ساعة وانا اناديك انتي مويمي
هجير: آسفة يمه مانتبهت
أم سارة: عناد يقول تبان شي من البقالة
هجير: لا مشكور مابغى شي
عناد: وهو يطل من شباك السيارة ونظرات حنان وعشق بعيونه وباابتسامة صافيه لازم ماراح ارجع الا معي شي لك
هجير: صدت وهي متقززة من نظراته وجرأته ارجوك مابغى شي
عناد: حس بضيقها راح للبقالة جاب لام سارة عصير برتقال نادك وجاب اغراض وعطاها ام سارة تعطيها هجير
هجير: مامدت يدها نحوها وصلو للبيت نزلت وخلتها
عناد: سارة
هجير:رجعت ورفعت عيونها له بغيت شي
عناد: مد لها الكيس وابتسم لها بحنان اغراضك نسيتيها
هجير: بدون نفس اخذتها ومشت
عناد: استغرب من اسلوبها معاه بس برر انها مازالت نفسيتها تعبانه من هالغثيث طلال ركب سيارته وناظرها وهي تدخل للبيت تنهد بفرح الله يجمع بيني وبينك ياسارة متى يجي اليوم الي ترجع لك ذاكرتك واقنع اهلي واتزوجك الله يهديك يايمه الا تعرفين بنت منوعلى شان تخطبينها لي انا ماهمني هي مين ماهمني الا ان قلبي يحبها وبس
*****************
في بيت عفاف ((ام سلوى ))
سلوى: دخلت بيتهم ونادت امها يمه يمه
عفاف: سمي حبيتي
سلوى: تجلس بتعب يمه يارب ان الغداء جاهز
عفاف: ايه حبيتي بدلي وتحممي وانزلي بسرعه انتظرك على الطاولة
سلوى: راحت ركض وتحممت ولفت فوطتها على شعرها وجري بالدرج لانها ميته جوع
عفاف: بسم الله عليك بشويش هههههههه
سلوى: يمه اليوم كرفت كرف لاني اشتغل شغلي وشغل هجورة وطباخك مااقاومه ابدااا
عفاف: بالعافيه حبيتي ونامي شوي لان بالليل معزومين بالمزرعه
سلوى: حطت ملعقتها ااووووف تعرفين يمه ماحبها ولا اطيق اهلها
عفاف: بهدوء حبيتي تعرفي انهم اهل ابوك وحرام تكرهينهم وقالت بتردد وقريبا يكونون اهلك زوجك
سلوى: يمه خلاص تراك عيفتني غداي وحطت ملعقتها
عفاف: قامت من كرسيها ووقفت جنب بنتها وحطت يدها على كتفها حبيتي عارفه الكلام بزواجك من سالم يرفع ضغطك بس تعرفي ابوك مصصمم والولد مافيه عيب
سلوى: بعصبيه اكبر عيب انه ولد اخو ابوي الي ناسيني ابوي الي عذبك ورماك
عفاف: حبيتي استهدي بالله الي فات فات
سلوى: لامافات ليه انتي دايم طيبه
عفاف: حبيتي المسلم مايحمل بقلبه كره لاحد
سلوى: الا انا احمل اكبر كره لابوي واهله وراحت
عفاف: ماكلتي
سلوى:: التفت شبعت الحمد لله
عفاف: تنهدت بضيق الله يهديك بس يابنتي ليتني سكت حتى تكمل غداها
**********************
في بيت ام سارة
ام سارة: حبيتي روحي ارتاحي فوق والشغالة راح ترقي لك غداك
هجير: يمه ماشتهيت شي
ام سارة: حطت يدها على كتف هجير ان كان لي خاطر عندك تاكلين ونامي واستعدي لحنت عذيب ترانا مانعينها تجي معانا اليوم والاهي مصممه انها هي تطلعك بس مابغيناها تزعجك
هجير: بالعكس يمه تعرفين حبي لعذوب يمكن انسى همي شوي
ام سارة: ماحبت تناقشها بشي يمه سارة روحي فوق وتغدي ونامي ان كان لي خاطر عندك
هجير: خاطرك فوق راسي يمه باستها مع راسها ورقت فوق تحممت وجلست على سريرها تمشط شعرها الطويل الناعم حتى يجف بس كانت سرحانه .....
ليش انا عاملت عناد كذا ؟؟؟ مسكين هو يعاملني بكل حنيه وانا اقسى معاه حتى مو من الذوق الي سويته فيه مسكت راسها وخللت اصابعها بين شعرها المبلول بس انا مو متقبله حبه لي انا انصدمت مرتين مرة من عبدالله ومرة من طلال ماصرت اثق بالرجال وغدرهم احس كرهتهم تسندت على السرير بس انا اكره طلال او مازالت احبه لالا اكرهه طلقني بكل سهوله وماكرهه الا ماطيقه عضت على شفايفها وناظرت فوق وتحجرت دموعها بعيونها بس ليش يوم اشوفه ينقلب وضعي ليش ان سمعت صوته يدق قلبي بقوه ليش احس اني مشتاقه له موووووت ااااااااه بس محتاره وربي محتاره اتمنى ان عناد يخطبني واوافق عليه علشان انسى طلال وايام طلال انا لازم استقيل مستحيل اقابله وارجع احن له خلاص راح استقيل
***************************
